رواية قسوة احفاد ال هتان الفصل السابع والعشرون 27 - بقلم هاجر النعيمي

اني أحب تيم. انصدمت. شلون؟ من أول مرة شفتو بالجامعة. تعالي اتصال. من رخصتكم. طلعت للكراج أحجي وياها. اتصلت، ردت. شلون تحبين تيم؟ ما تعرفين يحب بنت عمتج؟ أعرف والله، بس ما بيدي. حبيتو من أول مرة شفتو بيها. بس أشون؟ أنتي الي راح تتعذبين. تيم يحب آيلا، ما ممكن يتخلى عنها. حبابه لا تقهريني. ما أقهرج، بس أنتي اختاريتي شخص يحب وحدة غيرج. غلط هذا الشي.

ما بيدي والله. أشكد حاولت ألغي هاي الأفكار بس ما أكدر. كل يوم أتخيل نفسي معا. حرام. شبيج؟ أعرف والله أعرف. أريد حل. تعبت والله. هاي من أول يوم داومت بي واني كلبي صار بيدة. وهسه أشون؟ إن شاء الله يطلكها. الله لا يقدر. سارة، شبيج أنتي من إيمتا هشكل؟ من إيمتا تريدين تخربين حياة بنت مالها ذنب علمود مصلحتج؟ أنتي ما هشكلي. تعبت والله. تخيلي أراقب حسابو وأشوف أش ينزل. ما هشكل. ليش ماتفهميني؟ أشون أفهمج؟

تحبين واحد مزوج. سارة، طلعي من عقلج وكلبج. تيم يحب آيلا، يعشقها. حارب علمودها. أعرف، بس جيبي الي يقنع كلبي. ماعرف. أروح أني. أمي تصيحني. سدّيته منها. بقيت محتارة. راسي صار يوجعني. معقولة سارة تحب تيم وتدعي علمود يطلكون؟ ياربي لا. الله لا يسمع منها. أجاني صوت من ورا. ليش واكفه هنا وحدج؟ عفواً، بس شعليك؟ قوية. هم عجبتيني. هيوو، اضبط كلامك. عفتي كل الناس واجيتي على تميم؟ ما يفيدج. ما يستاهل هذا الجمال. انجب.

جاي أنصحج أني. خلي نصيحتك الك. فتت وعفتو. دخلت شفت زهراء. كتلها على الي كاله عباس. كالت: من زمان أني هم يحجي وياي بهاي الطريقة. وحتى من بداية زواجي كلي ما يفيدج، ما يستاهلج. بس أني جنت ثولة ما صدكت بي. هاي جزاتي. ترا أخاف. ليش؟ من الي يصير معاج. أخاف يصير معاي. بصراحة، ما أستبعد أنو يصير هيج وياج. خوفتيني. خليها على الله. أهم شي ماتكولين ل تميم عن الي كاله عباس. لأن تصير مجزرة. أي أعرف.

صبّوا عشة، تعشينا وكملنا. لمار وميار يغلسن مواعين. زهراء ترتب المطبخ وملاك تشيل المواعين الي يغسلوهن وتحطهن بالكاونتر. عذراء تسوي الجاي وعذاري واكفة على صفحة. نفسي كملوا ودخلنا للصالة. خلي نطلع نفتر. حلو. بس نريد مكانات حلوة. إذا تريدون مكان حلوة، هيا الغابات. حيل حلوة. بيها كازينو وحتى مدينة ألعاب. خلي نروح مدينة ألعاب. أي عفيه يلا خالو. دانيال تريد تروح مدينة ألعاب؟ أي خالو حباب.

