رواية قلبي لك وحدك الجزء الثاني الفصل الخامس عشر 15 - بقلم مريم محمد

في تلك اللحظة يدخل مراد وسليم ومعاه الفريق بتاعه. واقتـ ـحموا المكان. طلع مراد يجري بسرعة وهو قلبه بيدق بسرعة شديدة. فوق عند عشق. عشق بقوة: أمسكت بفازة وضر"بتها في رأسه ووقع على الأرض. عشق: الحمدلله يارب. مراد وقد وصل إلى الغرفة التي بها عشق. أول ما دخل جرى عليها وحضنها بقوة. وهي مسكت فيه جامد وهي بتعيط. مراد: أنا آسف يا روحي... والله ما هسيبك تاني أبدا. حقك عليا يا عشق. عشق ببكاء: كان...

كان عايز يتجوزني الكل"ب الحقـ ـير. خلع مراد الجاكيت الذي كان يرتديه. والبسه لعشق وحملها ونزل بيها لتحت. في أسفل. كان فريق سليم قد أخذ رجال سالم. ولم يتبقى منهم أحد. وأخذ مراد عشق خارج ذلك المكان. ووضعها في السيارة بهدوء. وكان معها ملك وعمر. اخذتها ملك في حضنها لكي تهدأ من البكاء. وعاد مراد إلى الداخل مرة أخرى. وصعد إلى الغرفة التي بها سالم. وجده بدأ يستعيد وعيه.

فاقترب منه وجذبه من ملابسه وفضل يضر"ب فيه لحد مبقاش فيه حتة سليمة. مراد بغضب: أنا هعرفك ازاي تعمل كدة يا روح امك... وهعلمك الأدب عشان تعرف ازاي ما تمدش إيدك على حاجة مش بتاعتك يا ابن ال*****.... قسما بالله لهوريك أيام سودة بس استنا أنت بس. سليم: تسلم إيدك يا مراد. يلا يا رجالة خدوا عم سالم على المخزن بتاعنا عشان هو ضيف شرف عندنا من النهاردة ولازم نضايفه من الضيافة الخاصة بالناس اللي زيه ولا إيه يا سالم.. ولا أقولك.

إيه رأيك يا سامية.. بلاش سالم عشان مش لايقة عليك.. بصراحة كدة انت كنت تليق واحدة ست.. مش راجل خالص. سالم بهوس: أنا بحب عشق.. وعشق بتحبني.. ومفيش حد هيقدر يمنع حبنا.. هفضل أحب عشق لآخر لحظة في حياتي سامعين. اقترب مراد منه ولكمه في وجه بشدة مما جعل منظره كالدوميا. مراد: أنا هعرفك ازاي تنطق اسم مراتي على لسانك الوسخ ده تاني. أشار سليم لرجاله بأن يأخذوا سالم إلى المخزن.

(هو نفس المخزن اللي كان سليم أبوه بيعلم الناس اللي كان بيضايقوا عشق الأدب فيه) خرج سليم ومراد من ذلك المكان. واتجهوا إلى السيارات. في الطريق. سليم بإبتسامة: عاملة إيه دلوقتي يا شوشو. عشق: الحمدلله يا سليم... تصوري الراجل المتخلف عقليا ده كان عاوز يتجوزني المجنون ده.. وأنا أقوله أنا متجوزة يقولي انسيه.. مش عارفة طلعلي من أنهي داهية ده كمان. سليم بضحك: انتي قولتي إيه في الأول مجنون... يعني كلامه ملوش ستين لازمة.

ضمها مراد إلى حضنه ونظرت إليه عشق نظرة لم يفهمها. سليم: مالك يا ملك سرحانة في إيه؟ ملك: لأ مفيش حاجة.. سرحت شوية مش أكتر. سليم: في حاجة مضايقاكي يا حبيبتي؟ ملك بإبتسامة: لأ يا سيمو.. أنا بخبر يا حبيبي. عشق بإمتنان: أنا مش عارفة من غيركوا أنا كنت هعمل إيه مع المجنون ده!

سليم: جوزك كان أجن منه أول ما عرف إنك اتخطفتي فرج علينا الناس كلها كان شبه المجنون وهو بيقول عشق اتخطفت والله إن ما رجعت أنا هرتكب جريمة ومحدش يتوقع أن ممكن أعمل إيه! عشق بخفوت: هو مجنون على طول. مراد: بتقولي حاجة يا حبيبتي. عشق: لأ مفيش... بقول طول عمرك بتخاف عليا من الهوا. عشق بتساؤل: بس انتوا عرفتوا مكاني ازاي؟ سليم: شايفة السلسلة اللي انتي لابساها دي. عشق: آه. سليم: دي اللي وصلتنا ليكي...

