رواية قسوة الحب الجاهل الفصل السادس عشر 16 - بقلم مروة موسي

شكرا ي حج. طلعت وراهم ووقعت. أماني: شكرا ي حج. وطلعت وراهم ووقعت. عثمان: سلامتك ي بنت. عزة: قومي ي حبيبتي. أماني: اااااه مش قادرة ي خالتي رجلي. عبير: شيلها ي عاصم دي بنت خالتك. عاصم: مينفعش المس حد وكمان مراتي تزعل. عزة: كوثر مش هتقول حاجة. شيل بنت خالتك ي عاصم. كوثر شدت عاصم من ايده وطلعت ودخلت الاوضة. عبير بخبث: منقدرش نسندها ولا نشيلها. ايدك معانا ي عيسى. عيسى: لاء. وأنتوا عارفين قراري. عبير: دي بنت خالتك ي عيسى.

عيسى: تصبح على خير ي بويا. عثمان: معلش ي عيسى اسندها ووديها الاوضة من غير كلام. أماني بتتماثل بالوجع: اااااه رجلي. عيسى بص لأبوه: تمام. وشالها وحطها في الاوضة وخرج زهقان جدا جدا. أماني: أي رأيك ي خالتي. عزة: طول عمرك تربية خالتك. عبير: طب يلا ي حبيبتي منك ليها عشان نصحي نشوف هنعمل أيه. عيسى دخل اوضته زهقان من فعل ابوه. ملقاش اروى. قلق. طلع يشوفها لقاها عند بلال وبيضحكوا. عيسى: دي مش مذاكرة ي دكتور بلال. بلال: عيسى.

عيسى: أيوا اتفضلي على اوضتك يلا. أروى: حاضر. بس احنا كنا بنتكلم في حاجة افتكرتها وضحكنا. لكن كنا بنذاكر قبلها. عيسى بغضب: قولت اطلعي على اوضتك. أروى بخوف: لاء. واستخبت ورا بلال. بلال: براحة ي عيسى مش كدا. محصلش حاجة. عيسى: انا بكلمها انت بتدخل في الكلام ليه. اخرس. بلال وهو بيوطي راسه: حاضر. عيسى: كلامي متسمعش ليه. أروى: مش هروح في مكان ي عيسى. عيسى دخل وجابها من ورا بلال بالعنف ودخلها الاوضة.

لو حصلت تاني وقولت كلمة ومتنفذتش هيحصل حاجة مش هتعجبك. فاهمة. روي: فاهمه. أروى بفزع: أيوه. عيسى طلع من الاوضة كلها وسابها. أروى اترمت على الارض بتعيط. تليان: انا حاسة ان اختي فيها حاجة. زياد: متقلقيش. انتي اللي بس متقلة في شوية المحشي فقلقانة. تليان: ممكن تتصلي بعيسى. زياد: الصبح. مينفعش حالا. وبالمرة تاخدي رقم أروى. هي عندها تليفون ليه. تليان: طيب. زياد: نامي بقي. تصبحي على خير. عيسى في الجنينة واقف. لقي بلال وراه.

بلال: اسف ليك. عيسى: فاضلك ايام على حلمك. مفيش داعي للهزار. وبعد كدا حب واتحب براحتك وعلي مزاجك. بلال: صدقني كنا بنذاكر. بس ضحكنا. مكنتش قاعد احب فيها ولا حاجة. عيسى: تمام. بلال: متزعلش. والله حقك عليا. عيسى: مفيش حاجة ي بلال. محصلش حاجة. بلال: وانا اللي كنت جاي النهاردة فرحان عشان اقولك إن جبت درجات عالية في الامتحانات. عيسى: طول عمرك قدها. وانا واثق فيك. بلال: يلا عشان تنام ي عمدة. متسهرش. عيسى: حاضر ي حبيب اخوك.

