رواية قسوة احفاد ال هتان الفصل السادس والعشرون 26 - بقلم هاجر النعيمي

مثل كل يوم مشاكلي ويا أمير ما جاي تنحل، بالعكس تزيد أكثر. وأنا ما حد يدافع عندي. مرات تميم يدافع، مرات لا. ونوب نتعارك على شغلات تافهة، مثل: ليش ما عزلتي الغرفة؟ ليش ما بدّلتي لعلي؟ رغم إني أسويها كلها، بس هو يدور حجة. أمير: ليش ما كويتي الملابس؟ زهراء: كويتهن. أمير: مو هذني، أريد هذني. زهراء: أنت قلت هذني، شنو تضحك علي؟ أمير: من أحجي تردين بأدب، أدبسز! زهراء: كافي عاد، جاي تتمادى هواي.

أجه ولزمني من شعري وصار يعيط بوجهي. وعلي يبجي ويجي يدفع أمير. وأمير دفعه، وكع وصار راسه على حافية البوفيه وانفتح شوية من راسه. أني شفته واجه يغمى علي. جنيت، كل شيء إلا ابني. زهراء: علي حبيبي، يمه، يا عيوني، كوم. أمير: وخري، خلي أخذه.

طلع وهو شايل علي. الكل التم على صوتنا. أخذوا علي أحمد وأمير وعمي. وأني بقيت ألوب على ابني وأتصل ومحد يرد. كلبي يوجعني حيل. ابني هذا روحي، تعبي، فرحتي. ياربي أنت اللي أنطيتني، يا لا تاخذه مني. ياربي. أتصل تميم، رديت بسرعة. تميم: لا تخافين، مابي شي. خيطنا راسه. زهراء: عزة بعيني، الله ياخذني، الله ياخذك أمير. راوية: الله ياخذج أنتِ، يا كح***!

تميم: عوفيها، لا تسويلج مشكلة. باعي، حضري مكانه علمود يرجع يرتاح. أني فهمت هذا الحيوان ما يتعارك وياج كدامه، بس أنتِ لزمي لسانج شوية. كافي بابا، صار عدكم طفل، ما يصير. زهراء: والله هو يدور حجة عليه، مو أني. تميم: سايري، اسمعي كلامه. هو نص مجنون، نوب ترفضين كلامه يصير مجنون. رحمة لأبوچ، استري علينه. زهراء: كول له مو إلي. تميم: هاي هي، ولا يهمج. يمي، أني حجيت وياه، بس خففوا هل فترة علمود ابنكم. زهراء: خوش، إيمتى تجون؟

تميم: هسه، بس يسوي أوراق الخروج ونجي. زهراء: خوش، باي. سديته منه. ساعة واجو. بس شفته روحي ردتلي. زهراء: يمه، يا بعد أمك، بيه ولا بيك، يا روحي، يا بعد بيتي، يا دنيتي، بيه ولا بيك. أمير: كافي.

غلست عنه، مالي خلك أسوي مشاكل. صعد فوك يرتاح. بقيت يمه، نام، أطمنت. نزلت جوه، سوينه عشة، كملنا. وطلعت أشوفه، طمنت عليه نايم. نزلت، تعشينا، غسلت مواعين، لميت المطبخ. وطلعت للغرفة. علي يبجي وأمير يسكت بي. يبجي ويعيط. راسي انقهرت عليه، بس ما بيدي شيء. علاوي: يمه، راسي يوجعني. زهراء: يا بعد جبدي، هسه شوية ويطيب. علاوي: كلش يوجعني. أمير: الزلمة لازم من يتأذى ما يبجي. علاوي: أنت لا تحجي وياي، أكرهك. أمير: استغفر الله.

علاوي: اطلع برا. أمير: شبيك بابا؟ علاوي: أني مو ابنك، ما أريدك، ما أحبك. أنت اللي دفعتني وضربت ماما. أمير: ساعة عصبية، هسه أنت مو تعصب، أني هم عصبت. علاوي: إذا أزوج ما أضرب مرتي أو ابني. أمير: مو قصدي حبيبي، يلا نام ارتاح. علاوي: كتلك لا تحجي وياي. زهراء: أمير، عوفه.

