رواية قلب يشفى الفصل الرابع عشر 14 - بقلم منة عاطف

عمر: بصراحة كده أدركت إني بحب بنت تانية. ملك باستغراب: طب ما تخطبها. عمر: للأسف حاسس إنها ممكن متكونش بتحبني. ملك: اتقدم ولو في نصيب هيحصل كل خير، عمتاً انت تقدم وشوف مش يمكن بتحبك. عمر: بس انتي مش زعلانة؟ ملك باستغراب: أزعل ليه؟ عمر: أنا كنت فاكر إنك بتحبيني. ملك: ااااه، بص هي مشاعر أنا مشوشة، وبعدين أنا واحدة تعبانة، جاي تقولي مشاعر وبتاع، يا عم هو ده وقته. عمر: تصدقي إني غلطان إني بتكلم معاكي أصلاً.

ملك: ريحت يا خويا، سيبني عايزة أنام دلوقتي. عمر: تنامي إيه يا أختي، ده أنا عرفت إنك كنتي بتنامي الـ 28 ساعة في الـ 24 في المستشفى. ملك: والله ماشي يا عمر يا كلب. عمر: عارف يا ضنايا. ملك: أيوه عارف. عمر: لا مش عارف. ملك: البت لو رفضتك يبقى من حقها، عارف ولو وافقت أنا هخليها ترفض. عمر: عارفة يا بت انتي، انتي مش لو مريضة ومتجبسة كان زمانك بتتجبسي دلوقتي. ملك: ها ها ها ها، عسل. عمر بغرور: عارف.

ملك: اطلع بره يلا، ونادت على نهاد. ملك: ماما يا ماما. نهاد قامت جري ودخلت الأوضة. نهاد: في إيه؟ ملك: علشان خاطري خدي البلوة دي، هيجيب ليا جلطة، خديه علشان خاطري. عمر: أنا ده أنا قمر، إيش فهمكوا انتوا. ملك: برررررررره. سابها وخرج، وهيا كانت حاسة إنه عادي، مش متوترة، قلبها مكنش بيدق. ملك: هو أنا مالي، قلبي مش بيدق ليه؟ مش بتوتر معاه في الكلام، مش ببقى فرحانة ليه؟ يمكن تخطيته، بس إزاي ده حب 7 سنين.

عند تميم اللي صحي من النوم ومسك موبايله. تميم: أرن ولا مرنش، أرن أو لا. وفضل على الحال ده شوية، لحد ما كتب رقمها ورن عليها. ملك سمعت صوت رنة موبايلها: هو الموبايل مش جرى له حاجة، طب كويس. وبصت على اسم المتصل لقيته د/ تميم. ملك باستغراب: د/ تميم. وردت عليه. تميم: ألو، آنسة ملك معايا. ملك وصوت دقات قلبها بتزداد ومش بترد. تميم: ألو، آنسة ملك. ملك بتوتر: ألو. تميم بابتسامة: ألف مليون سلامة عليكي يا ملك.

ملك وتوترها بدأ يعلى: الله يسلم حضرتك يا دكتور. تميم: بصراحة اتخضيت أول ما عرفت الخبر من يوسف أخويا. ملك: آآآه، الحمد لله عدت على خير. تميم: بما إنك اليومين دول مش هتقدري تيجي العيادة، فأنا بقترح عليكي إني أرن عليكي كل 3 أيام علشان الجلسة بتاعتك. ملك: طب حضرتك والفلوس هتاخدها إزاي؟

تميم وهو واقف في البلكونة: لا مش لازم، دي ببلاش، بصراحة كنت حابب برضه أتكلم معاكي، حاسس إننا ممكن نكون أصدقاء، وتشوفيلي عروسة حلوة كده شبهك كده وقمر. ملك بكسوف: ميرسي لكلام حضرتك. تميم: ممكن بلاش حضرتك دي. ملك: أمال أقول إيه؟ تميم: تميم. ملك: إزاي حضرتك، انت أكبر مني ولازم أحترمك. تميم: وانتي إيه عرفك إنك أصغر مني؟ انتي عندك كام سنة؟ ملك: 25. تميم: وأنا كمان. ملك بابتسامة: كنا دفعة واحدة.