بلال: متتتيمهاش زعلانه. عيسى: هي مين. بلال: أروى. هي بتتحامى فيك. بلاش تخوفها منك. عيسى: اللي فيه الخير يقدمه ربنا. عبير: الو. مش قولتلك متتصلش غير لما اتصل انا. متسربع. شخص: عاوز اخد حقي من عيسى. عبير: هتاخده. والله. وانا اللي هجيبه ليك لحد عندك. شخص: عارفه بعد العشم دا كله لو محصلش. عبير: نعم ي عنيا. مالك. انت هتنسي بتكلم مين ولا أيه. شخص: لا مش ناسي. وقفل في وشها. عبير: اما شخص جبان ومقرف صحيح.

عيسى دخل الاوضة ولقى أروى نايمة مكانها والدموع على خدها. شالها وحطها على السرير. وجه يبعد لقاها ماسكة في هدومه وباين على ملامحها الخوف. عيسى: حقك عليا. بس كنت مضايق حبتين. وحاول يبعد لكن معرفش. استسلم ونام مكانه جمبها. أم ليان بتعب: الحقني ي عبد العزيز. بموت. عبد العزيز: اعملك أي يعني.

أم ليان صعبت عليها نفسها جدا. وافتكرت كلام بناتها وعرفت انهم كانوا صح. وافتكرت كلام ليان لما قالت لها انتي بتعملي مصلحة خالنا على حياتنا احنا كبناتك. والدموع نزلت منها وقالت سمحوني ي عيالي. وفجأة توفيت. تليان صحيت الفجر وحست بوجع في قلبها. وصحت زياد. زياد بنوم: في أيه. تليان: معرفش. بس قلبي مقبوض اوي. زياد اتعدل: متخافيش ي تليان. خير. تليان: اتصرف. عاوزة اشوف اختي حالا. زياد: بس حالا أيه. احنا قرب الفجر. تليان

مسكت ايد زياد وبترجي: ارجوك ي زياد لو سمحت. زياد: حاضر. هتصرف. أروى كانت جمب عيسى. وعيسى حس بحركة جمبه. لقي أروى بتتحرك وهي نايمة وبتقول ماما. عيسى حاول يطبطب عليها وينيمها. لكن أروى قامت مفزوعة. عيسى: مالك. فيكي أيه. أروى: ماما فيها حاجة. انا عاوزة اشوفها. عيسى: بس دا مينفعش. وخطر عليك. أروى وهي بتخرج من الباب: حتى لو فيها قت*لي مش مهم. عيسى خرج وراها ودخلها الاوضة تاني: افهم بس أي اللي حصل. أروى افتكرت اللي عيسى

عمله ورجعت خطوتين لورا: مفيش. واسفه لو كنت ضايقتك من نومك. عيسى كان بيرد. لكن لقي زياد وتليان بينطوا من البلكونة. زياد: انتوا صاحيين. تليان جريت على اختها. وأروى حضنتها. أروى: ماما فيها حاجة. تليان: انا حاسة بكدا برضه ي أروى. أروى لزياد: ممكن تودينا عندها ي زياد. ارجوك. عيسى اضايق انها طلبت كدا من زياد مش منه. زياد: بس دا خطر ليكوا. صدقوني. وبعدين لو بعد الشر فيها حاجة هتعرفي انتي وهي الصبح.

عيسى: متقلقوش كدا. حاجة هتبقى بخير. تليان لقت تليفونها بيرن من خالها. زياد: ردي. تليان: لاء. زياد خد التليفون وحطه على ودنه. لقي عيسى بيقوله: انتي ي حلوة منك ليها. امك ما*ت*ت. هاتوا فلوس تمن دفنتها والكفن الصبح. زياد نزل التليفون وبص في الارض. تليان: خالوا عاوز أيه. أروى: رد ي زياد. عيسى فهم من موقفه وملامحه ان امهم ما*ت*ت. عيسى: كلنا امانة ولازم نرجع لربنا تاني. تليان بانهيار: لاء مستحيل. ماما.

