رواية قمر بنت الصعيد الفصل الثاني عشر 12 - بقلم حنين عادل

وصلوا قدام الفيلا وقعد السواق يزمر عشان البواب يفتح بس ما فتحش. ناصر باستغراب: "بوي فين ياتري؟ نزل ناصر وفتح الباب ودخل على أوضة أبوه بسرعة وهو قلقان، مالقهوش. ناصر: "ياتري انت فين يابوي؟ ممكن البيه يكون بعته مشوار ولا حاجة، أنا هاروح أسأله بس قلبي مش مطمن." *** بيدخل نوح من باب البيت وهو ماسك إيد قمر. بيلاقي جده وهدان قاعد وساند على عصايته. بتبص قمر عليه بخوف. بيطمنها نوح وهو بيضغط على إيدها وبيبتسم.

وهدان: "جايبها في إيدك ولا كأن أي حاجة حصلت؟ دا بدل ما تقتلها ونخلص من عارها الفاجرة." قمر بدموع: "ليه ياجدي؟ عملت إيه لكل ده؟ أنا عمري ما عصيت ربنا ولا هاعصيه." وهدان: "مين اللي غواكي وخلاكي تهربي وياه يا فاجرة؟ قمر بدموع: "كفاية بقا، انت ماتعرفش غير الظلم، الظلم وبس يا جدي. عاوز تبيعني وأفضل قاعدة؟ عاوز تعيد الزمن من تاني يا جدي؟ إن كنت انت نسيت أنا مانسيتش عاد." وهدان: "وه انت هاتخربطي وتقولي إيه؟

قمر: "عايزة أخربط أقول إيه ياكش تكون فاكر إن ماعرفش حكاية أمي اللي اتظلمت وهي مالهاش أي ذنب. جوزتوها لأبوي عشان تنهوا العداوة بين العيلتين مع إنكم خابرين صوح إنهم ماحبوش بعض. وافقتوا عليهم بالعذاب طول العمر، لا هي طالت اللي بتحبه وكانت مخطوبة له ولا أبوي طال اللي حبها من صغره لحد ما الهم طالهم بدري وخلص عليهم." صوت سقفة. بيبصوا عليها بيطلع عثمان أبو نوح. عثمان: "وايه كمان يابنت خوي، زيدي!

قمر بسخرية: "عارف يا عمي، انت الوحيد اللي طول عمرك واخد حقك تالت ومتلت. ياريت أبوي كان اتعلم منك، كان يمكن فاته عايش لحد دلوقتي." عثمان: "نيجي للمهم بقا، جهزي نفسك هاتتجوزي... بيقاطعه نوح: "مش هاينفع تتجوز وهي متجوزة يابوي." عثمان بصدمة: "واتجوزت مين؟ ناصر الكلب! بيدخل ناصر في نفس الوقت وهو حاطط إيده في جلابيته. ناصر: "سلامو عليكوا، كيفك يا حاج وهدان؟ بوي فين؟ بيبص عليه وهدان وعثمان بعصبية.

ناصر بيبص لنوح وقمر وهو مستغرب. عثمان بيطلع مسدسه: "سهلة تبقي أرملة وأربع شهور وتتجوز! بيوجه مسدسه ناحية ناصر. ناصر: "امممممم... يا سنة سوخة يا ولاد... بيجري ناصر يقف ورا نوح. عثمان: "اطلع من وراه يا جبان! ناصر بيبص من ورا نوح: "مش طالع." نوح: "لو عاوز قمر تبقي أرملة يبقي تقتلني أنا يا بوي! عثمان: "قصدك إيه؟ نوح: "قصدي إن قمر دلوقتي مرتي." بيقعد عثمان من الصدمة ووهدان بيوقع عكازه. عثمان: "آه يا غبي، طول عمرك غبي!

ضيعتنا كلنا، منك لله." وهدان: "جوازك من قمر باطل! بيبص له عثمان وقمر ونوح وهما مستغربين. نوح: "أنا متجوزها على سنة الله ورسوله." وهدان: "قمر، أنا جوزتها لعمران بيه وكنت وكيله." نوح وقمر وناصر بصوا له بصدمة. نوح: "انت كيف كييييف... قمر قعدت على الأرض تعيط: "ليه أكده يا چدي؟ لييييه." وهدان: "مش بعد كل السنين دي نتعرى للخلق؟ وكل اللي شقيت عشانه دا شقي العمر." نوح: "يستحيل حد ياخد مني مرتي."

