رواية قمر الزين الفصل الرابع عشر 14 - بقلم ساسو محمد

قمر بصدمة: ده في فرح في بيت زينة. هند: ممكن تكون مرات أخوه ولدت. قمر: بس دي مش أغاني سبوع. هند: يبقى خلاص هو بيتجوز. قمر بصدمة أكبر: إيه! هند: اتجوز. قمر: طب وأنا. هند: انتي إيه. قمر: مش كان بيحبني. هند: وانتي اخترتي نهاية الحب. قمر: مش قصدي. هند: قصدك ولا مش قصدك، خلاص بقى انسى وشوفي حياتك. واوعي في يوم من الأيام تلومي زين أو كاميليا. قمر: ليه بقى مش هما غلطوا.

هند: الغلط الأكبر عندك انتي عشان حكمتي عليهم وبعدتي من غير ما تسمعي حد فيهم. يبقى تستاهلي اللي حصل. قمر: بعد ده كله أنا اللي غلطانة. هند: آه، انتي اللي غلطانة. ومسمعش كلمة تاني في الموضوع ده خلاص. قمر: أنا داخلة أوضتي. هند: يبقى أحسن. دخلت قمر أوضتها وفتحت الشباك اللي بيطل على شقة زين. وشافته فرحان ومبسوط ومش فارق معاه حاجة. وفي لحظة عينهم جت في عين بعض. بصلها لثواني ولف وشه الناحية التانية كأنه مشافهاش. ودخلت

قمر وعمالة تكلم نفسها: "إزاي من يومين كان طاير إننا رجعنا ومش مصدق نفسه، ودلوقتي بيتجوز ولا همه حاجة. المفروض إني أبقى العروسة مش حد تاني. المفروض يبقى فرحان معايا أنا مش مع حد تاني." وفضلت كده لحد ما غلبها النوم. عند زين، بعد ما خلص الفرح. زين: زياد، تفتكر إنها عرفت إني اتجوزت. زياد: مش بتقول شفتك. زين: آه شفتني وعينها جت في عيني. زياد: وانت عملت بما عينك جت في عينها. زين: بصيت الناحية التانية وكملت رقص مع رقيه.

زياد: يبقى كده فعلاً فهمت إنك اتجوزت. زين: أحسن عشان تعرف آخرة بعدها كان إيه. زياد: انت لسه بتحبها. زين بحزن: آه. زياد: طب والعمل دلوقتي. زين: مش هعمل حاجة غير إني أدخل أنام. زياد بمرح: والبت اللي اتجوزتها دي. زين بضحك: امشي يااض من هنا. وخلص اليوم وتأتي يوم جديد. صحت قمر، دخلت الحمام توضأت وأدت فرضها ودعت ربها إن يختار لها الصالح. وجهزت وخرجت. قمر: صباح الخير يا ماما. هند: صباح النور. انتي لابسة كده ورايحة فين.

قمر: رايحة الشغل. هند: أحسن، اخرجي وفكي يمكن ربنا يرزقك بحد أحسن. قمر: لا مش عايزة اتجوز خلاص. هند: براحتك، بس ساعة ما هييجي النصيب مش هتقولي لا. قمر: سلام يا ماما. هند: سلام. وراحت قمر البنك والكل استقبلها بفرح. ودخلت مكتبها. قمر: صباح الخير يا ريم. ريم بفرحة: صباح النور يا قمري، عاملة إيه. وحشتيني. قمر: وانتي كمان وحشتيني. ريم: طب احكيلي إيه اللي حصل واختفيتي فجأة ورجعتي فجأة في إيه.

قمر: قوليلي الأول زين جاي النهارده ولا متعرفيش. ريم: زين يا بنتي قدم استقالته من بعد اختفائك. قمر بصدمة: إيه! ريم: لا احكيلي اللي حصل عشان مش فاهمة حاجة. حكت قمر الموضوع باختصار من أول ما زين حضن كوكي لحد فرح زين. ريم: كل ده حصل. قمر: للأسف. ريم: خلاص يا قمر، هو اللي خسران مش انتي. قمر: مبقتش تفرق من اللي خسران. ريم: طب إيه رأيك نخرج بعد الشغل عشان تفكي شوية. قمر: مش قادرة.

ريم: لا والنبي، أنا كنت مستنياكي ترجعي عشان تنزلي معايا. قمر باستغراب: اشمعنى، هو أحمد مش بيخرجك ولا إيه. ريم: لا بيخرجني بس ملوش خلق للشوبنج. قمر: شوبنج إيه! انتي مش المفروض عروسة بقالك سنة. ريم: مش عشاني والله. قمر: عشان مين يا ختي. ريم: عشان الصغنن حاجي اللي هيشرف كمان كام شهر. قمر بفرحة: مبروك يا روحي. وقامت حضنتها. ريم: الله يبارك فيكي يا قلبي، عقبالك. قمر: معتقدش. ريم بضحك: أنا بقول من الأول بومة محدش صدقني.

قمر: بقيت كده. ريم: آه، واخلصي بقى هتيجي معايا ولا إيه. قمر: طبعاً. كلمت قمر هند عشان تقولها. هند: طب متتأخريش وباركلها. قمر: حاضر. هند: خلي بالك من نفسك. قمر: حاضر يا حبيبتي. هند: لا إله إلا الله. قمر: محمد رسول الله. قمر لريم: بتباركلي. ريم: الله يبارك فيكي وفيها. وخلص اليوم وراحوا يشتروا الهدوم وحاجات البيبي. وبعد وقت طويل. ريم: أنا تعبت. قمر: المفروض أنا اللي أقول إني تعبت. إيه كل اللي انتي جايباه ده.

ريم: ده لسه في حاجات كتير ناقصة. قمر: طب تعالي ناكل الأول وبعدين نكمل. ريم: فكرة حلوة برضه. ودخلوا مطعم. وهما داخلين زين ورقيه كانوا خارجين. قمر: زي.