رواية قلب يشفى الفصل السادس 6 - بقلم منة عاطف

فاق تميم على صرخة يوسف. تميم: في إيه؟ وخرج ليجد يوسف مشغل ماتش كورة. تميم: أنت بتعمل إيه؟ يوسف بحماس: الأهلي بيلعب. تميم: تقوم تخضني الخضة دي. يوسف: معلش، سيبني بقي أسمع الماتش وبعدين نتخانق. تميم: يعني مش هتاكل؟ يوسف: مش لازم، أسمع الماتش ونبقى نشوف اللي يحصل بعدها. عند ملك. نهاد: ملك. خرجت ملك من أوضتها. ملك: نعم يا ماما. نهاد: انزلي هاتي الطلبات دي من تحت. ملك: حاضر. ودخلت تلبس وأخذت الفلوس ونزلت.

دخلت نهاد أوضة ملك وبدأت تشوف إيه في شنطتها. طلعت كل اللي فيها واكتشفت دوا وروشتة، وبدأت تقرأ اسم الدكتور: تميم محمد، طبيب أمراض نفسية وعصبية. نهاد بصدمة: إيه ده؟ بنتي مالها؟ وبدأت الدموع تنزل من عينيها. نهاد بدموع: بنتي أنا. سمعت صوت فتح الباب. راحت مرتبة كل حاجة مكانها وطلعت، لقت سيف هو اللي جه. نهاد: حمد الله على السلامة يا حبيبي. سيف: الله يسلمك. هيا ملك فين؟ نهاد: نزلت تجيب طلبات للبيت. سيف: في الوقت ده؟

نهاد: كنت عايزها تنزل علشان أشوف حاجة. سيف: في إيه يا أمي؟ نهاد والدموع بدأت تنزل من عينيها تاني: ملك بتروح لدكتور نفسي. سيف بصدمة: إيه؟ نهاد: زي ما بقولك كده. ولسه سيف هيرد. فتحت ملك الباب ودخلت. ملك: دي كل الطلبات. نهاد: تعالي اقعدي معانا. ملك: لا، عايزة أقعد في الأوضة. عندي شغل. سيف: طب كلي معايا طيب. ملك: لا مش هقدر صدقني. أكلت في الشغل وقت البريك. سيف: طيب ماشي. وسابتهم ودخلت. سيف: أنا هشوف طريقة يا أمي.

نهاد: علشان خاطري بسرعة. سيف: من عيوني. دخلت ملك الأوضة، فتحت الموبايل بدأت تتصفح الواتس وترد على صحابها. آلاء: ملك، هو أنتِ فاضية بكرة؟ ملك: آه، ليه؟ آلاء: تعالي اقعدي معايا شوية. ملك: حاضر. وفضلوا يتكلموا شوية. عند تميم. بعد ما خلص الماتش وأكل. تميم: يوسف، تعالي نتمشى سوي. يوسف: تمام. ونزلوا يتمشوا. يوسف: مالك؟ تميم بتنهيدة: مفيش، بس مخنوق شوية. يوسف: من إيه؟ تميم: مش عارف. يوسف: انسي. تميم: مش قادر.

يوسف: هي مش تعرف عنك حاجة؟ علشان عينك جت في عينها مرة واحدة حبتها. تميم: أنا مش عارف أنا حبتها ليه أو عشان إيه. أنا عمري ما نسيت ملامح وشها ولا عمري نسيت ابتسامتها اللي كانت كلها وجع. عارف أنا بقيت دكتور نفسي ليه؟ يوسف: ليه؟

تميم: عشانها هي. علشان أحاول أخفف الوجع عنها. عارف كنت حاسس إنها في يوم ممكن تيجي، بس مش بالسرعة دي. كنت بجهز نفسي للوقت ده. عارف أنا مش عارف كنا هنتقابل إزاي أو امتى، بس كنت حاطط أمل كبير في ربنا. أو في يوم من الأيام هشوفها وأتكلم معاها، يمكن اتغيرت عن زمان. ملامحها بهتانه، بس هحاول أخلي الضحكة ترجع تاني ليها. يوسف: ياه. أنا عمري ما كنت أعرف إنك رومانسي للدرجة دي. تميم: تصدق إني غلطان علشان حكيت ليك.

