رواية قسوة احفاد ال هتان الفصل الأربعون 40 - بقلم هاجر النعيمي

كعدنا على صوت رشا. قمت للحمام، غسلت وتوضيت. جيت أصلي، قلت: هاجر: كوم حاول تصلي وياي. تميم: من صدك ما أكدر، راسي يوجعني وأدوخ. هاجر: شنو حامل؟ كمز علي ولزم إيدي وخلاها ورا ظهري عود يشاقيني. قلت: هاجر: أوي، توجعني. تميم: عيارة، وين ما أذيج؟ هاجر: أوي، شبيك على كيفك وياي. تميم: تردين أجرم بيج، كافي دلع ترا ماتحمل. هاجر: أوي! دفعني وكال: تميم: راح أسكت علمود الطفل، حالته مو زينة مو علمودج. غمز وعافني ودخل للحمام.

ضحكت بصوت عالي. صلينا. كملت. هو طلع، نزلنا جوه. جاي نتريك واجه تميم اتصال. رد وفتح مكرفون لأن جان ياكل كال: تميم: خير، شتريد؟ رأكان: عود البارحة ليش ما جيت؟ مو العقد مالي. تميم: دنجب، غير أخذوني للمستشفى وشصار بحالي. رأكان: عزا بعيني، ليش ولك؟ تميم: صاير زهراء بكلشي، وعزا بعيني شبيك. رأكان: اطلع كو*** إذا ما أكللها. تميم: قابل شحاجي؟ رأكان: لا صدك، شبيك. تميم: ماكو شي، بعدين أكلك. يلا دعبل، خلي أزقنب.

رأكان: حبيبي، سم وزقنبوت. تميم: حبيبي اجمعين. كرار: العببببب، والله تستاهل. كتلك عوف تميم لا تلعب علي. رأكان: خاب كم أنت وتميم، لو أحط عقلي بـ عقله، أزرببي. تميم: منو بعد يمكم؟ رأكان: أمير وعلي وأحمد وأركان. تميم: الله مجتمعين الكو*** بدوني. رأكان: تعال حبيبي، أنت واحد منهم. تميم: تمشي من يمي لو أجى أنعل والديك وأرجع. كرار: باع شكد حباب، نوب يستأذن منك. شوف شكد لطيف. تميم: شنو تريد بعد هذا الكلام الحلو؟

كرار: عود بعدين أكلك، بيني وبينك. تميم: ها، تخاف هذول الزبايل يعرفون؟ كرار: طبعاً غير أنت كلت زبايل. سده منهم وكال: تميم: نروح. محمد: ليش لا. تميم: تجون لو لا؟ هاجر: ليش حتى مانجي؟ تميم: بيها طلعة، ليش لا. كملنا ورحنا نبدل. بدلنا وطلعنا لبيت عمو. أدريان، وصلنادخلنا سلمنا واستلمو: تميم شبيك وليش مريض وشكو؟ طكت روحه منهم وكال: تميم: شبيكممم، ونعل. قابل شنو غير دخت ورحت هنا. رأكان: حامل مو؟

تميم: تريد أخليك تجرب هذا الشعور. كرار: اوففف، برددد كلبي. رأكان: شوف تميم، عود أنت ضلعي، خليت هذا الهتلي يشمت بيه ويضحك عليه. تميم: ديلا، ثنينكم هتليه. بقوا يحجون. أخذت تلفوني وقررت أعترف لديانا على كلشي. راسلتها. ردت كتلها نصعد اتصال أحسن. وبالفعل صعدنا اتصال. كلت: هاجر: ما أريد تزعلين مني وما أريد تخرب صداقتنه علمود هذا الموضوع الي راح أحجيلج هو. ديانا: ترا خفت، شكو؟

هاجر: أبد ما يخوف. دحكي، أنتِ ما تريدين تتعرفين عليه ونضل نلتقي ونزور بعض. ديانا: أي طبعاً. هاجر: عندي حل الج. ديانا: الي هو؟ هاجر: تزوجين ابن عم زوجي، وهيج دائما نشوف بعض. ديانا: بس أني..... قاطعتها وكلت: هاجر: الولد أنتِ تعرفيه، وهو أصلاً يحبج ويريدج، وميت على كلمة منج. وأنتِ تعرفيه، هو كرار. ديانا: دقيقة، يعني أنتِ تعرفين كرار؟ هاجر: هو الي خلاني أحجي وياج. ديانا: بس ليش هيج سويتي؟

ليش خليتيني أصير صديقتج وأحبج، وهيج تطلعين مع الأسف عليج. هاجر: اسمعيني، لو ما أحبج ما أكلج اقبلي بـ كرار، لأن من صدك كرار خوش كرار. ترا كلش يحبج، صدقيني. أريدلج الأحسن، وأني لو ما أريدج وما أحبج فلا أكولج على كرار. ونعمه الزلمه، إنسان مؤدب وخلوق، صايم، مصلي، وفوكها يحبج، وفوكها حلو. وأشكر، شتريدين بعد؟ ديانا: ما أرتاحله.

