رواية قلبه من حجر الفصل الثامن 8 - بقلم حبيبة محمد

لحد ما مسكت ايده. دليلا: ان.. انت فين يا داغر. داغر: نامي يا دليلا. دليلا بعصبية: هو انت بترد عليا الكلمة بكلمتها ليه. داغر: نامي يا دليلا، أنا جمبك متخافيش. طول ما أنا جمبك اطمني. دليلا اطمنت من كلامه وفضلت تتقلب لحد ما نامت. ***** في صباح يوم جديد. ........ روان: عايز حاجة يا بابا. : لا يا روان، خلي بالك من نفسك. روان كانت لسه هتمشي، لقت مراد جه. روان كانت فرحانة إنه جه. ووقفتله وكانت فاكرة إنه جايلها.

فاجأة دخل مكان تاني وشافها ومعبرهاش. روان بعصبية: بقا كدا. بتتقل عليا يعني. ماشي يا مراد. **** جنه: ماما، إحنا بقالنا أكتر من 3 ساعات في المواصلات، هو انتي عارفه بيتها. وفاء: طبعًا عارفاه. جنه: طب لما انتي عارفاه، مدوخانا ليه. وفاء: بت يا جنه. جنه: نعم يا ماما. وفاء: تقعدي هناك محترمة. جنه: محسساني إني طفلة، دا أنا عندي 18 سنة. وفاء: يختي، دي الأصغر منك متجوزة. جنه: دي مش حاجة حلوة على فكرة. ****

دليلا صحيت من النوم لقت نفسها في أوضة داغر. دليلا بصدمة: أنا... إيه اللي جابني هنا. وكانت لسه هتندهه على داغر. لقتُه نايم جمبها. دليلا بصوت عالي: دااااااااااغر. داغر قام مخضوض: إيه إيه. دليلا: انت قاصد تجيبني أوضتك. مودتنيش أوضتي ليه. لا وكمان نايم جمبي. داغر ببرود: منامش في أوضتي يعني. دليلا بعصبية: نام بس، كنت وديني أنا أوضتي. داغر قام وقف: على فكرة أنا تعبان أوي. دليلا بتحاول

تبين إنها مش خايفة عليه: أيوه يعني أعملك إيه. داغر: مطفحتش. مطفحتش يا دليلا. دليلا: على فكرة المفروض أروح المدرسة النهاردة بس اتأخرت خلاص. يعني أنا ورايا مذاكرتي ومش فضيالك. داغر: هنزل آكل الأكل اللي إنتي عملتيه امبارح. بصلها بقرف وهو خارج وقالها بصوت عالي: شعرك منكوش، لو بصيته لنفسك في المراية هتخافي من شكلك. بعد ما خرج. دليلا فضلت تلمس في شعرها عشان تشوفه وحش ولا لأ، وبعد كدا راحت للمراية زي ما قال. رجع

لها تاني وقالها بمعاكسة: حتى وهو منكوش في عيني زي القمر. ونزل تاني. دليلا بصت تاني للمراية وابتسمت. داغر بصوت عالي: دليلاااا. دليلا بخوف: في إيه، هو انت عايز تخضني وخلاص. داغر: المواعين مليانة للسقف. المفروض إني أنا اللي أغسلها. دليلا بعصبية: يعني مش كفايا إنك متجوزني بالعافية وواخد بيتي كمان بالعافية، وكمان بتخليني أشتغلِك. داغر ببرود: والله ده المفروض تعمليه. دليلا: مش من المفروض يا داغر. مش من المفروض أبداً.

داغر قعد على الكرسي وحاطت رجل على رجل: هو انتي فاكراني إني عشان بوديكي المدرسة وعشان بكلمك حلو أحياناً، يبقى أنا كدا مثلاً بحبك. لا يا ريحي نفسك، أنا بحب قدر وبس. ومش هحب غيرها. ولما أخلص المهمة هطردك من هنا. دليلا الدموع اتجمعت في عينها ووقفت متصلبة قدامه. وصوت من جواها فضل يتردد: المشكلة إني بصبر عليك عشان بيتي اللي فيه ريحة أهلي. بخليك تهيني وبسكت. بخليك تعيطني وبسكت. عشان محتاجة لبيتي.