زياد لقاها منهارة. خدها في حضنه وحاول يهديها. وفضل يكلمها كتير. أروى طلعت جري من البيت متعرفش هي راحة فين. وبلال سمع صوت عيسى بيقول اروى اروى. وطلع يجري وراهم. أروى بتجري وبلال وعيسى وراه. بلال دخل من شارع مقابل ووقف قدامها. هي بعياط: ابعد عني. لازم اروح لماما. ابعد. بلال قرب منها وهو بيتنفس بصعوبة: ح حاضر. بس اهدي. أروى: مهما عملت انا بحبها. واترمت على الارض. بلال نزل لها: قولي ربنا يغفر لها. وبس. عيسى

وصل ليهم وبيتنفس بسرعة: ا اروى. ممكن تسامحيها وتطلبي الرحمة ليها. أروى بعد كلام كتير من بلال وعيسى بدأت تهدأ. أروى: عاوزة اشوفها. عيسى: دا مينفعش. أروى لبلال: انا عارفة انك مبتزعلنيش وانت طيب. خليني اشوفها مرة. بلال بص لعيسى وسكت. عيسى: قومي ي أروى. الناس بدأت تخرج من بيوتها. مينفعش كدا. أروى: لاء. بلال قومها براحة وزعلان عليها وعيونه دمعت. أروى: بلال. انا انحرمت من بابا. وحالا ماما. خليني اشوفها مرة واحدة بس. وعيطت.

بلال وعيسى حاولوا ياخدوها ويرجعوا البيت. والنهار طلع. زياد: يلا عيسى نشوف الجنازة امتى ونمشي فيها ونشوف الازم نعمله. عيسى: حاضر. يلا ي زياد. وانت ي بلال خالي بالك منهم الاتنين. بلال: متقلقش ي عيسى. وخرجوا. عبد العزيز: فين البنات. عيسى: انت تتكلم بأدب. لحسن ورحمة امي أدفعك معاها. زياد: احنا جايين عشان نشوف هندفع فلوس للجنازة والكفن لام مرتاتنا. عبد العزيز: المفروض بناتها تبقى معاها الوقت دا. اكيد منعتوهم.

زياد: اه منعناهم. عندك مانع. عيسى: اه. وهي ليه موقفتش جمبهم عشان يقفوا جمبها. عبد العزيز: انتوا هتشوفوا الويل. عيسى: الويل نفسه يخاف مني لو قربت لوحده منهم. زياد: يا ويلك من ولاد الانصاري. ومشيوا من قدامه. ودفنوها ورجعوا البيت. أماني: بقولك ي بت ي عبير العباية كدا حلوة ولا اضيقها اكتر. عبير: دا هتفك خياطة من كتر ما هي ضيقة. خفي شوية عشان عثمان ميلاحظش. أماني وهي بتحط روج في المراية: يختي يلاحظ ولا ميلحظش.

عبير: بقولك أيه. اللف والدوران مش عليا. أماني وهي بتعدل الهدوم وبتمشي ايديها على جسمها: والنبي انتي وامك أساسه. يلا. عبير: اه لو لسانك يدب ويتقطع. أماني وهي خارجة من الاوضة: هنشوف الموضوع دا بعدين بقي. زياد وعيسى دخلوا. وأماني نزلت. أماني بدلع: سي عيسى. عيسى وهو حاطط عينه في الارض: خير. أماني: من بدري وانت برا كدا. زياد: أي اللي جابها هنا. عيسى: مطلوب مني حاجة يعني. عزة واقفة بعيد ومراقبة الموقف.

أماني وهو بتقرب منه: لاء ي سي عيسى. كنت عاوزة اشكرك عشان بقيت في بيت العمدة. عيسى مردش عليها وطلع هو وزياد. زياد: تليان. تليان بدموع: هي هتوحشني. بس انا مسامحاها. زياد باس ايديها: يلا عشان ترتاحي. وامي بتسأل عليكي بتقول فين بنتي تليان. عيسى: وانت كمان على اوضتك ي بلال. ارتاح لحسن احنا منمناش. وبالمرة أروى ترتاح. بلال وزياد وتليان خرجوا. عيسى: البقاء لله ي أروى. هي في مكان احسن.

