رواية قسوة الحياة الفصل السادس والستون 66 - بقلم ريتاج محمد

نزلتي من شقتك ومعاكي ابن الذوات اللي شالك لما اغمى عليكي. بدر بزعيق: انتي بتقولي إيه يا ست يا خرفانة انتي. الست بشماتة وصوت عالي قاصدة تسمع كل الناس: إيه يا حبيبتشي، هو أنا قولت حاجة غلط ولا إيه؟ ده أنا شفتكم بعنيا الاتنين دول نازلين من شقتك. هتكذبيني يعني؟ راجل كان معدي فقال بسؤال: مالك يا أم حامد صوتك عالي ليه؟ الست: الحارة تفضل نضيفة طول الوقت وتيجي واحدة زبالة مشيت بربع جنيه، تربية توسخها.

الراجل: ليه بس كده، إيه اللي حصل ده كله؟ الست: الست بدر نازلة لنا برجالة من شقتها. بدر وعينيها بتنزل دموع قالت بزعيق: كدابة. انتي عايزة تلبسيني أي حاجة وخلاص. الست بردح: شوفي قليلة الرباية غلطانة وبتتبجح، يابت ده أنا شفتكم بعنيا دول اللي إلهي ما أشوف بيهم تاني لو بكذب. الراجل: الكلام ده صح يا ست بدر؟ بدر بعياط وهي بتمسح دموعها: أيوه بس بس، انتوا فاهمين غلط والله. الست بصوت عالي: آه هي! هي اللي قالت بنفسها.

وبعدين فاهمين غلط إيه يابت، ده انتي بنفسك قولتي. الراجل بص لبدر من فوق لتحت وقال: استغفر الله، الواحد بيندم إنه كان بيعاملك زي بناته، يارب توب علينا. وراح ماشي. واحدة تانية كانت معدية فقالت وهي معلية صوتها نسبياً بحيث تسمع بدر: أنا مش هخلي بنتي تعرفها تاني لحسن تطلع زيها، وليعاذ بالله. واحدة كانت بتنشر الغسيل راحت دالقة الماية الباقية على بدر وقالت بقرف: على الله الماية الوسخة تنضفك. بس. وقفلت الشباك.

بدر بصت ليزن بحزن وهي بتعيط ويزن بجد كان ساكت بس عشان ما يمسكهمش يفعصهم. مسك إيد بدر وقال بصوت جهوري: خلصتوا كلامكم؟ خلاص، كل واحد قال كلمة. اسمعوني وحطوا الكلام ده حلقة في ودانكم، بدر تبقى مراتي. مرات يزن عدي مالك عتمان الجارحي. اللي بكلمة منه ينفيكم، فكلمة كمان، كلمة واحدة، ومش هعمل حساب لأجدعها تخين. مفهوم؟ الست: هيييء، يقطعني يا باشا، مكناش نعرف. وبعدين يا باشا، اللي ما يعرفك يجهلك. يزن: أنا مش عايز لت ونسوان.

أنا قولت كلمة ويارب أشوف عكسها. وقام شادد إيد بدر جامد وركب العربية وساق. الست بغل: آآآآه لو أعرف عملتي إيه في حياتك عشان كل مرة تقعي واقفة يا بنت ميار. وربنا لأفشي غليلي منك يا بدر، دايماً حرق دمي كده أنا وبنتي. ست كانت ماشية جنبها فقالت بسخرية: ما خلاص بقى يا أم حامد، طلع جوزها! إيه، حرام كمان يطلعلها؟ أم حامد: لا يا أختي، مش حرام بس معرفناش يعني. إنها اتجوزت، أكيد خايفة من الحسد عشان جوزها باين غني وبنت ناس أوي.

الست: يستي، انتي مالك، سيبيهم في حالهم بقى. ربنا يهني سعيد بسعيدة يا ستي. أم حامد: امشي يا ستي، انتي ناقصة جلطة هي. الست مشيت. *** عند العيلة وهما قاعدين. عدي لسيدرا: سيدرا، هو ابنك فين؟ سيدرا: أنهي واحد؟ عدي: هيكون أنهي، يزن طبعاً. سيدرا وهي بتهز كتفها بعدم معرفة: معرفش ليه. عدي بحدة وهو بيهز فرجله جامد: مفيش، مفيش. *** عند سجدة ونور. سجدة: ها يا نور، فهمتي تتجاهلين نهائي وتعملي زي ما قولتلك تمام؟ نور: ماشي.

سجدة: والبداية هننزل ونقعد، وانتِ ولا كأنك شايفاه، أشطة؟ نور: أشطة. سجدة مسحت لنور دموعها ومسكت إيدها وقاموا. ونزلوا. *** في مكان تاني. تاليا: يمامي بليز، مش عايزة أنا أروح مصر. ....... : بس يبت، أنا عارفة أنا بقول إيه، هنزل مصر بكرة، وده آخر كلام عندي. تاليا: يمامي بليز بقى، وهسيب جون إزاي؟ ....... بسخرية: جون اللي شبه الصرصار الأقرع؟ تاليا بتذمر: مامتي! بليز، متتريقيش عليا، أنا بحبه. .......

: بتحبيه إيه بالحلقان اللي لابسها دي؟ تاليا: يمامي، قولتلك دي حاجة أنا مليش دخل فيها، هو عايز كده يبقى خلاص. ....... : يبت، الراجل اللي متعرفيش تغيريه، بدلي. تاليا بغباء: يعني إيه يا ماما؟ ....... : يعني اسمعي كلامي وامشي ورا كلامي، ونتي هتشوفي حظك. ده أنا منمرة على واحد من... وبصوت واطي: عيلة الجارحي. تاليا: إيه؟ ....... : لا ولا حاجة. جهزي الشنطة بتاعتك. تاليا برجاء: يماميييي. ....... : يلاااااا. *** في مكان تاني.

سارة بفرحة: بجد يا سليم، هننزل مصر عند العيلة؟ سليم بحب: آه يا قلبي. سارة: بجد أنا فرحانة أووووي إني هشوف سمر تاني. سليم: وأنا بردك مبسوط. عشان أشوف إخواتي وولادهم. ليلى: بابا. سليم: إيه يا حبيبتي؟ ليلى: أنا هروح أنا وعمر رحلة أسبوع تبع جامعتي. سليم: مينفعش لسببين. ليلى: إيه هما؟ سليم: أول حاجة، متقنعنيش إن عمر وافق يسيب الشركة بتاعته ويروح معاكي، ونتي بتكدبي. وتاني حاجة، إننا هنسافر بكرة. ليلى: هنسافر؟!!

سارة: آه يا حبيبتي، هنسافر مصر. ليلى بحماس: بتهزريييييييييي! ونشوف عيلتنا ووووووااااااوو.. انتي عارفة أنا بقالي قد إيه نفسي أزور مصر، أو ماي جاد، بجد. أنا مش عارفة أوصف الفرحة اللي أنا فيها. يلهويي بجد، عاااااااا. أنا داخلة أجهز الشنط بتاعتي أنا وعمر. في مينت. سليم بضحك: هههههههه، مجنونة. *** عند بدر ويزن في العربية. بدر بدموع: يزن، وقف العربية دي كدة. يزن وقف العربية وبصلها. بدر: إنت إيه اللي خلاك تقول إني مراتك؟

يزن....... يتبع.