رواية قسوة الحياة الفصل الخامس والستون 65 - بقلم ريتاج محمد

خدودها احمرت بسبب إنه نعتها بالمجنونة قدام كل اللي كانوا قاعدين. بصتله من فوق لتحت وقالت ببرود: -متدخلش في اللي ميخصكش يبابا عشان متزعلش. ... إياد حس بإحراج من نبرة كلامها فقال: -نعم..!! -شكل البعيد أطرش... بس وماله نعيد تاني، متدخلش في اللي ملكش فيه عشان متزعلش. مفهومة ولا أوضح أكتر..!! -اتكلمي عدل معايا يا نور..!! -اتكلم معاك عدل إزاي مش فاهمة. خليك في حالك ومحدش هيكلمك أصلاً. -اتظبطي عشان مقومش أكشملك.

-لا ونبي تعالي كشملي، هخاف كده مثلاً. يا سما يا سجدة، ونبي حد يشوفلي جيب فاضي أستخبى فيه. فوق يبابا واعرف أنت بتكلم مين. *استهدوا بالله يا جماعة مش كده. مفيش حاجة، ده شيطان وحب يعكر القاعدة، أعوذ بالله من الشيطان الرجيم، قالها ماهر. -استنى أنت بس كده يا ماهر. معلش يعني لمؤاخذة، السنيورة تطلع مين..!! بنت وزير الداخلية!! . ولا العالمة سميرة موسى..!! باستفزاز. -تؤ ولا دي ولا دي. -أمّال مين يعني. -ميخصكش الله.

-يابت لمي نفسك، متخلينيش أقوملك. -ونبي يامهاب، ونبي يا ماهر امسكوه، لحسن يضربني. طززز، عايز تقوم قوم، أعلى ما في خيلك اركبه. قام وقف عشان يروحلها، لقى مهاب بيهديه وهو ماسك الضحكة: -اهدي بس يا ابني، مفيش حاجة. -أوووعى يا مهاب، دي بت قليلة أدب أصلاً. -حووش، الأدب بيخر. مهاب ضحك. إياد قال بعصبية وهو بيزق إيده: -يعممم اووعى كده. -بقولك اوعى. مهاب بجدية لما لقاه اتعصب:

-خلاص طب مافيش حاجة، ده شيطان ودخل بينكم على رأي ماهر. -صح، والمصحف يا ابني، خليه يمشي بقا عشان الشيطان ينصرف. إياد بعصبية: -بتتتتتتتت اطلعي فوق. نور بعند وهي بتحط إيدها في وسطها بعند: -مش طالعة. إياد: -اطلعي بقولك، متخلينيش أتعصب. -عالي خلفوكي. -وناا بقولك مش طالعة... أنت مالك بقى، مش بيتك هو عشان تقولي أطلع ولا أنزل. إياد زق مهاب جامد وراح لها ومسكها من دراعها جامد. وراح زقها ناحية السلم جامد أوي.

وقال بعصبية شديدة: -اطلعى. نور لوجع من مسكته: -مش طالعة. وبعدين أنت إزاي أصلاً تمسك إيدي ك... سكتت ومكملتش لما لقت قلم نزل على وشها وقال بعصبية: -بقولك اطلعي، متعفرتينيش. سجدة هنا عرفت إن إياد كده مبيهزرش، فقالت لنور وهي رايحة ناحيتها: -نور خلاص... اطلعي دلوقتي. نور بصت عليهم بدموع، كلهم واحد واحد وهي محرجة. وطلعت عالسلم وهي مش طايقة إياد وبتحلف له هتوريه. سجدة طلعت وراها بسرعة وقالت وهي طالعة عالسلم:

-أنت زودتها أويي يا إياد، إحنا كنا بنهزر. إياد بحدة: -سجدة... شوفي أنت رايحة فين. سجدة بصتله كده وقالت: -ماشي يا إياد... بس بردك أنت زودتها جامد عشان تبقى عارف بس. إياد بص لها وكده وقال: -سجدة متعصبنيش، أنت كمان شوفي أنت رايحة فين بقى. سجدة طلعت وراحت لأوضتها لأن أكيد نور هتبقى فيها. لقت الباب مقفول. سجدة وهي بتخبط عالباب براحة: -نور... نور.... يا نور افتحي بقى. نور من جوة بعياط وتذمر أطفال: -يا عممم عايزة إيه. سجدة:

