رواية قسوة الحياة الفصل الخامس والثمانون 85 - بقلم ريتاج محمد

بدر: طب بقولك أنا آسفة طب. يزن بص لها بتكشيرة كدة وقال: يانعم. بدر: آسفة. يزن: أعمل إيه بآسفك يعني. بدر: متعملش حاجة... بس اقبلها. يزن: شوفي أنتِ رايحة فين يا بدر. بدر عينيها دمعت وقالت له: أنت ليه بتعاملني كدة. يزن ببرود: بعاملك إزاي يعني. بدر: بتجاهل وبرود. يزن ببرود: والله بقى ده اللي عندي إذا كان عاجب. بدر ببراءة: يعني مش هنتصالح؟ يزن: احم... لا. بدر: طب أنا زعلانة منك ومش هكلمك تاني. وكانت بتدمع.

ولسه هتقوم يزن شدها من إيدها من غير ما يبصلها وقعدها جنبه. بدر: يانعم؟ يزن: ينفع اللي عملتيه ده؟ بدر: لا. يزن: يبقى متتكررش تاني. بدر بتذمر: طيببب... وقالت وهي بتدوس على كل حرف بدرسها: أنا اسسسفففة. يزن ضحك عليها وضَمّها من ودنها وخدها في حضنه وباس خدها وقال بحب: حبيبة بابا المطيعة. بدر اتكسفت منه. يزن لف دراعه حوالين رقبتها وقال لها بجوع: بقولك إيه مش أنتِ عايزة تصالحيني. بدر: لا منا خلاص صالحتك.

يزن: لا يا ماما ده جزء من الصلح... لكن أنا خواجة لسة زعلان. بدر: طب وإيه اللي يرضيك؟ يزن: نفسي في كيكة من إيدك ويكون عليها شوكولاتة. بدر بحماس: احللللف. يزن: وحياة أبوكي. بدر بانشكاح: دنت جيت في ملعبي يا معلم. ولسه هتقوم. يزن مسكها من إيدها وباس خدها تاني وقال بحنية: متزعليش. بدر: مش زعلانة يا عم النحنوح.. وبعدين إيه اللي أنت عملته ده؟ قالتها بزعيق. يزن بحدة: في حاجة.

بدر بتوتر وبسمة: ها لا أبدًا يباشا أنت اعمل اللي أنت عايزه. يزن بتكبر مصطنع: آه بحسب. يلا بقى روحي اعملي الكيكة. بدر: طيب. وفعلًا راحت عملت الكيكة وقطعتها وغرفتها في أطباق. وخرجت له لقتوه بيجهز الصالة لفيلم. بدر بحماس: والعة يا معلممم. وراحت بسرعة معاه تساعده فحطت الصينية اللي فيها الأطباق على التربيزة. وفرحت معاه الكنبة. وراحت جابت التسالي من المطبخ وعملت عصير. يزن باستغراب: إيدا جبتي التسالي دي منين انتي خرجتي.

بدر: لا... كانوا متبقيين من المرة اللي فاتت. يزن: لا موفرة يا بت. بدر: طب يلا بقى روح هات اللحاف والخداديتين. على ما أجيب فيلم. يزن: طيب. وراح جاب اللحاف وقعدوا وعملوا سهرة حلوة واتفرجوا على فيلم scream. وطبعًا بدر في نص الفيلم نامت. ويزن خدها في حضنه ونام هو كمان بعد ما طفى التليفزيون. وعدى اليوم على الكل في سلام. تاني يوم الصبح بدري. حصل نفس اللي حصل المرة اللي فاتت.

بدر جت تتحرك لقت حاجة مقيداها فتحت عينيها لقت يزن في وشها. راحت صوتت في وشه وزقته على الأرض جامد. يزن وهو ماسك ضهره يوجعه: آآآه. منك لله يا شيخة على اللي بتعمليه فيا كل مرة ده. بدر: أحسن تستاهل عشان أنت مبتحرمش. يزن: مبحرمش إيه يا عبيطة انتي هو أنا جايبك من الشارع.. انتي مراتي. بدر: بلا مراتك بلا زفت... اللي حصل ده لو اتكرر تاني صدقني هدبحك. أنت امبارح بوستني مرتين في خدي وأنا معارضتش. لكن تحضني وأنا نايمة.

لااااااا دنا أكسر عضمك. يزن: يا ماما يعني هو الكلام بيوصلك بالمشقلب طب ولا إيه عشان أبقى عارف بس... والله بيقولوا جوزك. بدر: غور يلا شوف أنت رايح فين. يزن: أغور. بدر: آه. يزن: أنا داخل عشان بجد مش عارف هعرف أتحكم في نفسي إزاي... أنا لو سبتني عليكي مش هحلك وربي. بدر: اسكت وأنت أصلاً بـ... عند نور. كانت نايمة لقت سراج داخل عليها. سراج وهو بيصحيها: نوري حبيبي. نور بنوم: امم يا بابا.

سراج: اصحي كدة وفوقي عشان عايزك في موضوع مهم قبل ما تروحي الجامعة. نور اتعدلت وقالت وهي بتفرك عينيها: خير اللهم اجعله خير يا بابا في أي. سراج: متقدملك عريس. نور: من غير مقدمات كدة. بتدي الصدمة لحمار. سراج: اسكتي يا بت المهم. نور وهي منتبهة: آه المهم. سراج: مين بقى العريس ده. نور بحماس: مين؟ سراج: إياد. نور رمشت كذا مرة ورا بعض. وحطت صباعها في ودنها تفركها وقالت: معلش يا بابا قول كدة تاني مين اللي متقدملي. سراج: إياد.

نور فضلت تضحك: ههههههههههه لا والله ههههه لا متقولش.... ههههههه إياد اللي هو ههههه لا متتهزرش. سراج: أيوه هو في إيه بقى. نور بطلت ضحك فجأة وقالت: يا بابا ده أنا وهو مش بنطيق نبص في خلقة بعض. سراج: يا حبيبتي ما على رأي المثل القط ميحبش إلا خناقة. نور: طب دي تبقى معقولة لو في تفاهم بنسبة واحد في المية حتى. أما أنا وإياد بقولك مش بنطيق نبص في وش بعض. سراج: يعني مش هتوافقي. نور.