أروى: ونعمه بالله. وشكرا انك قمت بالواجب ي عيسى. عيسى: محصلش حاجة. انا هحاول ارتاح ساعة واقوم. معلش ارتاحي انتي كمان. أروى قالت حاضر وفضلت صاحية. زياد دخل. وأم زياد حضنت تليان. أم زياد: انتي بنتي وانا امك. زي ما انحرمت من بنتي ربنا عوضني بيكي وعوضك بيا. احمدي ربنا ي بنتي. تليان وهي بتدمع: الحمد لله. والله مش معترضة. بس الفراق صعب. أم زياد: تعيشي وتفتكري ي حبيبتي. عثمان دخل البيت الصبح. لقي عزة وعبير لابسين.

عثمان: على فين. عزة: نازلين نشتري حاجات للبيت. عبير: ومينفعش غفير ولا مرفت تنزل تجيبها. وبالمرة نتمشى. عثمان: على راحتكم اتفضلوا. وانتي ي أماني هتقعدي لحالك كدا. أماني: أيوا. هعمل أيه يعني ي عمي. عبير: متيجي معانا ي بت. أماني: طيب. يلا بينا. عزة: مش هنتاخر. سلام ي حج. عثمان وعاصم وكوثر عرفوا خبر موت أم أروى. عثمان: كوثر. كوثر. كوثر: نعم ي عمي. عثمان: سلفتك ملهاش غيرك هنا. اجبري بخاطرها عشان امها.

كوثر: عاملة حسابي ي حج والله. عثمان: طول عمرك أصيلة ي بنتي. كوثر طلعت وخبطت براحة. أروى طلعت وعيونها دبلانة من العياط. كوثر طلعتها وخدتها في الجنينة: البقاء لله. من غير ما تردي. الم*و*ت حق علينا ولازم كل انسان له وقت ربنا كتبه له. واحنا كمسلمين عارفين ان الباب دا لينا. عارفة ان الفراق صعب. بس رحلتنا هتخلص من فترة للتانية. وفضلت تكلمها كتير. أروى: انتي طيبة اوي ي كوثر. ربنا يخليكي. متعرفيش انا ارتحت بكلامك ازاى.

كوثر: طب ما تقومي تجهزي معايا الفطار. لحسن مبعرفش. أروى بابتسامه باهته: عنيا ليكي حاضر. أماني: بقولك أيه يخويا. انت تنفذ كلامنا وبس. عبير: لو جربت تبيع هتلاقي نفسك عبد قبل ما تبيع. عزة: انت ليك هدف واحنا لينا هدف. وهدفنا نفس الأشخاص. أماني: متفكرش عشان جبناك هنا نبقى ضعفة. لاء. احنا نعرف نعمل كل حاجة. فمتفكرش نفسك انت اللي هنا وانت اللي هناك. عزة: احنا هنعمل كذا كذا كذا وانت... مفهوم. عبير: يلا ي أماني. يلا ي ماما.

عيسى صحي ملقتش أروى في الاوضة. قلق ونزل جري وينادي اروى اروى. سمع صوتها جاي من المطبخ. عيسى: انتي هنا ليه. كوثر بتغمز له: أمال هو انا هفضل أفطرك. حتى بعد ما تتجوز كمان ولا أيه. أروى: الله. يعني انتي جيباني هنا عشان اساعدك ولا عشان تتريقي عليا. كوثر: انا ساكتة اهو. يلا عشان نفطر وتكملي مذاكرتك. عيسى: اه والنبي ي غالية. متخليهاش تقصر في مذاكرتها. خلينا نشوفها حاجة حلوة.

كوثر: طب يلا طلع الطبق دا وانت خارج. ويلا وسع كدا للنور يدخل. أروى ضحكت. وكوثر طلعت من المطبخ. عيسى: بقيتي كويسة. أروى: كوثر كويسة. مش زي عبير ولا... عبير وهي داخلة: مالها عبير ي عنيا. مش عيب عليك تكون بتذم في اختك وانت واقف كدا جنبها. أروى ردت: مقصدش. بس كوثر طيبة و... عزة: ودي اللي مش طيبة يعني. ولا هو... عيسى: مالك انتي وهي. بيها هي تقول اللي هي عاوزه. وتعمل اللي هي عاوزه.

