رواية قلبه من حجر الفصل العاشر 10 - بقلم حبيبة محمد

دليلا بصت لداغر وعينها مليانة دموع ووقعت من ايده. داغر قلبه كان هيقف وكأن روحه كانت بتطلع منه. مسكها من ضهرها وفضل يحرك في وشها: د.. دليلا... ثم اكمل بدموع: دليلا... دليلا ردي عليا. بص للمتهم بحرقة وكان نفسه يقوم يموته بأيديه الاتنين، بس كان كل همه ساعتها انه ينقذ دليلا. شالها بين ايديه الاتنين وهو بيبص علي ملامح وشها بخوف. مراد أمر الكتيبه تعمل اللازم. وراح مع داغر المستشفى. مراد: متقلقش بإذن الله هتكون بخير.

داغر مسح على وشه بخوف وفضل رايح جاي يدعي ربنا. وأول ما الدكتورة خرجت. طلع يجري عليها بتوتر: دليلا.. دليلا كويسه؟ : دليلا كويسه جدا والرصاصه جت سطحيه يعني مأثرتش عليها بشكل كامل. داغر ابتسم لا إراديا كدا: طب طب في ادويه أو أي حاجة المفروض تاخدها. _لا بس حاول على قد ما تقدر تراعيها وتغذيها كويس. داغر فرح أوي إنها كويسه: طب ينفع أشوفها؟

_اتفضل هي أصلاً بقالها كتير بتهلوس باسمك. بس هي دلوقتي بقت تحت تأثير البنج يعني هتكون نايمة مش هتقدر تكلمك. داغر دخلها. أول ما دخل ولقاها نايمة زي الملاك كدا نزل بركبته بمستوى السرير اللي هي نايمة عليه

ومسك ايدها الاتنين وباسهم: أنا آسف يا لي لي إني حطيتك في المهمة دي. وخوفك وتوترك الزايد قبل ما تدخلي المهمة كان مخليني زعلان وخايف عليكي يا لي لي. أنا ساعات بكذب نفسي وبقول إنّي مبحبكيش أو دا مجرد إعجاب لطفولتك وبرائتك مش أكتر. بس خوفي عليكي دا مش طبيعي. بدأت أقلق من نفسي لما كل يوم أغمض عيني أحلم بيكي. كل يوم لما أصحى وأشوفك ببتسم من جوايا. طريقة كلامك وحركاتك وعينيكي بيسحروني يا دليلا.

شخصيتك العنيدة القوية دي بتجنني وبتخليني أعشقك. لمس ملامح بهدوء: أنا عشقتك يا دليلا. عشقت كل حاجة فيكي وكل نظرة وكل خطوة إنتِ بتمشيها أنا عشقتها. أنا بقيت بحبك حب جنون. إنتِ دخلتي حياتي سحرتيني بجمالك وطريقتك وعنادك. دليلا فتحت عينها ببطء لقت داغر ماسك ايدها وقاعد جنبها. دليلا ابتسمت: انت كويس؟ داغر: أهم حاجة إنتِ كويسة يا روحي. دليلا قامت مصدومة وبعد كدا افتكرت إنها لسه قايمة من عملية: آآآه ااه.

داغر: براحة يا دليلا متقوميش دلوقتي لسه لما الدكتورة تقولك. دليلا بتوتر: انت قولتلي أنا يا روحي؟ داغر بحنية قام وباس راسها: آه يا حبيبتي أهم حاجة بس تقومي بالسلامة وأنا هعملك اللي إنتِ عايزاه. دليلا: هتطلقني يعني؟ داغر ساعتها بس اتصدم من الكلمة: معنى كدا إنها مش بتحبه زي ما هو بيحبها؟ دليلا: رد عليا يا داغر. داغر قام من جنبها وهو زعلان. وخرج برا. دليلا: هو أنا قولتله حاجة تزعله؟ أي التخلف دا! أكيد. يعني زعل؟

بس هو مبيحبنيش؟ هجبره يكمل معايا بالعافية مثلا؟ أكيد أنا وهو مش هنكمل بحب طرف واحد. لازم هو كمان يكون بيحبني زي ما أنا بحبه. لازم يعرف إنّي بعشقه. ويعرف إن حياتي من غيره متكملش. وفيها إيه لو حاولت معاه؟ وحاولت إنه يحبني؟ من النهارده لازم أشغل عقله وقلبه. أنا بحبه. أنا فعلاً طلعت بحبه. استحالة بكون بعمل كل دا وأكون مبحبهوش. إزاي الإنسان بيقدر يحب كدا؟ إزاي في شخص معين إنتِ لما بتشوفيه بتحبيه.

إزاي قلبك بينبض جامد لما بتلمحي الشخص اللي إنتِ بتحبيه كدا؟ دلوقتي بس صدقت إن كل دا صح! ومش مجرد أفلام ومسلسلات بس. فعلاً في ناس بتقدر تحب وتحلم وتبني حبها. داغر خرج من الأوضة زعلان جدا إنه فاكرها مش بتحبه زي ما هو بيحبها. وقلع نضارته بعصبية وخرج برا المكان كله. مراد جري وراه وهو مخضوض. : في إيه يا داغر؟ داغر فضل ساكت. مراد شده لقى عينيه مدمعة. : إيه يا عم في إيه بس انت مكنتش بدمع أصلاً دا أنا كنت بفتكر عيونك جافة.