تدلل. يلا بنات روحن البسن. والي تريد تجي من نسوان عمامي أو عماتي، هلا بيها. تكوم تبدل. أني ما أجي. ليش؟ زعلانه. ليش أحمد راح ياخذ بنت خالته؟ فلا أجي. راوية، افرحي لحفيدج وتعالي تونسي ويانه. هو أحمد بيش الكيلو؟ خلي يولي. لا تهتمين. تعالي تونسي. أنت انجب. على أساس أنت أحسن. أوففففففف. قوية. شوفو منو يحجي. ليش مو أنت راس البله؟ والله بيبي، قصفتي الكل. أي طبعاً. اسكت حتى ما أقصفك. حيدر حط إيدو على حلكو بمعنى سكتت.

طلعوا البنات يبدلن واني بقيت أنتظر. لأن أني الوحيدة الي كاملة. كملوا وطلعنا للغابات. أني وملاك ورشا ودانيال وراوية ويا تميم، زهراء وأحمد وعلي ابنها وعلي أخو أمير. ولمار ويا أمير. حيدر أخذ عباس وكرار وميار وعذراء وعذاري. وصلنا الغابات. صورت شويه. بعدها كالو ينزلون يلعبون. مدينة ألعاب علمود الأطفال. جذابين. الكل بلشو يلعبون. جانت ونسة من العمر. حيل فرحت وتونست. كال تميم: تصعدون بالدسكفري؟ لا تميم، شوفه يخوف.

ما يخوف. يلا نروح. أني وتميم وأمير وملاك ولمار وحيدر وكرار صعدنا. وأمير سحل زهراء غصب حتى تصعد ويانه. الباقي ماحبو. نزلنا وزهراء تتحلف لامير. والله فلا أصعد. أحس نفسي دخت. كله بسببك. شبيج؟ صيري سباعية. نفس هاجر. تروح مني لو أسبك أنت وهاجر؟ ها زهراء. عذريني دايخة. ماعرف راسي من رجلي. لعبنا شكد. بعدها تميم رجعني للبيت. الصبح سولفت للماما شنو سويت من وصلت يمهم لحد ما رجعت. سمعنا تلفون ماما يدك. كالت: روحي جيبي تلفوني.

هسه. رحت للغرفة مالتها. شفت المتصل عمه أميرة. مارديت. رحت أنطيته الماما. ضلوا يحجون. بعدها سدّته وكالت: تكول تعالو اليوم الصباحية مال تيم وآيلا. أي روحي. أني ما أجي. أي أحسن. ضلي هينه. ماما راحت تبدل. وإخواني هم يبدلون. أني غلست ورحتلغرفتي. بس شنو أسوي غدة؟ أي ما أعرف شي. أمي كالت بابا وجدي راح يروحون وياهم. وأني عد فكر. واسمع اتصال. شفت اسم تميم. ابتسمت. أخذته ودريت. هلا بقيطان كلبي. هلا بيك كلبي.

خلي أختصر السالفة لأن مستعجل. ساعة وأجي آخذج نطلع نتغده. خوش؟ ما أريد اعتراض. مفهوم؟ بس أكول لاهلي. سدّيته منه. واتصلت على بابا. كال: روحي. رديت خبر. كال: ساعة وأجيج. فتت سبحت. طلعت بدلت. كملت. أنتظرته ربع ساعة. واتصل. رديت. كال: طلعي يلا. سدّيته. طلعت قفلت البيبان مال بيت. أجه فتح باب السيارة. كعدت وراح كعد. وحرك السيارة. كلت: أمـسك ايدي خلي نصور.

مسك ايدي. حولت خاتم الخطوبة باليسار وصورت. ما جنت أدري الخاتم الي جان حلم الي صار أذية الي. ما جنت أدري راح أصير أسيرة بيد صاحب الخاتم. الي راح أدفع ثمن هذا الخاتم غالي. اكو مطعم كال حيدر أنو طيب. نروحله. بكيفك. توجهنا للمطعم. وصلنا ونزلنا. كعدنا على ميز يم الشباك يطل على الشارع. كال: شنو تطلبين؟ معرف. أجه الكرصون وانطانا المنيو. اختارينا الأكل. كعدنا نسولف بين ما يجي الأكل. كال: ترا كلش تعبت. خلي نسوي عرس.