هاجر: عادي، أني جنت هيج، بس تعاشري راح تحبي. وأني من صدك أتمنالج الخير. فكري ورديلي خبر، لأن أني وهو مجتمعين بيت عمو. ياريت تفكرين للعصر وتكليلي. ديانا: بس ما أرتاحله وأخاف منه. هاجر: ليش تخافين؟ ديانا: يهددني، يكتلني إذا ما أوافق علي.

هاجر: هاي التهديدات شبعت منها وتدرين، لأن رفضت. بعد كل هاي التهديدات خطفني. يعني أنتِ مالج غير تزوجين كرار. تكولين ما أريد مدري شنو، ماكو. الولد لزك بيج، بعد الله يساعدج. وها، هذول يحبون بهوس بجنون، يعني مو طبيعي. بس لأن كرار مو نفس تميم، لا تخافين من تهديداته، كلها فارغة. ديانا: معرف، أشو تحمست أوافق. هاجر: ديلا وافقي، خلي أفرح. وأخذ هدية منو؟ ديانا: موافقة. هاجر: كككككككللللللووووووليييششششش!

ألف مبروك حبيبي. يلا ولي، أروح أكله. سديته منها ونزلت ركض. دورت علي ماكو. كلت: هاجر: وين كرار؟ حوراء: بالكراج يدخن. هاجر: فدوه اروحلج. عفتها مستغربة مني، لأن تعرف ما أحبها. وصالحتها هيج. من جذب، شفته بالكراج. كلت: هاجر: احمممم. كرار: هاي شنو، ليش فرحانة؟ هاجر: أريد الهدية. كرار: يا هدية؟ هاجر: ها كرار، تراجعت؟ كرار: عن شنو، غير أفهم. هاجر: ديانا وافقت عليك. كرار: أمانه كولي، والله بداعت أبوك صدك. وربي أحلى هدية.

ابتسمت. رجع كال: كرار: أشكرج كلش هواي. وهسه عرفت ليش اختاريتج أنتِ بهاي المهمة، غير عن كل البنات، لأن عرفت أنتِ راح تجيبها. كلش أشكرج. هاجر: ما أريد الشكر. والله إذا ما تجيب الهدية أخليها تكنسل كلشي. كرار: لا يمعوده. سمعنا صوت تميم كال: تميم: شنو اكو بينكم؟ ما مرتاحلكم. كرار: ولا شي. هاجر: ولا شي. تميم: تحجون لو شلون؟ هاجر: حبيبي، ماكو شي. بس جان يسألني شلون صار الطفل، لأن هو أخذنا للدكتورة.

تميم: هاي تضحكون بيها على رأكان مو علي؟ كرار: بصراحة وبدون ما تزعل. تميم: طبعاً، أحجي. كرار: أني كلت ل هاجر تتواصل ويا ديانا وتقنعها بيه. تميم: ومرتي شكو؟ مالقيت غيرها، ليش ما رحت على خواتك؟ كرار: ميار ما تخبي سر. لمار فطيرة وما تعرف تكول كلمتين على بعض. تميم: وليش هسه أني عرفت؟ كرار: غير قنعتها. تميم: حلو، وأنتِ تشتغلين بدون رأيي. هاجر: هو حلفني ما أكول لاحد. تميم: وأنييييي أحدددد مووو؟

كرار: بدون عياط، أني وياك جنَ مانحجي، وخفت تضل تحجي علي وتعيرني. تميم: لا حلو، يعني يوم الي زينب كالتلي فوك ويحجون، طلع جاي تتفقون على الموضوع. كرار: تميم بس... قاطعه وكال: تميم: اطلع كو*** إذا خليتك تتهنى. كرار: تميم، بدون مضرطة، شبيك؟ تميم: تتفقون من وراي مو هاجر؟ هاجر: والله خفت تخربها، لأن أنت وكرار ماتحبون بعض. تميم: ومن تصالحنا ليش ما كلتي؟ أجه بأتجاهي ولزم إيدي بقوة. عطت متألمة. كرار لزم إيد تميم وكال:

