رواية قسوة احفاد ال هتان الفصل التاسع والثلاثون 39 - بقلم هاجر النعيمي

ماسه: راح أحجيلج من البداية وبالتفصيل، اسمعي منيزين خوش. هاجر: والله خفت. ماسه: ماكو شي يخوف. هاجر: عجل. ملاك: خلي تحجي، اصبري. ماسه: انتي تعرفين أني من الأنبار، محمد جان عنده شغل هناك وصدفه شفته وشافني، حبينه بعض من أول نظرة. اجه خطبني واهلي سئلو علي، وافقوا تزوجنه. بداية الزواج ابد ماجنَ متفاهمين وكل يوم مشاكل، وجانت عمتي تسوي مشاكل وتحجي براسه ويجي يضربني، أو تحجي شي ماصار حتى يضربني.

هذا الشي مو بس أني جنت أعاني منه. هاجر: عجل منو هم؟ ماسه: غالية واختها نفس العذاب، وهذا كله لأن نحنا غريبات. هاجر: ليش تعاملكم هيج؟ الغريبة شنو ذنبها؟ ماسه: من أكمل قصتي أكلج على قصة الغريبة. هاجر: كملي. ماسه: شهر وحبلت بـ رشا، تخيلي ضرب وهيا اجت بعد التعب والضرب، بس مابيها شي الحمدلله. كبرت صار عمرها 5 سنوات، بيوم جنَ نتعارك نفس كل يوم، مدري شلون وطلعت منه كلمة طالك، طلكني. خابرت أخوي، اجا أخذني.

محمد حاول شهرين علمود يرجعوني، واهلي قافلين، انت طلكتها. رشا: تعذبت على غياب أمي حيل، رغم جنت مدللة بس جنت أحتاجج. ماسه: محمد مل منهم، وبيوم اجانه للمزرعة، وأني جنت هناك واجه يحجي وياي ويقنعني أرجع. رفضت أرجع للعذاب، وحاولت حتى آخذ بنتي، رفض إنو يسمع مني. وبوكتها اغتصبني وهو مطلكني. بعد ثلاث شهور عرفت نفسي حامل، وعمر الطفل ثلاث أشهر. بعد عناء تسع أشهر، إجه الطفل. هاجر: وعمي مايعرف؟

ماسه: لا، رفضت أكول اله لأن راح ياخذ الطفل مني. هاجر: والطفل هو تميم؟ ماسه: أي، تميم تربى يمي ثلاث سنين. بعدها مدري شلون محمد عرف، وأني أشك بـ مرة أخوي، هيا كالتله. المهم، أخذ ابني. إخواني كالو خلي ياخذه يربه يم أبو. تعبت على فراق ابني وبنتي ماشفتها ثلاث سنوات ونص، كل يوم ألوم نفسي لو ساكته ما جان أهلي رفضوا يرجعوني. تعذبت على فراق ولدي، جنت أتوسل بيهم، أريد خبر. حاولت أقنعهم أرجع بس رفضوا.

رشا: تعبنه يمه، تعبنه بعدج كلش هواي. ماسه: بوكتها ابني تربى على الدلال، على إنو كل شي يريده يجي، شنو يطلب يحضر. ابني مو نفسه الي ربيته، تغير، صار نسخة من محمد. خفت على مستقبل ابني، بعد تعب 6 سنوات كدرت أتواصل ويا محمد وكتله أني موافقة أرجع، بس خواني مايقبلون. تحجي وتبجي، كطعت كلبي، أخذت نفس وأردفت. ماسه: إجه ورجعني. ابني مايريدني أبد، جان ينام يم راوية، يحب عمتي والي جان يكرهني، وراوية تعلمه عليه.

تكله هاي عافتك وفضلت نفسها عليكم، اختارت ساعدتها علمود تضحي بيكم. وابني وبنتي كرهوني، تعبت فوك تعبي، وبوقتها حبلت بـ ملاك. إجت ملاك، وجان تميم يضوج منها ويكرها. مسحت دموعها ورجعت أردفت. ماسه: جان يكلي راح تاخذيها وتعوفينه أني ورشا. جنت أقنع بي إنو ماراح يصير هيج، وبيبي غلطانه، بس هيا جان إلها تأثير على ابني. تميم سنتين ماينطيني وجه، صار عمر ابني 11 سنة، بهاي السنين ابني بعيد عني، يفضل بيبي عليه.

جان يتعارك ويا الولد، جان يكول أني ابن حرام. جانو يكولوله انت ابن حرام، ما جان عنده أصدقاء بالمدرسة، كل يوم يرجع لو كاتل لو مكتول، وأجي أخاف عليه، أريد أداوي جروحه، يدفعني ويسمعني كلام مو حلو. رشا: كافي يمه. ماسه: من حقه يعرف، ما أريد أعوف ابني، ابني تعب، ما أريد يرجع يتعب، ما عاش مثل ما عاش، عاش كل حياته على الكره وعلى حب الذات، صار نسخة من محمد. هتان جان يدلله وياخذه وين ما يروح، ومحمد نفس الشي.