عثمان: انتوا واقفين هناك ليه كدا. البقاء لله ي بنت. عبير: أختها ما*ت*ت. ولا هي ومش واخدة بالها. مرفت: لاء ي ستي. دا امها. انا سمعت بالليل. عيسى نظر ليها نظرة رعبت مرفت. عزة: اهي ارتاحت منهم كلهم. والله. أروى مسكت في دراع عيسى. عيسى: انا اخر مرة هحذركم. وسحب أروى وقعد على السفرة للفطار. عثمان بصوت واطي: انا اللي بقولك اهو. أي حد يكلمك من هنا. معادًا كوثر. حطي صوابعك في عينه. وكمان ماعدا بلال وجوزك عيسى.

أروى: لاء مينفعش ي عمي. عيسى: شوكتك لو ظهرت ضعيفة قدامهم صدقيني مش هيرحموك. عبير قعدت وخبط فيها. عبير: اه معلش. مكنش قصدي. أماني وهي بتقعد جمب عيسى: أي الروايح الحلوة دي. أروى: مين اللي سمح ليكي تقعدي جمب جوزي. قومي فزعي. عثمان وعيسى انصدموا من كلامها وجرأتها. عزة: وانتي اللي هتقولي مين يقعد ومين لاء. أروى وهي بترجع بضهرها لورا: وانتي مين اللي سمحلك تردي عليا. وانا مين بقي. فأنا مرات عمدة البلد. عبير وهي بتخبط

بايديها على التربيزة: القطة المغمضة فتحت. وشوف ي حج عثمان مرات ابنك بتعمل أيه. من حالا هتتنطط علينا. أروى وهي بتقف خبطت ايديها في دورق ماية وقع على عبير: ااه. معلش. مكنش قصدي. وطلعت فوق. عيسى: انا مش هدخل بعد كدا بينك. حريم قصاد حريم. عثمان بخبث: شد على مراتك. مينفعش ترد على اختك وامك. عيسى بخبث: انت متعرفش ان بخاف اكلمها. لحسن القط لما بيفتح عيونه بيخربش جامد.

بلال من فوق: الله عليك ي جامد يا شرس. دا انا مش مصدق اللي حصل. أروى: أي رأيك بقي أنفع. بلال: يلا يختي. قدامنا أقل من شهر للامتحانات. وورانا مراجعة في الدرس. أروى: انا داخلة البس اهو. وفي ثانية هنزل. لحد ما تفطر. فعلا لبست وحضرت شنطتها. ونزلت هي وبلال خرجوا للدرس. عيسى: خالوا بالكوا من نفسكوا. أروى: متقلقش. طول ما بلال معايا. متقلقش. عثمان: والله دا اللي قلقني. يلا. بلال: أيوا بقي ابويا اللي واثق فيا.

تليان: ي طنط. ي طنط. أم زياد: ها. خير. تليان: انا مبحبش الفطير. وزياد عاوز فطير ومصمم. زياد: هخلي مني تعملك اكل ليكي. يمني وهي بتحط الاكل: حاضر. اتفضل ي سي زياد. زياد وهو بيقطع الفطير وليان جمبه: الله. أي الجمال دا. تليان: كك طفحة. زياد: الله يسامحك. وشال صحن العسل الأسود وحاطه عليها وعلي شعره. تليان بعصبية: ينهر ابيض. والمصحف ما هسيبك. لطلع عينك. زياد وهو واقف ورا امه: والنبي متخليهاش تيجي جمبي بالعسل اللي عليها دا.

أم زياد: حقك عليا. تليان: مش هحله والله. هو اللي جابه لنفسه. زياد: والله مهي اللي غلطت الاول. ومحدش كلمه. تليان: مش هسسسسيبك واللله. بلال خلص الدرس وفضل مستني أروى تطلع. لكن ملقاش. فضل يدور عليها ولقاها….