داغر: مبتحبنيش. مبتحبنيش يا مراد. طبعاً ليها حق. ماهي لسه طفلة هتحب شحط؟ مراد: دليلا بتحبك يا داغر. داغر: كل يوم بتقولي طلقني. وتقولي إنها بتكرهني. وأنا زي العبيط مستني منها كلمة حلوة تقولهالي. مراد: بس نظراتها ليك متقولش كدا. داغر: نظراتها ليا هي اللي خلتني أحبها أصلاً. بس بس أفعالها مبتقولش كدا يا مراد. وأنا مينفعش أكمل مع دليلا حتى لو بحبها. مراد: استنى شوية عليها. داغر: أنا هطلقها. وهمشي في الإجراءات من النهارده.

روان: هو الحيوان دا مبيعدنيش ليه؟ هو ماله مغرور في نفسه كدا ليه؟ _ما تستني عليه شوية في أي دا إنتِ لسه شايفاه. روان: معرفش أنا قلبي دا محتاج حد يشتمه. _بس بصراحة هو قمر. روان: مليش دعوة أنا عايزة أشوفه. _هتشوفيه متقلقيش. هو بيبعد ويتأخر بس بيشوفك برضو! روان: أنا معجبة بيه أوي. _وأنا أكتر. روان: ما تلمي نفسك يا سارة. **** جنه أجرت بيت جنب دليلا. وراحت لها البيت. ملقتهاش. ***

دليلا خلاص لبست ونزلت أخيرًا من غير الجبس اللي في رجلها. داغر برمش بعيونه ببطء مكنش متخيل إنها هتحلو كدا من غير الجبس. داغر بحده: ألف سلامة عليكي. دليلا بتحاول تخليه يحبها: الله يسلمك يا داغر. داغر باستغراب: مالك بتقوليلي يا داغر بطريقة حلوة كدا ليه؟ أول مرة تحصل! دليلا: عشان إنت تستاهل المعاملة الحلوة. داغر بعصبية مشاعره خلاص اتلخبطت مبقاش عارف يعمل إيه: دليلا كفايا كفايا كدا. أنا فعلاً تعبت.

خبط العربية جامد: إنتِ!! إنتِ مشاعرك تجاهي إيه؟ إنتِ عمالة تجيبيني وتوديني بمزاجك! بس أنا ليا مشاعر. قلبي مش حجر زي ما إنتِ بتقولي. دليلا اتصدمت من طريقة كلامه. : مشاعري تجاهك إيه؟ داغر: أيوه. إنتِ بتحبيني؟ ولّا بتكرهيني؟ على الأقل فهميني! إنتِ إيه من الاتنين دول! دليلا كبريائها غلب عليها زي كل مرة ومقدرتش تعترفله بحبها: أنا مش أي حاجة من دول. أنا بس عايزة تطلقني وتخلصني من الهم دا.

ركبت العربية وهي ندمانة على كل كلمة قالتها. وداغر فضل واقف برا. : و دلوقتي بس أكدتلي إنها فعلاً مبتحبنيش. وإن أنا بوهم نفسي على الفاضي. ركب العربية وساق بيها ومشوا. **** مراد وصل بيته لقي جنه واقفة قدام بيت دليلا. مراد طلع يجري قبل ما تشوفه. جنه اتبسطت أوي إنها لمحته: مرااااد مراااد استني. روان خرجت من السوبر ماركت لقت مراد اللي كانت هتموت وتشوفه بس لقت بنت معاه. وقفت وحطت ايدها في وسطها.

مراد مسح على وشه بعصبية: نعم يا جنه. جنه: مش هتسلم عليا؟ مراد ببرود: ازيك يا جنه. جنه: الاه! ماهي طالعة منك زي القمر أهو. مراد بحده: عايزة إيه يا جنه. جنه: مش عايزة. أقصد يعني عايزة أقولك إني أجرت بيت هنا. جنبكوا. مراد: نعمممممم؟ جنه: أحلى حاجة حصلت صح. مراد: لا طبعاً أوحش حاجة حصلت. إنتِ إيه اللي جابك. جنه: كدا يا مرموري. ماشي! مراد: يا إيه؟ جنه: مرموري. مراد: بت. ثم أكمل ببرود روحي بيتك يلا مش فاضي.

جنه مشيت بعصبية. ومراد لاحظ إن روان واقفاله. كان لسه هيطلع بس نزل تاني وراحلها مخصوص. جنه: الله الله الله ما إنت بتروح تتكلم أهو اومال مغرور كدا ليه. مراد: مش قولتلك قبل كدا تخلي بالك من نفسك ومتقفيش في الشارع لوحدك عشان جوزك بيخاف عليكي. قالها الجملة دي وطلع بيته. روان ابتسمت وكانت على وشك تموت من الكلمة. جنه: ماشيي! بقا دي اللي مخلياك متبصليش. داغر دخل البيت ودليلا وراه. دليلا: د..داغر. داغر طلع ومردش عليها.

دليلا: داغر انا بكلمك. داغر ببرود: عايزة إيه؟ دليلا طلعت ومسكت إيده. دليلا: أنا آسفة... ينفع متزعلش مني؟ داغر بص في عيونها الحلوين. بس للحظة برضه رجع للواقع ومقدرش يكمل في القصة الكدابة دي. داغر: مش زعلان منك... بس اللي إنتي بتعمليه دلوقتي خلاص مبقاش ينفع. وطلع وسابها. دليلا فضلت واقفة مكانها. ومركزة مع خطواته لحد ما دخل أوضته. الليل ليل... والوقت اتأخر. دليلا كانت قاعدة على الكرسي لوحدها مش لاقية حاجة تعملها.

وكان داغر برا البيت. دليلا: إيه الإزاز دي؟ كل دي إزاز؟ كل دي. فتحت الإزازة تشمها: يعععع إيه الريحة دي؟ باب البيت اتفتح وحد دخل البيت. دليلا رمت الإزازة من إيدها بخضة.