بين عباس وتميم ثلاث سنوات، جان عباس يتيم، يريد يكعد يم جده، جان تميم يمنعه، وجان يتعارك ويا ويضل يكله انت يتيم، وعباس يكله انت ابن حرام. سمعنا صوت تميم، راحت ملاك علي وعمتي. رجعت أردفت. ماسه: جان يرجع يبجي يكول لابو ليش أني ابن حرام، وهو لا؟ ليش يكلولي هاي الكلمة؟ شنو معناها؟ فهم ونضج قبل وقته بسبب أبو. بقه تميم على هاي الحال لحد ما تعرف عليج، تغير، صار يظهر حنيته. هاجر: وإيمتا تقبلج؟

ماسه: لحد ما صار عمره 13، كعدت حجيتله على كل الي صار بحياتي، واقتنع وصار يميل إلي. هاجر: كل هذا صار؟ ماسه: جان يلوم أبو على أفعاله، جان يكره يصير نفس أبو، وجان دائماً يكول أني ما أضرب مرتي، أدللها، أحبها. بس القدر جان إله رأي آخر. هاجر: معرف شنو أكول. ماسه: ما أريد تكولين شي، سامحي ابني، ارجعي ويا. إذا مو علموده علمود الطفل، لا يتعذب نفس عذاب تميم. هاجر: إن شاء الله.

ماسه: أما سالفة الغريبة هم حزينة، وما أريد تكرهين راوية، لأن هيا هم انظلمت نفسنه. هاجر: شلون؟ ماسه: راوية قبل ما تزوج تقدم إلها ابن عمها، بس هيا رفضت وفضلت الغريب صاحب السلطة على ابن عمها. بس هتان جان يعذبها ويضربها ويهين بيها، عاشت نفسنه بكل شي. ولهذا السبب ماتريد غريبة، تريد الكرايب، تخاف على حفيداتها من الغربة، لأن ماتريد يصير بيهن مثل ما صار بيها. وماكو حل غير إنو يزوجون حفايدها.

وهاي مختصر عن قسوة هتان ولده وأحفاده. هاجر: خطيه، نحنا نكرها بس مانعرف شنو صار معها. ماسه: شنو قررتي؟ هاجر: خايفة. ماسه: أنطيج وعد، ابني ما يمد إيده عليج أبد، وإذا مدها أني أكسرها وأخلي يطلكج، بس لا تكسرين كلبه، لا ترجعين تكسرين ابني. هاجر: راح أعتبر كلامج هو الدليل على إنو ما يعيدها. ماسه: كلامي دليل الج. هاجر: راح أسامحه وأرجع. قامت واجت يمي، باستني وكالت. ماسه: ما أنسى معروفج. هاجر: انتي أمي، الي تكولي يصير.

ماسه: اطلعي فرحي ابني. هزيت راسي بـ أي وطلعت فوك. جنت خايفة ومتوترة من رد فعله. دخلت، جان نايم، تقربت على السرير، حاط إيده على عيونه ونايم على ظهره وصدره عاري. همست. هاجر: تميم. مارد. خليت إيدي على إيده الي حاطها على عيونه وكلت. هاجر: تميم. وخر إيده من عيونه وبقه صافن عليه. رجع غمض عيونه وفتحها بقوة كال. تميم: شجابج؟ هاجر: رجعت. تعدل وسحبني من إيدي، وكعت بحضنه. كلت. هاجر: حباب خلي أكوم أكعد يمك، والله.

تميم: اششش، أخيرًا رجعتي، ليش كلتي ما أرجع؟ هاجر: عرفت شكد أحبك وما أكدر أتخلى عنك، وهم علمود ابني الي جاي، ما أريد يعيش بدون أب. أخذني بحضنه ويستنشق عطري ويهمس بكلامات حب. بعدها كال. تميم: والله أعوضج عن كل شي، ما أخليج تندمين لأن رجعتي. ابتسمت. كال. تميم: عطشان، رويني. أخذ شفايفي بين شفايفه، عشت ليلة حلوة رومانسية مليئة بالحب. كعدنا ثاني يوم على صوت عمه ماسه.

نزلنا نتريك، عمي فرحان بـ جيتي، وكل شويه يسمعني كلام حلو. تميم مو مصدق رجعت وسامحته. رشا فرحانة لوجودي ولفرح أخوها. ملاك ماسامحتها. راح عمي على الشغل وتميم أصر يروح ويا، رغم هو مريض بس فرحان. عمه كالت. ماسه: ملاك وهاجر تصالحوا، ما أريد مشاكل بالبيت، يلا تصالحنه أني وملاك. رشا زعلانة يم أهلها، هما يسوون غده، وأني ألعب ويا دانيال، وكل شويه عمه تصيح عليه وتكول. ماسه: على كيفج انتي حامل. إجه اتصال على عمه، راحت ترد.

