رواية قمر الزين الفصل الثاني عشر 12 - بقلم ساسو محمد

خرجت قمر تسلم على كريم. دخلت قمر ولسه هتتكلم. قمر بصدمة: انتي، انتي إيه اللي جابك هنا؟ البنت: حضرتك تعرفيني؟ قمر: يا بجاحتك يا شيخة. البنت: أنا مش فاهمة حاجة. هند بذهول: في إيه يا قمر؟ قمر بعصبية: الهانم دي اللي بسببها خطوبتي اتفشكلت. كوكي بصدمة: انتي قمر؟ قمر: آه يا أختي قمر اللي من بجاحتك جاية لحد هنا كمان وعاملة نفسك متعرفينيش. كريم: براحة يا قمر وافهميني. انتي تعرفي كاميليا منين وخطوبة إيه اللي اتفشكلت بسببها؟

قمر: انت عارف إنّي مخطوبة قبل كده صح؟ كريم: صح. قمر: والهانم اللي معاك دي شافته مرة في الشارع وحضنته وبسته وعشان كده خطوبتي اتفشكلت. كريم: انتي اللي كنتي خطيبة زين؟ قمر بذهول: انت تعرف زين منين؟ كوكي: طب اقعدي واهدي وأنا هفهمك كل حاجة. قمر: مش هقعد واتفضلي بره. هند بعصبية: قمـــــــــر احترمي نفسك الناس عندنا عيب. قمر: ومش عيب اللي هي عملته؟

هند: ما هي قالتلك اقعدي وهفهمك وانتي اللي راكبة دماغك يعني لا عايزة تسمعي منها ولا تسمعي من زين وتقولي إن هي السبب في فشكلة الخطوبة. قمر: اومال مين السبب؟ هند: انتي. قمر بصدمة: أنا؟ هند: آه انتي بسبب تسرعك وإنك مش بتدي فرصة للي قدامك يفهمك الصح. واتفضلي اقعدي عشان تسمعي بقي الصح اللي زين قعد شهرين يتحايل عليكي فيهم تسمعيه وانتي راكبة دماغك. قمر: أديني قعدت أهو اتفضلي. كوكي: أنا اسمي كاميليا اخت كريم عندي 32 سنة.

قمر: وأنا مالي بكل ده. هند: برضو. قمر: هسكت خلاص. كوكي بضحك: على فكرة أنا وزين اللي بينا مش هتفهميه يا قمر لأن اللي بينا حب من نوع خاص. قمر: إزاي بقي إن شاء الله؟ كوكي: قبل ما أقولك إزاي أحب أقولك إنّي متجوزة ومخلفة وجوزي وبنتي قاعدين قدامك أهو. قمر بصدمة: كمان متجوزة؟ لا ومش محترمة جوزك وبتقولي إنك بتحبي زين؟ كوكي: آه أقول من قدامه ومن وراه كمان وهو مش هيعترض. عارفة لي؟ قمر بفضول: لي؟

كوكي: عشان زين ابن خالتي وأخويا الصغير. قمر بصدمة: ده بجد؟ كوكي بضحك على شكل قمر: آه يا ستي بجد. وغير إنه هو أخويا الصغير أنا وزياد أخوه إخوات في الرضاعة. فهمتي بقي؟ قمر: طب هو لي مقاليش كده؟ كوكي: انتي اديتي فرصة لحد يقولك حاجة. ساعتها خدتي بعضك ومشيتي. وزين قعد أكتر من شهر يجيلك وأنا أخدت منه رقمك عشان أكلمك وأفهمك وانتي مش بتردي. قمر: ما أنا مش برد على أرقام غريبة.

كوكي: طب أنا أعمل إيه بقي. وبسببك أنا أجلت سفري شهرين. ولما يأست إنّي أوصلك حجزت عشان أمشي. لاقيت كريم هيخطب فقعدت. ومن حظي إنّي جيت لاقيتك هنا. قمر بندم: أنا آسفة بجد على اللي حصل يا. كوكي: اسمي كاميليا بس اللي قريبين مني بيقولولي يا كوكي. قمر: أنا آسفة يا كوكي. كريم: بما إنهم اتصالحوا واتصافوا بقي إيه رأيكم نقرأ فاتحة الصلح وفاتحتي أنا ويارا. عمر بضحك: انت لسه مغيرتش رأيك بعد اللي حصل؟

كريم: ده اللي حصل ده خلاني أثبت على رأيي أكتر. عمر: براحتك أنا نصحتك بالطريقة وانت مش عايز تتنصح. ياسمين: خلاص بقي يا عمر هو شكله راجل وانت لما سألت عليه اتأكدت من ده. كريم بصدمة: سألت عليا؟ عمر: آه طبعاً سألت عليك أومال انتي عايزني أجوزك أختي من غير ما أسأل عليك ولا إيه؟ كريم باستغراب: طب لحقت أسأل امتى؟ باسم (زوج كاميليا) : مش انت قولتلنا يا ابني إنه ظابط يبقي أكيد لحق ده شغلته. كريم: أتصدق صح.