وبص للساعة، كانت وصلت 12. تميم: يلا علشان الوقت اتأخر. يوسف: يلا. وكملوا دردشة لغاية لما وصلوا البيت ودخل كل واحد على أوضته علشان ينام. تاني يوم الصبح. صحي تميم، أدى فرض الصبح وطلع بره. لقى والدته بتجهز الفطار. تميم: صباح الخير يا ست الكل. حنان: صباح النور يا عيون ست الكل. تميم: يوسف لسه مصحاش؟ حنان: لا، لسه. صحي صلى الفجر وقعد شوية ودخل ينام. تميم: تمام. عند ملك. اليوم كان إجازتها.

وصلت ليها رسالة من ريم علشان تعزمها على عيد ميلاده. ريم: ملك، أنا بعزمك علشان عيد ميلادي. هعمله يوم الجمعة اللي جاية وهعزم صحابنا اللي من ثانوي. أتمنى تحضري. ملك بحزن: كل سنة وأنتي طيبة. هحاول. قفلت ملك الموبايل وبدأت عينها تدمع وتفتكر الذكريات الحلوة معاها، وإن دي هيا ذكرياتها الحلوة. سعدت نهاد من قدام الباب وهي بتسمع صوت عياطها القوي اللي أول مرة تسمعه. نهاد: ملك، في حاجة يا حبيبتي؟

ملك وهي بتمسح دموعها: مفيش حاجة. أنا بخير. ده بس شوية صداع مش أكتر. نهاد: يا ملك، تعالي اقعدي معايا بره. ملك: لا، أنا مرتاحة في أوضتي. نهاد: أنتي بقالك أكتر من شهرين مش بتاكلي معانا في البيت. ملك: باكل في الشغل. نهاد: طب ريم عاملة إيه طيب؟ ملك: بخير الحمد لله. نهاد: طب تعالي افطري معانا. ملك: مش جاي ليا نفس. نهاد قامت وشدتها من إيدها. نهاد: يلا. قامت معاها ملك بهدوء علشان مش يحصل أي مشاكل.

خرجوا بره لقوا سيف قاعد بره. سيف: صباح الخير يا ملوكة. ملك: صباح النور عليك. ملك: هروح أجهز الفطار. نهاد: لا لا، خليكي. أنا هجهز. ملك باستغراب: تمام. وقعدت بره مع سيف. ملك: سيف. سيف بانتباه: في إيه يا ملك؟ عايزة تحكيلي حاجة؟ ملك: آلاء صحبتي عايزاني أروح ليها. أروح؟ سيف: طبعاً، روحي. ملك: تمام. سيف: هيا ريم عاملة إيه؟ ملك باستغراب: الحمد لله. في إيه؟ سيف بتوتر: ها، لا مفيش حاجة. بطمن بس. ملك: آه، طب كويس.

بعد فترة جهزت نهاد الأكل ونادتهم علشان ياكلوا. راحت ملك لغاية السفره وقعدت. نهاد: خدي البيض ده. ملك: مش بحب البيض. نهاد: طب بتحبي إيه؟ ملك: هاكل أي حاجة. سيف: طب قوليلي أنتِ بتحبي إيه وأنا هعمله. ملك: مش هتفرق، أهو كله أكل. وأكلت لقمتين. ملك: أنا شبعت. وقامت دخلت أوضتها. أخدت الدوا. وأخدت رقم الدكتور تميم وسجلته ودخلت الشات. ملك: دكتور تميم، السلام عليكم. أنا ملك. كنت حابة أعرف هو حضرتك فاضي تسمعني؟

بعد خمس دقايق وصل الرد. تميم: وعليكم السلام. ممكن على العصر، لأني مش فاضي دلوقتي. ملك: شكراً جداً لحضرتك. تميم: لا، مفيش أي مشاكل. براحتك. أنتِ مريضتي ولازم أكون معاكي. ملك: شكراً. وقفلت. دخل سيف عليها الأوضة. سيف: الح... ملك: يتبع.