رواية قمر الزين الفصل التاسع عشر 19 - بقلم ساسو محمد

اتصدموا لما دخلوا الشقة. قمر بصدمة: إيه ده؟ كان فيه صندوق عليه صورة لزين وبوكيه ورد فوق الصندوق. زين من وراها: افتحيه وشوفي. قمر بخضة: أنت هنا؟ زين: لازم أكون هنا طبعاً. قمر: ليه؟ زين: عشان قلبي هنا. عمر مسكه من التيشيرت: هو مش أنا قلت جو المحن ده مش في البيت؟ زين: خلاص يا عم، هسكت. عمر: يبقى أحسن. وأنتي يا بت، روحي شوفي هو جايب لك إيه. قمر مسكت البوكيه، كان أبيض وأحمر زي ما بتحب. قمر: كنت حاسة على فكرة.

زين: حاسة إيه؟ قمر: حاسة إنك أنت اللي بتبعت لي الورد. زين بجدية: ورد إيه؟ قمر: الورد اللي كنت بتبعت لي في البنك. زين: أنا ما كنتش ببعت حاجة. قمر: بجد مش أنت؟ زين: لا، مش أنا. قمر: اومال مين اللي بيبعته؟ زين: معرفش. قمر: زين، ما تهزرش. زين: مش بهزر، أنا أول مرة أجيب لك ورد. عمر: طب، مش وقته. وكملي فتح الهدية، وبعدين نبقى نشوف مين اللي بيبعت الورد.

قمر فتحت الصندوق، لاقت فستان كشمير شكله تحفة، والهيلز بيج، وشنطة مكياج كاملة، وشنطة تانية. وفي الآخر شافت كارت، مسكته، وكان مكتوب فيه: "أخيراً حلم السنين اتحقق، وبقى اسمك على اسمي، وبقيتي جزء مني. بحبك." سابت الكارت وجريت حضنته وهي مش مصدقة إن كل ده حقيقة. قمر: أنت عملت كل ده عشاني؟ زين: هو أنا عندي أغلى منك أعمل كده؟ قمر: ربنا يخليك ليّا. زين: ويخليكي ليّا يا كل ما ليا. عمر: كفاية بقى.

قمر خرجت من حضن زين وقالت: بس إيه الحاجات دي؟ زين: الدريس والهيلز والشنطة كانوا بتوع كتب الكتاب، وشنطة المكياج تعويضاً ليكي عشان مجبتلكيش ميكب ارتست. قمر: بجد، أنا مش عارفة أقول لك إيه. زين: متقوليش حاجة، أنا عايزك بس تدخلي تلبسيهم وتيجي عشان نخرج. قمر: عينيا. زين: تسلم لي عنيك. ودخلت قمر تلبس. عمر: يا ابني، فلوسك هتخلص على اللي بتعمله ده. زين: فداها كنوز الدنيا. عمر: طب، لما أخليك تشحت، متجيش تشتكي.

زين: لما أشحت، أبقى ساعتها ملكش دعوة بيا. عمر: براحتك. وخرجت قمر وقالت: أنت جاهز؟ وخرجت هي وزين. قمر: إحنا رايحين فين؟ زين: هتعرفي لما نوصل. ووصلوا كافيه كان محجوز ليهم، وكان متزين. قمر اتفاجأت بمامتها وياسمين وأهل زين هناك. قمر: ده ماما وخالتو وأهلك كمان هنا. زين: ما أنا عارف. عمر: من خلفها، وإحنا كمان. قمر: كمان؟ وراحوا سلموا عليهم. زين: ما كانش ينفع أعدي اليوم من غير التورتة.

