رواية قسوة الادهم الفصل الرابع 4 - بقلم سارة

فُتح الباب وظهرت أمامه سيدة كبيرة ف العمر. مراد: فين مراتي. السيدة: أنت مراد. مراد باستغراب: أيوة أنا. مراتي فين. السيدة: اتفضل ادخل طيب. دخل مراد مع السيدة، ثم أشارت له على غرفة.

السيدة: الأوضة دي فيها مراتك هي وابنك. عايزة أقولك حافظ عليهم دلوقتي بدل ما يضيعوا منك بسبب عصبيتك. مراتك طيبة، بلاش تزعلها. لو حد غلط، صالحها. أنا عارفة اتجوزتوا إزاي. حاول تحبها وتحببها فيك. لو حبيتها فيك هتديك عنيها. يلا ادخل بهدوء وصالحها. مراد بهدوء: تمام. طرق الباب. رانيا: اتفضلي ي تيتا. مراد: دا أنا. رانيا بخوف: أنا جيت أزورها وكنت همشي. مراد لاحظ خوفها،

بس بيكره الكدب: ممكن متكدبيش. يلا هاتي ابننا علشان هنمشي. رانيا: طب ينفع أبات هنا. مراد بعصبية خفيفة: رانيا، كلمة زيادة. أنا مش عارف هعمل إيه، فانجزي بسرعة. رانيا: حاضر. عند محمد، والد أدهم. محمد: يعني إيه رجعت في كلامها ي فارس. فارس: مش عارف. كانت موافقة وقرأت معانا الفاتحة. مش عارف إيه اللي غير رأيها. محمد: أنت كده مدلعها ي فارس، دا مينفعش. فارس: عارف، بس أنا موافقتش. قولتلها لما أدهم يغلط فيها أو يدايقها هنشوف.

محمد: طيب، سلام. فارس: سلام. ذهب محمد عند أدهم. محمد: أدهم، أنت قولت حاجة دايقت تارا لما طلعتوا ف الجنينة مع بعض. أدهم: لا، بس ليه. محمد: قالت لأبوها مش عايزة تكمل. أدهم بعصبية: وهو بمزاجها ولا إيه. محمد: أهدي. فارس موافقش، بس قالها لو أدهم غلط فيكي أو عمل أي حاجة تدايقك ساعتها هيشوف. أدهم: طيب، إن شاء الله. دخل مراد ورانيا الفيلا. مراد: ليه عملتي كده. رانيا: مفيش، روحت زورتها.

مراد بعصبية وصوت عالي: رانيا، متجننيش. روحت تزوريها تقعدي الوقت دا كله عندها. رانيا مردتش. ميار: ف إيه مالكم. مراد: مفيش. فينك أنتِ مش باينة ليه. ميار: بذاكر وبعدين أنام. مراد: ربنا معاكي ي قلبي. ميار: يارب. هشرب وأطلع. مراد: ماشي. بص مراد لرانيا وقال: مراد: مفيش طلوع من الفيلا تاني بدون إذني، سامعة ولا لا. رانيا: تمام. مراد: اتفضلي. صعدت رانيا إلى غرفتها وهي حزينة. رانيا ف سرها: عمره ما هيتغير وعمره ما هيكون حنين.

صعد خلفها مراد. مراد ف سره: بسبب تصرفاتك بتعصبيني عليكي وأنا مش بحب أشوفك زعلانة. بحبك، بس خايف تكوني محبتنيش. مراد: هدخل الحمام، حضريلي هدومي. رانيا: حاضر. بعد عشر دقائق. خرج مراد من الحمام، لافف فوطة على وسطه وصدره العريض ظاهر بعضلاته. مراد وهو يلبس هدومه: رانيا، ممكن متكرريش اللي عملتيه دا. رانيا: حاضر. مراد: متزعليش ي حبيبتي. رانيا: أنت قولت إيه. مراد قرب منها وقال: قولت حبيبتي ومراتي.

رانيا: مالك أنت تعبان ولا إيه. مراد: لا. رانيا: مالك متغير ليه. مراد اقترب منها حتى لا يفصل بينهم شيء. مراد: ها، متغير إزاي بقي. رانيا بأرتباك: ها، لا مفيش، أنت مش متغير ولا حاجة. مراد: اممم، طيب تصبحي على خير. رانيا: وأنت من أهل الخير. وبعد وقت ذهبا في النوم. عند تارا، دخل عليها عمر. عمر: عملتي إيه. تارا: موافقش. عمر: طب ما تحكيلو. تارا: لا. عمر: ليه، مش أنتِ واثقة إنك معملتيش حاجة غلط. تارا: أيوة والله.

عمر: قوليلو خلاص. تارا: المشكلة إن أدهم معاه حاجات ممكن يقلب بيها الطرابيزة عليا، حتى لو الحق معايا هيطلعني غلطانة. عمر: أنا بكرهه. تارا: مش لوحدك، بس أنا هوريه هعمل فيه إيه، حتى لو هثبتله إن اللي ف دماغه صح. عمر: أنا بقول متحتكيش بيه لحد ما يغلط ونخليه يسيبك. تارا: طيب. عند أدهم. أدهم: ي رنا، ي حبيبتي، مش هينفع أقابلك بكرة. رنا: ليه يعني.

أدهم: ولا أقولك، خلاص نتقابل بكرة ف الكافيه اللي بنتقابل فيه ديما، ماشي، ع الساعة 7 كده. رنا: تمام ي بيبي، باي. أدهم: باي. أدهم ف سره: لازم أقولها، مينفعش نكمل على كده. ربنا يستر. أما أنام بقي.