ترا مابقى شي ويصير شهرين. ليش مستعجل؟ والله الخطوبة حلوة. مليت. خلي نزوج. بعد وكت حباب. براحتج. باعي. بعد يومين أسافر. صدك؟ ليش؟ وين؟ وحدة وحدة. ليش؟ لأن أتناس. وين؟ إيطاليا. وحدك؟ لا. أني وراكان وأحمد وحيدر. وأمير؟ مو فاضي. تمام. سفرة سعيدة مقدماً. بس نزوج آخذج وين ما تردين. مو مهم. أهم شي أنت معاي. أخخخ. أحبج. أحبك يابعد كلبي. نوب يكلولي ليش تحبها؟ دباوع الغزل.

أجاني اتصال. طلعت تلفوني من الجنطة. شفت تيم المتصل. رديت. كال: ليش ما جيتي؟ من ورا أمك. ليش أمي قلبت ضدج؟ ما أعرف. راح أجي والله. لعبت نفسي. إيمتا نرتاح؟ شنسوي؟ هسه تجين وما عليج بأمي. بعدين هاي الصباحية مالتي. يهون عليج ماتجين؟ وأمك؟ هيانها تسمع. ما عليها بيج. وأسيل؟ زعلانة بيت أهلها. خوش. عجل بس أخلص وأجي. ليش وينج؟ مع تميم. عن تغده. خوش. أنتظرج. تمام. بيباي. سديته وتميم يباوعلي بضوجة. كلت: شبيك؟

ما أحبه. ونوب تروح لخاطره. شكد أدبسز أنتي. ديلا. الي يشوفك ما يكول أنت ابن خالة حوراء. حبيبها عبالك. عوفي حوراء. أعوفها من تعوف تيم. نوب اسمه قريب على اسمي. ليش حبيتك؟ لأن قريب على اسمو. شلون راح يجيج راشدي طيار يلف وجهج. أهووو. أجه الأكل. أكلنا وكملنا. حاسب وطلع. كال: خلي نروح مرطبات وبعدين أوصلج لبيت عمتج. تمام. وصلنا المرطبات. كلت: خلي ننزل. يلا انزلي حتى يتكسرن رجليج. أهووو. معقد. شلون راح أصمطج براشدي.

نزلت وراح يشتري. ياربي ليش معقد هشكل؟ وأني مكيفة. من بغداد عبالي منفتح. طلع معقد أكثر من الي عدنا. يبو. بس أبقى أحبو. أجه واكلنا. وصلني بيت عمتي. أجيت أنزل كال: مستعجلة على شنو؟ وصلنا غير. انزل أضل يعني. أي تعالي. قربني علي وباسني بخدي. ابتسمت. رجع قربني أكثر. وخلى شفايفه على شفايفي. شويه وابتعد. خفت وانصدمت. خاف اكو أحد بالشارع؟ عيب. دحكت ما جان اكو أحد. تنفست براحة. كال:

هاي خفايف. يلا نزلي. أوكفي باجر العصر نطلع على بغداد. تمام. توصلون بالسلامة. نزلت. دكيت الباب. فتح الباب تيم. أشرت ل تميم وهو حرك. واني دخلت سلمت. جانوا كرايبهم موجودين. شويه واجت أسيل. جابها إلياس ومصالحها. دخلت سلمت. بس عليه ما اجت. ديلا ميتة على بوستج. كعدت وتدحك عليه بحقد. عكس إلياس الي يدحك عليه بنظرات حب ولهفة. ابتسمت. تك خد. اجت عليه آيلا كالت: أفنديه ليش ما جيتي؟ من خالتج.

