رواية قمر الزين الفصل السابع عشر 17 - بقلم ساسو محمد

زين: تسمحيلي بالرقصة دي؟ قمر كانت مغيبة وراحت ترقص معاه من غير ما تحس. زين: وحشتيني. قمر: وانت كمان. زين: وانا كمان إيه؟ قمر بكسوف: وحشتني. زين: أخيراً قولتيها. قمر ابتسمت بكسوف. وفجأة قمر فاقت لنفسها وسابت زين وجريت خرجت بره القاعة خالص. وزين جري وراها. زين: انتي جريتي ليه؟ قمر: انت عايز مني إيه؟ زين: هعوز منك إيه غير إنك تكوني معايا. قمر: عشان كده روحت اتجوزت. زين: أنا اتجوزت؟ قمر: آه. زين: مين اللي قالك إن اتجوزت؟

قمر: محدش قالي، أنا اللي شوفت. زين: شوفتي إيه؟ قمر: شوفت فرحك وشوفتك تاني يوم معاها. زين بضحك: انتي بجد مصدقة نفسك. قمر: انت بتضحك على إيه؟ زين: عشان اللي انتي بتقوليه ده. قمر بنرفزة: وماله اللي بقوله ده؟ زين: عشان أنا متجوزتش. قمر: اومال إيه؟ زين: دي رقيه بنت عمتي. قمر: يعني إيه؟

زين: يعني مامتها أخت بابا الكبيرة، واللي انتي شوفتيه ده كانت خطوبتها، وتاني يوم لما شوفتينا تاني يوم كانوا لسه عندنا وكانت نفسها تخرج فخرجتها واتغدينا بره مش أكتر. قمر: يعني متجوزتش؟ زين: انتي هبلة يا بت، بقولك مخطوبة يبقى اتجوزها إزاي. قمر: طب ليه عملتلي بلوك؟ زين: عشان أعلمك الأدب. قمر: يعني إيه؟ زين: عشان أعرفك إني مش بمزاجك، يعني انتي بعدتي من نفسك ورجعتي من نفسك فحبيت بس أعاقبك يومين.

قمر كانت هتتكلم وقاطعتهم هند. هند: يلا يا ولاد عشان المأذون وصل. قمر باستغراب: مأذون إيه يا ماما؟ هند: كريم اتفق مع عمر إنهم هيكتبوا الكتاب مع الشبكة. قمر: طب يلا. دخلوا القاعة وشافوا المأذون قاعد وعلي يمينه عمر وعلي شماله كرسي فاضي. قمر: اومال كريم مش قاعد ليه؟ هند: معرفش. عمر: ما يلا يا عم خلينا نخلص. زين: أنا جاي آه. قمر باستغراب: رايح فين؟ زين: هتعرفي. زين قعد جنب المأذون وقمر مستغربة. المأذون: فين وكيل العروسة؟

عمر: أنا. زين: وأنا العريس. قمر شافت زين بيقول إنه هو العريس وبقي جواها بركان غضب. المأذون: امضي هنا ياعريس. مضي زين. المأذون: فين العروسة عشان تمضي؟ عمر: تعالي يا قمر امضي. قمر باستغراب: امضي ليه؟ زين: عشان تبقي مراتي، هيكون لي يعني. قمر: انتوا بتتكلموا بجد؟ عمر: تعالي امضي بس وابقي استغربي بعدين. مضت قمر. وتم كتب الكتاب. والكل بقي يبارك ويهني وقمر واقفة مش فاهمة حاجة. وبعد المباركات زين حضن قمر.

زين: أخيراً بقيتي ملكي. قمر: اللي حصل ده بجد؟ زين: آه بجد، مش كريم كان عايز يعمل خطوبته مع جوازنا، اهو ادينا اتجوزنا. قمر: إزاي ده حصل؟ زين: زي ما انتي شوفتي اللي حصل. خلصت الخطوبة وروحوا وقمر طايرة من الفرحة أنها بقت مرات زين. قمر: انتي كنتي عارفة يا ماما إنه هيكتب الكتاب النهارده؟ هند: آه طبعاً كنت عارفة. قمر: وكنتي كمان عارفة إن البنت اللي كانت معاه دي قريبة؟ هند: آه برضو. قمر بصدمة: ومقولتيش ليه؟

هند: عشان تتعاقبي على اللي عملتيه. قمر: أنا مش هدخل في نقاش عشان مبسوطة بس. هند: طب مبروك يا روح قلبي. قمر: الله يبارك فيكي يا حبيبتي. ياسمين: ألف مبروك يا حبيبتي، كده بناتي الحمدلله فرحت ببناتي الاتنين في يوم واحد. قمر: الله يبارك فيكي يا خالتو، عقبال ما تفرحي بجواز يارا. يارا: يااااارب. الكل ضحك ودخلوا يناموا. تاني يوم قمر صحيت على صوت هند وهي بتقول: اصحي يا قمري، كفاية ورانا حاجات كتير عايزين نعملها.

قمر بابتسامة: صباح الخير يا ماما. هند: صباح النور يا قلب ماما، مالك صاحية مبتسمة ليه؟ قمر: حلمت حلم جميل. هند: طب احكيلي. قمر حكت اللي حصل. هند ابتسمت وكانت هتتكلم بس قاطعها صوت بره. قمر: ده إيه الصوت ده؟ هند: قومي ونشوف. قمر: بس الصوت مش غريب عليا. هند: طب قومي. وخرجت هند ولبست قمر وكانت هتخرج. بس سمعت.