رواية قسوة الادهم الفصل العاشر 10 - بقلم سارة

في اليوم التالي يوم الخطوبة في غرفة أدهم مراد: يعني أنت عامل الخطوبة لتارا مفاجأة؟ أدهم: اممم. مراد: طب ما ممكن ترفض. أدهم: لا، أنا عارف هعمل إيه وهقولها إيه. مراد: إيه؟ أدهم: مش لازم. مراد: بس أنت إزاي عرفت إن رنا ورا كل اللي حصل؟

أدهم: حكيتلها في الكافيه وحسيت إنها اتوترت، وف نفس اليوم جات الشركة كانت تارا معايا، دخلت وكانت باردة ف تعاملها معاها رغم إنها صاحبتها. المهم عملت نفسي رايحلك وقولتلهم هطول علشان يحكوا مع بعض. إنت طبعًا عارف إن فيه كاميرات ف مكتبي. مراد: أيوه. أدهم: أنا نسيت حوارهم أصلًا ووقفت ورا الباب أسمعهم، وسمعت كل حاجة قالتها رنا. كان هاين عليا أموتها. مراد: سيبك منها دي متستهلش. المهم أسيبك تجهز وتظبط نفسك، ماشي؟ أدهم: أوك.

عند تارا فارس: انتي لسه ملبستيش؟ تارا: لسه بدري يا بابا. فارس: لا اجهزي دلوقتي لأن هنروح عند صاحبي بيته، ومن هناك هنروح معاهم القاعة. تارا: هي خطوبة كبيرة؟ فارس: لا عادية ف قاعة صغيرة. تارا: ماشي. فارس: عايزك تبقي زي القمر، أنا جبتلك فستان حلو عايزك تلبسيه. تارا: آه شوفتو، بس ده حسسني كأني أنا العروسة. فارس: مش مهم، البسيه. تارا: لا هلبس من عندي حاجة غير ده. فارس بزعل مصطنع: كده هتزعليني؟ تارا: خلاص متزعلش، هلبسه.

فارس: ماشي، يلا روحي اجهزي. تارا: حاضر يا بابا، اهو طالعة أجهز. فارس: تمام، وأنا كمان هروح ألبس وأشوف عمر جهز ولا لسه. تارا: ماشي. في غرفة مراد مراد دخل غرفته وجد رانيا تجهز أمام المرايا. مراد: مراتي قمر يا ناس، إيه الحلاوة دي؟ رانيا: ههههه، حلاوة إيه؟ أنا لسه بجهز، يلا أجهز أنت كمان لنتأخر عليهم. مراد وهو يقترب منها: عادي براحتنا، أنا ممكن ألغيها عادي. رانيا: مرااااد! أنت بتقول إيه؟ يلا أجهز.

مراد بغمزة: ماشي، بس مش هتفلتي مني. رانيا: هههه، يلا طيب ادخل الحمام وأنا هجهز. عدي وبعدين هحط ميكب وأكون خلصت. مراد: لو تقلتي ميكب هخليكي تمسحيه كله. رانيا: مش هتقل، حاضر. مراد: لما نشوف. ثم دخل الحمام وخرج بعد وقت، كانت رانيا قد لبست عدي ووجدها تقف أمام المرايا تضع الميكب. مراد: افتكري قولتلك إيه. رانيا: فاكرة، فاكرة. مراد: أنا مكنتش بخليكي تحطي، بس يا ستي المرة دي إفراج. رانيا: شكرًا، كتر خيرك.

مراد بأستفزاز: العفو. في غرفة الضيوف محمد: هما بيعملوا إيه كل ده؟ فريدة: معرفش، ده مفيش حد خلص. أحمد ع الباب: أنا اهو. محمد: خلصت يا خويا؟ أحمد: آه يا حج. فريدة: أدهم جهز ولا لسه؟ أحمد: بيجهز. محمد: يا مسهل. فريدة: ميار جهزت ولا لا؟ ميار ع الباب: جهزت، إيه رأيكم؟ فريدة: زي القمر يا حبيبتي. محمد: حلوة. ميار: ميرسي. أحمد: انتي حاطة ميكب؟ ميار: آه. أحمد: مراد هينفخك. ميار: يووه، ده فرح.

جلست بجانب والدها وقالت: وبعدين أنا ف حماية بابا، مش هيقدر يعملي حاجة، مش كده يا بابا؟ محمد: اممم، إن شاء الله. دخل مراد وقال: سمعيني كده، مين اللي ميقدرش؟ ميار بخوف: قصدي على أحمد. مراد: اممم، إيه اللي حاطه ف وشك ده؟ ميار بخوف: ميكب. مراد: يا أما تخففيه يا أما تمسحيه. ميار: هخففه، حاضر. أحمد: أنا مصدوم فيك. مراد: أهو مرة من نفسهم، ههه، بقي بعد كده مفيش. جاءت رانيا: أدهم لسه مجهزتش ولا إيه؟ أدهم من خلفها: أنا جهزت.

فجأة هاتف محمد رن: تمام، تعالوا، إحنا جهزنا. محمد: فارس اتصل وقال إنهم جايين. أدهم: تمام. جاء فارس وتارا وعمر لفيلا محمد وصافح فارس وتارا كل المتواجد. فريدة: إزيك يا حبيبتي؟ تارا بتوتر: كويسة الحمد لله، ازي حضرتك؟ فريدة: الحمد لله. محمد: طيب يلا يا ولاد، أدهم وتارا ف عربية، ومراد ورانيا وميار ف عربية، وأنا وأمكم هنركب مع فارس وعمر. كلهم: تمام.