-افتحي يا قلبي افتحي. نور: -مش فاتحة. سجدة: -يا نور افتحي بقى بالله عليكي. نور بغيظ وعياط: -بقى أنااااااا... أنااا يزعقلي ويضربني بالقلمم... أنا يضربني بالقلممم ابن سمر. سجدة: -يا حبيبتي والله العظيم هو كلب، أنا عارفة. واحدة طرشة وحيوان، أنا مالي. افتحيلي بقى حرام عليكي. نور بعياط: -لا مش فاتحة. انزلي اقعدي معاهم وسيبيني في حالي بقى. سجدة: -يماما افتحي يماما، عايزة أدخل أوضتي. افتحيييي بقى عصبتيني.

نور قامت وفتحت الباب وهي بتمسح عينها بكف إيدها: -ينعم بقى عايزة إيه..!! سجدة وهي بتاخدها ف حضنها: -خلاص بقى يا قلبي متعيطيش. نور: -أنا يا سجدة يضربني قدام سيلا وسيليا ومهاب. سجدة: -يا حبيبتي هما مش غريبين، دول ولاد عمتك جوري ولا خالتك جوري. نور وهي بتشن: -ولو.. بردك ميعملش كده وربنا لهوريه. سجدة: -صراحة حقك، بصي طلعي عينه واشفي غليلك منك بطريقة نضيفة. نور وهي بتمسح دموعها بكفوفها وبسرعة: -إزاي طب..!! سجدة:

-بصي يا ستي......... عند يزن وبدر. وصلوا عند بيتها. وطلعوا الشقة لقوها مفتوحة. ومفيش حد فيها. يزن بتفكير: -دلوقتي بردك في احتمالين، يا أما يكون عايش وحد جه خده أو مثلاً قدر يمشي. يا أما يكون ميت والجيران كلهم عرفوا. بس شكل كده هيبقى الاحتمال الأول، لأن محدش قال إن في حد مات أو حد مقتول من الجيران. بدر برعب: -يزن أنا خايفة أووي. يزن: -اهدي اهدي. بصي أنا عايز أعرف هو إيه علاقته بيكي أصلاً..!! بدر: -يبقى ابن عمي. يزن:

!!!!! بدر: -متستغربش كده، هو من ساعة ما بابا وماما ماتوا وهو وعمي عايزني أتجوزه عشان ياخد اللي حيلتي. ومن ساعتها وهو بينطلي في كل حتة، بس أول مرة توصل بيه إنه يجيلي البيت. يزن باستفهام وهو بيبص عالشقة الصغيرة: -وهي دي يعني اللي عايز يتجوزك عشانها..!! بدر: -لا طبعاً، بابا الله يرحمه كان عنده أراضي كتير، بتاع 3 ولا 4، أدي لعمي منهم أرضين وكتب الباقي باسمي. بس عمي معجبوش الموضوع. يزن:

-وهي دي حجات تستاهل اللي عمله واللى كان بيعمله هو وعمك..!! بدر: -بص يمكن أنت هتشوف إن الموضوع ده حاجة تافهة، دا عشان أنت غني مشاء الله.. ربنا يزيدك كمان وكمان.. لكن أنا مش كده، أنا عايشة في حارة. وبالنسبة لعمي، إن دول يستاهلوا إنه يعمل كده.

أه يستاهلوا.. بس بالنسباله أنا لو عليا والله ما لازمني في حاجة، بس مش هناولهم اللي في بالهم عشان هما أنانيين مبيفكروش غير في نفسهم. أنا عندي إني أبيعهم وأتبرع بفلوسهم، لكن ميطولوش منها مليم. يزن: -امم طيب تعالى ورايا. نزل يزن هو وبدر. بس وهما نازلين لقوا واحدة بتقولهم: -الحقووووواا يا أهل الحارة، البت بدر بنت ميار اللي رفضت حامد ابني بتاع السمك. نازلة من فوق ومعاها ابن الذوات اللي شالها لما اغمى عليها. بدر بزعيق:

-انتي بتقولي إيه يا ست يا خرفانة انتي. الست بشماتة..... يتبع.