شوية ورجعت كالت. ماسه: عوفن كل شي وروحن بدلن هسه، شويه ويجي تميم ياخذنا، راح نروح لبيت أدريان. راح توصل ميرال بعد شويه، يلا بسرعة. أهو هم راح تجي حوراء، شكد أكرهها. بدلنا وكملنا وانتظرنا تميم يجي. إجه وصعد للغرفة، صعدت ويا. كال. تميم: حضريلي ملابس، اخذ دوش سريع. هاجر: بكيفي لو اكو شي معين؟ تميم: بكيفج. طلعت ملابس خليتهن على السرير ورحت كعدت. طلع تميم لابس منشفة على خصره والثانية ينشف شعره بيها. ابتسمت، رد الابتسامه.

لعبة نفسي ورحت اتقيأ، بيت كلش بطني. إجه تميم خايف عليه كال. تميم: كومي نروح للدكتورة بسرعة. هاجر: مابيه شي، هاي مال بداية الحمل لازم هيج يصير. كمل تميم وطلعنا لبيت عمو أدريان. وصلنا ونزلنا، دخلنا سلمت، جانو واصلين بيت عمه ميرال. من وصلت يم حوراء، عفتها ورحت، وهيا مصدومة. تميم رفع حاجبه بمعنى ليش سويتي هيج. غلست. إجه يمي كال. تميم: بلا تصرفات الزعاطيط. هاجر: خاف تزعل عليها. تميم: شكد تحبين المشاكل. هاجر: تمشي بدمي.

تميم: من نرجع أسويلج مشكلة بس على طريقتي. كمل كلامه وغمز. كلت. هاجر: أدبسزز، أشو صاير ماتستحي. تميم: شكو، أحد كَايلج أني أستحي؟ هذا جذاب وابن نعال هم. هاجر: محد كال، لأن كلهم يعرفون انت ماتستحي. تميم: شهادة أعتز بيها. عفته ورحت أساعدهم. تغدينا وكملنا تعزيل وكل شي. زهراء كالت. زهراء: امشوا على غرفتي نسولف، شعدنا باقيين ويا العجايز. ملاك: اصبري أنادي لمار وأجي. صعدنا على غرفتها، شوية واجت لمار وملاك.

شكد أحب لمار، هادئة، معليها بأحد ولا تدخل بشي مايخصها. كاعدين نسولف ودخلن حوراء وزينب. كالت حوراء. حوراء: أني جيت حتى أصالحكم. زهراء: منو كالج حابين نصالح؟ حوراء: ما أعرف ليش تكرهوني، والله مامسويتلجن شي. هاجر: سؤال وبس تجاوبين علي بصراحة، أصالح. حوراء: شنو السؤال؟ هاجر: هسه لو بنت عم ميدو تضل تلزك بي وشوية وتكعد بحضنه ومن تشوفه تحضنه وتبوسه، تقبلين؟ حوراء: طبعاً ما أقبل. هاجر: عجل أشون تريدين نحنا نقبل؟

حوراء: بس هما أخواني ترا، كل الولد خواني مو بس تميم وأمير. هاجر: ما يهمني، صيري أختهم كلهم بس عوفي تميم، عوفي زوجي، وبعدها نصالج. وإذا تضلين هيج أسويلج مشاكل. زينب: أي يطلع منج كل شي. هاجر: إذا تعرفين يطلع مني كل شي، بعدن عن زوجي. زينب: ترا نعرف تميم من جان هلكد ومانعوفه، خوش. هاجر: انتي الحية الج جتله هم، لا عبالج ساكتة بس علمود الطفل الي بطني. حوراء: انتييي حامللل، صدككك؟

حسيتها فرحت هواي واجت حضنتني، انصدمت، بعدت عني وكالت. حوراء: ألف مبروك حبيبتي، يربى بعزكم. زينب: ألف مبروك. حوراء: عجيب، ليش تميم ما كالي؟ هاجر: ما يحجي وياج بعد علمودي. حوراء: خوش، عندي حل بس أحجي وياهم من بعيد، خوش. هاجر: اوكي، ميخالف. زينب: شبيج تسمعين كلامهن؟ انتي ثولة، بعدين منو هنَ حتى تسمعين كلامهن؟ من قبل انتو هيج، ليش هسه تغيرين؟ هاجر: كافي عاد، احترمي نفسج، ترا كوه ساكتتلج. زينب: لابله، خفت.

