رواية قمر الزين الفصل العاشر 10 - بقلم ساسو محمد

هند : طب هسألك سؤال. قمر : اتفضلي. هند : انتي لسه بتحبيه؟ قمر : الصراحة آه. هند : طب لي بقي بتعاندي مع نفسك ومعاه؟ قمر : عشان كنت فاكرة نفسي إني صح وإنه هو اللي غلطان. هند : بما إنك اعترفتي بغلطك بقي، يبقى ترجعي معايا القاهرة. قمر : هرجع، بس قبل ما نرجع في حاجة هنا لازم أعملها الأول. هند : أي هي الحاجة دي؟ قمر : هتعرفيها في وقتها. هند : ربنا يستر. قمر بضحك : هيستر والله. هند : طب اعملي حسابك إننا هنرجع الجمعة الجاية.

قمر : قولتلك مش هرجع قبل ما أعمل اللي عايزاه. هند : طب أي اللي انتي عايزاه؟ قمر : هتعرفي بعدين. ليقاطع حديثهم دخول يارا. يارا : خالتو موبايلك بيرن. هند : طب هاتي كده، أي ده زين اللي بيتصل. قمر بفرحة وتوتر : طب ردي بس متقوليش ليه إني جنبك. هند : طب ما تردي إنتي. قمر : لأ. يارا : هتقعدوا تتعازموا على بعض كده ما يقفل. هند : ما هو قفل فعلاً. قمر بحزن : يخسارة. يارا : طالما لسه بتحبيه ما تكلميه. هند : استنوا، بيتصل تاني.

فتحت المكالمة. هند : الو، ازيك يا ابني؟ زين : الحمد لله، وحضرتك عاملة إيه؟ هند : الحمد لله. قمر بهمس : افتحي السبيكر. فتحت هند السبيكر. زين : كلمت حضرتك قبل كده ومردتيش. هند بكذب : معلش ماكنتش جنب التليفون. زين : ولا يهمك، قمر عاملة إيه؟ هند : الحمد لله كويسة. زين : مش ناوية ترجعي بقي؟ هند : هترجع بس مش دلوقتي. زين : أومال إمتى؟ هند : شوية كده. زين : طب أنا عايز أكلمها ممكن؟ نظرت هند لقمر، وقمر هزت رأسها بمعني لا.

هند بكذب : انت ناسي إنك المفروض إنك متعرفش مكانها؟ زين بحزن : آه للأسف، كنت ناسي. هند بحزن على زين : ولا يهمك يا ابني، متقلقش هتلاقيني في أقرب وقت بكلمك وأقولك قمر رجعت. زين : بس ده ميمنعش إني أكلم حضرتك برضه عشان أطمن عليكي وعليها. هند : لأ طبعًا يا حبيبي، اتصل أي وقت. زين : تسلم. هند : طب أنا مضطرة أقفل بقى عشان هي ممكن تدخل عليا في أي وقت. زين : خلاص ماشي، مع السلامة. وقفت المكالمة. هند : أي رأيك في اللي سمعتيه؟

قمر كانت سرحانة في صوته وبتفكر فيه، لتقاطع سرحانها. هند : قمــــــــر. قمر بانتباه : نعم. هند بابتسامة : سرحتي في إيه؟ يارا : أكيد سرحت في زينو وصوت زينو اللي يجنن. قمر بغيظ : ملكيش دعوة بزينو يا بت، زينو بتاعي أنا. يارا : الله، ما إحنا بنحبه أهو وبنغير كمان، أومال إيه بقى. قمر : بس يا بت. هند : طب بما إنك بتحبيه أوي كده ونفسك تشوفيه، خلصي اللي عايزة تعمليه هنا عشان نرجع. يارا : عايزة تعملي إيه هنا؟ قمر : ملكيش دعوة.

يارا : بقيت كده. قمر : آه كده، بس إنتي عرفتي منين يا ماما إن إني عايزة أشوفه؟ هند : من شكلك يا روح ماما لما سمعتي صوته. ليدخل عليهم عمر. عمر : ممكن أقاطع كلامكم ده شوية؟ هند : آه طبعًا يا حبيبي. عمر : طب قوموا اجهزوا عشان هنخرجوا. يارا وقمر في وقت واحد : بجد؟ عمر بضحك عليهم : آه بجد، بس قدامكوا بالكتير نص ساعة، لو اتأخرتوا عن كده هاخد ماما وخالتو وهسيبكم. يارا : لأ أنا رايحة أجهز أهو.