تارا واقفة مش فاهمة حاجة ومش عارفة تعمل إيه، مستغربة إزاي باباها معترضش إنها تركب مع أدهم. أدهم: مش يلا ولا إيه؟ تارا بتدور على بباها مش لاقيتهم: هو بابا فين؟ أدهم: مشي مع بابا. تارا: وعمر؟ أدهم: معاه، يلا متخفيش، مش هاكلك. امسك يديها ليركبها العربية. تارا وهي تبعد يده: متلمسنيش. ترك أدهم يديها وقال: طيب، اتفضلي اركبي. ركبت السيارة وصعد أدهم خلفها ف ضيق. بعد وقت وصلوا القاعة، نزل أدهم من السيارة وخلفه تارا.

امسك يديها وسار بها. تارا بصوت واطي: أنت بتعمل إيه؟ سيب إيدي. أدهم: ادخلي عادي كأنك العروسة. تارا بغيظ: بس أنا مش الزفتة. أدهم: للأسف، إنتي الزفتة فعلاً. دخلو القاعة واشتغلت الأغاني. سار بها حتى وصل إلى المكان المخصص لهم. أدهم: إيه رأيك ف المفاجأة دي؟ تارا بصدمة: هو ده بجد؟ أدهم: طبعًا. تارا: عملت كده ليه؟ أدهم: هقولك. ذهب عند الدي جي وأخذ مايك ثم رجع لها. تارا خافت ليكون هيتكلم عن الصور ويفضحها.

تارا وهي تهمس له ف أذنه: أدهم لا، أنا موافقة بس بلاش علشان بابا ومنظره. أبعد المايك وقال: كويس إنك عارفة ده، بس أنا مش هتكلم عن كده. تارا: امال هتتكلم عن إيه؟ أدهم: تارا، أنا بحبك وعمري ما حبيت رنا، مستعد أقول قدام الناس دي كلها بس إنتي توافقي، صدقيني بحبك بجد ومش هزعلك مني خالص. تارا: لا، مش لازم تقول قدام الناس، بس بجد يا أدهم متكونش لعبة.

أدهم بصدق: لا والله، أنا بجد بحبك. عارفة النهاردة هنعمل خطوبة وكتب كتاب علطول. تارا: ليه السرعة؟ لا. أدهم: ممكن تثقي فيا ومتخفيش؟ صدقيني مش هخذلك، أنا عرفت الحقيقة خلاص وإنتي رجعتيلي تاني، لولا بابا مكنتش هوصلك، والله بابا ده عسل وبيفهم، ها موافقة؟ تارا: مم، موافقة. مراد ورانيا ومحمد وفريدة وميار وفارس وعمر كانوا على ترابيزة واحدة. فريدة: إنت ف سنة كام يا عمر؟ عمر: ف تالتة ثانوي. فريدة: ميار بنتي ف تالتة برضو.

عمر: اها، بشوفها ف الحصص. ميار ف سرها: بارد. فريدة: ربنا معاكم يا حبايبي. عمر: يارب تسلمي. أدهم: يلا علشان البسك الدبلة. تارا بتوتر: ماشي. أدهم: متتوتريش. تارا: حاضر. لبسوا الدبل وكتبوا الكتاب ورقصوا وكل واحد ف طريقه إلى بيته. في غرفة مراد ورانيا رانيا: كانوا حلوين أوي مع بعض. مراد: ربنا يفرح قلوبهم. رانيا: يارب ويتمم بخير، أنا حبيتها، حسيتها طيبة كده. مراد: مفيش أطيب من قلبك يا قمر إنتي. رانيا بضحك: بس يا مراد.

مراد: هههه، ماشي. رانيا: مكنتش أتخيل إن علاقتنا تتحسن كده، كنت مفكرة إنك مبتحبنيش وإن عمر حياتنا ما هتتغير. مراد: أهي اتغيرت الحمد لله. ثم غمز لها وقال: بقولك إيه، تعالي أقولك سر. رانيا: قول. مراد وهو يقترب منها: عيوني... في عربية أدهم تارا: طب ورنا؟ أدهم: مالها؟ تارا: مش كنت هتقابل باباها؟ أدهم: ده حوار هي اخترعته، مشيت معاها فيه، لكن أنا محبتهاش أصلًا. تارا: بجد؟

أدهم: آه والله، معرفتش أحبها أو هي معرفتش تخليني أحبها. تارا: أنت إزاي أقنعت بابا؟ أدهم: قولتله إنك غيرتي من صحبتي علشان كده عملتي كده، وقولتله نظبط الخطوبة وكتب الكتاب وتكون مفاجأة. تارا: أنت مخادع. أدهم بضحك: عارف، وبعدين خلاص، إنتي من النهاردة مراتي. تارا: بجد؟ مش مصدقة. أدهم: لا صدقي ي حبيبتي، المهم رنا متعرفش. تارا: ليه؟ أدهم: خايفة تعمل حاجة، دي مجنونة بنت ***. تارا: ماشي. أدهم: من بكرة هتيجي تشتغلي معايا.

تارا: عملتولي المكتب؟ أدهم: حتى لو اتعمل هتفضلي معايا ف نفس الأوضة بتاعة مكتبي. تارا بضحك: لا. أدهم: تعالي بكرة ونشوف كلام مين اللي هيمشي. تارا بضحك: كلامي طبعًا. أدهم: هنشوف، المهم هاتي رقمك. تارا: ليه؟ أدهم: إيه اللي ليه؟ أنا بقيت جوزك ي ماما. تارا: آه صح، طيب اكتب عندك. أدهم وصل تارا إلى بيتها ثم رجع إلى بيته.