كمت وضربتها براشدي ولزمت شعرها وكلت. هاجر: إذا بعد تحجين وياي شي ما يعجبني، أطلع بروحج. لا عبالج هينة وأسكت، والله أكرهج، عيشتج، حلي عني، خوش. لمار طلعت تصيح تميم لأن نتعارك. رجعت هيا وتميم. تميم بس شافني لازمة شعرها، بعدني عنها وكال. تميم: زعاطيط انتو، شبقيتو للزعاطيط، مو كالت ما أريد مشاكل. هاجر: هيا تحجي كلام أكبر من راسها. تميم: بدون مشاكل. زينب: شوف شنو سوت بيه، تسكت إلها. تميم: شنو أسويلها يعني؟

زينب: هذيج المرة شنو سويت بيها وهسه ماتحجي شي. تميم: بسبب السحر مو تصرفاتي، أني ما أضرب مرة. زينب: لا عبالك هيا مسويلك سحر. هاجر: أي مسوية سحر، انت شعليج؟ شكو ضايجة؟ همس بـذني. تميم: ها ملعونة، وأكول ليش هيج أحبها، طلع سحر. ضحكت وهما صافنين علينه. كال. تميم: الكل يسمع، ما أريد مشاكللللل، مفهومممم. عافنه ونزل. حوراء كالت. حوراء: أني مثل ما وعدتكم. صالحناها وكعدنا نسولف. شوية وندفر الباب، كلبي صار بطني من الخوف.

دخل كرار معصب وراح لزم ميار ويعيط بـوجها، ونحنا مو فاهمين شي. مسكت إيده أهديبي، وهو ما يسمع. دخل تميم شافني سحب إيدي من كرار وحضني بقوة وكال. تميم: ملاك شال بسرعة. انتبهت لنفسي ما حاطة شال على راسي. أنطتني شال ملاك، خليته على راسي. وتميم معصب. كرار سحل ميار لجوه ويفشر عليها. نزلنا وراهم وماندري شكو. أمير سحب ميار من كرار وكال. أمير: شنو مسويه؟ غير ندري شكو تضربها؟ كرار: هيا ورأكان القندرة على علاقة. أمير: شعرفك؟

كرار: جنت أني ورأكان بالديوان نعزله، كال طالع أشرب مي وأجي. راح واجت مسجات على تلفونه هواي. صار عندي فضول أعرف وشفتها من أختي تسأل وينه، تريد تشوفه. أمير: هذا الحجي صحححح؟ ميار ساكتة. رجع كال. أمير: سألتج هذا الحجي صححح؟ بالكوة طلعت منها. ميار: صح. أمير: وين القندرة؟ وين راح؟ كرار: رجع شاف التلفون بيدي، واني مصدوم. كتله شعندك ويا اختي وشرد مدري وين راح. تميم: يرجع، قابل وين يروح، ماله أحد بـ بغداد.

تميم: شكد صارلج ويا؟ هيا ساكتة. رجع عاط بيها. تميم: شكددد صارلججج وياااااا؟ ميار: سنتين. أمير: منو يعرف بعلاقتكم؟ ميار: كل البنات. أمير: حددي. اني خفت ولزمت إيد زهراء خاف تكول نحنا. كالت. ميار: حوراء وزينب ولمار وملاك ومريم وزهراء. أمير: بس؟ ميار: أي. تميم: ومرتي ماتعرف؟ ميار: شلون هاجر هم تعرف. دحك عليه وعيونه حمر تخوف ويخرز بيه. نزلت عيوني وكلت. هاجر: هاي أخرتنا. راوية: طبعاً، شلون مرتك ماتعرف، غير هيا الحية كوبره.

هاجر: أي مشكلة تصير حطوها براسي. راوية: شوف شكد صلفه. هاجر: انتي تتهميني، أني اشعليه، أصلاً من سنتين ما جنت أعرفها، هو أني صارلي مزوجة أربع شهور، شعرفني؟ راوية: انتي وهاي الحية زهراء وبنت خالتها معلمينها. زهراء: شنو معلميها؟ شعلينه نحنا. راوية: لعد منو معلمها غيرجن. هاجر: إذا حجيت ويا تميم مو معناها أعلم الكل، خلي نيتج صافية، عيب عليج، شوفي اشكبرج، استحي على شيبتج. تميم: هاجررررررر. سكتت وهيا صارت تبجي وكالت.