قمر : وأنا كمان يسطا، اعتبرني جهزت. عمر بقرف : يسطا. يارا من خلفه : أحلى يسطا في الدنيا. عمر : طب يلا عشان ممشيش من غيركم. ودخلوا يجهزوا. عند زين، قاعد سرحان بعد مكالمته مع هند، ليدخل عليه زياد. زياد : ها، كلمت مامتها. زين : آه. زياد : أي اللي حصل؟ زين : رفضت إني أكلمها. زياد : مين اللي رفضت؟ زين : طنط رفضت إني أكلم قمر. زياد : لي؟ زين : قالتلي عشان المفروض إني معرفش مكان قمر. زياد : امممم، وبعدين؟

زين : بس أنا حاسس إني سمعت صوت قمر جنبها. زياد : وإيه اللي خلاك تحس كده؟ زين : مش عارف، أنا حاسس إنها كانت جنبها ولسه مش عايزة تكلمني. زياد : طب طنط مقالتلكش حاجة تاني؟ زين : لأ، قالتلي. زياد : قالتلك إيه؟ زين : قالتلي إنها قريب أوي هتكلمني وتقولي إن قمر رجعت. زياد : طب تفائل بقى، دي بتفرحك وتطمنك أهو، مالك بقى؟ زين : خايف من بعدها. زياد : إزاي؟

زين : سمعت إن البعد بيعلم الجفا، فخايف ميبقاش في مشاعر ليا عندها لما ترجع. زياد : سيبها على الله، بس أكيد اللي انت بتقوله ده غلط. زين : لي بقى؟ زياد : عشان لو مبقتش تحس ناحيتك بحاجة، ماكنتش طنط طمنتِك إنها هترجع قريب. زين : ياريت يبقى كلامك بجد. زياد : قول يارب. زين : يارب. زياد : هقوم أنا بقى عشان ألحق أمشي. زين : ما تخليك معانا النهارده. زياد : مش هينفع عشان الشغل وأنت عارف.

زين : آه عارف إن من بيتك أقرب للشركة، بس ميمنعش إنك تبات النهارده. ليقاطع حديثهم دخول مامتهم. سمية : أي اللي سمعته ده؟ زين وزياد باندهاش : أي اللي سمعتيه يا ماما؟ سمية : إنك عايز تمشي يا زياد. زياد : وإنتي بقى يا سمسم، داخلة علينا داخلة المخبرين دي عشان سمعتيني بقول عايز أمشي. سمية : آه. زياد : مش عشان الشغل اللي ابنك سايبهولي. سمية : مليش دعوة، أنا قررت إنك مش هتمشي النهارده.

لسه زياد بيقول طب وتقي موافقة، اتفاجأ إن تقي لابسة ترنج بيتي. زياد بصدمة : أي اللي انتي لابساه ده يا تقي؟ تقي : ماما حلفت عليا إني أغير هدومي عشان هنبات هنا النهارده، وأنت عارفني مقدرش أزعل ماما. زياد : آه، إنتوا اتفقتوا عليا يعني. كلهم في وقت واحد : آه. زياد : أمري إلى الله. عند قمر، خرجوا وقعدوا في كافيه على البحر. هند : بجد المكان تحفة.

عمر : خلاص يا خالتو خليكي الفترة اللي أنا قاعد فيها، وكل يوم هخرجك في مكان مختلف بس أحلى من بعض. هند : ربنا يسهل يا حبيبي. ليقاطع حديثهم رنة موبايل يارا. يارا بكذب : دي صاحبتي، هخرج أرد بره. قمر باستفزاز : طب ما تردي هنا طالما صاحبتك. يارا : لأ عشان الدوشة. ياسمين : طب متتأخريش. يارا : حاضر. بعد خروج يارا. قمر : أنا عايزة أقولكم على حاجة. كلهم بانتباه : قولي. قمر : ......