رواية قسوة الادهم الفصل السادس 6 - بقلم سارة

تم تجهيز مكتب تارا بجانب مكتب أدهم في نفس الغرفة. تارا أمام الشركة: واو حلوة الشركة والله. دخلت الشركة وأخذت أسانسير واتجهت إلى مكتب محمد. تارا: لو سمحت عايزة أقابل أستاذ محمد. السكرتيرة: أقوله مين؟ تارا: تارا فارس. ذهبت السكرتيرة إلى مكتب محمد وطرقت الباب، فسمح لها بالدخول. السكرتيرة: في واحدة اسمها تارا فارس بره يا فندم. محمد: دخليها. السكرتيرة: تمام. ذهبت وسمحت لتارا بالدخول. محمد: أهلاً يا تارا، ها أخبارك إيه؟

تارا بابتسامة: الحمد لله تمام. محمد: ها جاهزة تبدأي من النهاردة؟ تارا بحماس: آه طبعاً. محمد: طيب يلا تعالي أوريكي المكتب بتاعك. ذهبا واتجها إلى مكتب أدهم. محمد: اتفضلي، دا مكتبك. دخلت تارا وعلى وجهها ابتسامة، ما إن رأت أدهم اختفت ابتسامتها. أدهم بابتسامة خبيثة: أهلاً تارا. تارا بارتباك: أهلاً. وجهت نظرها إلى محمد وقالت: هو مفيش مكتب غير دا؟ محمد: لا، أنا بس عملت دا على الماشي كده لحد ما أظبط لك مكتب حلو. تارا: تمام.

محمد: تمام، أسيبك بقى، أدهم هيفهمك الشغل ماشي إزاي. تارا: ماشي. خرج محمد وذهب إلى مكتبه. تارا في سرها: يادي حظي الزفت ياربي، ربنا يستر. أدهم: إيه يا تارا، مش عاجبك مكتبي ولا إيه؟ تارا بثبات: لا أبداً، عادي. أدهم: اممم، قربي. تارا: نعم. أدهم: هاتي كرسي وقربي علشان أشرح لك طبيعة الشغل. تارا: طيب. في فيلا محمد، تحديداً في غرفة مراد، حيث يوجد مراد ووالدته التي صعدت لتطمئن عليه عندما علمت أنه لن يذهب إلى العمل.

فريدة: مالك يا حبيبي؟ مراد: أنا تمام يا ماما. فريدة: أمال ما رحتش الشغل ليه؟ مراد: صحيت متأخر وكسلت أروح، أدهم يقوم بالواجب هناك. فريدة: اممم، طيب، أنت علاقتك أنت ورانيا بدأت تتحسن وتهدي من عصبيتك ولا لأ؟ مراد بتهدئة: مفيش تحسن، بخوفها مني أكتر. فريدة: ليه يا حبيبي، مش أنت بتحبها؟ مراد: بحبها بس حاسس إنها محبتنيش. فريدة: يمكن بتحبك، متنساش أنت اتجوزتها إزاي لما خلتها توافق عليك بالغصب وكانت بتخاف منك.

مراد: مش ناسي، بس أنا بحبها والله. فريدة: إن شاء الله هتحبك وتحس بحبك ده، بس خليك حنين. مراد: حاضر، بحاول والله، هي اللي بتعمل تصرفات بتعصبني. فريدة: معلش، يلا هسيبك أنا، هروح أريح شوية لحد ما أبوك وأدهم يرجعوا من الشركة. خرجت من الغرفة وذهبت إلى غرفتها لتستريح. دخلت رانيا. رانيا: أمال مامتك فين؟ مراد: مشيت. رانيا: ماشي، كنت عايزة أطلب منك طلب. مراد: اطلبي. رانيا: كنت يعني عايزة أروح أزور أهلي. مراد: ليه؟

رانيا: أبداً، وحشوني. مراد بابتسامة باردة: لا. رانيا: ليه؟ وقف مراد واقترب منها. مراد: كده، اعتبريه عقاب ليكي على اللي عملتيه. اقترب من أذنها وقال بهمس: ولا أعاقبك بطريقة تانية؟ رانيا: نعم، طريقة إيه؟ وضع مراد يده على وسطها وقربها منه أكثر إلى أن التصقت به، ثم قبلها قبلة عميقة وكأنه يبث فيها حبه. ثم ابتعد عنها وقال: ده تمهيد العقاب. رانيا: أنت قليل الأدب. مراد بابتسامة باردة: عارف.

رانيا: مراد، بجد زهقانة وعايزة أروح أزورهم. مراد: لا، ابن خالتك البارد هناك أكيد. رانيا: لا، طب تعال معايا حتى. مراد: ماشي. رانيا: مراد، هو يعني أنت حبيتي؟ مراد ببرود: بتسألي ليه؟ رانيا شافت بروده وعرفت الرد: لا، خلاص، أنا بس بسأل بس. مراد بصوت عالي: ردي عليا. رانيا وهي تدمع: مفيش، أنا بس كنت عايزة أعرف. مراد: اممم، وأنتي بقى بتحبيني ولا لأ؟ رانيا بارتباك: عادي، أنت جوزي، أكيد مش هكرهك. مراد: اممم، وأنا كمان كده.

رانيا بحزن: ماشي. مراد: اجهزي، هاخدك على بيت أهلك. رانيا بحزن: حاضر. في الشركة. أدهم: ها فهمتي؟ تارا: آه فهمت، شكراً. قالت هذا ثم ذهبت وجلست على مكتبها الذي يقابله مكتب أدهم، الذي يتبعها بعينيه. أدهم: بفكر إننا نعمل خطوبة بعد كام يوم وبعدها بأسبوع كتب الكتاب. تارا بخوف: ليه؟ أدهم: يعني علشان آخد راحتي معاكي، أمسك إيدك، أتحكم فيكي، أضربك مثلاً، هههه، كده، وعلشان أنا عايز كده برضه. تارا: بس أنا مش عايزة.

أدهم: ميهمنيش رأيك، أنت توافقي وبس. تارا بصوت عالي: لا مش هوافق. أدهم: اممم، لو صوتك علي عليا تاني هتزعلي جامد، سامعة ولا لأ؟ أنا مش زي اللي بتمشي معاهم. تارا: أنت بتقول إيه؟ أدهم، خليني أحكيلك، أنت ظالمني. أدهم: اممم، طيب، هسمعك يا تارا. فُتح الباب فجأة ودخلت رنا.