هي اللي حددت الموقع بالظبط.. المهم إنك بخير يا شوشو. عشق: ربنا يخليك ليا يا سيمو يا حبيبي. سليم بضحك: إيه ده أحسن مراد يغير ولا حاجة.. ده بيخاف عليكي موت. مراد بحب: أومال لو ماخوفتش عليها هخاف على مين... دي روح قلبي. سليم: إيه يا عم مراد في سناجل قاعدين معانا. عمر: لأ أنا مش هبقى سنجل من بكرة. سليم: ليه هتعمل إيه يا سي عمر؟ عمر: هتجوز يا سيمو. الجميع: هتتجوز.

عمر: إيه يا جدعان انتوا عملتوا كدة ليه.. هو أنا قلت حاجة عيب ولا إيه. ملك بضحك: ألف مبروك يا حبيبي بس مين العرسة اللي هتتجوزها بقى... معلش غلطت يادي النيلة دايما لساني ده موديني في داهية.. أقصد مين العروسة اللي هتتجوزها. عمر: اتريقي اتريقي ما انتي رايقة يا ستي. ملك: طب يارب تروق زي ما أنا رايقة يا عمر! عمر: أعوذ بالله منك.. المهم العروسة من قرايبنا وانتوا بتحبوها أوي. عشق بتفكير: سلمى بنت طنط دولت.

عمر: لأ طبعاً.. دي بتفكرني ب نادية لطفي.... أنا عايز واحدة زي زبيدة ثروت.. وهي حتة من زبيدة ثروت. الجميع: نعم!!! عمر: هو في إيه بقى يا جماعة.. هو أنا كل ما أقول حاجة تعملوا كدة. طب والله لا أنا قاعد ساكت. ملك بضحك: ما أنت بتقول كلام غريب برضو يا عمر. عايزنا نقول إيه يعني! عمر: خلاص يا ست ملك مش عايزكم تقولوا حاجة.. انتوا بكرة تعرفوها.

ملك بضحك: يارب ما تطلع شبه العروسة اللي عندي اللي بقعد أش'د لها شعرها لما أكون مضايقة. (في حد بيعمل زي ملك كدة) بعد شوية. وصل الجميع إلى الفيلا. سليم وعشق: حمدالله على سلامتكم يا ولاد. الجميع بإبتسامة: الله يسلمكم. وظلوا يتحدثون كثيراً. وبعدها ذهب كل واحد إلى منزله. عند مراد وعشق. عشق: إحنا هنتطلق امتى يا مراد. مراد: لا إله إلا الله... نامي يا عشق يا حبيبتي. عشق: مش هنام يا مراد غير لما تقولي هنتطلق امتى!

مراد: مفيش طلاق يا عشق استريحتي بقى. عشق: مراد أنا جعانة. مراد: مش عارف أنا قاعد مع واحدة مجنونة وهتجنن زيها. عشق: أنا جعانة يا مراد.. هتطلب أكل ولا هتعمل إيه! مراد: هنخرج نتعشى برا يا حبيبتي. عشق بسعادة: انت بتتكلم جد. بس الناس هتقعد تبص عليا. مراد: يا حبيبتي أنا ميهمنيش الناس. أنا كل اللي يهمني انتي وبس. عشق: طب افتح الدولاب عشان أختار حاجة ألبسها. مراد: حاضر يا روحي. ذهب مراد ناحية الدولاب وفتحه.

وارتدت عشق جيبة من اللون الوردي الفاتح، وعليها جاكيت من الفرو الأبيض.. وارتدت إيشارب من نفس لون الجيبة.. وكوتش من اللون الأبيض... مع شنطة من اللون السكري.. الطقم كان شكله حلو أوي عليها. مراد بحب: مساء الجمال على الجمال كله. عشق بخجل: يلا بقي عشان منتأخرش. مراد: حاضر يا روحي. ذهب مراد وعشق إلى مطعم راقي. عشق بتوتر: الناس عمالة تبص كدة ليه. مراد: عشان شايفين قمر. عشق: لأ بجد يا مراد بيبصوا كدة ليه.

مراد: والله بكلمك جد.. وبعدين خلي اللي يبص يبص. حرك مراد الكرسي الذي ستقعد عليه عشق واجلسها عليه برفق. وجلس بجانبها. عشق: إيه رأيك نطلب سوشي! مراد: وماله يا حبيبتي نطلب سوشي. طلب مراد الأكل وبدأوا في تناوله. بعد شوية. مراد بإبتسامة: قولى لو في حاجة بضحك عشان أضحك معاكي... هو في حاجة في وشي بضحك يا عشق. عشق بإبتسامة: هو انت إزاي كدة. مراد: يعني إيه إزاي كدة؟

عشق: يعني بحسك شخصين مش شخص واحد.. هو انت عندك انفصام الشخصية. مراد بضحك: هي وصلت لإنفصام في الشخصية كمان! عشق: أصل انت مرة حنين.. مرة عصبي.. مرة مجنون.. مرة طيب أوي.. بحسك بتتغير كل شوية. مراد: كل ده... على العموم يا ستي انسى اللي فات وخلينا في اللي جاي. ماشي. عشق: ماشي. رن موبايل مراد وكانت الدكتورة سلوى. مراد: أيوة يا سلوى خير في إيه. سلوى: معلش يا مراد هطلب منك طلب. مراد: آه طبعاً. اتفضلي يا سلوى.