راوية: شوف مرتك شلون تعاملني. تميم: هاجر روحي لغرفة أمير بسرعةةة. رحت لغرفة أمير وميتة خوف. شوية واجه تميم سد الباب وكال. تميم: ليش ما كالتلي؟ ليششش؟ هاجر: خفت عليها والله. تقرب مني، حطيت إيدي على وجهي حتى امنع الضربة إذا تجي على وجهي. هو وخر إيدي وكال. تميم: أني مو تميم الي جنت أضربج، مو زلمة إذا أضربج. أنتي روحي أحد يأذي روحه. بقيت أرجف خايفة كلت. هاجر: أني معليه والله. تميم: ليش ما كالتلي؟

هاجر: خفت عليها والله، ما كدرت أكول، خاف تضربها. تميم: ما علينه، كل شي بين، هسه تنزلين تعتذرين من راوية كدام الكل. هاجر: لا بله. تميم: كلت تعتذرين. هاجر: ما أريد. عاط بيه. تميم: تعتذرينننننننن. نزلت دموعي من الخوف. لزم وجهي بـ اثنين إيدي ومسح دموعي وكال. تميم: دمعتج تسوى الكون، والمبجيج مو زلمَه. ابتسمت. رجع كال. تميم: يلا حبيبي اسمعي الكلام وانزلي اعتذري منها. هاجر: مااا، أني ما غلطت بحقها. ضرب باب الكنتور وكال.

تميم: لا تجننيني، انزلي اعتذري. هاجر: أي. تميم: يلا كدامي. نزلت كدامه. رحت يم بيبي وكلت. هاجر: أني أعتذر عن الكلام الي كَلته. راوية: كوبره، ماتتواخذين. دحكت على تميم وخزرتو، وهو ضحك بصوت عالي. مدري شلون واندفع رأكان كدامنا، وكع وجهه كلو دم. ورا كرار وحمزه. تميم راح علي ركض وكال. تميم: هاي شمسوين بي؟ كرار: لأن صاحبك تخاف عليه. تميم: لك حيوان، مو هيج تنحل. كرار: انت آخر واحد تحجي، خوش، أذكرك شنو سويت بـ علي. سكت تميم.

وعمه ميرال نزلت على ابنها وتبجي كالت. ميرال: الله لا يوفقكم، ولكم جيتنه لـ هنا علمود نخطبها. كرار: مانريد نسبكم. أركان: أحجي ويا أمي زين، فهمت؟ كرار: لا بله، إذا ما أحجي شيصير؟ أركان: تصير مو زينة. كرار: أعلى ما بـ خيلك اركبه. هجم أركان على كرار وصارو يتعاركون. تميم وأمير يفكون بينهما. أول مرة أشوفهم يتعاركون، لأن الكل يعرف إنو كرار وأركان كلش مقربين وما تصير بينهم مشاكل، بس هسه صارت.

تميم: كافي ثيران، انتو جاي تكوللكم نخطبها، يعقد عليها وفتت، وانتهت. كرار: على موتي. تميم: ماتموت أحد، كاضبك، اسمعني زين، رأكان يعقد عليها ومحد يفتح حلكه بحرف. كرار: على موتي. تميم: ماتموت أحد، كاضبك، اسمعني زين، رأكان يعقد عليها ومحد يفتح حلكه بحرف. كرار: أي غصب عنك مو عني. دخلو عمو أدريس وعمو أدريان خايفين كال. أدريس: أصواتكم عالية، شبيكم؟ كرار: رأكان يحجي ويا ميار بالتلفون وبينهم علاقة. عمو أدريس انصدم.

عمو أدريان كال. أدريان: ومن كل عقلك تنحل بالضرب؟ انت حيوان، يعقد عليها وفضت. كرار: يسخي. أدريان: انت تخسي، تميم وأمير أخذو للمستشفى. أمير وتميم أخذو رأكان للمستشفى. خابرو هتان يحلها. إجه معصب ورزل كرار وكال. هتان: يزوجون، مفهوم كلامي، ما يصير ثنين. كرار: مانريدهههه، شنيييي كوههههه. هتان: صوتكككك، حيوان، انت مجاي تحجي ويا واحد بعمرك. اني جدك، رأكان وميار يعقدون، وإذا أسمع واحد يعارض أشكه، خوش كرار.

الكل خايفين على رأكان. شوية ورجعوا وإيده مجبسة. تميم يشاقه ودخلو يضحكون. هتان كال. هتان: تعالي ابني. راح رأكان يمه وكال. هتان: مو عيب عليك تحجي وياها، ليش ما جيت وخطبتها فوراً؟ رأكان: جانت زغيرة، وكل ظني ماينطوها. هتان: ميخالف، تحجزها. رأكان: جدي، هسه وكفت عليه. أشو كلهم مزوجين عن حب، هاي عندك، تميم أخذها من الموصل، بعد شكو. هتان: صدك تميم؟ تميم: أي. هتان: وشلون انطوك ياها؟

تميم: متت ألف موته بين ما أخذتها، تخيل حاطين السلاح براسها حتى ترفضني. هتان: والله انت كفو. ابتسمت. رجع كال. هتان: رأكان وليدي، راح نعقد الكم باجر، خوش. رأكان: الي تشوفه مناسب سوي، وأني أعتذر من خالي أدريس، كلش أسف منك. أدريس: انت هم ابني، ولا يهمك. خلص الوقت ورجعنا للبيت. جنت تعبانة، مدري خايفة. تمددت واجه تميم تمدد يمي، حط راسو على رجلي. خليت إيدي على راسو وبديت ألعب بشعره. كال. تميم: ليش ما كالتلي؟