كام وطلع من الغرفة. ما رجع لحد الساعة 2 بليل. غلست، لأن أعرف راح يم تميم. جنت ضايجة منه. رحت نمت بسرعة. وهو ما حجة شي. بقة يومين لا يحجي وياي ولا ويا علي. خلصنا منه. وره يومين أجه يراضيني. جنت أغسل مواعين. كال أمير: اكو كيمر يشغل مواعين؟ غلست، ما رديت. أجه وحضني من وره ظهري. صار على صدره. بعدته ورجع، وبعدته مرة ثانية، وهم رجع. أيست، عافني. بقيت ساكتة. كال أمير: آسف حبيبي، ساعة عصبية. هم غلست. دارني علي وكال:

أمير: كافي زعل، والله كلبي نمرد عليكم، مو بيدي، تعرفني عصبي. جان المفروض تسكتين. زهراء: لا، مو لازم أني أسكت دائماً. جان المفروض أنت تسكت، مو تسوي مشكلة. أمير، تعبت منك ومن مشاكلك، كل يوم مشكلة. لو مو أهلي خرا جان ما بقيت عندك، بس أهلي اللي كسروني.

أمير: ووداعتي أبوي، أحبج، بس عصبي وأنتِ لسانج طولان. بويه، لا تتعلمين من الناس، عوفي هاجر. هاجر هيج ربت، هيج أنتِ ما تربيتي، هيج أنتِ ما تحجين، ما تطولين لسانج. هيا من صغرها هيج. زهراء: ما أقلدها، بس هيا من تحجي تميم يسكت. أمير: لأن هيا مو يمه. لو يمه، يدوس بطنها. باجر يزوجون وتشوفين شكد راح تعاني بسبب لسانها. تميم ما يسكت، جاي يصمدها الها. زهراء: خطية. أمير: تميم راح يعلمها بسرعه، نفس ما علمتج.

بقة يتوسل ورضيت. دائماً هيج يسوي. يضربني ويأذيني ويجي يعتذر ويتوسل. أحسه مريض، بس المشكلة ما بيه شي. حاجيت هاجر وكتلها اللي صار بعلي. نقهرت. فتحنا كامرة، تحجي ويا. وهو من يشوف هاجر يسكت، لأن يحبها. نقهرت على علاوي، بس شنسوي. وأمير أبد ما توقعت يضرب علي. مو معقول، حيل نصدمت. حجيت وياه. تونست حيل وياه. كل يوم أروح بيت عمتي مريم، لو هما يجون عدنا. نخطط علمود الحنة مال إيلا، وحتى وره كم يوم العرس.

إيلا: هاجر، أحس مو راهم. هاجر: معرف، أمج تكول حلو. ناريمان: حلو والله. ترا ذوق عمتي يخبل. اقتنعنا ومشت الأيام واجه يوم الحنة المنتظر. كعدنا من الصبح نروح صالون. أني ما جان عاجبني أروح، بس إيلا جبرتني. وتوجعنا للصالون. كاعدين بالصالون والبنات يحطن النا مكياج. واتصل تميم. رديت. كال تميم: لا تراسل، لا تسأل. تميم بيش الكيلو؟ هاجر: لا والله، بس ملتهية. تميم: جذابة. وإذا ملتهية، راسلي، اتصلي، أي شيء.

هاجر: والله الشغل فوك راسي، أجي ألزمه التلفون. إيلا تشيله من أيدي تكول مو وقت. تميم، حتاريت. تميم: دمشي لج، جذابة، فلا أصدكج. لعد عندج وقت تراسلين زهراء، بس ما عندج وقت ل تميم؟ هسه تميم صار أييييع، على كولتج. هاجر: أهووو، لا تقلدني. تميم: ديلا ولي، فلا أراسل بعد. أخليج أنتِ تراسلين. سده بوجهي. عود صدك زعل. غلست، حتى ينقهر. والبنيه كملت المكياج. شوية واجتني رسالة. هاجر: ثواني عيوني. ... : خذي راحتج.

شفت الرسالة. يمه، شكد زعطوط. هاي عود أنت عمرك 24. كاتب. تميم: صايرة تلتهين عني، شني ما تحبيني هاجر؟ تصرفاتج صايرة تنرفز. إذا تضلين هيج، أجي للموصل أشك حلكج وأرجع.

