رواية قرار اجباري الفصل الرابع عشر 14 - بقلم سحر سمير

فاقت سحر بخمول لتجد نفسها على سرير في مشفى، وبجانبها أحمد نائمًا على كرسي. اعتدلت في جلستها لتلاحظ تلك الإبرة التي في يدها. قالت في نفسها بألم: "تانييي محاليل، والله تعبت." لتنادي على أحمد. سحر: أحمد، أحمد. ليفيق أحمد مضطربًا: انتي كويسة يا سحر؟ سحر: كويسة إيه؟ إيه اللي حصل تاني وليه محاليل؟ والله تعبت. أحمد بحب: لا متخافيش يا قلبي، المحلول ده علشان يقويكي، فيتامينات مش أكتر. وبعدين تعرفي إن أنا رجعتك تاني لعصمتي.

سحر بحدة: إزاي من غير ما تقولي لي؟ أحمد: ليه، هو إنتي مش عاوزاني ولا إيه؟ سحر: سبني أفكر. أحمد: والله. سحر: اااه، والله. وضحكوا الاثنين. قاطع ضحكهم دخول أم سحر. أم سحر بلهفة: إزيك يا حبيبتي، عاملة إيه دلوقتي؟ سحر: ميت فل وعشرة. ليقاطعها أحمد بوضع كف يده على وجهها: الله أكبر، ما يحسد المال إلا أصحابه. سحر وهي بتزق يده: غلس.

أحمد: كدا تبقي اشهدي انتي يا ماما، دي يتقال لها إيه… هو أنا لقيتها بالساهل… دا أنا كنت بموت في اليوم ألف مرة وهي بعيدة عني. أحمد وهو بيحضن سحر: أنا بجد مش مصدق إنها بقت جانبي. سحر وهي بتبعده عنها: إيه حيلك حيلك، ابعد عني. أنا لسه مفكرتش لسه إن كنت أرجع لك ولا لأ. أحمد بحدة: لاااه، شوفي لك حل معاها يا ماما. أم سحر بحب: مش كدا يا بنتي. سحر: لا يا ماما، مليش دعوة. أنا عاوزة فرح وكوشة علشان أنا مش منكوشة.

أحمد: لا منكوشة، اقلعي الطرحة وأنا أثبت لك. سحر: مبقلعش الطرحة قدام أغراب. أحمد: والله تب ماشيين. وهو بيشد الطرحة. سحر بتزقه: ابعد يا غلس…. اااه، إيديا. أحمد بلهفة بعد عنها: انتي كويسة؟ سحر بوجع: تقريبًا الكولينة اتزحزحت من مكانها. أحمد بلهفة: تب متتحركيش، هروح أنادي أي حد وجاي. وطلع يجري برا. أم سحر بلهفة: انتي كويسة يا بنتي؟ سحر وهي بتشيل الكولينة: مفيش حاجة، المحلول خلص أصلًا. دا أنا اللي بعمل كدا علشان يبعد.

أم سحر: بس إيه حكاية الفرح ده؟ سحر: اااه، مش هتنازل، لازم يعمل لي فرح. هو أنا مليش نفس أفرح ولا إيه. أم سحر بحب: لا تفرحي وتتهني، ربنا يسعدكم يا رب. سحر: يارب يا ست الكل. قاطعهم دخول أحمد ومعاه دكتور. الدكتور كشف على سحر. الدكتور: لا، إحنا النهاردة عال العال. ضربات القلب منتظمة، والضغط سليم، والسكر سليم، كله تمام الحمد لله. أم سحر: الحمد لله. أحمد: تب ينفع تخرج بقا من المستشفى؟

الدكتور: مفيش مانع، بس علشان عندها فقر دم هكتب لكم على محاليل فيتامينات ومعادن تقويها، وطبعًا اهتموا بيها في الأكل شوية. سحر: محاليل تاني؟ ما كفاية بقا، والله تعبت. الدكتور: معلش يا قمر علشان تبقي كويسة. قاطعه أحمد بغيره: لا كلمني هنا، سيبك منها، أنا معاك، مفيش حاجة غير المحاليل. الدكتور: خلاص هكتب لها على أدوية قوية. أستأذن أنا. أحمد: إذنك معاك يا دكتور. خرج الدكتور. أحمد: يلا بقا يا سحور علشان نروح على بيتنا.

سحر: لا، أنا هروح مع ماما. أحمد: لا، هتجي انتي وحماتي في بيتنا، ودا آخر كلام يا سحر. ما انتي هتبقي تحت عيني علشان أطمن عليكي. أم سحر: خلاص بقا يا سحر. سحر بغضب طفولي: علشان خاطرك بس يا ماما. أحمد: تب يلا بينا. عند إسلام. إسلام: أنجز يا محمد، بدأوا يوصلوا. محمد: وانت عرفت منين؟ إسلام: أحمد لسه متصل بيا وقال لي إنهم جايين في الطريق. محمد: كل حاجة تمام. إسلام: هاااه يا مرفت؟

مرفت: كله تمام. عملت لها أكلة هتاكل صوابعها وراها، تسند وتقوي بصحيح. إسلام: الله يخليكي ليا يا حبيبتي. مرفت: حبيبي، الله يديمك في حياتي. أمال سحور فين؟ إسلام: نامت، دخلتها على السرير. قاطعهم صوت أحمد: يا رب يا ساتر. إسلام: اقفلوا الأنوار يالا، يالا واستخبوا. وما إن دخلت سحر حتى تفاجأت بتزين البيت بالورد والشموع، وإسلام ومحمد ومرفت في صوت واحد: حمد الله على السلامة. سحر بفرحة: بجد!

أحمد بحب خدها في حضنه: حمد الله على سلامتك يا قلبي. سحر بفرحة: حبيبي، الله يخليك ليا. وسرعان ما تذكرت حتى ابتعدت عنه وهي تهمس في أذنه: عيب أوي كدا، إحنا لسه في فترة الخطوبة. لتتركه بغيظه وتذهب إلى أمه. ليقاطعها إسلام بفرحة وهو بيقرب منها علشان يحضنها: حمد الله على السلامة يا سحور. ليقف أحمد أمامه: الله يسلمك يا حبيبي. إسلام: اوعي يا عم، أسلم على أختي. أحمد بغيره: لا من بعيد يا حبيبي.

محمد وهو بيلف اتجاه سحر: أنا بقا أسلم عادي. قاطعه أحمد اللي شده من قفاه: تعالي يا حبيبي. إسلام وهو بيزق أحمد: خلاص، اوعي كدا. إسلام معقباً: نسيت أعرفك يا سحور بـ مرفت مرات. سحر بفرحة: انت اتجوزت؟ سحر وهي بتحضن مرفت: بسم الله ما شاء الله، قمر يا إسلام، زين ما اختار. مرفت: دا انتي اللي عسل يا سحور، دا بس من ذوقك. ليقاطعهم صوت بكاء طفلة. سحر بصدمة: إيه دا؟ إسلام: سحورة، بنت.

سحر بفرحة: بجد والله مش مصدقة، وعلي اسمي كمان. قاطعهم محمد اللي جابها في إيده: القمر أهو. سحر وهي بتشيلها منه: بسم الله ما شاء الله، عسليا، اختي عسل. الله يخليها لكم يا رب. أحمد وهو بيهمس في أذن سحر: عقبال بنتنا. سحر: إن شاء الله يا ختي، عسل. قاطعهم صوت تليفون أحمد. أحمد راح يفتح على المتصل، ولكن قفل المتصل وأرسل له رسالة، ليتغير معالم وجهه. أحمد ليلقي بالهاتف أرضًا و……