يمعودة هيا ضايجة على إلياس. شفتي أشكد صاير ضعيف. أي بالجهنم بيهم. أني شعليه. دشوفي خالتي أشون صارت. هيا وأسيل. كتلج بالجهنم بيهم. ليش هشكل صايرة قاسية؟ همَ الي سووني هشكل. أتمنى ماتنسين. وأني شعليه؟ ولا تخافين ما أنسى. يعموده دخلي. يولون الله عوضج. الحمدلله. صحيح جنتي مع تميم بالمطعم؟ أي. من جان تيم يحجي معاج الكل جان كاعد. وأصلاً إلياس جان راح يموت من الغيرة. أي طبو مرض. عفتهم ورحت يم ماما. كتلها:

أنتي كتيلي من تعرفين أيمتا يرجعون تعاليكليلي. راح يرجعون باجر العصر. خوش. حتى أخابر ماسة يجون عدنا نعزمهم. أي ياريت. واعزمي زهراء هم. لازم نعزم بيت أحماها هم. خليها بينه نحنا. وغير مرة نعزمهم. خوش.

ماما خابرتهم وعزمتهم. وجدي كال يطلع الصبح. ومن يكمل يروح بيت عمو ثامر حتى ما يشوفهم. لأن ما قابل بالغزيمة. بس بابا عادي. لأن حاب يتعرف عليهم ويشوف بنتة وين راح تعيش ومع منو. وثاني يوم كعدت من وكت حتى أساعد ماما. كملنا كلشي. وحطينا الأكل على النار. جانت الساعة 11 ونص. كالت ماما: روحي سبحي وبدلي. وحطي مكياج بس ما كثير.

سويت مثل ما كالت ماما. طلعت من الحمام لابسة البرنص. بقيت أدور شي ألبسه. آخر شي اقتنعت. لبست تيشرت نص ردن أسود ومرسوم عليه عريش مال شجر. وجان الرسم بالفصوص لونهن عسلي. لبست بنطرون عسلي. شلت شعري كعكة ونزلت شويه من برجمي (كذلتي)

. وخليت حمرة وردي فاتح ومسكارة وايلاينر. وبعدهم ما جو. الحمدلله كملت وهما ما جو. شويه واندك الباب. طلع حسن يشوف منو. وجانو هم. دخلهم. سلمت عليهم أني وماما. الي جو عمه ماسة وملاك ورشا وابنها وعمو محمد وتميم. رتبنه السفرة على ميز الطعام. وكعدنا كلنا. وبلشو يحجون. كملنا وكعدنا. وأني سويت جاي وصبيت للكل. رحت قدمته الهم. وصلت تميم. انطيته وغمزلي. ابتسمت. انطيته ومشيت. دنجبي وزوجي حتى تجين عدنا. وأنـتي ليش متحمسة؟

غير إذا أجي تخدميني وتسوي مشاكل بينكم. مستعجلة على المشاكل. دنجبي. لو أعرف جان ركعتج بـ زيج. أي وتفشليني كدام أهلي. ضحكنا بصوت عالي. الكل انتبهى. دنكت مستحية. لا تستحين بابا. اخذي راحتج. نحنا هم أهلج. ابتسمت. أجاني مسج. شفتها جانت من تميم كاتب: عود سوي شي حتى ترحين للغرفة أريد أحجي وحدنا. شفتها وصرت أفكر شنو أسوي. كال تميم: هاجر دليني على الحمام. كمت ويا. طلعنا. كال: كتلج سوي شي. وأنتي صافنة. غير جنت أفكر. دمشي يلا.

رحنا لغرفتي. فتنه وسديت الباب. كعدنا على السرير. كال: شوكت تكعدين بغرفتي؟ بعد أربع شهور. أي غير أموت. اسم الله حبيبي. هواي حسي بيه. حباب ترا حلوة الخطوبة. وين الحلوة؟ مكضيتها نواشف. ما فهمت. أحسن. هذا هم حظي. حتى ماتلكفيها. أهو. غير أنت تحجي بالالغاز. راح أجيبج بدفرة. أروح أحسن. كمت وسحبني من ايدي وكعدني بحضنه. كلت: تميم عوفني عيب. مرتي. وين العيب؟ تميم شبيك عوفني خلي أكوم. شمسوين بس كاعدة بحضني. تميم حباب عوفني.