ضحكت وغلست على الرسالة، حتى يضوج أكثر. أحب أنرفزه وأضوجه. مدري ليش. بقت تجي رسائل على تلفوني. وأني مغلسة. أدري منه. كملت مكياج وتسريحة. جانت بسيطة. مكياج هم بسيط. ما أحب العميق، يخنك. شفت الرسائل وانصدمت. كمية المسبات والفشار ماكو. غلط ما غالطه عليه. هذا شبي؟ والله مو صاحي. أكص أيدي. اتصلت بي، رفض. اتصلت أكثر من أربع مرات، رفض. كالت آخر مرة أتصل، رفض. طبو مرض، بس جاوب. وأني ما أدري بي مجاوب. وإيلا كالت: إيلا: شبيج؟

راح تموتين. هاجر: من تميم؟ اكو غيره يغلط عليه القندرة. إيلا: مش سويتله؟ هاجر: بس لأن ما حاجينا كثير. تخيلي. إيلا: ميخالف، هو يحبج ولهذا السبب يضوج إذا ما تراسلين. هاجر: دخلي يولي، ولا فلا أراسل. أجاني صوت من التلفون، انصدمت. فتحته وشفت تميم على الخط. يا كاع نشكي وبلعيني. خلي أفر السالفة. عليت. هاجر: بعد وكت. جان رفضت. تميم: حقج. أني قندرة وأولي. بعد شنو كلتي؟ خلي أتذكر. هاجر: مو قصدي، بالغلط طلعو.

تميم: أي، راح أجي وأرجعهن لحلكج. بسيطة. هاجر: مو قصدي، بالغلط طلعو. تميم: أي، أرجعهن الحلكج. بسيطة. هاجر: أهووو، أروح أحسن. يصيحوني. تميم: أشردي. بسيطة. أجيك وأشوفج. سديته بسرعة. فرحت أنو راح يجي أشوفه ونتونس. هم رجعنا للبيت. عمتي مريم وشفت تلفوني يدك. شفت المتصل تيم. رديت. كلت: هاجر: هلا بالعريس. تيم: هلا بيج عمري. أريد رقم تميم، أعزمه على العرس. هاجر: صدك؟ تيم: أي، لأن هذا الشي يفرحج. هاجر: تدلل، هسه أدزه برسالة.

سديته. ومنو ودزيتله رقم تميم. الحنة جانت خيال، حيل حلوة. ما صار ولا مشكلة. ولا مرة بالتاريخ مر عرس بدون مشاكل. صار ثاني يوم واجه العرس. تميم ما حجيت وياه، بس عرفت تيم عازمه. وما أدري إذا يجي أو لا. كعدنا الصبح ورحنا للصالون. كملنا ورجعنا للبيت. تبديل وكذا، خلصنا. واجو تيم وأهله. وجان شكله مرتب وحيل حلو. وجان أبيض بشكل. رغم هو مو أبيض، بس طالع يشك شك. توجهنا للقاعة. وصلنا وبلشو رقص. وأني أدحك على الكل. أسيل عيونها عليه، بس بحقد. ما أنطيت أهمية للموضوع. عمتي ما جت ولا سلمت عليه. غلست. يجي يوم وترجع تحجي وياي.

أجت ماما وكالت: مروة: موبايلج يدك. أخذت التلفون منها. شفت المتصل تميم. رديت. كال: تميم: طلعي بره القاعة. فرحت. اكو باب القاعة يطلع لغرفة، وبعدين باب ثاني يطلع ل برا. شفت تميم. رحت يمه وكلت ببتسامة: هاجر: هلا بيك. نورت الموصل. تميم: أي، بعد بعد. هاجر: أصلاً نيالي عليك، فدوة لها وجه. تميم: بعد. هاجر: أحبك. تميم: بعد. هاجر: فدوة لهل عيون. وفدوة لهل رموش. وفدوة لهل غمازة. وفدوة وجهك كله. تميم: هسه تمام. شلونج؟

هاجر: زينة. وأنت؟ تميم: هسه صرت زين. هاجر: جيت بوحدك؟ تميم: لا، عمتي مسوية عزيمة علمود ابنها. هاجر: ليش؟ تميم: مو ندعم وطلع سلامات. تسوي عزيمة وعزمتنا وعزمت عمامي وعماتي. هاجر: وعمتك أم حوراء اجت؟ تميم: لا، حوراء ما اجت. ارتحتي. هاجر: يعني؟ تميم: عمتي عازمتج هم. هاجر: أني؟ تميم: لا، أبوي. هاجر: شعجب. تميم: أصلاً هيا حبتج لما اجت ويا أمي تخطبج. هاجر: عود أسأل بابا وأشوف. تميم: خوش. يلا رجعي.

