رواية قلبه من حجر الفصل الأول 1 - بقلم حبيبة محمد

امسحي كويس مش عايز أشوف رملاية واحدة على الأرض.. انتي سامعة... _في إيه هو أنت اشتريتني مش عشان كتبنا عقد أنا وأنت تعمل فيا كده وتتحكم فيا؟ _اديكي قولتي كتبنا عقد يعني متقدرش تلغي العقد بعد سنتين... _ده اللي بتعمله فيا ده حرام وظلم أنا اتبهدلت كتير أوي في حياتي وأنت جاي تكمل عليا؟ أنا عندي ١٦ سنة أنت فاهم يعني إيه يعني ١ ثانوي يعني لسه خارجة من إعدادي يعني مش كبيرة أوي لدرجة إنك تبهدلني البهدلة دي.

داغر بحده: وكان مخك فين يوم ما كتبتي العقد يا دليلا... دليلا بصت في الأرض وعلامات الحزن باينة على وشها: كان مخي في بيتي..وبيت عيلتي اللي أنا عمري ما هستغنى عنه لو هموت... داغر بتحدي: يبقى تعملي اللي عملتيه من الأول وتكملي تنضيف البيت... مشي وهو حاطط إيده في جيبه ولا بيعبرها. دليلا: حيوان هتخيل إيه من واحد معندوش دم زيك... داغر بصوت عالي: كفايا برطمة ونضفي كويس عايز الشقة دي تبرق... دليلا بصويت: اسكت بقى صوتك بيعصبني.

داغر بغرور: نعم؟ مسمعتش؟ دليلا بخوف: مفيش ينفع تمشي عشان أخلص.... داغر خرج ومسك كتاب وقعد على الكرسي حاطت رجل على رجل.... دليلا خرجت بعد وقت كانت مبهدلة خالص وشعرها الكيرلي منكوش خالص وشكلها طفولي وبتمسح إيديها في البيجامة. داغر: خلصتي؟ دليلا بقرف: خلصت. داغر: خشي استحمي بقى عشان شكلك يقرف... دليلا: ما تحترم نفسك. وبعدين البهدلة دي أنت اللي بهدلتهالي.. داغر بحده: متعليش صوتك عليا أنتِ عارفة بيكون إيه عقابك....

دليلا بتحدي: وإيه عقابي بقى يا سيادة المقدم؟ داغر بيرفع حواجبه وبيخوفها: ما بلاش... دليلا خافت منه وجابت ورا: ط..طب يلا بقى أوعى من قدامي. داغر: جرا إيه أنتِ توهتي ولا إيه أوضتك فوق مش هنا يا سيادة الطفلة... دليلا كانت طالعة بتدبدب في الأرض من كتر العصبية وهو واقف مربع إيديه بيبص عليها بتحدي. وغرور....... الباب خبط...

وفي نفس الوقت نزلت دليلا من على السلم مسرحة. شعرها خدودها شبهه الفراولة وشها أبيض منور خالص بؤها أحمر زي التفاح.... ومنزلة خصلة من شعرها كانت لابسة شورت أبيض وتيشرت أبيض وصندل أسود صغنن.... وكانت نازلة تجري عشان تفتح... داغر كان واقف مبهور بجمالها بس حاول يبين إنه مش مهتم: اا... راحة فين.. دليلا: في إيه راحة أفتح الباب ما أنت طول عمرك بتندهني أفتح الباب... ولو مردتش بتزعق.. داغر بحده وغيره: هتخرجي تفتحي بالمنظر ده؟

دليلا: طب ما أنا قاعدة معاك بالمنظر ده. داغر: أنتِ... مراتي... مراتي... افهمي بقى. دليلا اتعصبت وطلعت أوضتها. والباب عمال يخبط والبرا مبيسكتش... داغر: طيب.. طيب جاي.. راح فتح الباب وهو متعصب. داغر بعصبية: في إيه يا مراد.. كل ده رن... مراد دخل وهو بيحرك إيديه يمين وشمال بعصبية في وش داغر: طب ما أنت اللي مبتفتحش طول الوقت.... داغر بهدوء: ادخل يا مراد متعصبنيش عليك على بليل...