تميم: أيوه، عمتاً أنا مضطر أقفل دلوقتي ونبدأ بكرة بإذن الله، هبعت ليكي الميعاد على الواتس. ملك: شكرًا. فصلت معاه. ملك رمت الموبايل جنبها: إيه ده، إيه العبث ده؟ ليه يا قلبي بتدق كده؟ اهدي، هو أنا لحقت أعمل موف أون من عمر علشان قلبي يعمل كده؟ عند تميم اللي جه يوسف من وراه لقي تميم عمال يلف في البلكونة وفرحان وعمال يضحك. يوسف باستغراب: مالك يا عم متغير؟ كنت من نصايه هتضربني علشان كنت نايم جنبك، دلوقتي إيه؟ فرحان؟

ناقص تنزل ترقص في الشارع. تميم بابتسامة: ياههههههه، لو ينفع كنت عملتها، لو ينفع كنت نزلت وزعت ورد في كل حتة. يوسف: إيه ده؟ مين ده؟ إيه اللي بتقوله ده؟ وراح مقرب من تميم وقاسس درجة الحرارة. تميم: بتعمل إيه يا ضنايا؟ يوسف: بتأكد بس إنك كويس. تميم: اسكت بقى. يوسف: مالك بقى؟ تميم: ملكش دعوة. يوسف: علشان خاطري احكيلي. تميم: لا برضه. يوسف: طب علشان خاطر ملك. تميم أول ما ذكر اسمها ابتسم وحط إيده على وشه.

يوسف: حاسس إني فهمت سيكة. تميم: اسكت يا ضنايا، هحكي دلوقتي. يوسف: احكي. تميم: أنا كلمت ملك من شوية وكنا بنتفق إني كل 3 أيام هكلمها علشان الجلسة وكده، وطبعاً أخدتها حجة علشان أسمع صوتها، يمكن ده يكفيني، بجد صوتها ده بيخليني أرجع للحياة تاني. يوسف: إيه العلاقة دي؟ يععععععععععع. تميم وهو بيزقه: امشي يا ضنايا. يوسف: منا ماشي أهو، بس أمك بتقولك العشا جاهز. تميم: خلاص، أنا اتعشيت.

يوسف: مش قولت دي علاقة ملزقة وبتاع، يععععع. وسابه وطلع يجري. تميم: يع يع، ملكوش دعوة، البت دي هتبقى حلالي، والله لاتجوزها وهبقى أعرفها كل حاجة، لازم اتجوزها، ولا هخطفها. يوسف دخل الصالة اتفاجأ بإن ريم قاعدة مع والدته حنان. حنان وهي بتبص ليوسف: دي جارتنا الجديدة يا يوسف، اسمها ريم. يوسف: تشرفنا يا آنسة ريم. ريم بتوتر: أنا أكتر.

حنان: هتبات معايا النهاردة لأن باباها مسافر أسيوط يومين، وهيا بتخاف تقعد لوحدها، فهتبات هنا. يوسف: تمام. وسابها وكان هيمشي. حنان: تعالي اقعد معانا. يوسف بص لحنان: بس هو مش... حنان: اسكت انت. وراح قاعد جنب حنان. بعد خمس دقايق. حنان: أنا هقوم أشوف تميم كده. يوسف: سيبه في حاله، عايش حالة حب مع نفسه كده. حنان: عقبالك يا خويا، وهيا بتبص لريم. يوسف: لا يا أمي، توبنا إلى الله.

