رواية قلبي الفصل الثاني عشر 12 - بقلم مريم حسن قلب رحيم

رحيم رجع لقى قلب قاعدة في البلكونة و لفا نفسها بالشال. رحيم: قلب الدنيا برد، طلعتي ليه؟ قلب: عادي. رحيم: هدخلك جوا. قلب: انا عايزة اقعد هنا لو سمحت. رحيم بصلها في عينها و هي اتوترت و قرب منها و قبلها بخفة. رحيم: اسف، سامحيني بقالك اسبوع زعلانة مني. قلب: مقدرش ازعل منك ابدًا. رحيم: و انتي متخبيش حاجة عليا ابدًا. قلب: حاضر. رحيم شال قلب و دخلها جوا و نامت على السرير في حضنه.

بتعدي الايام و الاسابيع و الشهور و بيرجع رحيم بيته بسبب سلمى و بيجيب ممرضة لقلب. حب قلب و رحيم لبعض بيزيد. الحاجات الكتير اللي بيعملها اللي بتثير غضب و حقد سلمى انه يبان و كل مرة حقدها بيزيد عن الاول. امها مش عارفة تعمل حاجة لأنهم بعيد عنها بس قررت في خطة. رحيم و قلب عند عزايزي في البيت بس لازم يمشوا عشان دكتور قلب. سلمى بدلع: رحيم. رحيم: عايزة إيه؟ سلمى: ممكن توصلني النادي عربيتي عطلت.

قلب: لا، احنا رايحين للدكتور يا روحي. سلمى: خلاص خدوني في طريقي. قلب: لا، عندنا مشاوير كتير، يلا يا رحيم شيلني. رحيم شالها و خرج برا. ركبوا العربية و اخد الكرسي معاه. رحيم: ممكن اعرف المشاوير اللي احنا رايحنها؟ قلب: جهنم الحمرا. رحيم ضحك: بتغيري؟ قلب: انا اغير من البتاعة دي؟ رحيم: انتي احلى. قلب و رحيم راحو للدكتور عشان العلاج الطبيعي بتاع قلب لانها بقالها شهرين بتتعالج. تاني يوم كان عيد ميلاد رحيم.

قلب: رحيم يلا قوم، عملتلك مفاجأة عشان عيد ميلادك. رحيم: وهي كده ابقى مفاجأة؟ قلب: يلا قوم عشان خاطري. رحيم قام و دخل يستحمى و هي دخلت و لبست نفسها و راحة عند المراية و حطت ميكب خفيف. رحيم راح اوضة الهدوم و مأخدش باله لانه كان بينشف شعره و لبس بنطلون تيشرت عليه بليزر. رحيم صفر: إيه القمر ده؟ قلب: ميرسي. رحيم: يلا يا روحي.

وزق الكرسي بتاعها و مشيوا. راحو الكافيه اللي قلب قالتله عليه. راح هناك لقى كل صحابه و باباه و منى. سلمى مجتش عشان امها منعته. رحيم حضن قلب: بحبك اوي. صحابه كلهم سلمه عليه و اهله. قلب: هديتي بقى. و بتفتح عليه تديهاله و اول ما العلبة كانت تست حمل بتتفتح شاشة بتشتغل و بيكون فيها ڤيديو سونار و في نبضات قلب و صور تانية لونها اصفر عشان تبين شكل البيبي. رحيم شالها و لف بيها و منى زغرطت و كله بيبارك.

رحيم: عرفتي منين بقى و امتى؟ قلب: لما امبارح الدكتورة اخدتني طلبت منها اعمل الحاجات دي و عرفت اني حامل. كنت بحس بقى بالحاجات دي كتير اوي بقالي حوالي اسبوع. رحيم: بصرف النظر على انك مقولتليش انك تعبانة بس دي احلا هدية جاتلي منك. هاتيلي منها كتير بقى. قلب: هو انا ارنبة؟ زياد: مين خالو و عمو النهاردة انا! رحيم: اخلاقه هتفسد بسببك. زياد: عيب عليك، ده انا اللي محضر ده كله. رحيم: يعني الولد زياد الفسل ده يعرف قبلي؟

قلب: اه. عاليا: تعالو بقى اقعدو معايا و انا هاخد بالي من القمر دي. قلب: ميرسي. الناس ابتدت تمشي و رحيم و قلب روحو بيتهم. قلب: رحيم. رحيم: قلبي. قلب: عايز ولد ولا بنت؟ رحيم: بنت و هسميها قلبي. قلب بغيره: لا، انا بس اللي قلبك. رحيم بضحك: خلاص خلاص. طب و انتي؟ قلب: عايزة توينز و يبقو شبه بعض اوي اوي نسخة. ولاد او بنات. يلا ننام بقى.

تاني يوم قلب بتصحى من النوم و قلبها مقبوض. بتنزل الجنينة عشان تجيب حبة ورد تحطهم في المزهرية بتلاقي مفيش ورد خالص كله مقطوف. مفيش غير وردة و فيها تلت ورقات. بتلاقي الجنايني جه و بيقول. قلب بصراخ: لاااااا لاااااااا.