كرار: أني حالفتها ماتكولك. تميم دفع إيد كرار وكال: تميم: ما يخصك، خوش. ودير بالك تلزم إيدي بعد وتمنعني، مفهوم؟ كرار: بس نتفاهم، هيا معليها. وأصلاً جانت تريد تكلك. أني حلفتها براس أبوها تسكت. تميم: ما يهمني، لا راس أبوها ولا راسك. وأنت إذا خليتك تتهنى بهاي السالفة، اطلع مو محسوب على الزلم. أخذ إيدي وراح جاب السويج مال سيارة وتلفونه وطلعنا. وين ما أدري. كل الي أعرفه جنت خايفة وأرجف. كلت: هاجر: وين ماخذني؟

تميم: على جهنم. هاجر: تميم فدوه، بس أفهمك. تميم: اشششش، ولا حرف. هاجر: حباب، بس.... قاطعني وعاط بيه وكال: تميم: ولااااا حرفففف كلتتتت. إذااا أسسمععع صوتجججج أموتجججج. سكتت خايفه. جسمي كله يرجف من الخوف. وصلنا عمارة. كال: تميم: انزلي. نزلت. لزم إيدي بقوة وأخذني ودخلنا للعماره. رحنا للمصعد وطلع للطابق الرابع. انفتح الباب وراح وسحب إيدي بقوة. حسيت انخلعت. طلع مفاتيح وفتح باب شقة ودخلنا. سد الباب وقفل.

نطقت الشهادة، لأن هاي آخرتي أكيد يكتلني وما حد يدري. كلت: هاجر: شنو تريد؟ تميم: أعلمج ماتخبين شي عني. هاجر: تميم، خلي أروح، حباب. تميم: لججج، شكمممم شغلهههه مخبيهههه عنيييي بعددد غيررررر الييييي جنتيييي مخبيتههههه؟ هاجر: والله ما خبيت شي، فدوه، خلي أروح. تميم: اششششششش. لزم إيدي ودفعني على الباب. نضرب ظهري بالباب بقوة. بس سكتت وما طلعت صوت. خفت. خله إيدي على الباب، يم كتفي. قرب مني وكال: تميم: ليش تخبين عني؟

مو على أساس نحنا واحد. هاجر: ليش هيج هادئ؟ أنت مو هيج جنت تقلب الدنيا. ليش هسه هادئ؟ هدوئك يخوفني. تميم: يعني أنتِ خايفة؟ هاجر: أي. تميم: إذا خايفة، شكو تخبين عني؟ هاجر: مادري. حباب، عوفني، خلي نروح منا. تميم: بعدني مامسوي شي. اوكفي. أخذ شفايفي بقوة. بقيت أدفع بي أريد بس يعوفني. متت من الوجع وهو مستمر. نزلت دموعي. من شاف دموعي، عافني. وخليت إيدي على شفايفي. كلها دم. بقيت أبجي. مسح دموعي ورجع مسح شفتي وكال:

تميم: بعد هذا بداية العقاب. وهيج صار بيج، شلون إذا أكمل؟ هاجر: عوفني. تميم: چؤ. هاجر: ليش رجعت تغيرت؟ تميم: منو كالج متغير؟ ضربتج شي؟ هاجر: لا. تميم: خلاص، يعني مو متغير. هاجر: والي سويته؟ تميم: لا حبيبي، هذا عقاب لأن تخبين عني. وراح أكتفي بهيج، مو علمودج علمود الطفل. هاجر: ما يهمك شنو تسوي، صح، بس لأن الطفل بحالة خطره، ماتسويلي شي. مو علمودي طبعاً. منو هاجر، بشنو تهمك؟ تميم: كافي، عبالك أني غلطان.

هاجر: ما غلطت بشي. جمعت بين ثنين يحبون بعض. تميم: ليش، ديانا تحب كرار؟ هاجر: شلون تعرف اسمها؟ تميم: لا هاجر، أني غبي، لج، من زمان أدري. وأريد تجين تعترفين. ما كو. وأسألج، مخبية شي؟ تكولين لا. نسيتي مهكر تلفونج؟ هاجر: كتلك خفت أكول، ليش ما تصدق؟ تميم: من شنو خفتي؟ أريد أفهم. هاجر: أنت وكرار علاقتكم مو تمام. وإذا أكلج أكيد تتكاون معا. تميم: لج، مو تصالحنا، ليش ما كلتي؟ هاجر: مادري، عوفني وبس.