عشان مقدرش فعلاً إني أستغنى عنه. حاولت أزعق. وأعلي صوتي. وحتى عملت لنفسي شخصية قوية قدامه. ووصلت بيا إني بقيت بعيط. عشان يتغير، أو على الأقل. عشان يسيبني في حالي. لاكن هو لا بيتغير ولا حتى بيسبني في حالي. أنا لسه لغاية دلوقتي قاعدة معاه ليه. أنا مكاني مش هنا. داغر بحده: هتفضلي ساكتة. شششش. حصلك إيه. دليلا مسحت دموعها وسكتت. أوعى عشان هغسل الأطباق. داغر استغرب من رد فعلها. ليه مزعقتش. أو معيطتش. أو على الأقل تتكلم.

اتحرك من مكانه وراح قعد على الكرسي. ودليلا مسكت الأطباق وبدأت تغسلها بإستسلام. ومع كل كلمة داغر قالها كانت دموعها بتنزل عليها من غير ما هو يشوفها. دليلا ببرود وغرور: اعمل حسابك عشان عمتو جاية. داغر بإستغراب: بتتكلمي كدا ليه. دليلا ببرود وهي بتغسل الطبق: بكلم إزاي. داغر مستغرب من برودها: دليلا، أنا مستغربك. دليلا بتحاول تكتم دموعها وقالتله ببرود وهي بتضحك: لأ ما أنا زي الفل أهو، في إيه. الجرس رن.

دليلا شدت مناديل ومسحت إيدها. وكانت هتخرج تفتح الباب. داغر بغيره: هوب هوب، راحة فين، استني هنا. دليلا ببرود: في إيه. داغر: سكت. دليلا: زي المرة اللي فاتت هتتخانق معايا. داغر: اصبري، هفتح أنا. داغر فتح الباب. مراد بإبتسامة: إيه يا عم، بتصل بيك وانت ولا هنا. دليلا كانت واقفة بعيد وخرجت بكسوف. مراد بصوت عالي: دليلا!! تعالي، واقفة بعيد ليه. داغر كان واقف غيران والنار هتطلع من عينيه.

دليلا وقفت مابينهم هما الاتنين مش باينة من الأرض. مراد: لا دا أنا أوطي أسلم عليكي بقا. دليلا ضحكت ضحكة جميلة كانت أول مرة تضحكها، داغر كان ملاحظ ضحكتها ومدقق فيها من كتر جمالها: مش للدرجة دي يا حضرة الظابط. مراد: آه، عايز أعرفك حاجة. داغر بغيره: ما خلاص بقا يا مراد، في إيه. دليلا بتحاول تغيظ داغر: قول يا مراد، كنت عايز تقول إيه. داغر بعصبية: هو أنا مش بتكلم. دليلا: في إيه، ما تسيب مراد يتكلم.

داغر بحده: اطلعي ذاكري يا دليلا. دليلا بصتله بقرف وطلعت بتدبدب على السلم. داغر: اقعد يا مراد. مراد: العميد بيقولك إن المهمة هتبدأ بكرة الصبح. داغر: وأنا جاهز. مراد: دليلا هتدخل في المهمة. داغر غير رأيه: آه هدخلها. مراد: مش انت قلت قبل كدا إنك مش هتدخلها. داغر في سره:

مش عاوز أعلق نفسي بيها على الفاضي. دليلا بنت صغيرة ولسه هتعيش حياتها. مليش حق إني أخاف عليها. أو حتى أغار عليها. دليلا هتدخل المهمة وتأدي وظيفتها وتمشي زي أي واحدة دخلت حياتي قبليها ومشيت. مراد: شايفك ساكت. داغر بحده: غيرت رأي يا مراد، هي هتدخل المهمة. قام وقف: الموضوع انتهى. مراد: طب مالك على أعصابك كدا ليه. اهدي يعم. داغر: أنا هادي أهو. مراد: طب أستأذن أنا بقا. داغر خرجه وبعد كدا قفل الباب. وطلع خبط على دليلا.