باسم: طب نقرأ الفاتحة بقي ولا إيه؟ كريم: بس بشرط. عمر: انت هتتشرط علينا كمان؟ كريم: خليها عليك المرة دي معلش. عمر: قول شرطك. كريم: خطوبتي أنا ويارا مع جواز قمر وزين. قمر بصدمة: بس أنا مش مخطوبة. كريم: يعني بعد كل اللي حصل ده وإنك كنتي هتبلعي أختي وتقوليلي مش مخطوبة. قمر: طب أنا عايزة أفهم حاجة قبل ما أقولك مخطوبة ولا لأ. كريم: عايزة تفهمي إيه؟ قمر: لما انتوا قرايب زين محضرتوش الخطوبة لي؟

كريم كان هيتكلم لكن قاطعته كاميليا. كاميليا: بصي يا ستي أنا وباسم وتالا وماما وبابا عايشين في ألمانيا. ومن سوء الحظ كمان إن ساعة خطوبتكم كان كريم عندنا. وعشان كده محدش فينا حضر. قمر: اممممممم عشان كده لما شافك قالك رجعتي امتى؟ كاميليا: بالظبط. وساعتها أنا كنت نازلة القاهرة عشان أروح لخالتو بس قولت أروح المول الأول أجيب حاجات وشوفتك. قمر: امممممم. كريم: قولولي بقي لسه مخطوبة ولا سينجل؟ قمر بكسوف: لسه مخطوبة.

كوكي: نقرأ الفاتحة بقي عشان خاطر الواد هيحصله حاجة لو مقرأنهاش. الكل بضحك: يلا. وقرأوا الفاتحة والكل بارك. وهنا طبعاً ده كله تحت صدمة يارا اللي مش مصدقة إن كريم هو اللي خطبها. كريم: ممكن أستأذنكم في حاجة بقي؟ عمر بضحك: انت طلباتك كترت ياض على فكرة. كريم: طب خليها عليك تاني. عمر: طب قول. كريم: ممكن نخرج كلنا نقعد في مكان بره احتفالا إننا قرأنا الفاتحة. عمر: إذا كان كده موافق. كريم: تحبوا تروحوا فين؟

قمر بصت لعمر وابتسمت وعمر ابتسم لها أيضاً لأنه فهم هي عايزة إيه. ياسمين: طب ضحكونا معاكم. عمر: طب يلا ننزل وامشوا ورايا وانتوا هتعرفوا. ونزلوا ووصلوا المكان. يارا: اشمعنى المكان دي يا عمر؟ عمر: أنا وقمر كنا متفقين إن لما نقرأ فاتحتك نيجي نقعد هنا عشان أول مرة نعرف موضوعك انتي وكريم هنا. وعلي الترابيزة اللي هنقعد عليها هناك دي. يارا بصدمة: إيه؟ قمر بضحك: انتي لسه هتتصدمي. يارا: انتوا عرفتوا منين؟ ياسمين: من قمر.

يارا: وقمر عرفت منين؟ قمر: من كريم. يارا بصدمة أكبر: كريم. كريم بضحك: ماكنش ينفع تبقي بنت خالتك معانا في الشغل ومستغلش الفرصة عشان أحددلي معاد وأجي أتقدم فيه. يارا: طب قولتلها امتى؟ قمر: من أول ساعة ليا في الشركة وأنا عارفة. يارا: كمان؟ كريم: طبعاً أنا لو كنت بتسلى بيكي ماكنتش فاتحت قمر عشان تكلم طنط عشان انتي كنتي كل شوية بتتحجي بيها. يارا: يعني استغفلتوني. قمر بضحك: لا مش اسمها استغفلناكي.

يارا: اومال اسمها إيه ياختي؟ قمر: اسمها غفلناكي لحد ما نحطك قدام الأمر الواقع. لكن استغفلناكي دي معناها وحش. يارا: ماشي هعدي اليوم بس حسابكم معايا بعدين. كريم: طب ممكن تقبلي الهدية البسيطة دي بمناسبة إننا قرأنا الفاتحة. يارا: الله حلوة أوي. كريم: بحبك. يارا: وأنا كمان. عمر: على فكرة إحنا قاعدين. كريم: خطيبتي يا جدع في إيه. عمر: لسه مبقتش. كوكي: اومال إحنا كنا في بيتكم من شوية بنعمل إيه؟

قمر: الله انتي بتحامي لأخوكي من أولها؟ كوكي: لا أنا بقول الحق. وقضوا وقت لطيف بين ضحك وهزار ورومانسية يارا وكريم.