تميم: اليوم نضل هنا، باجر نرجع. هاجر: ما أريد أرجع، حباب، رجعني. تميم: أرجعج حتى يجيب لج هدية، لأن أني مكرن مو؟ هاجر: حتى هدية ما أريد، أريد أرجع. وبس أخذ شفايفي، بس بهدوء. دفعته وما يخور، اختنكت. حس وعافني. كال: تميم: راح أسكت هسه، بس والله وداعت أمي، إذا تعيديها وتخبين عني، ما أكتفي بهيج. والله شهر ما أخليج تمشين. هاجر: أي أي أي، بس خلي نرجع. دفعني وفتح الباب وكال: تميم: ديلا، اطلعي. إفراج عنج.

ابتسمت، بس حاولت أخفي ابتسامتي. كال: تميم: ترا شفتج. هاجر: اهووو. نزلنا وصعدنا بالسيارة ورجعنا لبيت عمو أدريان. بس وصلنا، شفنا كرار بالكراج يروح ويجي. من شافنا، أجه علينا وكال: كرار: ما بيج شي، مو؟ تميم: شبيها يعني؟ ماتشوفها أحسن منك. كرار: المهم، ما صارلج شي. تميم: تميم المسحور مات، رجع تميم الأصلي. خوش كرار، وانتبه للنفس. تميم دفع كرار وراح. كال كرار: كرار: شنو يعني، زعلت مني؟

تميم: ما أحجي ويا واحد يريد واسطة حتى حبيبته تحبه. كرار: استغفر الله. هاجر: عادي، عوفه، يرجع بعدين، هسه معصب شويه. كرار: هو هيج راح أكول لأهلي، أريد أخطب وحده، ونروح نخطبها العصر. دخلنا جوه. أول ما دخلنا كال: كرار: أريد أخطب. راوية: تدلل. غادة: يمه، أنت بس تأشر وتجيك. كرار: اكو وحدة شفتها قبل فترة، أريدها. إدريس: ليش لا، نروح نخطبها. تميم: هاي الي كتلي عليها؟ كرار: أي. تميم: ماتفيدك، عرفت كل شي عنها. كرار: تميم ب....

تميم قاطعه وكال: تميم: سمعتها مو حلوة، وأكثر من مرة شفتها تطلع ويا ولد. كرار: تميمممم. تميم: شبيك، غير أنصحك. هَتان: إذا هيج، ماتفيدك. كرار: هيا مو هيج، تميم، شبيككك. تميم: أني كلت الي أعرفه، وأنت بكيفك بعد. إدريس: مانريدها. كرار: أبوي، تميم جذاب، لأن أني ضوجته بغشله، هو هيج يحجي. تميم: لا يمعود، ولا يهمك، هذيج راحت. كرار: تميم، كافي عاد.

تميم: جدي وعمي، أني كلتلكم، وبكيفكم تريدوها، نروح نخطبها، بس سمعتها وسمعت أهلها زفت. كام كرار وراح يم تميم ولزمه من قميصه. تميم مدري شكال، بس محد سمع. كرار بقة صافن علي. عافه وطلع. طلعت وراه بدون ما أحد يحس. كلت: هاجر: كرار، بس اوكف، أحجي وياي. كرار. كرار: شفتي القندرة، شمسوي؟ هاجر: شنو كالك وهيج نصدمت؟ كرار: معليج بي، حيوان هذا. هاجر: ترا خفت، والله.

كرار: يكلي، ما أخليك تاخذها. وهذا شاربي، مو علي، إذا تاخذها، اله أني أسامحك. تاخذها، تخيلي. هاجر: هذا شبي؟ معقول رجع يأثر السحر عليك؟ كرار: السحر معلي، أني أعرف ليش. هاجر: ليش؟ كرار: يغار عليج، ما يريد تتقربين من أحد، حتى من أمير. يغار. لا تبالجين عاجبه علاقتج وياي، صدقيني، يكرها. وأمير نفس الحال، ما يحب علاقة زهراء وتميم. هاجر: بيني وبينك، أحسه ما صاحي. كرار: أي، خلي يسمعج، يشوي على أذاناتج بصل.

هاجر: شو جنك نسيت الهدية؟ كرار: مو عيب، بس أنتظرها تجي، وصيت عليها. هاجر: عفيه بالعريس. كرار: فدوه اروحلج. هاجر: عمري، خجلت. كرار: والله تميم راح يذبحني. هاجر: ترا عادي، أنت هم أخوي، شبيك؟ كرار: تعالي فهمي تميم هذا الحجي. هاجر: ميخالف، نتحمله. كرار: ديلا، طبي، لا يجي يسويلي مصيبة. هاجر: ديلا يمعود، وإذا وتعيش حياة تعيسة وتعاني، وبعدين تنتحر. أكلك، أنت ليش عايش؟ الي مثلك هم يعيش؟ ياخي، روح موت، شبيك، سوي دراما.

