رواية قلبي الفصل الثالث عشر 13 - بقلم مريم حسن قلب رحيم

تاني يوم قلب بتصحى من النوم وقلبها مقبوض. بتنزل الجنينة عشان تجيب حبة ورد تحطهم في المزهرية، بتلاقي مفيش ورد خالص، كله مقطوف. مفيش غير وردة وفيها تلت ورقات. بتلاقي الجنايني جه وبيقول: … مفضلش غير وردة واحدة بس شايلة تلت ورقات. قلب بحزن: … إيه اللي حصل في الجنينة دي؟ كانت مليانة بالورد. الجنايني: … الغصن اللي شايل الورقة لو اتقطف كل حاجة هتبقى رماد.

قلب بتقرب والوردة بين إيدها. الدنيا فجأة بتبقى ضالمة ونور البيت بيقفل. قلب بتفضل تجري في الجنينة. قلب: … رحيم يا رحيم، إنت فين؟ رحيم. بيجي صوت لرحيم من بعيد: … أنا هنا يا قلب، يا قلب فوقي. بتلف وراها عشان تدخل البيت، لقت الغصن وقع ولف حواليه تعبان. قلب بصراخ: … لاااااا، لاااااااا. و بتصحى من النوم مفزوعة. رحيم بياخدها في حضنه. رحيم: … شششش، أهدي، أهدي، أنا هنا. قلب بدموع: … أنا خايفة، خايفة أوي، متسبنيش. رحيم:

… مش هسيبك، مش هسيبك، أهدي عشان خاطري. قلب: … اااه، اااه. رحيم: … إيه اللي بيحصل؟ قلب: … بطني مش قادرة، آآآه. رحيم بيشيلها بسرعة وبينزل ويروحوا على المستشفى. *** رحيم بخوف: … هي كويسة؟ مش مهم البيبي، المهم هي. الدكتورة: … اهدى، هي كويسة، متقلقش. رحيم بارتياح: … الحمدلله. الدكتورة: … هي واضح إنها اتعرضت لتوتر، ياريت تبعد عن أي توتر عنها، والحمل خطر، فياريت متعملش حركة.

قلب نايمة على السرير معلقالها المحاليل وبتفتكر الحلم. الجنايني: … الغصن اللي شايل الورقة لو اتقطف كل حاجة هتبقى رماد. ويقاطعها رحيم وهو داخل بلهفة: … الحمدلله إنك كويسة، كنت هموت من القلق. قلب: … بعد الشر عليك، متقلقش، أنا كويسة والبيبي كمان كويس. رحيم: … الحمدلله. ****** جت العيلة كلها تزور قلب. عاليا: … ألف سلامة عليكي، يا لولو. قلب: … الله يسلمك. *** زياد: … أمي جايا هنا وحالفة ما هي سايبا قلب. رحيم:

… ما دي حاجة أنا مش عايزة قلب تبقى لوحدها. بعد يومين رحيم وقلب راحوا عند عاليا. رحيم: … أنا نازل أهو، متتحركيش من مكانك إلا للحمام، فاهمة؟ ولا حتى تروحي الحمام مش مهم. قلب: … ما تربطني في السرير أحسن، أنا أصلًا بتحرك بالكرسي. رحيم: … قلب حبيبتي، أنا خايف عليكي. قلب: … ماشي يا حبيبي. رحيم مشي. قلب: … يا ترى إيه اللي هيحصل؟ فجأة سمعت صوت عالي برا. قعدت على الكرسي وراحت البلكونة. … الشجرة وقعت، الشجرة وقعت إزاي؟ عاليا:

… مش مهم، حصل خير. الجنايني بحزن: … كانت أحلى شجرة في الجنينة. قلب من كتر خوفها والحلم بيتكرر في دماغها: … الغصن اللي شايل الورقة لو اتقطف كل حاجة هتبقى رماد. فجأة بتكون الدنيا قدامها سودا و بتقع على الأرض. *** رحيم بقلق: … هي كويسة؟ الدكتورة: … أه، هو بس الحاجات دي وارد تحصل في الحمل مش أكتر، في لازم تاخد ڤيتامينات أنا كتبتها. رحيم بيدخل. عاليا: … أنا هخرج أنا بقى. و بتخرج. رحيم: … هو أنا مش قولت متقوميش. قلب:

… سمعت صوتهم تحت يا رحيم، قومت أشوف. رحيم: … مش مهم. قلب: … آسفة يا رحيم. رحيم بيبصلها بطرف عينه. قلب: … يا رحيم بقى. رحيم بيفزر بضيق: … مبعرفش أسيطر على نفسي خلاص. قلب: … بحبك. رحيم: … وأنا كمان يا قلبي، بس. جه زياد وهو بينهج. زياد: … رحيم، الحق. رحيم: … إيه؟ زياد: … أمك عايشة.