دخلت للقاعة. بعد رقص وتعب. كالو الولد شوية يدخلون. البنات راحن يلبسن. وأني من ضمنهن. ولبست شال هيج شلون ما جان. دخلو الولد بهوسة. ومن ضمنهم تميم. اللي دخل هادئ. عيوني ما تشوف غيره أبدا. بقة واكف شوية بعيد. راح تيم وجروه لنص القاعة. وبلشو يرقصون. ركصة جان حلو كلش. شلون يهز كتافه ويطك أصبع. أراقب حركاته بشكل مو طبيعي. الولد صارو كل واحد ياخذ مرته ويرقصون وحدةم. أجه تميم يمي وكال: تميم: نرقص. هاجر: أي.

أخذ ايدي وطلعو أغنية رومانسية. صرنا نتمايل عليها. عيونو بعيوني، ماشالها أبد. كال: تميم: أحب عيونج. هاجر: عيونك أحلى. تميم: لا، عيونج.

عيونو تدحك عليه بحب، بلهفة، باهتمام. صارت عيونه تتنقل بين عيوني وشفايفي. جنت فرحانة حيل. مادري شلون دحكت وصارت عيني بعين عمتي أميرة. اللي تدحك عليه بحقد. أول مرة أشوفها تدحك على شخص بهالشكل. تخزر بيه. درت وجهي وشفت أسيل. اللي نظرتها نفس نظرات عمتي أميرة. تلبكت وبالغلط دست رجل تميم. حس اكو شي. وكف وكال: تميم: بيج شي؟ هزيت راسي بـ لا. كال: تميم: تعالي كعدي.

رجعت كعدت وأطرافي ترجف. مادري شلون صارت عيني بعين إلياس. نفس النظرات. تمنيت الأرض تنشك وتبلعني. كال: تميم: بس كولي شبيج. أشرت بعيوني على عمتي أميرة. شافها وكال: تميم: وشكو ترجفين؟ عبالك مسوية شي. أنتِ ترقصين ويا زوجج مو ويا غريب. وما عليج بيها. توليه.

هزيت راسي. بقة يمي ولازم ايدي ويفرك بيها. بعدها ارتحت. وخلص العرس. ورجعنا للبيت. نسيتهم ونسيت نظراتهم وكل شي. سبحت ونمت. الصبح كعدت على اتصال من تميم. بقيت أفرك بعيوني لأن مغوشة. صرت أحجي وحدي حتى يتعدل صوتي. أتصل مرة ثانية. رديت. كال: تميم: شكد نومج ثكيل. هاجر: عوف نومي. اكو أحد يكعد أحد من الصبح؟ تميم: الساعة بل 10 ونص حبيبي. كومي شوية وأجي آخذج. هاجر: وين؟ تميم: شكلج نسيتي؟ أخذج لبيت عمتي. معزومة أنتِ هم ويانه.

هاجر: بس أكول لبابا. تميم: حاجيته أبوج البارحه من رجعتج وكال، أخذها. هاجر: خوش. هسه أكوم. سديته منه وكمت أغسل. غسلت وتوضيت وصليت. وطلعت. ماما محضرة الريوك. كالت: مروة: بلكي من تتزوجين هم هيج تكعدين. وهم... هاجر: أهووو، عما أزوج. الله كريم. مروة: راح تضلين هشكل؟ يطلقج ثاني يوم. هاجر: يحبني، ما يطلقني.

كملنا ريوك. وجدي أبد ما عاجبه الوضع. من يوم الي عقدنا ما حجة وياي أبد. ولا مرة. حتى ما يدحك بوجهي. ما كلش همني الموضوع. لأن أصلاً ما أحب جدي بسبب أفعاله. كملت تبديل. أجه حسن. كال حسن: تميم برا. يكول تعالي. ما أريد أفوت. هزيت براسي أي وطلعت. شفت تميم. ابتسمت. أجه فتح الباب وكعدت. وراح كعد وحرك السيارة. كال: تميم: طالعة حلوة. هاجر: عيونك الحلوة. تميم: ليش هيج أنتِ حلوة؟ هاجر: هههه، معرف. تميم: شحبج. هاجر: أحبك.