دليلا فتحتله الباب ودخلت قعدت على الكرسي والمكتب تاني. داغر دخل وقعد على الكرسي جمبها: دلي... قاطعته هي بحده: مش شايفني بذاكر. داغر: أذاكرلك. دليلا ببرود: بعرف أذاكر لنفسي. داغر قام وهي فضلت قاعدة على المكتب بتذاكر. لقته باسها من خدها: ذاكري كويس عشان تجيبي درجات حلوة. وخرج وقفل الباب. دليلا اتصدمت ولمست خدها بصدمة. وبعد كدا نقلت نفسها لأوضة داغر عشان تكلمه شوية بس ملقتهوش، كان تحت. وهنا كان الجرس رن.

دليلا فاقت من صدمتها على صوت جنه بنت عمتها. جنه بفرحة: دليلاااااااااا. دليلا حضنته بشوق: وحشتيني أوي يا جنه. جنه بمرح: بت فكك من جو وحشتيني دا. مين القمر اللي تحت. دليلا افتكرته وهو بيبوسها من خدها. جنه فضلت تخبط فيها: دليلااااا فوقي بقا بكلمك. على فكرة. دليلا: هيكون مين يعني. ثم أكملت بعصبية: المقرف اللي أنا اتجوزته. جنه: نعم. هو في إيه. دليلا نسيت إنها مش معرفاهم إنه متجوزها غصب عنها.

دليلا: اااه مفيش مفيش، تعالي معايا عشان أنزل أسلم على عمتو. ******* داغر: اتفضلي اقعدي. وفاء بابتسامة: حبيبي. داغر ابتسم: أعملك شاي. نسكافيه. قهوة. وفاء بمرح: لا يا حبيبي اقعد متتعبش نفسك. دليلا نزلت مع جنه. وافتكرت يوم ما عمتها طردتها من بيتها، فا قربت من عمتها بحزن وحضنتها. وفاء: وحشتينيي أوي يا لي لي. دليلا بصت لداغر عشان هي عارفة إن الدلع ده داغر اللي بيدلعها ليها. دليلا: وانتي كمان والله يا عمتو. *****

مراد: يعني مفيش حجز انهارده. : لا يا مراد باشا، الفندق اتملى ومفيش أوضة واحدة موجودة. مراد بهمس: هروح فين دلوقتي. : طب ما تروح بيتك. مراد: بيتي اتغرق كله ميه، ولو أعرف الحيوان اللي عمل كدا مين هنفخه. ...... مراد خرج من الفندق. وملقاش غير داغر اللي بات عنده. روان: اسكتي يبت يا إيمان، دا أنا مسكت خرطوم الماية ونزلته من تحت باب شقته، غرقتله شقته دي كلها مايه. ايمان: يا مجنونة. روان: يستاهل، عشان بيمشي من غير ما يعبرني.

ايمان: الاه! ويعبرك ليه أصلًا؟ روان سكتت. ايمان: أوعي يكون البالي بالك. روان أومأت برأسها بمعنى آه. ايمان: بتحبيه؟ روان: أيوه... أنا بجد متخلفة، هو أنا لحقت أحبه! ايمان: بس هو قمر يا روان. روان ابتسمت: هو كله على بعضه قمر. *** جنه: أنا هاخد دليلا ونطلع نقعد شوية فوق. خدت دليلا من إيدها وطلعوا. جنه: الأوضة التانية دي بتاعة مين؟ دليلا حاولت تخليها متدخلهاش. شدتها من إيدها. جنه: بتشديني ليه؟

دليلا: دخلت أوضة داغر وجنه معاها. جنه: إيه دا يبت، الأوضة ولادي أوي، انتوا عاملينها أسود في أسود كدا ليه؟ دا حتى الملايات لونها أسود. إيه دا! دليلا شتمت داغر في سرها. : غبي غبي. جنه: مين دا الغبي؟ دليلا بابتسامة: ها؟ لا مفيش. جنه: مالك مش على بعضك ليه؟ دليلا كانت لسه هتتكلم، بس داغر دخل أوضته وفاكر إن دليلا مش فيها. داغر بحدة: بتعملوا إيه هنا؟ دليلا فضلت تبرقله. داغر شدها من إيدها وخرج برا. جنه: مجانين دول ولا إيه.

