رواية قمر الزين الفصل الثالث 3 - بقلم ساسو محمد

زين رجع للبنت وهو مازال مصدوم ومش مصدق إن حب عمره ضاعت منه بسبب سوء تفاهم. البنت: في إيه مالك وخطيبتك فين؟ زين: سابتلي الدبلة ومشيت. البنت: يعني مأفهمتهاش أنا مين؟ زين: بقولك أدتني الدبلة ومشيت من قبل ما أتكلم. البنت: بس أنت غلطت، كان لازم تعرفها أنا مين الأول. زين: خلاص بقى اللي حصل. البنت: طب هتعمل إيه؟ زين: مش عارف. البنت: تحب أكلمهالك أنا أفهمها الصح؟ زين: لا، لازم أنا اللي أقولها. البنت: طيب. زين: أنا همشي.

البنت: ابقى طمني عملت إيه. زين: أوك سلام. البنت: سلام. عند قمر، وصلت البيت وهي منهارة ودخلت على طول أوضتها من غير ولا كلمة. هند: قمر افتحي الباب. قمر: _هند: يا بنتي في إيه قلقتيني. قمر: _هند: طب اتخانقتي أنتِ وزين؟ قمر بعياط: أنا وزين سيبنا بعض. هند: يلهوي إيه اللي حصل؟ قمر: طلع بيحب واحدة تانية. قاطع كلامهم خبط الباب، لتفتح هند ويدخل زين. زين: فين قمر يا طنط؟ هند: إيه اللي حصل يا ابني لده كله؟

زين: حكالها كل اللي حصل وحكالها علاقته إيه بالبنت دي. هند: طب ليه مقولتلهاش كده؟ زين: مدتنيش فرصة. هند: طب استني هدخل أحكيلها وأخليها تخرج لك. زين: لا يا طنط بعد إذنك خليها تخرج وأنا اللي لازم أحكيلها. هند: ماشي يا ابني. دخلت هند لقمر لتخبط على الباب. هند: افتحي يا قمر. قمر: مش هفتح، عايزة أقعد لوحدي. هند: خطيبك بره عايزك. قمر: أنا مش مخطوبة ومش عايزة أكلم حد. هند: يا بنتي عشان خاطري.

قمر: عشان خاطري أنتِ سيبني على راحتي. هند: حاضر. خرجت هند لزين. هند: مش عايزة تخرج. زين: طب حاولي معاها تاني معلش. هند: أنا من رأيي تسيبها النهاردة تهدي، ولما تهدى هحكيلها اللي حصل وأكلمك تيجي. زين: لا يا طنط معلش، اوعديني إن مهما حصل متقوليلهاش حاجة، أنا اللي لازم أقولها. هند: حاضر يا ابني. زين: أنا لازم أمشي وهجيلها بكرة تاني. هند: ماشي يا ابني.

مر شهر ونص على هذا الحال، قمر حبست نفسها في أوضتها ومبتتكلمش مع مامتها كمان، ومبتروحش حتى الشغل عشان متحتكش بيه. وزين كل يوم يروح لقمر عشان يشرحلها سوء التفاهم، لكن دون جدوى. وأخيرًا خرجت قمر من أوضتها لتفرح أمها بخروجها، لكن انصدمت من شكل قمر. هند بصدمة: أنتِ لابسة كده ورايحة فين؟ قمر: مسافرة.