رواية كنوز المستخبي الفصل الرابع عشر 14 - بقلم شهد هاني

يوسف: طالع الشقة بيقول أنا لازم أوصل لكارمن عشان محمد يسامحني. هو طالع فجأة بيشوف صديق طالع يجري من على السلم، إيده غرقانة دم. بيقول: مالك يا بني؟ صديق: بيزقه بيطلع يجري. يوسف: بيطلع الشقة بيلاقي الباب مفتوح. بيدخل بيتصدم من كارمن واقعة غر**قانه في د**مها. بيقول: كارمن! بيقعد على الأرض بيشلها، بيكلم الإسعاف بسرعة. كنوز: نامت بعد راحة حست بسعادة كأنها مش فتاة الـ 15.

بيدخل جعفر لما بيلاقي محمد نايم على الكنبة جنب سرير كنوز. بيدخل بيقعد على كرسي قدام سرير كنوز، بيمسك إيدها بيبوسها. بيقول: حقك عليا يا بنتي، أنا عارف إني جيت عليكي ظلمتك مع إنك يتيمة، أنا أسف ليكي. كنوز: دموعها بتنزل مش عايزة تفتح عينيها. محمد عمل نفسه نايم. جعفر: بيقوم يبوس راسها بيقول: من النهارده ورايح بوءك مش هياكل غير الشهد بس، سامحني. كنوز: بتفتح عينيها بترمي نفسها جوه حضن جعفر.

بتقول: أنا مسامحاك يا جدو، بس أنا كنت عاوزه تقف جنبي مش تجرحني، مش تهرب السبب جدي. جعفر: حقك عليا، إنتي عارفة عرق الصعيدي عندنا، إحنا رجالة حامية، تعرفي أنا لما حسيت إني ممكن أخسرك عرفت قد إيه أنا بحبك، حقك عليا يا بنتي. كنوز: حضنت جدها وقالت: احضني جامد أوي وجيب لي شوكولاتة زي ما كنت بتعمل معايا في الحضانة. جعفر: بيطلع من جيبه كرتونة بيقول: جايبها ليكي من السفر عشان عارف إنك هتقومي، لأني واثق في ربنا. محمد:

بيضحك بيقول: هو أنا مش ليا حتة من الحب ده ولا إيه؟ جعفر: بيبص له بيقول: اسكت يا واد، بيبص لـ كنوز: آه يا حبيبة جدك، إنتي دلوقتي مش محتاجة البوز الأخص ده، يبقى جوزك، قولي لي نطلق نجيب المأذون دلوقتي. غمز لـ كنوز. كنوز: مسكت في جعفر بتقول: يلا بسرعة يا جدو هات المأذون. محمد: بغضب: نعم نعم، بقي كده، ماشي مفيش طلاق، مش هطلق. جعفر: حضن محمد،

كنوز دخلت ما بينهم وقالت: عاوزاك يا محمد تحط كنوز جوه عينك، مش في عين واحدة بس، لا في الاتنين، إنت فاهم يا ولد. محمد: بيطلع من حضن جعفر بيبص لـ كنوز بيقول: دي كنز، إزاي مقدرش أحطها في عيوني، فوق راسي في قلبي كمان. ضحكت كنوز: قالت بصوت واطي: بحبك يا منيل. كل ده ضحك، فجأة بتدخل ثريا بتقول: يوسف اتمسك، إني اقتل كارمن بنت ابنك يا عمي جعفر. جعفر، محمد: بيتصدموا بيقولوا: نعم! ثريا:

قعدت جنب كنوز بتقول: بسرعة روحوا على قسم *******، أنا هقعد مع بنتي عشان أكلها. محمد: أنا هروح دلوقتي بسرعة، خليك أنت يا باشا. جعفر: لا، إنت بتقول إيه، لازم أجي معاك. قاعد يوسف: قدام المحقق بيقول: والله العظيم أنا كنت رايح لها عشان موضوع صديق اللي بيشتغل معاها في شركة، لقيته طالع يجري على السلم غرقان دم، لما زقني للأسف إيده بهدلت التيشيرت. المقدم: طب إنت رايح لها في موضوع إيه كمان الوقت ده ليه، فين دليلك؟

يوسف: حط راسه جوه إيده، حكى كل حاجة، بعد ما خلص قال: والله العظيم أنا ما عملت حاجة. يوسف: قام وقف وقال: أنا روحت بيت كارمن لقيتها مقتو*لة. المقدم: بيكلم بيقول: أنا آسف، إنت هتفضل معانا لمدة 24 ساعة لما تظهر البصمات. محمد: بيحضن يوسف قال: مش تقلق، إن شاء الله خير، إحنا في ضهرك. عند صديق بيجهز ورق مزور عشان يسافر، فجأة الباب بيتكسر بيدخل رجالة.