لزم راسي وخلى شفايفه على شفايفي. استسلمت. بقينه فتره. اختنكت. حس وبعد عني. باس خدي ونزل لركبتي. كلت: لا حباب بالكوة تروح وأنت تخلي أثر. أخلي بصمتي عليج حتى يعرفون أنتي شي ملكي. حباب والله أستحي من أحد يشوفها. خلص. عوفيها. رجع على شفايفي بس بعنف. أذاني. أريد بس يعوفني. ماكو. عبالك فقد. أدفع بي ما يحس. ضربته بخفة على رجله. وخر. كال: شبيج؟ اذيتني. آسف. ما حسيت. غير طعمهن يخبل. رجع كال: هذني النواشف. قصدي فهمتي.

أي فهمت. خلي نطلع عيب تأخرنا. أريد نزوج حتى مانكول عيب ومدري شنو. عرفتي ليش مستعجل؟ أي خلاص. شهرين ونزوج. طلعنا. كعدت يم ملاك. كالت بهمس: كولوا نروح للغرفة نحجي نبوس مو تجذبون. أنصدمت. كلت: منو كال؟ على أساس نحنا ثول؟ لج حتى دانيال عرف. صدك؟ لا أشاقة. بس الكل فهم. شكد عيب. أي والله عيب. تروحون وبوس وكذا. ملاككك. يمه شحجيت. ما خليتي شي. لعد من تزوجون شلون مايضل أحد مايعرف شنو تسوون. انچبي كافي. هههههه.

بقوا للمغرب وراحو لبغداد. مر كم يوم. تميم راح على إيطاليا ورجع. ومر شهر. قرب عيد ميلاد حسن. قررنا نسوي حفلة بسيطة علمودة. وبالفعل عزمنا عماتي وعمامي وخوالي وخالاتي. ونحنا نزلنا للسوق نشتري مستلزمات عيد الميلاد وهدايا. رتبنه البيت. واجو من وكت. وحسن جان مع جدي يساعده. وهيجي نكمل كل شي وهو ماكو. نفخنا النفاخ وزينّة البيت. البيت نخبص. العصر أجه حسن وجدي. أول ما دخل طكيناه بوجهه. هاي مال احتفال. صار يضحك وما يعرف شنو يسوي. كمل العيد ميلاد وخلص. وبليل من راحوا الناس. حسن فتح الهدايا يبجي ويفتحها وفرحان. صار عمره 16. وحسين يبجي ليش نسوي الحسن وهو لا.

وأمي تكول: يا ابني ماهسه أنت عيد ميلادك. بعدين. ما عليه. ليش بس ال حسن. ما راح ال حسن. أخذ وحدة من السيارات الي اجو الحسن. وحسن من كل عقله. صار يبجي وتكاونوا. وأمي كالت: حسن انت كبير. انطي أخوك وحدة. يلا حبيبي. خذ. ما أريد هاي. أريد هذيج. حسن راح جابها وانطاها ل حسين. وحسين راح باس حسن وباس ماما. كلتهاجر: أي بس هاجر محد يبوسها. وبرطمت.

تقدم يمي وباسني. ضحكنا. سولفنه شويه. رحنا ننام. كعدت الصبح. ماما جانت تخابر خواتها. رحت يمها. أسمع كالت: كل وحدة تكول لزوجها ونشوف. لازم تقنعوهم حتى نتونس. أشنو هاي ماما؟ عليش نقنعهم؟ بعدين أفهمج. عفتها واني كملت الغراض. وهيا كاعدة على الكرسي الي يم ميز الطعام تسولف. كالت: روحي كعديهم يلا.