*** داغر: بتبرقي كدا ليه؟ دليلا: انزل شوية عشان أقولك كام كلمة في ودنك. داغر وطى وأدالها ودانه. دليلا: أنا مش معرفاها إنك اتجوزتني بالعافية، وطبعًا هي عارفة إن أوضتي هي أوضتك. داغر: اااه. رجع تاني زي ما كان. ودخل ومعاه دليلا. جنه: إزيك يا داغر. داغر بحدة: أهلاً بيكي. داغر: أسيبكم أنا مع بعض بقى. *** جنه: قمر أوووي. دليلا: اتلمي. *** وفاء: الوقت اتأخر يبني، وأنا تعبت، وعايزة أدخل أنام. داغر: طبعًا طبعًا اتفضلي.

خدها وطلعها أوضة دليلا. وفاء باستغراب: دي أوضة الأطفال؟ داغر فضل يضحك وقال في سره: ما هي دليلا طفلة أهو زي ما كنت متوقع. وفاء دخلت نامت. وداغر نزل. مراد رن الجرس. داغر: إنت تاني؟ إيه جابك؟ مراد: شقتي اتملت مايه وروحت فندق لقيته مليان والفنادق التانية غالية وأنا لسه مقبضتش. داغر: ادخل يا مراد، طول عمرك لما متلاقيش مكان تروحه تجيلي. مراد بضحكة: أعمل إيه، أخويا بقى. دليلا نزلت بتضحك هي وجنه. مراد لف يشوف.

جنه أول ما شافت مراد قلبها دق مرة واحدة، حسّت بدفا كبير. عينها بدأت تسرح في ملامحه. مراد: دليلا معلش هنتعبك النهارده. دليلا: لا طبعًا مفيش تعب. جنه بدأت تسلم عليه. مراد بغرور وابتسامة جميلة تسحر: مين القمر؟ جنه قلبها كان هيقف من الكلمة. دليلا: بنت عمتي. كلهم قعدوا ومراد كان متجاهل جنه تمامًا، يعني مجتش في باله زي ما جنه أول ما شافته قلبها دق. جنه قامت بمرح عشان تتقرب من مراد. : أعمل لكم شاي.

داغر: لا لا اقعدي متتعبيش نفسك. جنه مصممة تعمل الشاي: لا لا والله لأعملكم. مراد فضل يضحك على جنانها دا. ودليلا فضلت تتكلم معاهم برا. عدى وقت كبير، وأي ساعة حوالي 3 الفجر. دليلا نسيت إنها بتمثل قدام جنه: أنا طالعة أنام في أوضتي يا جماعة، عايزين حاجة. داغر برقلها. دليلا: اااه أقصد يعني. داغر نقذ الموقف: تصبحوا على خير. مراد وجنه: وانت من أهله. *** داغر بمعاكسة: جيتي لحد أوضتي تاني برضه. دليلا بطفولة: نينينيي.

داغر بمعاكسة: هتنامي فين بقى؟ دليلا: نجوم السما أقرب لك. هات اللحاف دا. داغر ببرود: رايحة فين؟ دليلا ببراءة: هنام على الأرض. داغر ابتسم لطفولتها دي. وهي فرشت ونامت على الأرض وأدتله ضهرها. وهو نام على السرير وبييبص عليها وهو بيضحك بهمس. ****** جنه: نتفرج على التلفزيون؟ مراد: ا... جنه: استني بس، طب نعمل فشار وناكله. مراد: ل... جنه: اصبر، بس نلعب كوتشينة. مراد: يبنتي ان... جنه: طب نشغل أغاني ونهزر.

مراد بعصبية: بسسسس كفايا! جنه بخوف: في إيه؟ مراد: اقفلي النور عشان عايز أنام. جنه قامت وهي زعلانه وقفلت النور وطلعت تنام جنب مامتها في أوضة دليلا، ومراد نام على الكنبة اللي في الصالة. *** في صباح يوم جديد. صحت دليلا بنعاس وهي بتتمتع. وطبقت الملاية وبصت على داغر. لقيته نايم وفي سابع نومه. غطته ولمست شعره بتوتر. داغر فتح عينه. ومسك إيدها وباسها. دليلا اتوترت واتكسفت وقامت تجري من وشه. داغر ابتسم. على برائتها.

