رواية قمر الزين الفصل الثامن عشر 18 - بقلم ساسو محمد

خرجت هند ولبست قمر. كانت هتخرج بس سمعت صوت زين وهو بيهزر مع عمر. خرجت وهي مش فاهمه حاجه ولا إيه اللي جاب زين هنا. قمر: صباح الخير. الجميع: صباح النور. زين: صباح الهنا والجمال يا قلبي أنا. قمر باستغراب: قلبك؟ زين: آه طبعًا قلبي وعقلي وروحي وكل حياتي. قمر باستغراب أكتر: إزاي يعني؟ زين قام خدها في حضنه: زي كده. قمر زقته وبعدت عنه وقالت: إيه اللي انت عملته ده وإزاي ساكتين على اللي بيعمله؟

زين باستغراب من تصرف قمر: في إيه يا قمر؟ عمر: مالك يا قمر؟ قمر: يعني انت عايزاه يحضني وأسكت؟ لأ وكمان انتوا ساكتين؟ ياسمين: وفيها إيه يا بنتي؟ قمر: يعني إيه فيها إيه؟ هند: يعني واحد بيحضن مراته، إيه الغلط في كده؟ قمر باستغراب: مراته؟ زين بعدم فهم: في إيه أنا مش فاهم حاجة. هند: اقعد يا زين وأنا هفهمك، وإنتي يا قمر اقعدي. قمر: في إيه يا ماما؟ هند: عارفة الحلم اللي انتي حكيتيهولي من شوية؟ قمر: آه، ماله؟

هند: مش حلم يا قلبي، ده حقيقة. قمر باندهاش: حقيقة؟ هند: آه حقيقة. قمر: يعني أنا دلوقتي مرات زين بجد؟ هند: آه مراته بجد. زين: أنا مش فاهم حاجة، إيه اللي بيحصل؟ هند: قمر من كتر الفرحة اللي هي فيها مش مستوعبة إنكم كتبتوا الكتاب، وعشان كده اتعاملت معاك بالطريقة دي. عمر: عشان كده قالت إزاي ساكت على إنه حضنها. هند: بالظبط. زين: طب قومي البسي ويلا نخرج، وهثبتلك إنك مراتي. قمر: هنروح فين؟ زين: يلا.

وإنتي كمان يا يارا البسي عشان كريم هيعدي ياخدك ونخرج كلنا. ده بعد إذن طنط ياسمين وعمر طبعًا. ياسمين: أنا عن نفسي معنديش مانع، شوف عمر. عمر: وأنا كمان معنديش مانع، بس بلاش تأخروهم عشان نلحق أقعد معاهم شوية قبل ما أمشي. يارا: إنت هتمشي امتى؟ عمر: الفجر. يارا: خلاص أنا مش هخرج. قالت كده في داخلها. كريم: ليه إن شاء الله؟ يارا اتخضت ونطت في حضن عمر. كلهم ضحكوا على منظرها. يارا بغيظ: في حد يخض حد كده؟

كريم: أنا خبطت وقمر فتحتلي، مش ذنبي إنك مسمعتيش. يارا: عشان مسمعتش تخضني؟ كريم: حقك على قلبي. عمر: لأ بلاش جو المحن ده، وراعوا إن في شاب سنجل لسه. كريم: بكرة تقع في الحب زينا كده. عمر: ولحد ما أقع في الحب مفيش محن ولا سهوكة، سامعين. يارا بغيظ: ده ليه إن شاء الله؟ عمر باستفزاز: عشان أنا قولت كده. كريم: يا عبيطة، ما مش قاعد على طول. يارا: اتصدق صح. عمر: طب مفيش خروج بالهند فيكم. زين: خلاص خلينا كلنا نقضي اليوم هنا.

قمر: ده ليه بقى؟ زين: يعني يرضيكي إحنا نخرج وهما لأ؟ قمر: لأ، عندك حق. ياسمين: تنوروا يا حبايبي. وبعد وقت من الضحك والهزار والصوت العالي طبعًا. عمر: بسسس حرام عليكم، صدعتوني. كريم: مش انت اللي قولت مفيش خروج؟ عمر: لأ، رجعت في كلامي. قومي يا بت انتي وهي البسوا. يارا: بجد؟ عمر: آه بجد. يارا: حمدا لله. لبسوا وهما خارجين. عمر: استنوا هنا. كريم: إيه تاني؟ عمر: الساعة دلوقتي 3. كريم: يعني إيه؟

عمر: يعني بالكتير أوي 8 البنات يبقوا هنا. زين: ملكش دعوة بقمر، قمر بقت مراتي. عمر: لأ يا حبيبي، لسه مبقتش في بيتك عشان ميبقاش ليا دعوة بيها. زين: غلبتني، عنيا. عمر: سامع يا كريم؟ كريم: سامع. في حاجة ولا نمشي؟ عمر: آه استنى. كريم: إيه تاني؟ عمر حضن يارا بحب وقالها: أخيرًا جه اليوم اللي شفت بنتي وأختي وصاحبتي عروسة. يارا: ربنا ما يحرمني منك يا روحي. كريم: أنا كده هغير. عمر بضحك: بس يا بابا.

وباس قمر من قورتها: أخيرًا أخواتي بقوا عرايس. قمر: ربنا يخليك لينا ونشوفك قريب مع عروستك. عمر: ربنا يسعدكم. وخرجوا. زين: تحبوا تخرجوا فين؟ قمر: أنا جعانة. زين بضحك: طب يلا نروح ناكل، وبعدين نشوف هنروح فين. وراحوا مطعم على البحر وطلبوا الأكل. بس في طبق مقفول نزل. قمر بفضول: اشمعنى ده اللي حاطين عليه غطا؟ يارا: آه صح، ليه؟ زين: هتعرفي دلوقتي. وفجأة النور طفى. قمر: إيه ده؟ النور قطع ولا إيه؟

وفجأة ظهر في السما Happy birthday ya Qamari. قمر بانبهار وعدم تصديق: ده ليا أنا؟ وبتلف تبص لزين ملقتوش جنبها. وفجأة النور رجع وبتدور على زين مش شايفاه. وهي بتدور حضنها من ورا وكان ماسك في إيده الطبق المقفول وفتحه، ولابسها خاتم عليه حرفها وسلسلة عليها صورتهم بعد كتب الكتاب. والكل اللي في المطعم سقف وكانوا منبهرين بالمنظر. قمر بحب: ربنا يخليك ليا يا أحلى حاجة حصلتلي. زين: ويخليكي ليا يا كل حياتي.

وقعدوا يكملوا أكل وقمر طايرة من السعادة ومش مصدقة كل اللي حصل. يارا: قولي يا زين، لحقت عملت كل ده امتى وأنا لسه جايين؟ كريم: صحيح، امتى وإزاي؟ زين: أنا جيت هنا الصبح اتفقت معاهم على كل حاجة، وبعدين روحت لقمر. قمر: طب افرض كان عمر صمم على اللي في دماغه ومخرجناش، كان كل ده راح على الفاضي. زين: يا حبيبتي، أنا متفق مع عمر أصلًا. كلهم بصدمة: إيه؟

زين بضحك على منظرهم: أيوه، كلمت عمر قبل ما أروح واتفقت معاه إنه يعمل كده عشان يكونوا خلصوا وظبطوا الدنيا. كريم: يا ابن الـ... زين: من غير شتيمة. وقضوا باقي الوقت بحب وهزار وضحك. وروحوا. وأول ما دخلوا الشقة اتصدموا. قمر بصدمة: إيه ده؟