رواية قمر والميم دال الفصل الثامن 8 - بقلم امنيه يوسف

رعد بحب: يا حببتي أنا اتجوزتها بس عشان أبويا هيحرمني من الميراث، لكن أنا مبحبهاش، أنا بحبك انتِ. أوف يبنتي، قمر مين دي اللي أحبها. قمر كانت واقفة بصدمة وخرجت من غير ما يحس بيها. قمر في أوضتها كانت بتبكي ومنهارة بسبب الكلام اللي سمعته من رعد. مكنتش تتخيل إنه مش بيحبها، وكمان طلع بيحب غيرها وطلع واطي. رعد وهو بيخبط على بابها: قمر لو سمحتي افتحي. قمر وهي بتعيط: امشي، أنا مش عايزة أتكلم مع حد.

رعد استغرب كلامها ولاحظ إنها بتبكي. رعد بهدوء: افتحي، أنا عايز أتكلم معاكِ. قمر ببكاء وصراخ: أنا مش عايزة أتكلم معاك، لو سمحت امشي. رعد بعصبية: أنا بقولك افتحي، لي افتحي الباب ده لاكسره فوق دماغك. قامت قمر بغضب: أهو فتحت أهو، عايز إيه بقا. رعد بهدوء: محتاج أتكلم معاكِ في موضوع مهم مش هقدر أجله. قمر اتخيلت إنه موضوع حبيبته، واكيد هيقولها إنه هيطلقها عشان بيحب البنت دي، وبدأت تبكي تاني. رعد

بخضة عليها وهو بيحضنها: مالك يا قمري، فيه إيه. قمر ببكاء: أنت أنت واطي وحقير، عمري ما كنت أتخيلك كدا يا رعد. وفجأة هي وبتتكلم سمعوا صوت زعيق تحت. نزلوا جري، وهنا رعد اتصدم لما سمع وشاف شخص: أنا مرات رعد ابنك يا حج. وجريت على رعد لما شافته. رعدي حبيبي، انت مش قايلهم إننا متجوزين. رعد بص على قمر وهو بيبلع ريقه. عند جاسم وحور. دخلت مرات جاسم وهي شايفة جوزها في حضنه واحدة تانية.

وقفت بغضب وقالت: هو فيه إيه، إيه اللي بيحصل كدا. حور بعدت عن جاسم بسرعة: أنا أنا والله محصل حاجة. مرات جاسم وتدعي رانيا: أنا عارفة إنكم هتتجوزوا، بس مالك يا جاسم مستعجل ليه يا حبيبي. جاسم بغضب منها ومن برودها: أنتِ بتقولي إيه، أنا مستحيل أتجوّز حور، حور هتفضل مرات أخويا. رانيا بهدوء: حور أرملة أخوك يا جاسم، مش مراته. ثانياً بقا أنت لازم تتجوز عشان تخلف. جاسم هنا سحبها على أوضتهم. في الأوضة:

جاسم بغضب: أنتِ إزاي بتقولي الكلام دا، وإزاي مش غيرانة عليا، أنتِ مش واخده بالك إن جوزك هيتجوز عليكِ؟ رانيا بهدوء: وأغير ليه، جاسم أنت هتفضل تحبني، وواثقة فيك، يبقى خلاص. جاسم استفزه برودها ونزل عند جده. عند رانيا قررت إنها تروح لحور. حور كانت واقفة معاها وهي ساكتة مش عارفة تقول إيه. رانيا بكر.ه: أوعي تفكري إنك هتكوني مرات جاسم، صح. جاسم متجوزك عشان يجيبله ولد يبقى سنده وضهره، غير كدا لا، قلبه ليا أنا وفلوسه.

حور باستغراب: أنتِ بتقولي إنه متجوزني عشان أخلف، يبقى فلوسه ليا أنا ولابني. هنا دخل جاسم على آخر جملة وقالها بغضب: طيب استعدي بقا يا عروسة عشان دخل. تن.ا النهارده.