قمر: بس كفاية اللي أنت عملته في المطعم والهدية. زين: كل ده ولا حاجة بالنسبة للي حاسس بيه دلوقتي. قمر: وأنت حاسس بإيه؟ زين: حاسس إني مالك الدنيا كلها. قمر: وأنا كمان حاسة نفس الإحساس. زين: أحلى من تمت الـ 27 في حياتي. قمر: وأنت أحلى حاجة حصلت لي في حياتي. وطفوا الشمع، وقضوا اليوم بفرح وسعادة، وكل روح بيته. وعدى باقي الأسبوع من غير أحداث، ورجعوا القاهرة. وراحت البنك، واتفاجأت برضو ببوكيه ورد،

ومكتوب عليه: "وحشتيني، كنت مفتقدك أوي الأسبوع ده." قمر بتكلم نفسها: يا ترى مين ده؟ ريم من وراها: بتكلمي نفسك الصبح؟ قمر: مستغربة مين اللي بيبعت الورد ده. ريم: ما يمكن زين. قمر: لا، مش زين. ريم باستغراب: وأنت عرفتي منين؟ قمر: هو اللي قالي. ريم: وأنت روحتي سألتيه؟ قمر: آه. ريم: إزاي يعني؟ حكت قمر الموضوع كله. ريم: بجد، يعني خلاص اتصالحته وكتبتوا الكتاب كمان من غير؟ قمر: أنا نفسي اتفاجأت. ريم: مبروك يا روحي.

قمر: الله يبارك فيكي يا روحي. ريم: واتفقتوا الجواز بعد قد إيه؟ قمر: اتصدقي معرفش. ريم: إزاي يعني؟ قمر: والله ما أعرف، لما أروح هبقى أسأله. خلص الشغل وروحت. قمر: السلام عليكم. هند: وعليكم السلام. قمر: ماما، عايزة أسأل سؤال. هند: اسألي. قمر: أنتوا اتفقتوا مع زين الجواز بعد قد إيه؟ هند: هو زين مقالكش؟ قمر: لا، مقاليش. هند: طب، هو جاي بعد شوية، ابقي اسأليه. قمر: مين اللي جاي؟ هند: زين وعائلته. قمر: جايين ليه؟

هند: عزمتهم على الغدا. وقاطع حديثهم رن الجرس. هند: أهم وصلوا، قومي افتحي. فتحت قمر وسلمت على سمية وسراج وزياد وتقي. وسألت: اومال فين زين؟ زين: أنا اهو يا قلب زين. قمر: حمدلله على السلامة. زين: الله يسلمك يا عمري. قمر: طب، ادخل. زين: في حد جاي معايا عايزك تتعرفي عليه. قمر: مين؟ رقية: أنا يا قمر. قمر بترحاب: إزيك؟ رقية: الحمدلله، وأنتي؟ قمر: الحمدلله. رقية: مبروك. قمر: الله يبارك فيكي، عقبال يا رب ما يتمم لك على خير.

رقية: يارب. زين: طب، هنفضل واقفين على الباب؟ قمر: لا طبعاً، ادخلوا. ودخلوا. رقية: حصل سوء تفاهم اللي حصل. قمر: خلاص بقى، أنتِ قولتي سوء تفاهم، وأنا فهمت خلاص. رقية: طب كويس. هند: طب، يلا نحضر الغدا. رقية: هاجي معاكم لو تسمحي لي يا طنط. هند: طبعاً، أنتِ زيك زي قمر وتقي. تقي: خلاص يا طنط، طالما زينا زي قمر، يبقى اقعدي أنتِ، وإحنا هنحضر، ولا إيه يا قمر؟ قمر: تقي عندها حق، يلا يا بنات.

وحضروا وخلصوا غدا، وقمر عملتلهم شاي. وسألت زين: صحيح يا زين، أنت مقولتليش الجواز بعد قد إيه؟ زين: هي طنط مقالتلكيش؟ قمر: هو في إيه؟ أسأل ماما تقولي: هو زين مقالكش؟ أسألك تقولي: هي ماما مقالتلكيش؟ حد يجاوبني يا جدعان. زين بضحك: خلاص يا ستي، الجواز بعد شهر.