عاجبج الي صار بـيهم. هاجر: والله عبالي تعرف، لأن زهراء يوم الي كالتلي، كالت أكيد أمير وتميم يعرفون لأن قريبين من رأكان. تميم: اممم. رجع كال. تميم: صايرة حلوة بزيادة. هاجر: عيونك الحلوة هيا تشوفني حلوة. أريد الطفل يصير عيونه نفسك. تميم: رُموشُ عَينّيها أجنحة فَراشات. ابتسمت وكلت. هاجر: كلامك يدخل بنص كلبي. تميم: يلا دورج، أبهريني. هاجر: أعشقُك عشق ك مريض، لايستطيع التعافي من عشقك.

تميم: كلامج مو بس دخل بكلبي، دخل بأحشائي. هاجر: إذا جانت بنت شنو تسميها؟ وإذا جان ولد شنو تسمي؟ تميم: سؤال حلو، باعي إذا بنت بصراحة مو مقرر، بس إذا ولد أريد هَتان. هاجر: ليش هَتان؟ مو محمد على اسم أبوك؟ تميم: باعي، هسه طبيعي أحب أبوي، بس هتان كلش متعلق بي، جنت حتى أنام يمهم أغلب الوقت، ما جنت أحب بيتنا، جان بي هواي مشاكل. جنت حابه هو يعترف. كلت. هاجر: مثل شنو يعني؟ تميم: مشاكل حالها حال المشاكل الباقية.

فقدت الأمل إنو يحجيلي كل شي. كلت. هاجر: خلي نام، تعبت. نمنا. كعدنا الصبح على صوت دانيال. أول مرة هو يجي يكعدنا. كال. دانيال: يلا كومو، شكد كسلانين. تميم: خلصت من علي، يجي دانيال. دانيال: ليش بشنو زاعجيك عيني؟ تميم: لا أبد، جعل محد يزعجني غيرك. أخذه بحضنه ويحجي ويا. طبعاً تميم ما يعرف رشا زعلانة لأن زوجها ضاربها. كال ولو مشكلة بين نيرال وهيا. كال. دانيال: ليش ما حاسبت أبويه؟ تميم: ليش أحاسبه؟

دانيال: انت مو كالت هذيج المرة إذا سجاد يمد إيده على أمي تكسرها، ليش ماتكسرها؟ غير تنفذ كلامك. تميم: بس أبوك بطل يضرب أمي. دانيال: لا، منو كالك؟ هو ضربها قبل لا نجي هنا. تميم: شنوووو، شنوووو، عيددددد؟ دانيال: هو ضربها والله، وهيا طلعت من هناك تبجي، حتى بيبي كالتلها ماتاخذين دانيال، بس هيا أخذتني غصب عنهم. تميم: وخر شويه، رشااااااااا. عافه ونزل، وأني بسرعة لبست دشداشة طويلة ونزلت. ركض وجنت راح أوكع على الدرج.

شفته يعيط عليها. كال. تميم: ليش ما كالتلي؟ شلون أسمع من دانيال؟ بس فهميني. رشا: دانيال جذاب. تميم: طفل شلون يجذببب؟ انتي جذابههههه، أحجيييي، ضاربجججج ابن النعل. ماسه: اهدئ يمه، يبقى زوجها. تميم: وإذا نعلها شنو يعني؟ هيا تايها ويضربها. طلع لفوك ونزل لابس تراك وطلع، ونحنا نعيط وراه وما يرد. حيل خفنا. بعد ساعة تقريباً خابرت نيرال وتفشر على عمه ماسه وعلى رشا. سجاد مكسورة رجله ورايحين بي للدكتور وخشمه نزيف بي.

بعد ساعه رجع تميم وإيده دم. راح يم رشا وكال. تميم: هذا دمه النكس، وأي واحد يمد إيده عليجن ما عاش، أشرب دمه. راح يغسل. إجه عمي معصب كال. محمد: شلون تضرب ابن عمتك هيج؟ تميم: مثل ما يضرب أختي أضربه. انصدم من سمع إنو سجاد ضارب رشا. كال. محمد: بس نيرال ما كالت هيج. تميم: الله يعلم شنو كالت وشنو حجت، أكيد حجت شي صار وشي ما صار. محمد: وانتي شكو ساكتة؟ ماتكولين نأخذ حقج؟ ماسه: ليش تاخذ حقها؟ هيا تعاني بسببك وبسبب ابنك.