خرجت الجنينة ومسكت تلفونها. أياد بعتلها رسالة. أياد: إزيك يا دليلا؟ دليلا: كويسة الحمد لله. أياد: مش هتخرجي معانا النهارده؟ الشلة كلها هتتجمع. دليلا بتسرع: ل... لا. وبعد كدا فكرت: داغر دا شخص مختل عقليًا، بيوهمني إنه بيحبني بس هو مريض، هو مبيحبنيش واعترفلي 100 مرة إنه بيحب حد غيري، وأنا بكرهه، ومش قادرة أنسى أفعاله. دليلا: موافقة أقابلك يا أياد. أياد: أيوه كدا. دليلا: على الساعة كام؟ أياد: على الساعة 6، المغرب.

دليلا: تمام. *** كانت لسه هتطلع. لقت داغر وجنه ومراد ووفاء عمتها جاهزين. دليلا: إيه دا على فين؟ وفاء: هنمشي بقى، اطمنت عليكي خلاص. جنه كانت زعلانه إنها هتمشي. دليلا: هبقى أكلمك على طول يا جنه، اوكي. جنه: أكيد طبعًا. داغر: يلا عشان أوصلكم. *** دليلا استغلت فرصة إنه ماشي وطلعت لبست. كانت لابسة بنطلون جينز وتيشيرت أبيض قصير، وكوتش أبيض، ومسيبة شعرها. وحطت روج وخرجت بسرعة من البيت. *** أياد: انتوا فين يعم؟ هتوصلوا امتى؟

دا أنا ما صدقت أقنعتها. : خلاص هنيجي، بس سلمي وشيماء معايا ومش هيسيبوها في حالها. أياد: جبتهم ليه يا زفت؟ كريم: هما اللي أصروا. أياد: طب اقفل لوقتي، دليلا وصلت. أياد: إيه القمر دا؟ دليلا ابتسمت: ميرسي. أياد: اقعدي، اقعدي. أطلبلك إيه؟ دليلا: عصير مانجة. أياد: لو سمحت 2 عصير مانجة. عدى وقت كبير. وكريم لسه موصلش ولا شيماء وسلمي. بس داغر وصل البيت وملقاش دليلا، فـ عرف إنها برا البيت.

مسك تليفونه وفتح جهاز التتبع اللي حطهولها في تليفونها. وعرف إنها في المكان دا. **** دليلا حست بقلق: هما هييجوا امتى الشلة اللي انت بتقول عليها؟ أياد: قربوا يجوا خلاص. دليلا: الساعة بقت 12، إحنا مستنيينهم من الساعة 7. أياد قام وقف. ودليلا وقفت. أياد: بصراحة أنا معجب بيكي يا دليلا، وبحبك. كان داغر وصل، وشاف أياد وهو ماسك إيد دليلا. دليلا سكتت. أياد حضنها: صدقيني أنا إنسان كويس مش زيهم.

داغر ضربه في وشه يجي أكتر من 5 أقلام على وشه. دليلا: بس بس كفاااايا. داغر شدها من إيدها بعصبية وكان هيموت من الغيرة. ****** أول ما وصلوا. داغر شدها من إيدها. ودخل البيت. داغر بعصبية وغضب كبير دليلا كانت أول مرة تشوفه: خرجتي من غير ما تقوليلي! ثم أكمل بصوت عالي: ورايحة تقابلي الواد دا كمان؟ إنتي اتجننتي؟ دليلا على قد خوفها بس اتكلمت بجرأة: إنت مريض؟ إنت عايز تخنقني في البيت وتحبسني من الدنيا والعالم؟

داغر مسك رقبتها وخبطها في الحيطة. وكان على وشك يخنقها من كتر غيرته. داغر: خروج من البيت من دلوقتي مفيش. تليفونات همنعها. حتى مدرستك هوديكي وهستناكي برا. دليلا فضلت تعيط وشدت السكينة من رخامة المطبخ. ودتله في بطنه بيها عشان يبعد عنها.