رواية قمري الفصل الرابع 4 - بقلم ندى رأفت

فجأة راحت طلعت الست سكينة. وفي اللحظة اللي كانت هدخلها فيها قمر، فجأة مسك يونس السكينة بعصبية وبص للست بصة مرعبة. وبعدها قام بعصبية ورمى السكينة وإيده كانت بتنزف وقال بصوت جوهري: كلكم برا يلا. اتخضت الستات من صوته ووقفوا مكانهم. يونس بعصبية: برضه لسه واقفين؟ راح طلع مسدسه وضرب طلقة في السقف. راح مشي الستات بسرعة. عمه يونس بخوف: انت عملت كدا ليه يا بني؟

يونس ببرود: هو كدا، هو كان غلط مني أصلاً إني أدخلكم في الموضوع. اختي أنا اللي حصلها كدا، وأنا هعرف أجيب حقها. عمه يونس بغضب: انت بتقولي أنا الكلام دا؟ علشان البت دي؟ يونس: البنت دي تبقى مراتي، قمر يونس الدمنهوري، وكل هنا لازم يحترمها. ميار بصدمة: انت بتقول إيه يا يونس؟ انت ناسي أبوها عمل إيه؟ كور يونس إيده لما افتكر وقال بعصبية: لأ مش ناسي، وعمري ما هنسى وهنتقم بطريقتي.

عمه يونس بعصبية: اسمع يا يونس، البنت دي لازم تموت، وعمك مش هيرتاح غير ما يعمل كدا. شال يونس قمر اللي قاعدة تعيط بـ شهقة وقال: عمره ما هيقدر يعمل كدا طول ما أنا عايش. وكان لسه هيطلع أوضته. عمه يونس بغضب: انت رايح فين بيها يا يونس؟ البت دي متقعدش هنا واصل، دي توديها الإسطبل تبات فيه. يونس: خلاص يبقى أنا رايح معاها. عمه يونس بصدمة: انت بتقول إيه يا يونس؟ يونس: زي ما سمعتِ.

عمه يونس بضيق: خلاص يا ابني، بس أنا عايز أعرفك إن عمك مش هيسكت. يونس ببرود: ماشي. وطلع أوضته ونيم قمر على السرير وقال ببرود: بطلي عياط بقى. قمر بتعيط جامد بـ شهقة ومش دريانة وقاعدة تقول: سيبوني، يونس، يونس. قعد يونس جنبها وقال ببرود: أنا هنا أهو، أهدي بقى. فجأة قمر قعدت تترعش وقامت وقالت بزعيق: سيبوني بقااا، سبوني، حرام عليكم. يونس انصدم من رد فعلها وقال: مفيش حد يا قمر، أهدي.

قمر رمت كل حاجة جنبها وقالت بزعيق وعياط بـ شهقة: سيبوني أرجوكم، سيبوني. وبدون أي مقدمات مسك يونس إيدها وشدها لي وحضنها جامد وقال بصوت هادي حنين: اهدى يا قمري، أنا جنبك أهو، اهدى. وفضل يطبطب عليها. فجأة قمر سكتت في إيده. يونس بقلق أول مرة يحسه: قمر. وبعدها عنه لقاها مبتحركش. يونس بخوف: قمر، قمر. وكان لسه هيشيلها ويخرج بيها لأقرب مستشفى، لكنه أول ما فتح الباب بتاع الأوضة لقى عمه.

عمه يونس بعصبية: سيبها تموت أحسن يا يونس، يا إما أنا اللي هعمل كدا بنفسي.