تميم: باعي، خلي نتفق. هاجر: أي، بس على شنو؟ تميم: بيبي راح تكون موجودة. هاجر: حلو. تميم: أنتِ شايفتها مرة وحدة، صح؟ هاجر: صح. بس ما كعدت وياها. تميم: باعي، هيا مو كلش تحبج، بس أريد منج تخليهاتحبج. قاطعته: هاجر: ليش ما تحبني؟ شسويت؟ تميم: خلي أكمل. هاجر: كمل. تميم: أي، السبب مو لأن أنتِ مسوية شي. السبب هيا تريد واحد ياخذ من الثاني. ما تريد لا ولدها ولا بناتها يرحون للغربة. فهمتي؟ هاجر: فهمت. لهذا السبب ما تحب زهراء؟

تميم: مو بس زهراء. هاجر: بس زهراء كرايب. تميم: تريد ناخذ من حفايدها. يعني مو من خالاتنه. هاجر: يعني بس من أهل أبوك. تميم: عفيه. اللي أريده منج، إذا حجت عليج، تغلسين. هاجر: بس مو تزودها. تميم: هيا ما تزودها، بس تجفص بطنج. هاجر: ما أسكت عجل. تميم: لخاطري. هاجر: تمام. تميم: We agreed ( اتفقنا ) هاجر: Yes. تميم: كم لغة تعرفين؟ هاجر: أنكليزي وتركي. وجاي أتعلم فرنسي. تميم: حلو. زين كملي هيج. هاجر: وأنت؟

تميم: أنكلش، فرنسي، إيطالي. هاجر: صدك. هز رأسه. حبيت أنو يحجي لغات. أحب هذا الشي. نحنا هاي سنة سوه. هسه يلا عرفت يحجي لغات. كلت: هاجر: شلون تعرف إيطالي؟ تميم: أكثر سفراتي ل إيطاليا. هاجر: ليش؟ تميم: أحب أزورها. أحب مناظرها تخبل. خيال. أحب أجي يمهم ونشتري منهم سيارات ونجيبها هنا نبيعها. هاجر: بس من إيطاليا تجيبون؟ تميم: أكثر شي من إيطاليا، لأن فخمات يجن.

بقينة نسولف. بيت عمتو جان بعيد علينا. بعد مسافة نص ساعة وصلنا. نزلت سحبت نفس وزفرته ودخلت. جان اكو نسوان. دخلت. تميم كال: تميم: أعرفكم على مرتي. الكل ابتسم. واجت زهراء باستني. هيا وملاك الوحيدات اللي أعرفهن هنا. بعدها أجو بنات هم يسلمن، بس ما عرفت ولا وحدة. دخلنا للصالة. كال: تميم: سلام عليكم. الكل: عليكم السلام. حيدر: هلا بهاجر. هاجر: هلا بيك.

رحت سلمت على الكل. اكو مرة شوية چبيرة جانت مبينة الضوجة عليها. وبيبي هم ما جان عاجبها. غلست. كعدت. اجت يمي ملاك وزهراء. كلت: هاجر: وأخيراً اجتمعنا. جمعة حلوة. ملاك: من زمان جنت أتمنى هيج نجتمع. زهراء: خلي نكعد يم البنات. عيب. طلعنا للمطبخ. جان اكو كم مرة تسوي أكل. وأكو كم بنيه. اجت وحدة كالت: لمار: أنتِ اللي تميم يحبج وخطبج؟ لو غيرج يحبها. هاجر: أني. لمار: هلا بيج. أني لمار بنت عم تميم. هاجر: وبيج أكثر. تشرفت بيج.

لمار: هاي أختي ميار. هاجر: هلا بيكم. بقينة نسولف. شكد. بعدها صار وقت الأكل. كعدنا على سفرة وحدة. شباب وبنات. جنت كاعدة يم تميم. سوه لفة وكال: تميم: افتحي حلكج. فتحت حلكي وأخذتها. بس جنت خجلانة، لأن الأغلب يدحكون علينه. كالت بيبي راوية: راوية: شو بهذا الزمن أبد ميستحون. تميم: شبيج بيبي؟ غير أطعمها. ما أكدر آكل إذا هيا ما تاكل. راوية: أي عيني، طعمها. ابتسم الها ورجع ياكل. ضوجني الموضوع. يعني أنتِ شكو تحجين؟

خلص اسكتي. حالج حال الكل. كملنا أكل. ساعدتهم بلم السفرة. وأجيت أغسل، بس ما خلوني. بقيت كاعدة. كالت زهراء: ترا الموصل حيل مبين عليها الدمار. هاجر: صح. وهسه يعمروها، بس الخراب أكثر. ملاك: الله يساعدكم. شلون تحملتوا؟ هاجر: نحنا مو كلش عانينا، بس منطقتنا تأذت أكثر شي من هذا الجانب. بس الجانب الثاني تأذى أضعاف. يعني نحنا بقينة شهرين محاصرين، لا طلعة ولا فوته. وهاي كلها صواريخ علينه وقذائف وهاونات. غير الطلق.

