رواية قوة الحب الفصل العشرون 20 - بقلم مروة السيد

ايمن يقف. "انت طيب ازاى؟ احمد. "مفاجأة مش كدا." ايمن. "اتجمعتوا مع بعض ازاى؟ احمد. "تخيل، ربنا ليه حكمة في كل حاجة. لدرجة يجمعني بالشخص اللي مراته سابته عشان تروح لعشيقها اللي هو جوز اختي. شوفت بقى." المحامي يقدم أوراق الحضانه، والظابط يسلمهم الولد، وساره بتتوعد له. ساره بتحاول تستفز ايمن عشان يرجع عيالها. "شكل مراتك كمان عارفه بكل حاجة. واكيد عارفة إن أخوها عايش. وكانت عارفة مكانه طول الفترة دي." ايمن.

"تصدقي ممكن عشان كدا ما اعترضتش لما طلقتها ورجعتها مصر. بس مش هسيبها، انا هعرف أكسرهم تاني." احمد. "أخته هتكسره وهو هيكسر اخته. الاتنين متعلقين ببعض أوي." ساره. "ناوي على ايه؟ ايمن. "مش وقته. يلا بينا." ويمشوا يرجعوا بيتهم. ايمن لغى الحجز لحد ما ينتقم من ولاء واحمد، لأنه بيكره أحمد واتجوز ولاء عشان يذله بيها بس. احمد ومالك يرجعوا الفيلا فرحانين باللي حصل. في خلال اليوم كل حاجة كانت ماشية مظبوطة. ولاء تستقبلهم.

"حمد الله على السلامة. طمنوني عملتوا ايه؟ مالك. "طيب ادينا فرصة نخش حتى." ولاء تبعد. "أول ما تقعدوا. ها بقا." كلهم يضحكوا عليها. مالك. "اسر روح يا حبيبي مع طنط غادة مرات عمك توصلك تلعب مع اخواتك. بعد اذنك يا غادة." غادة. "يلا يا حبيبي." وتوديه وترجع ليهم تاني. ولاء. "اتاخرتي كدا ليه. مش راضيين يحكوا من غيرك. يلا اقعدي بقا." كلهم ساكتين. سلمى بضحك. "يا جماعة ولاء هتولع فينا لو ما اتكلمتوش." احمد.

"يحكي ليهم كل اللي حصل ومقابلته مع ايمن." احمد. "في حاجة غريبة. ايمن قالها واحنا ماشيين. متأكد إن مالك مسمعهاش." مالك. "حاجة ايه؟ احمد. "قالي إن أسيل بنته." مالك. "لا طبعاً، أنا متأكد إنها بنتي. وبعدين لو هي بنته هيجيبهالي ليه؟ أكيد بيلعب بينا." ولاء.

"بص، أولاً أنا مبخلفش. ويمكن ده كان سبب إنه اتجوز عليا. مع إنه بغل. من ناحية أحمد، معرفش ليه كنت بحسه مبسوط أوي لما أحمد اختفى. المهم، انت لازم تتأكد. أتوقع من أيمن أي حاجة." سلمى. "يبقى مفيش غير التحليل." ولاء. "والاتنين كمان. مش أسيل بس." مالك. "تمام. بكرة هروح. مع إني متأكد إنهم عيالي. بس هينفعني في القضية لو فكروا يلعبوا معايا." احمد. "تمام." محمد. "يلا بقا ناكل عشان جعان أوي." غادة.

"يا أخي بقا انت مش لسه أكل من شوية؟ محمد. "لا، كنت بصبر نفسي على ما يجوا." احمد. "يلا يا أخرت صبري. نفسي أعرف بتودي الأكل دا فين بس." محمد. "في بطني طبعاً." مالك. "أيوة أيوة، أنا مصدق يا داده. معلش ممكن تجهزي الأكل." سلمى وولاء. "استني يا داده أنا جايه معاكي." غادة. "طيب خدوني معاكم بقا." ويروحوا يجهزوا الأكل. احمد. "مالك يا أمي؟ ميرفت. "قلقانة يابني. لما صدقت إنك رجعتلي يا حبيبي." احمد.

"ماتقلقيش يا حبيبتي. ربنا معانا وكل حاجة بإذن الله خير." مالك. "متخافيش يا حاجة. أنا مش هسيبه." محمد. "وأنا لو أكلتوني مش هسيبه برضو." ميرفت. "ربنا يحميكم يارب يا ولادي. أنا مكانش عندي غير ولد واحد. دلوقتي بقوا ماشاء الله تلاتة رجالة. ربنا يحميهم يارب." يطلعوا البنات من المطبخ. سلمى. "أهو يا ستي، بقوا تلات ولاد وتلات بنات." ميرفت. "ربنا يصلحلكم الحال يارب. ويكرمك يا ولاء برجال بجد وجدع يصونك يا بنتي." مالك.

"شوفي يا حاجة، دعوتك استجابت بسرعة. وأنا جايب ليها عريس قمر." احمد. "مين؟ وازاي؟ ماتقوليش." ولاء. "مش مهم مين. أنا مش عايزة جواز تاني خلاص. كرهني في الجواز خلاص. توبة." مالك. "مش يمكن يطلع العريس دا مختلف ويحبك بجد. هو آه مشافكيش كتير وميعرفش عنك كتير. بس بيقول إنه من أول مرة شافك فيها خطفتي قلبه وعقله." سلمى. "بس هي لسه في شهور العدة." مالك. "توافق هي بس. ونعمل خطوبة. وبعد العدة بتاعتها تتجوز. إيه رأيكم؟ احمد.

"رأيي إيه؟ مش لما نعرف مين الأول. وبعدين مجاليش أنا على طول ليه؟ محمد عرف مين العريس. "ماهو هيجيلك بس بيتوسطلك الأول." ويضحك. مالك. "اتلم يا محمد." محمد. "الله، أنا عملت حاجة؟ ماتيجوا نكمل على الأكل يلا." ميرفت. "تعالوا عشان محمد لو ما أكلش هيفضحنا." محمد. "حبيبتي يا حاجة." ويروحوا ياكلوا. احمد. "قول يا مالك، مين؟ ويعرفها منين؟ ولاء من ساعة ما جت ما طلعتش من البيت كتير." مالك. "يتبع"