رواية قسوة الادهم الفصل التاسع 9 - بقلم سارة

في اليوم التالي، ذهب أدهم في الساعة السابعة صباحًا إلى بيت تارا وقابل والدها. فارس: اتفضل يا بني. أدهم: شكرًا، معلش صحّيت حضرتك. فارس: لا أنا كنت صاحي، ولا يهمك. أدهم: أنا جيت بس أوضّح لحضرتك تارا قالت لك إنها مش عايزاني ليه. فارس: ليه؟ أدهم: علشان صاحبتي جات لي النهاردة الشركة، فهي اتضايقت وعلشان كده قالت لحضرتك إننا نسيب بعض. فارس: أمم، بس هي قالت إنك بتعاملها وحش.

أدهم: ما حصلش، ده أنا باحبها من أيام الجامعة. بص، أنا عندي مفاجأة ليها وعايزك تساعدني. فارس: إيه هي المفاجأة دي؟ أدهم بخبث: حضرتك هتخليها تظبط نفسها كده علشان هتاخدها لخطوبة ابن صاحبك اللي هو أنا. فارس: إزاي؟ أدهم: هتكون هي العروسة. فارس: آه، فهمتك، تمام. أدهم: شكرًا يا عمي، همشي أنا بقى، سلام. فارس: سلام. أدهم أمام الفيلا: هحطك قدام الأمر الواقع يا تارا. ثم صعد عربيته وذهب إلى الشركة. **في غرفة مراد ورانيا

رانيا: اصحى بقى يا مراد، الساعة سبعة ونص. مراد بكسل: صحيت أهو. رانيا بضحك وهي تمسك أنفه: اصحى يا كسول يلا. مراد: ماشي يا ستي، قايم أهو. رانيا: شطور، هروح أشوف عدي وأحضّر لك الفطار. مراد: لا، هافطر في الشركة، هو بابا وأدهم مشيوا؟ رانيا: أيوه. مراد: أومال فين الواد أحمد والبت ميار صحيح؟ رانيا: ميار من أوضتها لأوضة السفرة، ومن أوضة السفرة لأوضتها، وبتروح الدروس. أحمد ما اعرفش مختفي فين.

مراد: أمم، طيب هافضى له أنا وأشوف... **في الشركة وصل أدهم وذهب إلى مكتب والده، طرق الباب فسمح له محمد بالدخول. أدهم: عايز حضرتك في موضوع. محمد: اتفضل. أدهم: أنا هاخطب تارا. محمد باستغراب: إزاي ده؟ هي قالت مش عايزة تكمل. أدهم: لا، رحت لباباها ووضّحت الموضوع ووافق. محمد: أمم، وبعدين؟ أدهم: ما فيش، هاضبط الدنيا وأحدّد اليوم وأنت تقول لباباها. محمد: أنت بتحبها بجد؟ أدهم: أيوه، باحبها طبعًا.

محمد: طيب يا أدهم، حدّد وقول لي، وألف مبروك. أدهم: الله يبارك فيك يا بابا. ثم ذهب إلى مكتبه. وصل مراد الشركة وذهب إلى مكتب والده. مراد: بابا، كنت عايزك في حوار. محمد: اتفضل. مراد: ما تعرفش أحمد مختفي فين وبطّل يجي الشركة؟ محمد: طالع رحلة مع صحابه. مراد: أمم، هيرجع إمتى؟ محمد: النهاردة. مراد: تمام. في مكتب أدهم. أدهم: رنا، معلش أنا تعبان وعندي شغل كتير، مش هاينفع نتقابل. رنا: أنت زعلان مني يا أدهم؟

أدهم: مش زعلان، أنتِ عملتي حاجة تزعلني؟ رنا: لا. أدهم: طيب خلاص. رنا: طـ... طيب هتعمل إيه مع تارا؟ أدهم بكذب: كل يوم باكرهها عن اليوم اللي قبله. رنا: سيبها. أدهم: ما أنا سيبتها إمبارح خلاص. رنا بفرحة: بجد؟ طيب كويس. أدهم: طيب هاقفل أنا، باي. رنا: باي يا حبيبي. أدهم: حبك برص يا شيخة، كرهتيني في أكتر واحدة حبيتها. في الليل في فيلا محمد. جاء أدهم ومحمد ومراد فوجدوا رانيا وميار وفريدة مندمجين في الحديث.

جلس مراد بجانب رانيا وقال: بتعملوا إيه؟ فريدة: هنكون بنعمل إيه؟ بنحكي مع بعض. مراد: أيوه، بتحكوا في إيه؟ جايبين سيرة مين؟ فريدة: سيرتك أنت. أدهم: أوباا، شكل ماما بتحرّضها عليك هههه. مراد: ما تقدرش تعمل حاجة أصلًا، أخوك مسيطر. أحمد من وراهم: يولا يا مسيطر أنت. مراد: جيت يا قرد. أحمد: جيت يا عم، أخباركم إيه؟ كلهم: تمام. أدهم: كنت فين أنت؟ أحمد: في رحلة. أدهم: أمم. ميار: من غيري؟ مراد: ذاكري أنتِ بس. ميار: باذاكر والله.

أدهم وقف أمامهم وقال: يا جماعة عايز أقول لكم حاجة. مراد: قول. أدهم: أنا هاخطب. مراد: ألف مبروك، بس مين هي؟ أدهم: بنت صاحب بابا. رانيا: ألف مبروك يا أدهم. أدهم: الله يبارك فيكِ يا رورو، عقبالك، أنتِ صغيرة وتستاهلي حد أحسن. مراد: عقبالها إزاي يا متخلف أنت؟ وإزاي تدلّعها أصلًا؟ أدهم: هههه، مراد بيغير يا جماعة. مراد: ملكش دعوة يا بارد. أحمد: خلاص يا جماعة، وألف مبروك يا أدهم. أدهم: عقبالك. أحمد: يا رب.

ميار: ألف مبروك يا أدهم. أدهم: الله يبارك فيكِ. فريدة: ألف مبروك يا حبيبي. أدهم: الله يبارك فيكِ يا حبيبتي. أحمد: إمتى الخطوبة طيب؟ أدهم: بكرة. محمد: بالسرعة دي؟ أدهم: أيوه، اتصل بعمي وقول له المكان هايكون في ****. محمد: تمام. *في فيلا فارس فارس صعد إلى غرفة تارا ودق الباب فسمحت له: صاحية؟ تارا: أيوه، اتفضل يا بابا.

فارس: أحم، بكرة في خطوبة ابن صاحبي، عايزك تظبطي نفسك وتيجي معاي، أنا قلت لعمر وهو هايجي وطبعًا مش هنسيبك لوحدك لازم تيجي. تارا: ماشي يا بابا. فارس: تمام يا حبيبة بابا، تصبحي على خير. تارا: وأنت من أهله. *في غرفة أدهم أدهم: يا رنا ما تصدعينيش بقى، الله. رنا: من ساعة ما تارا دخلت حياتك ثاني وأنت اتغيرت يا أدهم، بس صدقني لو تارا بعدتك عني مش هاسيبها، هادمر حياتها فاهم؟ أدهم: وريني هتعملي إيه، وبعدين أنتِ ما بتفهميش؟

قلت سيبتها يبقى تخرسي خالص. رنا: تمام، هتيجي لبابا إمتى؟ أدهم: لسه هاشوف، بس خفّي زن أنتِ. رنا: طيب سلام. أدهم قفل السكة في وشها: واحدة زبالة، لولا خايف على تارا كنت وريتك إزاي تهدديها، مش عارف إزاي دخلتك حياتي، أوف.