رحت كعدت الكل. وهاي أول مرة بعد مرور ثلاث أشهر. أحجي مع جدي. حسيت تقبل الواقع. وعرفت جدي يطلب من أبو تميم شغلة. وعمو محمد سواها. وهيج تقبل الوضع. يعني هم علمود مصلحتو. رحنا للمطبخ نتريك. كملنا. وهمَ راحوا. واني غسلت وكملت. رحت يمها. جانت تسوي غدة. كتلها: على شنو تقنعون رجالكم؟ أم هندرين. اقترحت نروح على بغداد. لأن خالج تحول على بيت ملكو حتى نباركلو. خوش فكرة. وكالت عليها. واتفقنه نقنعهم ونروح كلتنا. والبنات هم ما؟

طبعاً. ومحد ردلج خبر على الموافقة من خالاتي؟ بعد لهسه ماكو خبر من ولا وحدة. وأنتي كتيلي للبابا؟ لا. وأصلاً خايفة من جدج يرفض. لا شفتي شلون تغير. ما عاد مهتم بأحد. ولا بشنو يسوي. والي ياخذ رأيو يكلو بكيفك. الي تريدو سوي. أني ما عليه. أي. حتى يونس استشارو بشغلة. بس ما أعرف شنو هيا. جدج كلو بكيفك. الي يريحك. أحس بي شي. ما أعرف. الله لا يضر أحد. آمين. شوفي. أريد أسوي حفلة واعزم البنات عليها. مال إيش؟ مال عزوبية وكذا.

كذا تعلمتيها من ملاك. أي. ماشالله. اشكد حلوة. الله يحفظها. هيا واختها. هم حلوة. الله يحفظهم. أي صح. شفتي أنو عيونهم كلهم نفس عمه ماسة. أي. نفس الشي. بس تميم أخذ ملامح أبو. والبنات ملامح أمهم. يكولون ملاك تشبه عمتهم الي بالبصرة. اسمها ميرال. ما أعرف. ماشفتوها. حتى أني. بس أنتي مارحتي على العزيمة. أكيد شفتيها. ماجت. بليل أجه بابا. أكلنا. وكلت: بابا تعرف الخطوبة مالي صارت ما مثل ما أريد بسبب مرض جدي.

فوتي بالموضوع بلا مقدمات. بابا حبيبي عمري كلبي روحي. أنت سندي. أنت كلشي بحياتي. قاطعني وكال: بلا مقدمات. حفظتوها. احجي بـ ختصار. بابا أريد أسوي حفلة وأعزم بنات خالاتي وبنات عماتي عليها. وصديقاتي. ما يحتاج. يحتاج. أشاقة. اعملي الي تريدين. يا عمري أحبك. رحت بست خده وايده وراسه. باس راسي وباس ايدي. كال: أيمتا تريدين تعمليها؟ باجر. لا. خليها بعد باجر. لأن البنات ما يلحكون. ولا نحنا نلحق. خوش. بعد باجر. أروح أعزم البنات.

طلعت للغرفة وخابرت على كروب صديقاتي. ردو. كلتها: بعد باجر أسوي حفلة تعويض عن الخطوبة. وغصباً عليجن تجن. اني اجي. ما أعرف. يمكن ما أكدر. كلت تجون. اني اجي. لأن باجر راح نجي الصبح على الموصل. يعني أكدر اجي. حلو. روحوا كولوا لاهلكم. بعد باجر بل 5 العصر لحد الليل.

سديته منهم. خابرت على كروب بنات خالاتي. وهم نفس الحال. عدت نفس الحجي. كالو يجون. هما وخالاتي. بعدها كلت أعزم عمه مريم وبنتها وجنتها. واعزم بيت عمو تامر. بيت عمو ثامر يولون. ما أعزمهم. واعزم آيلا وبس. عزمت الي كلت عليهم. الصبح ماما كالت: عيب. أنتي لازم تصلحين علاقتج مع عمتج. واعزمي بنات ثامر وأمهم علمود ينغثون. خوش. بس أنتي اعزميهم. خوش. قبانوووووو لجمالك. رحت بستها. والعصر نزلنا للسوك نحضر ل باجر. حضرنا كلشي.

