رواية قمري الفصل الحادي عشر 11 - بقلم سهر عمار

دخل صقر القصر واخذ يبحث عن قمر ولكن لم يجدها. صعد إلى غرفتها ولكن لم يجدها، وجد ورقة على سريرها. فتحها وكانت الصدمة. صقر يقرأ بصوت عالٍ: "أنا آسفة يا صقر، أنا مشيت عشان مبقاش تقيلة عليك ومش هتشوف وشي تاني. وشكراً أوي إنك احتوتني وخد بالك مني. أشوف وشك على خير. طفلتك قمر." صقر ببكاء: سبتيني ليه يا قمر؟ أنا كنت هصلحك، ليه مشيتي؟ انتي الوحيدة اللي رجعتيني تاني. بس أنا مش هسيبك، هجيبك تحت رجلي وساعتها هوريكي إزاي تهربي.

(يتصل بأحد) هبعتلك صورة واحدة تجيبهالي في ظرف ساعتين، انت فاهم؟ (يغلق دون سماع رد الآخر ويرسل الصورة له) ماشي يا قمر. كانت قمر تمشي في الشارع لا تعرف إلى أين تذهب. جلست على الرصيف من التعب، فهي مشت كثيراً. قمر: آه، هروح فين دلوقتي؟ كان لازم يعني أعمل فيها دور المقموصة وأمشي. بس كدة أحسن عشان يعرف قيمتي. أنا هشتغل وأعتمد على نفسي وأروح المدرسة وأبقى شاطرة وأطلع دكتورة.

في هذا الوقت، كان رجل يمر في الشارع فوجد قمر تجلس ويبدو عليها الحزن. الرجل: مالك يا عسل؟ قمر: مش عارفة أروح فين. الرجل: فين بيتك؟ قمر: مليش بيت. الرجل بخبث: طيب تعالي، أنا عندي بيت حلو وشغل كمان. قمر بفرحة: بجد؟ الرجل: آه طبعاً بجد. يلا بينا. ذهبت قمر مع الرجل. وصل الرجل البيت ودخل. الرجل: تعالي يا عسل، اسمك إيه؟ قمر ببراءة: قمر. الرجل بخبث: قمر وانتي قمر فعلاً. قمر بكسوف: شكراً يا عمو. الرجل بشهوة: متيجي أقولك كلمة.

قمر: كلمة إيه؟ كاد الرجل أن يقترب من قمر، ولكن قمر ابتعدت عنه. قمر: إيه الشغل ده يا عمو؟ الرجل: بكرة هتعرفي. يلا أوضتك أهي ونامي. دخلت قمر إلى الغرفة واتصل الرجل بشخص. الرجل: أيوه يا معلم، لقيتها. آه، لسة بورقتها. بنت زي القمر واسمها قمر. خلاص هجبهالك بكرة. مع السلامة. أغلق الرجل الهاتف ونظر إلى الغرفة التي دخلت قمر فيها. الرجل بشهوة: آه على القمر، أنا أول واحد لازم أدوق الشهد ده، بكرة مش بعيد.

ذهب الرجل وأغلق الباب جيداً على قمر خوفاً عليها أن تهرب. قمر خرجت من غرفتها بعد رحيل الرجل: أوف، راجل قليل الأدب. مش مرتاحة له. بس يالا عشان الشغل. ذهبت وأكلت القليل من الطعام ونامت من كثرة التعب. أحمد: يالا يا ماما، هنتاخر على الناس. نادية: أنا خلاص جهزت. من عرفة مالك متصربع على إيه؟ هي هتطير؟ أحمد: يالا بقى بدل ما أصوت وأفضحكم. أنا خلاص هتجوز على نفسي. حرام عليكم. نادية بضحك: يا عيني عليك يا ابني، الواد اتجنن.