ملاك: الله يساعدكم. ترا يضوج كلش. هاجر: الحمد لله عدت على خير. وما حد تأذى بينه. زهراء: الحمد لله. جاي نسولف وسمعنا أصوات عياط من جوه. دخلنا نركض. وأشوف تميم فوك واحد ويضرب بي. بس ما أعرف منو هذا. خفت حيل. وأمير يضرب واحد ثاني. ما فهمنا ولا شي. واحد يفشر على الثاني. تميم: ليش تدخل؟ ليش؟ أمير: أنعل والديك إذا تحجي. معليك، فهمت. كرار: تميم، انجب وخر. شوف خطيبتك ترجف وخايفة.

تميم: ما تذكر هاجر بشي. ما تجيبها على لسانك الوصخخخخخ. حيوانننن. عباس: زلم زلم لك. أنت أكبر عارات. وخر أمير. بعدوهم الولد. أحمد يهديهم ويحاول يفض الموضوع. جنت حيل خايفة. أجه تميم يمي كال: تميم: شبيج خايفة. هاجر: ليش تتكاونون؟ تميم: ما عليج، دائماً تصير. هاجر: شنو السبب؟ تميم: تعالي أسولفلج. كعدنا على تخم وكال: تميم: عباس يكول ل أمير، ليش ضارب ابنك؟

وبسببك ابنك هيج حالته ومتأذي. ومرتك متأذية بسببك. إذا ما تقدرها، عوفها. غيرك يبوس أيدها. عصب وضرب. وكرار حاول يفاككهم. وأني كتلته. هاجر: بالعكس، المفروض تساعده. تميم: أريد حجة على حتى أتعارك وياه. هاجر: السبب. تميم: ما يهمج. عافني وكام يم الولد. رحت أنا يم البنات. كالت لمار: لمار: أتمنى أعرف سبب عركات تميم وكرار. زهراء: لج، حتى أني. ميار: عذروني، بس تميم السبب دائماً هو يبدي. زهراء: صح. ميار: وعباس ما كال شي غلط.

زهراء: اسكتي أحسن، ما أمير يكمل عليج. ميار: أني مو غلطانة. زهراء: ليش عباس غلطان؟ هم مو غلطان، بس شفتي شنو صار. ميار: حتى تميم غلطان. شكو يضرب كرار؟ وبعدين كرار شعلي؟ لمار: خلاص، شبيجن؟ فضحتونه كدام ل بنيه. هاجر: لا عادي، ماكو شي. زهراء: لمار، هاجر مو غريبة، صارت منه. يعني حتى هما مشاكل بينهم. وين اكو بيت عراقي مابي مشاكل؟ كعدنا بالصالة ويا الكل وسوالفهم حلوة. كالت بيبي راوية: راوية: كرار، خلي نزوجك. كرار: ما أريد.

راوية: أشوفلك زينب. كرار: إذا أريد أزوج، ما آخذ كرايب. راوية: هاي حتى أنت مو كافي أخوك وأمير وتميم ماخذين غربة. ولك، صير نفس سجاد، ماخذ بنت خالة. كرار: ليش بيبي؟ شصاير؟ مو كل يوم مشاكل بين عمتي نيرال وعمتي ماسة. راوية: ماسة هيا تسوي مشاكل. ضجت. شلون تحجي عليها. عيب، هيا كاعدة وتحجي كدام الكل. وبعدين هيا جنتها، شلون تحجي عليها. تميم: راوية، أمي، شكو؟ راوية: ليش أمك تخلي أحد بحاله؟