كرار: خوش فكرة، بس كون ما أموت وأظل أتعذب، وهيج تصير دراما. هاجر: ياخي، أنت نفس أجواءي، هههه. كرار: دوم الضحكة. هاجر: ها، بديت بالرسميات. أروح، عجل. كرار: لا، أصلاً أكره الرسميات. دخلت جوه. هو شوية ودخل. همزين تميم ما حس علينه. الي يشوفنه يكول هذول بينهم شي. والله يالله، نخاف من تميم، لأن يغار، وتعال حلها. ماكو هيج غيرة بعد. إجت زهراء يمي كالت: زهراء: هسه مو كرار يريد ديانا، تميم شبي وياه؟

هاجر: لأن عرف أني قنعت ديانا بـ كرار. زهراء: مو كتلج، كليله أحسن الج. هاي صارتلج مشكلة. أنتِ بيج حيل مشاكل. هاجر: شعرفني بعد، صارت. زهراء: وكرار شنو راح يسوي؟ هاجر: معرف. زهراء: باعي، أني متأخرة عليه، وأريد أسوي فحص، وخايفة لا أطلع حامل. هاجر: سوي، وبلكي تطلعين حامل، ونصير أني وياج ومريم. اللهههه. زهراء: الله لا يسمع منج، يولي، أريد أطلق. هاجر: بعدج ماسامحتيه؟ زهراء: كل ما أريد أسامحه، أتذكر شنو يسوي.

هاجر: تدرين، حتى أني ولهسه أخاف منه، بس ما أكدر أعوفه. كافي الي صار بي. زهراء: تدرين، انصدمت من أمير كلي، ماتوقعتها. هاجر: ولا أني. أني سامحته من عرفت، وأنتي هم سامحي أمير علمود علاوي. زهراء: إذا حامل، أسامحه. وإذا مو حامل، لو يموت. هاجر: صار عندي فضول. يلا. زهراء: ما عندي مال اختبار. هاجر: أشوف مريم، أكيد عدها. رحت على مريم، كلتلها. كالت: أي، عندي.

طلعنا لغرفة زهراء. هيا راحت للحمام تسوي الفحص، ونحنا ندعي يطلع عدها حمل. طلعت كالت: زهراء: ماكو. شيم. مريم أخذت الفحص منها، دحكت علي، شوية وكال: مريم: حامل، والله حامل. خطينننن، شوفييي. دحكنا علي، ومن صدك بي خطين. هيا كامت تبجي، ونحنا نسكت بيها. كلت: هاجر: أخذي فحص يم الدكتورة، وتأكدي باجر. إجت حوراء. زهراء أخذت مال فحص وخبته وراها. حوراء كالت: حوراء: الولد راح ياخذونا للسوق. طلعنا للسوق وياهم. وصلنا، نزلنا.

حوراء راحت يم تميم، أخذت إيده، وصاروا يمشون. بقيت صافنة عليهم، ولكل مشى، اله أني صافنة عليهم. أجاني كرار كال: كرار: امشي، شبيج، شكو واكفة وصافنة؟ هاجر: كافي عاد، ماكو هيج وقاحة. كرار: يمعوده، شبيج؟ هاجر: دشوفهم، بله، ومن أحجي يكولون أخته. أنعل أبوها لأبو أخته. كرار: يمعوده، ملاك ورشا، شعليهن. هاجر: تمشي من كدامي، لو أطلع قهري بيك؟ كرار: دعوفيهم، يمعوده، خلي ينجب. هو هيج يسوي حتى يضوجج، يمعوده.

هاجر: خلي أمشي وياك، والله اليوم ماناوية أمشيها، إذا ما أسوي مشاكل بسيطة. كرار: أي، بعد، حتى يطلقج. هاجر: أني شايفه. كرار: اوف، شكد جذابة. هاجر: دخليني أعيش الدراما. كرار: شكد تحبين الدراما. هاجر: أي، طبعاً، اكو أحلى منها. كرار: أي، اكو، أني، هههههه. هاجر: هههههه، والله تضحك. وصلنا يمهم، وأني لازكة يم كرار. مو بس أنت تقهرني، أني هم راح أقهرك. بسيطة. تميم، يصير خير.

بقينا نمشي. شوية حوراء وتميم دخلو على محل ملابس، ودخل وياهم أمير وزهراء. أني كلت: هاجر: مانروح ننتظر هنا. بقينا واكفين. شوية وطلع تميم. بس شفته، كلت: هاجر: سوي نفسك تحجي وياي، أي شي، المهم يشوفنه نحجي. كرار: ولج، أنتِ تردين يكتلني؟ هاجر: يلا، شبيك، أي شي، حباب. تميم: خير إن شاء الله، ليش واقف يم مرتي؟ كرار: جاي نحجي على ديانا. تميم: ومرتي شعليها بـ نعل.