بليل ماما كالت: نسوي ورق عنب يطلع مع الأكل الي نجيبو من برا. حلو. خوش. عندج الغراض مالو.

طلعنا الغراض وسوينا كلشي. بابا ثاني يوم الصبح راح. جان حلويات وجاب كيك. وطلب أكل من مطعم. يصل المغرب. زينّة البيت شويه. بس نفاخ وشوية ورد. ما حبيت أكثر حتى تكون بسيطة. نفس ما أريد. تغدينا. كملنا. ماما ما قبلت أغسل مواعين. كالت هيا تسويهم. وأني رحت سبحت وبدلت. عندي بدلة قصيرة لحد الركبة لونها فضي. ولبست كعب أسود. حطيت مكياج خفيف. كملت. وما حد أجه. كلت الحمدلله. طلعت أرتب باقي الأشياء مع ماما. كملنا. ماما راحت تبدل.

وأني أخذت شويه صور. دزيتها لكروب الي بي ملاك وزهراء ولمار وميار ومريم. أحمد خطب مريم. بس ماسووا خطوبة أو شي بسببالسفر مالهم. أجلوها ل بعد أسبوع. وأسبوع الجاي يسوون خطوبة. عزموني. وإذا رحنا بيت خالي أروح. بس إذا مارحنا ما أروح. خالاتي ثنتين زواجهم وافقو. بقو ثنتين. وأمي بعد بابا ما وافق يفكر. ندك الباب. طلعت أشوف منو. لأن حسن وحسين راحوا. عيب يبقون وبس نحنا بنات. فه بابا أخذهم لبيت عمو تامر. مع يوسف ويونس موجود. فتحت

الباب. شفت آيلا وعمه أميرة وأسيل. سلمت ودخلوا. استغربت عمه أميرة مبتسمة. وسلمت عليه. دخلنا الصالة. اندك الباب. شنو يلعبون؟

طلعت فتحت الباب. بيت عمو ثامر وتامر اجو سوى. سلمت على عمه تيماء ام رسل. وعلى رسل. رسل بهاي الفترة تزوجت. بس مو بالموصل. تزوجت بأربيل. ما صار زواج مثل ما هيا تحلم. لأن جدة شهم ماتت قبل العرس بأربع أيام. وما كدروا يلغون العرس. لأن عممهم أصر يسوون عرس ويفرحون. سلمت على رسل ودخلوا. جنات أفندي. سلمت من وره خشمها. هيا وأسيا. ما اهتميت أصلاً عزمتهم بس حتى ينغثون. دخلنا. شويه وهم اندك الباب. اجت سارة. سلمت عليها هيا وأمها ونورس معاهم. ما يخلونها تطلع وحدها. يخافون عليها. وأجو رزان وريماس. بس بدون أمهاتهم. وحدهم اجو. بنات خالاتي. بلشت الحفلة. والكل يركص وفرحان. الي صدمني عمه أميرة مو ضايجة. فرحانة وترقص معانا.

اجت آيلا كالت: خلي أكولج شي يفرحج. كولي. اني حامل. راح تصيرين خاله. بقيت أكمز بمكاني. ياربي الفرحة صارت فرحتين. كالت: أسيل هم حامل. أحسن. بلكي تعوفني. تعالي صحيح أش بيها عمه أميرة ليش فرحانة؟ كالت اليوم تصالحج. وقررت تنسى كل شي. لأن أنتي بنت أخوها وتحبج. ماعلينه. كلتي ل تيم؟ أي. وفرح كثير. أيمتا عرفتي حامل؟ قبل أسبوع. يا حيوانه وما كتيلي. انتظرت وقت مناسب أكولج. يلا عاديييي.

وقفنا الأغاني. لأن أذن المغرب. صلينا ورجعنا. اجت يمّي عمه أميرة وكالت: ..............................