عثمان: "انت أكده جوازك باطل منيه." نوح: "أنا وانت وجدي عارفين إن جوازها من عمران هو الباطل." تؤتؤتؤ.... بيبصوا على الصوت. بيدخل واحد مبتسم. اللي يشوفه بهيئته يقول عليه عنده 40 سنة. نوح: "انت مين يا جدع انت؟ بيقعد على الكرسي وبيحط رجل على رجل وبيـبص لـقمر. عمران: "مراتي العزيزة، أخيرا ظهرتي." بتـبص عليه قمر بصدمة ونوح. ناصر: "طب والله مش وحش، ده كركوبة دا أنا اللي كركوبة. اتكلي على الله. بدل ما اتجوزه أنا."

كلهم بيبصوا له بعصبية. ناصر: "احم... أنا هاروح أدور على أبوي، شكلكم ماتعرفوش هو فين." بيخرج ناصر. بتقف قمر بعصبية: "انتم إيه؟ هو الجواز عافية؟ أنا خبرتكم إني ماعوزاش أي حاجة." عمران: "بس أنا عاوزك. وطالما أنا عاوزك يبقى لازم تكوني ملكي." نوح: "دا بعدك، قمر مرتي." عمران بهدوء: "هاعديها لك المرة دي بس، بس بعد كده الغلطة بفورة. مش يلا يامرتي المصون." بيمسك نوح إيد قمر.

نوح: "قمر مش رايحة معاك في حتة، واللي عندك اعمله. جوازكم باطل! بيقف عمران وبيعدل هدومه. وفجأة البودي جارد بتاعه بيدخل وهو رافع مسدساته وبيلفوا حوالين نوح. عثمان: "اهدي يا عمران بيه، هو ما يقصدش." عمران: "مرتي هتيجي معايا برضاك غصب عنك. وانت عايش أو وانت ميت، وفي كل الحالات... وهدان: "هملها يانوح، هملها." نوح: "هملتها قبل كده، لكن أنا وعدت نفسي ووعدتها إني مش هاهملها تاني واصل."

بيشاور عمران للبودي جارد. بيمسكوا نوح وهو عمال يعافر وبيكتفوه وبيحطوا المسدس في دماغه. قمر بتكون خايفة، بتشوف سكينة الفاكهة وهي مش عارفة تعمل إيه. نوح: "خليها راجل لراجل، بدال ما انت متحامي فيهم ولا خايف ما تقدرش." بيبتسم عمران بثقة وهو بيقلع الجاكت بتاعه وبيبان جسمه المنسق من القميص. بيشاور للبودي جارد. نوح بيجري عليه بعصبية وبيـضربه في صدره. وبعد كده بيكون هايضربه بالبونيه بس عمران بيتفاداها. وبيـضربه هو.

نوح بيقع على الأرض ومناخيره بتنزل دم. بيـقوم تاني وهو بيمسح الدم وبيجري على عمران. بيـمسكه عمران وبيحطه تحت دراعه وبيشل حركته. نوح بيقعد يضرب في جنبه بقوة. بيـشتاله عمران وبيـرزعه في الأرض. بيـقوم نوح وهو ماسك ضهره. *** ناصر بيبص على الفيلا: "دي فاتها عركة واعرة والدم للركب، أحسن حاجة إني هملتهم ومشيت. آه، كفاية اللي حوصلي قبل كده. طب وقمر، هاتهملها؟

يعني لو نوح ماقدرش يعملها حاجة، الطور ده هاتعرف انت وأنت آخرك دكر بط بلدي بيناتهم، لا بتهش ولا بتنش." بيطلع ناصر بره البوابة بيشوف عربية سودا جاية على بعيد. بتوقف قدامه وبيندهوله. بيروح لهم ناصر. "خبرنا العنوان ده فين يا أبو عمو." بيمسك ناصر الورقة اللي بيكون فيها مخدر وبيروح في الوعي. بينزلوا من العربية وبياخدوه. وبيـمشوا. ***

بيقوم نوح وهو ماسك ضهره وبيجري عليه يضربه بالبونيه بس عمران بيضربه بكوعه في وشه وبعد كده بيضربه في كل جسمه لحد ما بيقع على الأرض ومش بيقدر يتحرك. قمر بدموع جت تجري عليه. مسكها عمران من إيدها. قمر بتحاول تفك إيدها بس إيد عمران بتكون قوية. بتعرف قمر تاخد السكينة. قمر: "لو ماهملتنيش أنا هاقتل نفسي." بيمسك عمران إيدها التانية بسرعة. وبيـفك السكينة من إيدها وبيرميها. بيمسكها نوح وبيخبيها.

بيمشي عمران وهو شادد قمر بس قمر بتقعد على الأرض وهي بتعيط ومش راضية تتحرك. بيقرب عمران من نوح في نفس الوقت نوح بيحاول يقف وبيضرب عمران بالسكينة.