تميم: أمي معليه. خوش. محد يجيب طاريها. راوية: تحبها، والي سوته بيك نسيته؟ تميم: كافييييي. امييييي. معليهااااا. عاف المكان وطلع. وأني أصفن. شنو سوت؟ ليش يحجون هيج؟ أمير وأحمد وحيدر طلعو ورا تميم. راوية: اوف منه. ليش يحبها؟ ما أدري. محمد: يمه، كافي. رحمة لأبوك، كافي. كام وطلع. زين، شكو؟ البنات كلها تصافن. محد يعرف السبب وليش هيج يحجون. كلت: هاجر: تعرفون ليش هيج بيبي تكول وليش تميم ضاج وطلع؟ ملاك تبلكمت وكالت بسرعة:

ملاك: ماكو شي. بس بيبي ما تحب أمي. أروح أشرب مي. زهراء: صار عندي فضول أعرف ليش تخيلي. من تزوجت، أسمع بهاي السالفة، بس ما أعرف شنو هيا. ولا ليش بيبي تحجي على عمتي ماسة. هاجر: أكيد اكو موضوع، صح؟ طب تميم يركض ورا الولد كلهم فرحانين. كال: تميم: جدي هتان وصلني خبر موجود خارج العراق. راوية: صدككك؟ أمير: أي والله، هسه وصلنا الخبر. محمد: منو كال؟ أدريان: عايش يعني؟ إدريس: دحجو شبيكم. وكفتو كلوبنا.

تميم: ما أدري. غير أنو عايش خارج العراق، بس وين بعد ما أعرف. إدريس: كالو مات؟ شلون؟ أدريان: لا تصدق. أصلاً احتمال هو مسوي هيج. زهراء (به همس) : أي مسوي نفسه ميت حتى يفتك من راوية الحية. هاجر: أششش، يمعودة، لا يسمعون. تميم: أني راح أضل ورا الموضوع. هتان لازم يرجع. لازم أعرف وينه. بقو شكد يحجون بالموضوع لحد المغرب. أحمد كال: أحمد: أريد أخطب. راوية: يابعد بيتي. صدك؟ غالية: يابعد أمك، ياهي؟ بس أشر، تجي ليمك.

راوية: اختار، لو ميار، لو لمار، لو زينب، لو عذراء، لو عذاري. أحمد: ولا وحدة. أريد بنت خالتي. أريد مريم يمه. غالية: أحسن اختيار. مريم كلش حبابة. راوية: مو كافي أخوك ماخذ بنت خالته؟ نوب أنت؟ ماكو. أحمد: أني أحبها. شني؟ راوية: مو أنت العاقل؟ شلون تريد بنت خالتك؟ أحمد: أحبها. غالية: هاي هيا. اللي تريده يصير. نرجع لبغداد ونروح نخطبها. تدلل يمه. أحمد: وما أريد العرس يطول. خلي يصير بسرعة. أدريان: نرجع ونخطبها الك.

راوية: ولك أدريان، شبيك؟ غير ياخذ من بنات عمه، لو بنات عمته. ليش للغريبة؟ لو إلا تصير نفس أخوك. أحمد: مو غريبة، بنت خالتي. وأني أريدها وأحبها. وإذا ما أزوجها، ما أزوج غيرها. راوية: يعني تعاند نفس تميم. أحمد: أي. غالية: لا يمه، اخطبها الك. راوية: سدي حلكج. مكيفة تاخذ بنت أختها. فلا يصير هذا الزواج. تميم: راوية، اسكتي. خلي يزوج اللي يريدها. وإذا ما قبلو، أني أجيبها الك.

راوية: أنت انطم. أبو المشاكل. ما يزوجها. يمه، مو حلوة. تميم: وين شايفته؟ راوية: قبل فترة شفتها. جانو يتناقشون شلون يروحون يخطبوها ومنو يروح. بيبي كالت: أني ما أروح. وجاي يقنعون بيها. أجاني مسج. شفته جان من سارة. كاتبة: سارة: صحيح البارحة تزوج تيم. هاجر: أي صح. سارة: منو تزوج؟ هاجر: بنت عمتي. سارة: خلي أعترف لج. ما أقدر أسكت بعد. تعبت. هاجر: شكو؟ خوفتيني. سارة: لا تخافين. هاجر: طيب، أحجي. سارة: أني أحب...........

انتهى البارت. عذروني مانزلت بارت. جانت امتحانات وعطلة. ما صار بيدي مجال أكملها. هسه خلصت أشغالي. راح أكملها. شنو تتوقعون قصة أم تميم وسارة؟ تتوقعون منو تحب؟ بنوتات علقوا بين الفقرات وصوتوا.