حنان: أيوه أيوه، أجيب تميم هنا يحكي، ولا بلاش، والله لهقعد. يوسف: هقوم أنا. حنان: يوسف. يوسف: حاضر. وقعد. حنان: عارفة يا بت يا ريم. ريم: نعم يا طنط. حنان: الواد ده بيحب واحدة، حصل سوء تفاهم ومن ساعتها هو قارفنا، بقي حبيتها وجرحتني ويعيط بقي، ده حتى تميم زهق منه، كنا عايزين نزوجه بس هو مش راضي، ده واقع في حبها من الدور الـ 50. ريم بابتسامة: طب مادام هو بيحبها للدرجة دي، وانتي بتقولي حصل سوء تفاهم، مش اتكلم معاها ليه؟

وحاول يفهمه. حنان وهي بتقوم: حلوة بقي، انتوا مع بعض، هروح المطبخ وعيني عليكوا، والواد تميم كمان. يوسف: يا أمي، الموضوع مش كده خالص، وبعدين تميم عايش حالة حب. حنان: زي ما سمعت. وسابتهم ودخلت. ريم: يوسف. يوسف: نعم حضرتك، عايزة إيه؟ ريم بدموع: انت ليه مش حاولت تيجي تتكلم معايا؟ ليه مش حاولت إنك تيجي وتعاتبني؟ وبعدين انت مفروض زي ما طنط حنان حكتلي إنك بتحبني كده، ليه مش وثقت فيا؟ ليه؟

يوسف: طب أهدي طيب، ممكن مش تعيطي علشان خاطري. ريم بدموع: انت خليت فيها خاطر؟ أنا معملتش كده، أنا عمري ما حبيت غيرك، حتى الصور لما جيت أوضحهم ليك لقيتك سبت المنطقة، ومكانش معايا رقمك علشان أكلمك، أنا مش عملت كده، انت حتى مجتش تعاتبني تقولي ليه أخذت عني فكرة؟ وانت أصلاً متعرفنيش. وبدأ صوت عياطها يعلى. ريم: ليه؟ حاول؟

انت عارف أنا كاتمة في قلبي 10 سنين، 10 سنين وقلبي بيوجعني، 10 سنين وأنا بقول هييجي يوم وأنسى أو أحب غيرك، بس مش قدرت، انت عارف أنا شوفتك كذه مرة وكلمتك مرة واحدة بس، كنت حاسة إننا نعرف بعض من سنين، أنا كنت عايشة حالة ما يعلم بها إلا ربنا، وانت علشان شوية صور مفبركة تعمل كل ده؟ ربنا يسامحك يا شيخ، ربنا يسامحك. وجت تقوم وقعت، أغمي عليها. يوسف بقلق: ريم، اصحي. جت حنان ومعاها كوباية مايه.

يوسف بدموع: والله آسف، أنا مسامحك، والله مش زعلان، عارفة أنا آسف، فوقي بس وأنا هعمل ليكي كل حاجة أنا عايزها، يستي فوقي بقى، أنا بحبك من أكتر من 10 سنين، أنا بحبك من أيام إعدادي، صدقيني، حبي ليكي تكبر مما تتوقعي، بصي فوقي انتي بس وأنا هعمل كل حاجة انتي تقولي عليها. ريم وهي مغمضة عينيها: أي حاجة، أي حاجة. يوسف بعدم استيعاب: أيوه، أي حاجة، أي حاجة. وبعدها بدأ يستوعب. يوسف: هو، هو انتي كويسة؟ مش جرالك حاجة؟ صح؟

انتي بخير؟ يعني انتي وأمي متفقين عليا؟ حنان: معلش يا حبيبي، اهدي واستوعب. يوسف: هار أسوح، أنا فضحت نفسي. حنان: ما انت مفضوح من زمان، ما هيا عارفة كل ده يا موكوس، انت والموكوس رقم 2 عايشلي قصة كب مع التليفون. يوسف بتوتر: طب أعمل إيه طيب؟ عايزك أحضنك وخايف؟ طب حرام؟ طب أي حاجة؟ طب ماما ممكن تحضنيني بدالي؟ ريم بسعادة: انت قلت انت ممكن تعمل أي حاجة، أي حاجة. يوسف: بصي، هو مش وقته. واخد تليفونها، وأخد رقم باباها ورن عليه.