مثل ما ضربتو بنات الناس، الله ردها ببنتكم، ليش على نسوانكم تقبلون وعلى بناتكم لا؟ ليش شنو الفرق بينهن؟ محمد: كافيييي اسكتيييي. تميم: يمه كافييي. ماسه: مو كافي، كافي اسكت، تعبت منك ومن ابنك. نفس النسخة، حتى انت جنت أتأمل تطلع غير أبوك وتصير نفسه، وانت لا، شنو جان يسوي محمد تسوي، نفسه صاير نسخة عنه. تميم: كافيييييييي، موووو نفسههه انييي. ماسه: ليش تبجي؟ ليش تخاف تعترف؟ تخاف هاجر تعوفك؟

لا ماتعوفك، هيا تعرف كلشي، أصلاً لا تخاف، ماراح تعوفك. تميم: شنوووو تعرفففففف؟ ماسه: تعرف الشييي الييي انتتت خايفففف منهههه، اليييي تعيرررر نفسكككك بييييي، اليييي تكرههه احدددد يكولهههه الكككك انوووو انتتتت ابنننن حرامممم، انتتت مو هيجججج انييييي امككككك وهذاااا نفسههه وابوكككشلونننن تقتنععع بيهاااا؟ صدكتتت راويةةة وجذبهاااا الككك.

تميم: انيييي مووو ابنننن حرامممم، مووو مقتنععع بيهاااا، شكوووو واحددد يكلججج هيج هوو *****، مو مقتنععععع، كافيييي تعيدوهاااا، اجيتتتت بغلطططط منكممم، تحملتتتت كلاممم الناسسسس اليييي ماليييي ذنببب بييييي، انتييييي وهذاااا السببببب بييييي موووو انيييي. وكع، ركضنه علي، وعمه تدعي على نفسها. محمد كال. محمد: هسههه صرتييي خايفههه عليييي ابنيييي، اذاااا صارررر بييي شيييي، انهيجججج. عمو محمد شاله وراح ركضت ورا. كلت.

هاجر: ابوس ايدككك، بس انتظرنييي اجييي. محمد: بسرعةةة. بدلت بسرعة ونزلت. جانو عمتي والبنات مكملين. نزلت ركض. رحنا للمستشفى وبقينه ننتظر. طلع الدكتور رحنا علي، كلنا كال. الدكتور: لا تخافون، بس ارتفع ضغطه، يحتاج راحة. هاجر: عادي أشوفه؟ الدكتور: انطيته ابرة مهدئ، شويه وادخلي، بس يصحه. بقينه ننتظر ساعتين بين ما كعد. من كعد دخلنا كلنا، وعمه تعتذر منه وتبوس بي، وهو صافن عليه، وأني أحاول أبعد نظري عنه وأباوع بكل الغرفة.

ما جنت أريده يعرف، جنت أريد هو يكلي، بس عمتي خربت كل شي بوقت عصبية. ما طلع منه غير كلمة. تميم: طلعوني. عمو محمد سوى أوراق خروج، طلعنا. رجعنا للبيت، راح للغرفة. خفت أروح ويا. عمه كالت. ماسه: يحتاجج، روحي. طلعت وراه، جان مدد. كلت. هاجر: سلامتك حبيبي. مارد عليه. كلت. هاجر: شبيك حبيبي؟ عاط بوجهي وكال. تميم: تعرفيننن كلشييي وتسوينننن نفسجججج ثولةةة، وكاعدهههه تسألينننن.

هاجر: بس اسمعني، والله جنت أريد أعرف منك، ما جنت أريد تعرف إنو أني أعرف. تميم: بعددد شنوووو باقيهههه وياييييي، لأنننن متعاطفهههه ويايييي مووو؟ هاجر: لا والله مو هيج. تميم: أطلعييي برااااا، يلاااا براااا. طلعت ودموعي تنزل، كعدت على الدرج أبجي. شنو سويت؟ أني شعليه حتى هيج يعصب مني؟ هدئت وكمت نزلت. عمه كالت. ماسه: شصار؟ هاجر: طردني. ماسه: ميخالف يمه، معصب. هزيت راسي وكعدت على الكرسي. حسيت بدوخة وبطني صارت توجعني.

عمه كالت. ماسه: بيج شي؟ هاجر: تعبانه. ماسه: كومي نروح للدكتورة، صارلج زمان مارحتي عليها. خلي تنطيج علاج مثبت، أشياء تفيد الطفل. كمت وياها وهيا خابرت كرار. شوية واجه، أخذنا ورحنا. كال. كرار: شبي تميم؟ ماسه: عرف إنو هاجر عرفت ماضي. كرار: وإذا، شبيها؟ هو ليش هيج مزودها؟ ماسه: من زمان ما يحب يحجي بي. كرار: ما صار شي، كم يوم ويرجع طبيعي. نزلنا وكرار وكفني وكال. كرار: أدري مو وقتها هسه، بس شصار بموضوع ديانا؟

هاجر: صرت أعز من أختها، يعني تحجيلي كل شي، وهيا مغمضة. كرار: من تفض هاي المشكلة، أحجي وياها وكللي إلها أني كرايب كرار، وأقنعيها بيه. هاجر: تدلل، أصلاً أني جنت مفكرة أكلك هيج، وهيا هسه صارت تسمع مني. كرار: أحلة هدية الج إذا تصير. إجت عمه كالت. ماسه: يلا شبيج واكفة تحجين ويا. هاجر: جان يسألني عن حال تميم. دخلنا للدكتورة وانطتني علاج وكالت.