كرار: تميم، ترا وصلت حدها، كافي عاد، صاير تتماده هواي، الزم نفسك، ترا تصير مو خوش. تميم: حضرتك تهددني؟ كرار: ما أهدد، أني. تميم: عبالي. كرار: لا، عبالك خايف منك، وهاي السخافة الي سويتها اليوم، ماتمشي وياي. أخطبها غصب عنك. تميم: وداعت أبوي، إذا خطبتها غصب عني، أنت زلمه من ظهر زلمه. كرار: شقصدك؟ تميم: لا تنسى، أنت تلعب وياي، يعني ماتصير، لو أنت تموت. كرار: نشوف. تميم: وأنتي تعالي وياي. هاجر: ما أجي، خليك يم حوراء.

تميم: كلت، امشي وياي. هاجر: وأني كلت، خليك ويا حوراء. عاط وكال: تميم: امشيييييي. العالم صارت تدحك علينا، وهو ما اهتم. لزم إيدي بقوة وصار يمشي ويسحبني. كلت: هاجر: إيدي توجعني. تميم: اشششش. دخلنا للمحل الي همَ بي. إجت حوراء كالت: حوراء: تميم، هذا حلو، شنو رأيك؟ تميم: ياهو؟ أشرت على واحد جان حلو، كال: تميم: أي حلو، كلش. هاجر: أني أريد منه. تميم: صدك؟ حوراء: يلا، حتى نصير أني وياج نفس الشي. هاجر: ما أحب أحد يلبس نفسي.

حوراء: لعد، اخذي أنتِ، أني آخذ غيره. تميم: تاخذن ثنينجن. هاجر: خلي هيا تاخذه، ما أريده. تميم: هاجرر. هاجر: ترا ما أريد، هيا تاخذ. تميم: بلا كلام، اخذن ثنينجن. هاجر: كلت ما أريد. تميم: بدون عناد. هاجر: والله بي تشتري، اشكو ومالبسه، خوش. تميم: بسيطة. نترت إيدي منه وعفته. بقيت أفتر بالمحل، ما عاجبني أشتري شي. من وراها الحيه، مو كالت بس نحجي من بعيد؟ الجذابة. إجت زهراء يمي وكالت: زهراء: شبيج، راح تموتين؟

هاجر: هاي الحيوانه، ما كالت بعد ما أجي يمهم، ليش رجعت؟ كون الله ياخذها، بنت الجلب. يصير خير، أني أعلمها. زهراء: جوزي من المشاكل. هاجر: طبعاً، لأن ما قربت يم أمير. لو مقربة يمه، جان شكيتي حلكها. زهراء: طبعاً. هاجر: والله اله أندمها، بسيطة. زهراء: يلا، خوش. إجت يمنه مريم وملاك. كالت: مريم: شبيجن؟ هاجر: شبينه يعني، من ورا هاي الحيه. مريم: قصدج حوراء؟ هاجر: اكو غيرها؟ مريم: عوفيها، يمعوده، تسويلج مشاكل.

هاجر: أني أسويلها مشاكل، مو هيا. بس خلي نرجع. اخخخ، متحلفة بيها. بقينا نفتر، وهيا تمشي ويانا. تميم لازم إيدي، وهيا تمشي من جهة تميم. كال أمير: أمير: نتعشى ونرجع، ترا جعت. كرار: لك، والله أنت الوحيد الي تفهم. طلعنا على مطعم. طبكو ميزين وكعدنا، كلنا. أني عفت تميم ورحت يم زهراء وعلاوي ابنها. كالعلاوي: ليش ماتجين يمنه؟ مشتاقلج. هاجر: أني هم والله. كملنا أكل ورجعنا للبيت. عمه ميرال، ولدها وبناتها اجو ويانه، ومعاهم بيبي.

وصلنا البيت. نزلت بسرعة ورحت على غرفتي. أخذت برنص ورحت للحمام. سبحت. طلعت، لكيت تميم كاعد على التخم، ويدخن، ولابس شورت وصدري عاري. كلت: هاجر: أعتقد أني كايلة، محد يدخن بالغرفة. تميم: غرفتي. هاجر: وغرفتي هم. تميم: بكيفي، أدخن وين ما يعجبني. عفته وأخذت ملابس ورجعت للحمام. بدلت وطلعت. كعدت على الكرسي الي مقابل الميز، أمشط شعري. تقرب مني وكال: تميم: عاجبج الي سويتي اليوم؟ هاجر: بعدني ماسويت شي.