سلوى: ممكن تاخـ ـد نور عندك النهاردة بس عشان ماما تعبانة أوي ولازم أفضل معاها في المستشفى.. ومفيش حد هيقعد مع نور في البيت. مراد بتفهم: متقوليش كدة يا سلوى. نور تيجي في أي وقت ده أنا بحبها أوي. سلوى: شكراً جداً يا مراد.. سلميلي على عشق كتير.. وقولها متزعلش عشان نور هتيجي تقعد معاكم النهاردة غصب عني والله. مراد: لأ ولا يهمك يا سلوى. بعد مرور بعض الوقت. في الطريق (داخل سيارة مراد) عشق بضحك: بقولك إيه يا مراد.

مراد: نعم يا عشق. عشق: هي مينفعش تقعد معانا يومين كمان... أنا حبيتها أوي.. خراثي عليها وهي نايمة قمر أوي. مراد: لأ مينفعش عشان مامتها. عشق وهي تأخذها في حضنها بحب: مامتها حلوة زيها كدة يا مراد؟ مراد: وليه لزومه السؤال ده يا حبيبتي. عشق: يعني بسأل عادي. مراد: هي طالعة لباباها مش لمامتها. عشق بتساؤل: اومال باباها فين يا مراد؟ مراد: أبوها شخص ند'ل ساب سلوى وراح اتجوز عليها.. وهي اللي مسؤولة عن تربيتها.

عشق: ربنا ينتقم منه البعيد.. بقا في حد يسيب القمر ده. بعد شوية. وصل مراد وعشق ومعهم نور بنت سلوى. ابدلت عشق ملابسها ونامت بجانب نور. عشق: أنا مش غيرانة منك عشان هو بيحبك.. بس هو ليه حق يحبك. مين يشوف القمر ده كله وما يحبوش. وباستها بحب.. خراثي ع الجمال. في صباح يوم جديد. عشق بإبتسامة: يلا يا نوري عشان نروح لمامي. نور: ماثي يا تنت. (ماشي يا طنط) عشق: يروحي على طنط وهي طالعة من بوقك العسل ده.

مراد: ها. يا عشق يا حبيبتي.. نور جاهزة. عشق: جاهزة.. وعملتلها تسريحة شعر زي القمر. مراد: يلا يا نور يا حبيبتي. نور: ماثي يا عمو. في فيلا سليم التهامي. عمر: صباح الخير يا بابا. سليم: صباح الخير يا حبيبي. عمر: كنت عايز أتكلم مع حضرتك في موضوع. سليم: اتفضل يا عمر. عمر: بابا أنا عايز أتـ ـجوز. سليم: معنديش مانع.. بس مين العروسة؟ عمر بإبتسامة: أسيل بنت عمو زياد. وخالتو ليلي. سليم بإبتسامة: وأنا موافق يا حبيبي.

بس لازم ناخد رأي أهلها رأي واسيل. عمر بلهفة: لأ ما هي موافقة. مش فاضل غير موافقة عمو زياد وخالتو ليلي. سليم: خلاص يا حبيبي. هتصل بزياد وأكلمه. عمر بسعادة: ربنا يخليك ليا يا رب. سليم: ويخليك ليا يا حبيبي. ملك: إيه ده؟ إيه اللي بيحصل هنا؟ سليم: تعالي يا لوكا باركي لعمر. ملك بضحك: إيه ده؟ هو قال لحضرتك مين العروسة؟ سليم: آه.. بس إنتي بتضحكي ليه؟ ملك: أصل هو قال إنه هي شبه زبيدة ثروت وحتة منها.

سليم بضحك: إنت قلت كده يا عمر؟ عمر بضحك: آه يا بابا. سليم: وبعدين هو مغلطش، هي فعلاً شبه زبيدة ثروت. ملك: ما هو مفيش حد نعرفه شبه زبيدة ثروت غير أسيل ومش معقول تكون العروسة! سليم: ومش معقول ليه بقا.. هي فعلاً العروسة. ملك بفرح: والله لأزغرطلك يا حبيبي. لولولولولولولولي. لولولولولولولولي. في المستشفى عند مراد. سلوى بإبتسامة: مش عارفة أشكرك إزاي يا مراد.. بجد شكراً أوي. مراد: لأ عادي ولا يهمك.. ده حتى عشق حبت نور أوي.

سلوى بحزن: مش عارفة أقولك إيه بس يا مراد... نور بقت متعلقة بيك أوي وبقت تقولي هو عمو مراد مش عايش معانا ليه. ف أنا كنت عايزة أطلب منك طلب بس مكسوفة أوي.. وعايزاك تفكر قبل ما ترد. مراد: اتفضلي يا سلوى. سلوي: ممكن تبقى أب لنور يا مراد؟ وعلى فكرة هيبقى جواز على ورق بس. مراد بتفكير: .....