ريم بتوتر: انت بتعمل إيه طيب؟ فتح مالك المكالمة. مالك: ألو. يوسف: ألو يا عمي، أنا يوسف. ومالك وهو بيفصل معاه المكالمة وبيرد عليه من البلكونة التانية: عايز إيه يا حبيبي؟ يوسف: انتوا كلكم متفقين عليا؟ كلكم كده؟ مالك: أيوه، انت عايز إيه؟ يوسف: عمي لو سمحت، أنا عايز أكتب كتابي على الآنسة ريم. مالك: كتب كتاب؟ يوسف: حضرتك لسه هتفكر؟ أنا بقول أجيب المأذون دلوقتي. ريم: انت بتقول إيه؟ مش لما أوافق الأول. يوسف: فكري ترفضي كده.

مالك: يا ابني استهدي بالله كده. يوسف: ألو، مروان، هات مأذون وتعالى على بيتنا وهات ساهر معاكم. مروان: ليه؟ يوسف: مفيش وقت للتفسير، بسرعة، نصايه وهتبقى هنا. حنان: انت بتعمل إيه يا مجنون؟ خد بس رايحي. يوسف: رايح ألبس البدلة اللي كنت شاريها، ولا أقولك، هخلي تميم ينزل يشتري خواتم، بسرعة بسرعة كده. وجرى على تميم. يوسف: تميم، تميمممممم. تميم بعد ما شال السماعة من ودانه: في إيه يا يوسف؟

يوسف: مش وقتو خالص، روح هات خاتم ودبلة بسرعة. تميم: مين اللي هيخطب؟ يوسف: أنا هتجوز. تميم بصدمة: جواز؟ يوسف: مش وقتوووو. وبعد نص ساعة. المأذون: بارك الله لكما وبارك عليكما وجمع بينكما في خير. جرى يوسف على ريم يحضنها. المأذون: ربنا يبارك ليكم. وسابهم ونزل. وبدأت حنان تزغرط. ومالك فرحان هو وتميم اللي لسه مش مستوعب اللي حصل دلوقتي. مروان: مبارك يا عريس. ساهر: مبروك يا عم. يوسف: الله يبارك فيكم يا أخواتي. وسابوهم ومشيو.

حتى مالك وتميم ومالك سابوهم وخرجوا بره. قعد يوسف وفضل في حضن ريم فترة طويلة، محسوبش الوقت، لكنه كان في عالم تاني. خرج من حضنها. يوسف بفرحة والفرحة باينة في عينيه: ألف مليون مبروك يا أحلى وأجمل عروسة في الدنيا دي كلها، أنا آسف على كل البعد ده، أنا آسف لو كنت جرحتك في يوم وخلّيتك تنامي معيطة. ريم بدموع: أنا فرحانة أوي. قام يوسف وشالها وفضل يلف بيها. ونزلت من حضنه على دخول حنان. حنان: مبارك للعرسان، طبعاً لازم نعمل فرح.

وفي الوقت ده لازم حضرتك تبعد كده. يوسف: لا، مش أسمح، دي بقت مراتي وحلالي. عمو مالك. مالك: نعم. يوسف: ممكن المفتاح. مالك: ليه؟ يوسف: واحد ومراته. مالك: عندك حق، اتفضل. حنان: انت بتقول إيه؟ مالك: هيا مراته على سنة الله ورسوله، مقدرش أخليهم بعيد عن بعض. يوسف: شكراً يا عمي. وسابهم وخرج. مالك: هستأذن أنا أروح أبُات في فندق النهاردة. حنان: مع السلامة. مالك: سلام. تميم قعد على الكنبة بصدمة: يعني هو اتجوز وأنا لا؟

بقي عريس وأنا قاعد هنا؟ حنان: طلع بيفهم عنك. وسابته ودخلت. عند ملك ونهاد وسيف اللي سمعوا صوت تخبيط. سيف: خليكي انتي يا أمي وأنا هفتح. راح سيف يفتح الباب. ... سيف: ...