تميم: بدون مشاكل. البنية راح تضل يمنه كلها يومين ثلاثة وتروح. هاجر: لو تروح من هسه، تسوي فضل. تميم: ومن إيمتا نحنا نطرد الخطار؟ هاجر: ولا بعمري طردت خطار، بس هاي ما أطيقها، ما أحبها، أكرها، أموت منها، بعد. تميم: شمسويلج؟ هاجر: بعدين تعال، كرار، شعلي، تخرب خطوبته. تميم: وأنتي ليش هيج ضايجة عليها؟ هاجر: يعني الي سويته أنت زين برأيك؟ تميم: طبعاً، هاي فركة أذن، حتى ما يسوي شي بدون علمي. ولعلمج، أنتِ الطفل شفعلج؟

هاجر: لا بله، شلون يخليني أحجي؟ تميم: أحجي، لو خايفه على زعلي؟ هاجر: أبد، ولا يهمني زعلك. طبك طوب. صار كبالي وحط إيدي على الكرسي يمنعني أكوم. تقرب مني، صار وجهي قرب من وجهي. دفعته أريد بس يتحرك. ما يقبل. كال: تميم: عود، ليش ما أخذتي الملابس؟ هاجر: ما أحب أحد يلبس نفسي. تميم: عادي، شنو يعني؟ هاجر: تحب عباس يلبس نفسك؟ تميم: أول شي، عباس ما عنده ذوق، حتى يشتري نفسيه. هاجر: ترا ما أحجي على الذوق، أكول تحب عباس يلبس نفسك.

تميم: شعلي بي، خلي يلبس. هاجر: أنت يعجبك، أني لا. تميم: ترا أبو المحل ما يجيب واحد خاص الج، يجيبه هواي، وناس تشتريها. هاجر: خلي كل الناس تشتري، بس مو كرايب. افرض رحنا المكان، وصدفه طلعنا لابسين نفس الشي، غير أموت. تميم: عادي، شبيج، أنتِ مزودة الموضوع. هاجر: حتى زهراء، ما أريدها تشتري نفسي، خوش. ضحك وتقرب مني، أخذ شفايفي بين شفايفه بحب ولهفة. اختنكت. حس وبعد كال:

تميم: مو طعم ضيم، ربي ساعدني، راح أنحرم من هذا الجمال علمود هذا الزعطوط. حط إيده على بطني وقرب وجهه من بطني ويحجي ويا الطفل. بقيت أضحك. كال: تميم: شبيج، تخبلتي؟ هاجر: أني لو أنت. بس كملت، عاف بطني وتقرب مني وكال: تميم: اوكفي، أشوفج الخبال على أصوله. هاجر: لا جذ.... قاطع حجي بــ بوسة عميقة، تحجي عن حبه ولهفته اتجاهي، تحجي عن شوقه وحبه الكبير. الي عافني وكمنا حتى نام. نمنا وكعدنا الصبح على دك الباب. تميم كال:

تميم: جايبن. حوراء: أريد أحجي وياك أول. تميم: دخلي. دخلت. سويت نفسي نايمة. كالت: حوراء: بدل وتعال برا نحجي، ما أكدر أحجي كبال هاجر. تميم: رايحة بسابع نومه، هسه لو تسوين عرس فوك راسها، ماتسمع. حوراء: أعرف، هيا زعلت مني، بس والله مو بيدي. طلبت مني أبتعد عنك، بس ما أكدر. تميم، تدري أنت كلش زين، أني وأنت مقربين، وغير هيج، اكو موضوع ثاني. تميم: ياهو؟ حوراء: رجعت حجت وياي علمودك. تميم: شلون وليش؟

حوراء: تكلي، ماتكدر تنساك، تميم، الكي حل بسرعة. البنية تتعذب بدونك، وهيا صديقة هاجر، ماتكدر تخبي مشاعرها أكثر. تميم: لمار كالت ل هاجر شي؟ حوراء: لهسه لا، بس يمكن تكولها، ما أدري. احجي ويا لمار وفض الموضوع، فدوه. عصبت وكعدت وكلت: هاجر: هسه تحجولي، شبيها لمار؟ تميم: مابيها شي، حبيبي. هاجر: هسه تحجولي. كلت: تميم: كلتلج ماكو شي، والله وداعتج. هاجر: كلتلج ماكو شي، لا تلحين. تميم: لا تحجي، خليك ساكت أحسن.

