رواية قسوة الحياة الفصل الثالث والثمانون 83 - بقلم ريتاج محمد

غلط ... بجد أنا مش عارف إزاي فيه بن آدمين زي يحيى ده. تيم: ونبي متفكرنيش بيه... أهو زمانه غار في داهية. عدي: والله يا ابني أنا ز... سكت لما لقى اتنين داخلين من باب الشقة. تيم: في إيه يا بابا مالك متنح ليه؟ وبص مطرح ما عدي بيبص لقى اتنين داخلين من باب الشقة من غير استئذان، وسيدرا لسة ماشافتهمش. جودي لما لمحت عدي بصتله بخبث وراحت على البلكونة وحضنته وهي بتقول: دودي وحشتني أوي أوي أوي أوي. عدي بص لها

كتير يفتكرها وقال بصدمة: جودي. جودي مسكت ياقة قميصه وقالت: لا نبي يا دودي. تيم باستغراب: دودي!!! مين دي؟ جودي بصت لتيم. بتقيم من فوق لتحت. وبعدين بصت لعدي وهي بتضربه براحة في كتفه وبتقول: لا اخص عليك بجد يا دودي، بقى كده متقولش. لـ تيم أنا أبقى مين. وبصت لتيم وهي بتقول: عمتاً. يا حبيبي أنا أبقى ا... سيدرا بحدة وهي شايفه واحدة واقفة قريبة منه أوي: عدييييي. عدي بعد جودي بسرعة وهو بيقول: نـ نعم. إيه يا حبيبتي.

سيدرا بغيرة: مين دي؟ جودي بسخرية: لا لا بجد يا سيدرا، اخص عليكي معقولة معرفتنيش؟ أنا جـ... عدي بسرعة: دي جودي. سيدرا فكرت شوية وبعدين بصت بدهشة ليهم وهي بتقول: هييييئ جودي؟ بعدين بصت لعدي بحدة أكبر لما افتكرت اللي كانت بتعمله زمان. ولما حاولت تموته وفجر هي اللي شربت العصير. قالت وهي بتحضنها بغيرة: ازيك يا جودي عاملة إيه؟ والله ليكي وحشة لدرجة إن. الواحد كان نسي إنك موجودة أصلاً. جودي بصت لها بغل وحقد وحضنتها وقالت في

ودنها بصوت ميسمعوش إلا هي: اللي أنا معرفتش آخده زمان بنتي جايه تاخد ابنه... حطي الكلمتين دول في دماغك. سيدرا اتخضت لما قالت كده وبصت ناحية تاليا. ورجعت بصت لجودي اللي ابتسمت لها بغل، واتطرت سيدرا تستحملها في بيتها. لأنها مهما كانت ضيفة في شقتها. بليل. عند يزن ويحيى. بعد ما خرجوا واتفسحوا. وصاعوا. خد يحيى وراحوا على البيت. وكانوا واقفين تحت. يزن ويحيى نزلوا من العربية.

يحيى بص له بمسكنة وهو بيرمش بعينه كذا مرة ورا بعض. يزن: ده عند أمك... مش معني إني سامحتك إني أشيل شنطتك. غور يا بابا. وبعدين إنت مش بيت أمك فوق؟ طلع شنطتك وتعالى على شقتي يلا، أنا مستنيك. وطلع، ويحيى نفخ وخد الشنط عشان يطلعها شقته. عند بدر. كانت قاعدة في أوضتها ولابسة هوت شورت جينز فاتح وكروب أبيض مكتوب عليه بالأسود في النص زي توقيع. وكانت عاملة شعرها كحكتين وفي خصل كتيرة نازلة منهم.

وكانت بتتكلم في الفون وهي حطاه على السرير ومربعة وفاتحة السبيكر وبتكلم ساجدة وبتقولها: والله يا بنتي ما أعرف هو جاي امتى... أهو خارج من الصبح ولحد دلوقتي مرجعش، هتلاقيه مع صاحبه ده مش عارفة اسمه إيه كدة... حمزة... محـ... يحيى. أيوه يحيى. ساجدة: طب جهزي نفسك بقى عشان تفتحي لي عشان خلاص أنا تحت البيت أهو. بدر بحماس: إشطة. وقفت... ومعداش خمس ثواني ولقيت جرس الباب بيرن، افتكرتها سجدة. فقامت

تفتح وهي بتقول بصوت عالي: يخربيتك، دنتي حطيتي على الرقم القياسي للوصول لباب الش... سكتت لما لقت يزن قدامها. بدر بصت له لثواني كدة وهي متنحة وقالت: إنت إيه اللي جابك دلوقتي؟ يزن دخل وهي بتقفل باب الشقة برجله وعينه مبشرتش بالخير أبداً وهو مركز معاها وباصصلها. بدر ببسمة توتر: إيه؟ في إيه؟ بتبصلي ليه؟ يعم إنت. يزن بحدة: إنتي إزاي تفتحي بالمنظر ده... ردييييي. قالها بزعيق. بدر خافت ورجعت لورا وهي مش مستوعبة لسه كلامه.

وبصت على نفسها فجأة وشهقت لما حست إنها غلطت. لما فتحت الباب كده. ولسة هتجري على جوه. يزن مسك إيديها وقال: ... عند يحيى. طلع فوق وحط الشنط. ونزل خد بقية الشنط وطلعهم وخد موبايله ونزل وقفل الباب ونزل وهو باصص في الفون وحط إيده عشان يدق الجرس. كان في نفس الوقت اللي سجدة. مدت إيدها عشان تدق الجرس فيه. ولمست إيديهم إيدين بعض. رفع راسه عشان يشوف مين. بس تنح لما لقاها سجدة. سحبت إيدها بسرعة وهو كذلك.

وقال: أنا مخدتش بالي، كنت مركز في الفون و... سجدة ببسمة: ولا يهمك... أنا كمان آسفة عشان مخدتش بالي. وبعدين رجعت تدق الجرس تاني. ويحيى كان نفسه الحوار يبقى أطول من كده بس يلا بقى و...