الدكتورة: تحتاجين راحة طويلة، وركض ممنوع، تركضين ممنوع، تشيلين شي ثكيل، بصراحة وضع الطفل ما يطمن أبد، إذا ماتردين تخسريه، انتبهي نفسج، خوش. هزيت براسي وطلعنا. عمه كالت. ماسه: سمعتي، ماكو ركض وشغل، تضلين متمددة. هاجر: أي. رجعنا للبيت، شفت رشا وملاك يحضرون العشه. كلت. هاجر: تميم ماسأل عني؟ رشا: لا. رحت لغرفة ملاك وتمددت شوية وغفيت. كعدت على صوت ملاك تكعدني. كالت. ملاك: كومي عدلي نومتج، مو زين هيج تنامين على بطنج.

هزيت راسي حتى مالي طاقة أحجي. إجت عمه كالت. ماسه: كومي أكلي يلا. كمت وياها، أكلت شوية وكمت أخذت علاجات ورجعت. كلت. هاجر: تميم أكل؟ ماسه: لا، رفض ياكل. هاجر: رشا راح أتعبج، حضري صيني أني آخذها إله. ماسه: خاف يحجي شي يضوجج. هاجر: عادي. حضرت الصيني وهيا شالتها. ومن وصلنا باب الغرفة انطتني ياها وفتحت الباب. شوية وعافته وراحت. دخلت. سديت الباب برجلي، نسد قوي. فز تميم شافني وكال. تميم: مووو كلتت مااريددد أ تزقنبببب؟

هاجر: أكل وخلي نتفاهم، حباب. تميم: اخذي الأكل واطلعي برااا، يلا. هاجر: تميم خلي نحجي، شبيك؟ تميم: أعتقد كالت براا، ماتسمعين. هاجر: مو بكيفك. كعدت يمه. كال. تميم: إذا تمشين بالعناد ف أسوي نفسج. هاجر: مو عناد، بس ما يصير بعدك ماماكل من الريوك، بس اكل وخلي نتفاهم. تميم: ما أريد، شلون هسه؟ هاجر: أني أطعمك، ترد إيدي؟ تميم: هاجر ما أريد أضوجج ولا أريد أزعلج، عوفيني. هاجر: ضوجني، زعلني، المهم أفهمك. تميم: شنو أفهم يعني؟

هاجر: عمه من حجتلي علمود أعرف شكد أنت تعبت بحياتك وشكد تستاهل الراحة، هيا ما كالتلي هيج حتى تضوجك، بالعكس حتى تخليني أرجع. تميم: يعني رجعتي شفقة مو برضاج؟ هاجر: لا والله رجعت برضاي، أني أحبك والله، ما أكدر أعيش بدونك، حاربت الكل علمودك، ولو ينعاد الزمن هم أحارب، لا تبالك إذا عرفت شي عن ماضيك راح أعوفك، أنت أبو ابني، مستحيل أعوفك، وأنت قبل لا تكون أبو ابني، أنت حبيبي وحياتي وعمري وروحي وكل دنيتي.

أخذني بحضنه وباس راسي وكال. تميم: واني أحبج وأموت عليج، باع يلوموني لأن أحبج، خاب انعل أبو شكو واحد يلومني، بس أنتِ مضايجة من إنو زوجج ابن حرام؟ حطيت إصبعي على شفتو وكلت. هاجر: اششش، أنت مو هيج، والي صار غلط، بس عادي، هما مزوجين ولا تنسى، رجعوا يعني انت مو هيج. تميم: جعل مانحرم منج. هاجر: ولا أني. كعدت أوكله بيدي، كمل، ساعدته وراح للحمام غسل ورجع تمدد وفتح إيده وكال. تميم: تعالي لمكانج. رحت تمددت على إيده، حضني وكال.

تميم: أحبج وطمعان بيج، ولغيري ما أخليج. ابتسمت وكلت. هاجر: وانت هم لغيري متصير، وإذا صرت أموتك. تميم: شتعلو أهلج، مسترجلة. هاجر: عوف أهلي. تميم: أصلاً ألف رحمة على والديهم لأن خلفوج. نمنا وكعدنا ثاني يوم على صوت رشا.