ذهب أحمد ووالدته إلى أختها سعاد وشمس وأخوها مصطفى. وصل أحمد ونادية واستقبلهم مصطفى وجلسوا. مصطفى: عاملة إيه يا خالتو؟ منورة. أحمد: مش وقت نور دلوقتي. أنا عاوز أكتب الكتاب. ضحك الجميع على أحمد وجنانه. مصطفى: كتب كتاب مين؟ أحمد بغيظ: أكيد مش جاي عشان أكتب كتب كتابي عليك. أنا عاوز أتجوز شمس. مصطفى باستفزاز: ومين قالك إني موافق؟ أحمد: شوف البرود والاستفزاز. والله لو ما وافقت لموتلكم نفسي. (يركع أمام مصطفى)

عشان خاطري يا مصطفى، جوزهالي. أنا بحبها، هموت من غيرها. مصطفى بغرور: أنا موافق. أحمد بفرحة: لوووووووووووي! أروح بقى أجيب المأذون. مصطفى: اقعد يالا اترزع. خطوبة وسنة كمان. نقرا الفاتحة. أحمد: بسم... مصطفى بمقاطعة: مفيش بس نقرا الفاتحة، ولا نفضها سيرة. أحمد بغيظ: وعلى إيه نقرا الفاتحة؟ عقبال ما نقراها على روحك إن شاء الله. مصطفى: بتقول حاجة؟ أحمد: لا. يالا نقرا الفاتحة. مصطفى ونادية وسعاد وشمس: يالا.

قرأ الجميع الفاتحة. الجميع: صدق الله العظيم. نادية وسعاد: لوووووووووووي! مبروك يا ولاد. أحمد وشمس: الله يبارك فيكم يا حبايبي. أحمد: ألف مبروك يا حبيبتي. شمس: الله يبارك فيك يا أحمد. مصطفى: دي قرآيت فاتحة. قوم من جمبها. أحمد: أخويا دا رخـم أووي. ضحك الجميع. انتهى اليوم على الجميع بفرحة وسعادة. كانت قمر نائمة ولكن وجدت الباب يفتح فقامت بفزع. قمر بخوف: مين؟ الرجل: أنا. قمر: وانت إيه اللي جابك دلوقتي؟ الرجل:

مش انتي كنتي عاوزة شغل؟ قمر: آه. الرجل: طيب يالا، صاحب الشغل عاوز يشوفك. قمر: دلوقتي؟ دي الساعة 3. الرجل: آه دلوقتي. يالا. قمر: حاضر، يالا. ذهب الرجل ومعه قمر. وصل الرجل بقمر إلى مكان يحرمه الله، رقص وفتيات عاريات ورجال مقززة. قمر: إيه دا؟ انت جايبني فين؟ الرجل: دا المكان اللي انتي تستاهليه. قمر: آه، عاوزة أمشي من هنا. أمسك الرجل قمر وذهب بها إلى امرأة تلبس ملابس تكشف أكثر مما تستر. الرجل: ست شوشو. شوشو: إيه يا عبدو؟

عبدو: البت أهي اللي المعلم قالك عليها. شوشو: حلوة. اسمك إيه؟ قمر ببكاء: اسمي قمر. عاوزة أمشي. الرجل: اخرسي، بطلي عياط. أخذت المرأة قمر ولبستها لبس يكشف الجسم وضيق. وأنزلتها الصالة وطلبت منها تراعي الزبائن وتنزل الطلبات. فعلت قمر ما قالت لها وهي تنظر باشمئزاز. ولكن دخل فجأة شاب وسيم بشدة. اتلهفت عليه كل البنات. ودخل بكل كبرياء وغرور وجلس على الطربيزة بتاعته، فهو دايماً يجلس في هذا المكان. شوشو: انتي يا بت يا قمر. قمر:

نعم. شوشو: شايفة الراجل اللي هناك دا؟ قمر: آه، اللي مديني ضهره. شوشو: آه يا ختي. روحي شوفي يشرب إيه. قمر: حاضر. ذهبت قمر ووقفت أمامه: تشرب إيه حضرتك؟ رفع الشاب عينيه، ولكن الصدمة عندما وجد...