كمت فتحت الكنتور، وهو صافن بيه. طلعت الجنطة مالتي مال سفر، وخلتها بالكاع. أجه يمي ولزم إديه كال: تميم: شبيجج، بلا ثول. هاجر: ماتحجي، أروح وما تشوف وجهي. تميم: ماكو شي، شبيجج. هاجر: لا تحجي، خليك ساكت. دفعت إيده وطلعت فستان من الفساتين، وخلتها بالجنطة. شالها وكال: تميم: شبيججج، بلااا خبالججججج، هسهههه. هاجر: لو تحجي، لو بعد تحلم تشوف وجهي. تميم: ماكوووو شيييي، شحجييييي.

هاجر: اكو شيييي، مووو غبيهههه أنييي، سمعتتت كلللل كلامكمممم. تميم: شسمعتي؟ هاجر: من أول مادخلت حوراء للغرفة، جنت كاعدة، وأسمع كلشيييي. تميم، احجيلي، شكو بينك وبين لمار؟ حباب، احجي. تميم: ماكو شي، والله وداعتج. هاجر: جذاببببب، خاينننن، اللههههه ياخذكككك. تميم: شبيججج، شنووو خاينننن، بلااا سخافتجججج، هسهههه. هاجر: عوففففف ايديييي، خايننننن. حوراء: والله مو هيج، أنتِ فهمتي غلط.

هاجر: أنتِ انجبييييي، اخررر وحده تحجيننن، اللههههياخذجججج، حيهههه. حوراء: والله مو مثل الي بالج، مابينهم شي. هاجر: كافيييي، اسكتي، ان شاء الله تطلع حوبتي بيك، الله ياخذك تميم. تميم: بس افهمج، والله ماكو شي بيني وبينها. دموعي ما توكف. أحس كلبي راح يوكف. انخدعت بدون ما أدري، وأحس شلون ما حسيت عليهم. جانت دائما تحجي بي وتسالني عنه، وأني أكول بنت عمه، وتريد تعرف أخباره. شكد جنت ثولة وغبية.

تميم: بس اهدئي، أفهمج، مو زين عليج. هاجر: عوفني، الله ياخذك، أكرهك، أصلاً فهمت كلشي، ماكو داعي تشرح. ماكو حس. حسيت بشي أسود، حتى عيوني، وما عاد أشوف زين. أغمى علي، وما حسيت بشي. فتحت عيني، شفت نفسي بالمستشفى. والدكتورة يمي كالت: الدكتورة: مابيج شي، حبيبتي. هاجر: ابني شلونه؟ الدكتورة: بخير، الحمد لله. هاجر: أريد أطلع. الدكتورة: شويه وتطلعين.

عافتني وراحت. رجعت أتذكر كلشي. كلبي يوجعني، وعيوني توجعني. أريد بس أوقف بجي، ما أكدر. طعني وفضل وحده عليه، عافني وراح لغيري. الشخص الي حبيته وسامحته على كل أفعاله، حب وحده غيري. عنده وحدة غيري. صعب أوصف هذا الشعور، بس يوجع بشكل مو طبيعي. صعب أشوف شي ملكي يروح لغيري بسهولة. أكره نفسي، لأن سامحته وقبلت أرجع. أكره ضعفي كدام عيونه. أكره كل شي. الله ياخذني. دخلو تميم وحوراء. مسحت دموعي بسرعة وكلت:

هاجر: ما أريد أشوف وجهكم ثنينكم. تميم: مو بكيفج، غصباً عليج تسمعين. هاجر: ما أريد أسمع. شنو راح أسمع مثلاً؟ تحبها؟ تتهنون. تميم: ثولة، شبيج، خلي أحجي، وبعدين أنتِ مسألتِ براحتج. هاجر: اطلععععع براااااا. تميم: ما اطلعع لحدد ما أفهمججج. سديت أذاني بمعنى ما أريد أسمع شي. قرب مني، سحب إيديه ولزمهن بقوة وكال: تميم: ما خنتج، والله. أصلاً وين أكدر أشوف بنية غيرج؟ تتوقعين أفضل وحدة عليج؟ تتوقعين بيوم ينتهي حبي تجاهج؟

مستحيل، أنسي هذا الشي. ما يصير، حتى بحلم. لحد ما أموت، أنتِ تضلين بكلبي وعقلي، وما حد ياخذ مكانج. هاجر: جذاببببب، أنتت أكبرررر جذاببببب. تميم: لو جذاببب، شكو أبقيج يمي؟ هاجر: لأن ابنك بطني. تميم: لو أحب وحدة، لو مو ابني، محد يمنعني منها. هاجر: برااااااا. تميم: من تسمعين ساعتها، اطلع. هاجر: مااريددددد. تميم: ......