مراد قعد ومستني داغر يتكلم بس داغر قاعد ساكت خالص.. وشبهه سرحان... مراد بيحرك إيده قدام داغر: شش فوق في إيه... داغر بتوهان: ها؟ مراد: ها؟ ده أنت تايه. داغر: يعم اتهد قول عايز إيه. مراد: إيه خلاك تاخد إجازة.. داغر: أنا مخدتش إجازة هما اللي خلوني آخد إجازة... مراد: نعم؟ ليه إن شاء الله دول أول مرة يعملوها... داغر: عشان اتجوزت... مراد: إيه؟ اتجوزت؟ امتى يا ابني ومعزمتنيش ده أنا صاحب طفولتك؟

داغر: اسكت كل حاجة حصلت بسرعة.... مراد: احكي.. داغر: أنت عارف إن الشهر الجاي في عملية هنعملها وهنقبض على أكبر بتوع أعضاء.... مراد: عارف؟ داغر: كان لازم يكون في بنت صغيرة أو في سن صغير شوية عشان تروح لهم المكان وهما طبعًا هيخطفوها واحنا هنكون معاها ثانية بثانية محدش هيقدر يأذيها عشان نعرف نثبت عليهم التهمة كان لازم البنت دي تبقى موجودة.... مراد: أيوه مين البنت؟ داغر بتوتر: م.. مراتي... مراد: نعم!

اتجوزت مخصوص عشان المهمة تنجح وبتظلم البنت معاك؟ داغر: والمشكلة إنها صغيرة مش عارف اتعامل معاها أبداً.... كل لما أكلمها بتعصب عليها عشان طفلة وبتوجع دماغي.... مراد: حرام عليك يا داغر.. داغر: اسكت حرام إيه دي تشل... مراد: طب وهي إيه الجبرها تتجوزك وافقت ليه؟

داغر: عشان أنا خليتها تمضيلي بالبيت بتاعها باسمي بالعافية ومن كتر خوفها كتبته فعلاً وبعد ما كتبته قولتلها عايزة بيتك تتجوزيني والبيت ده بيت أهلها اللي ماتوا وهي محتفظة بيه وبتحبه جداً وفعلاً اتجوزتني وبرضو مدتهاش البيت. مراد: متجوز طفلة وفوق كل ده مبهدلها..... يا شيخ اتقي ربنا. داغر: أنا سامع صوت في الجنينة... داغر قام فتح وملقاش حد قفل الباب تاني... دليلا افتكرت مراد خرج من صوت الباب ونزلت. دليلا بطفولة: ها...

صاحبك مش.. كانت لسه هتكمل... لقت مراد قاعد في وشها... داغر اتعصب عليها ووشه احمر من العصبية... داغر طلع شدها من إيدها وكان طالع على السلم بسرعة وشاددها وراه وهي عمالة تعيط من خوفها منه.... دخلها أوضتها ورماها على الأرض............. دليلا: ا.. أنت بتعمل كده ليه ثم أكملت بصويت لييييييه؟ داغر بعصبية وغيره: متعليش صوتك عليا قولتلك.... دليلا: انطق أنت... عايز... وبتقطع في كلامها من كتر خوفها..... مني إيه....

داغر: متحاربيش نفسك يا دليلا. دليلا: بتشدني من إيدي ليههه. داغر بصوت عالي: نازلة قدام صاحب.. دليلا قاطعت كلامه: مكنتش أعرف... مكنتش أعرفففففف وبعدين أنت مالك أصلاً مالك بيا أنا حرة في اللي بعمله.. حرة في لبسي و في شكلي و في كل حاجة بعملها. داغر: لا لا لا أنتِ هبلت منك خالص.... ثم أكمل بصوت خافت مخيف: لبسك وشكلك وخروجك وشغلي أنا حرة ده مبقاش موجود دلوقتي خلاص بحح انتهى ومبقاش فيه منه..

أنتِ بقيتي مراتي فاهمة مراتي...... دليلا: وأنا أصلاً معتبرش مراتك عشان أنا مبطيقكش ولا أنت بتطيقني أنا بكره كل تصرفاتك بكره حركاتك وشكلك وطريقة كلامك وتحكماتك وغرورك كل حاجة بكرهها فيك... داغر بحده: وهتكرهيني أكتر من دلوقتي.... خرج وقفل الباب عليها بالمفتاح....