رواية قسوة الحياة الفصل الحادي والثلاثون 31 - بقلم ريتاج محمد

سمر مشت وتميم مسك عدي بغيظ وقال: بقى بتغيظني وتحضنها؟ عدي ببرود وتناكة: إلا انت مالك يا جدع؟ بنت عمتي وأنا حر. تميم ضيق عينه كده وقال وهو شوية وهينفجر: بنت عمتك ها.. انت إيه يلا البرود ده؟ عدي ببرود لعب حواجبه. تميم: أنا خارج يا عم. عدي بسرعة: لا لا استنى. تميم: ها؟ عدي بجدية: أتت تعرف سمر منين؟ تميم: فاكر يلا الطالبة اللي عندي اللي قولتلك إني معجب بيها. عدي بتنيحة: لا متقولش سمر... تميم هز راسه بـ آه. عدي:

ياتي بطة ياتي حوة. ... ومرة واحدة بصوت تخين: ولااااا سمر دي تنساها ها تنساها عشان ملعبش في وشك البخت. تميم: ليه يعني؟ أنا معجب بيها. عدي: إيه البجاحة دي يلا بأمانة؟ إيه البجاحة دي؟ تميم: والله يبني ما بجاحة ولا حاجة بس بجد بجد والله أنا معجب بيها. عدي وهو بيزقه: طب أقولك حاجة؟ غور يااض من هنا روح اطلبها من أبوها عندك هناك اهو. وزقه جامد. تميم خبط في خالد من زقة عدي. تميم باحراج: احمم أنا آسف يا عمي مقصدش. خالد:

عادي يبني ولا يهمك. تميم فضل واقف قدامه كده كام دقيقة وهو بيلعب في إيده. خالد برفعة حاجب: في حاجة يبني؟ تميم بتوتر: ها؟ خالد: في حاجة؟ تميم: احمم يعني هو أنا يعني كنت طالب إيد سمر منك يا عمي. خالد بترقب: ونت شفت سمر فين؟ تميم: احمم منا الدكتور بتاعها في الكلية. خالد وهو بيحك إيده في دقنه: اممم... بص يبني دا ولا وقته ولا مكانه ولا زمانه. فاسف يبني. تميم: آسف على إيه؟ خالد: سمر لسه صغيرة. تميم: يا عمي بس أنا معجب بسمر.

خالد: منا مقدر ده بس للأسف طلبك مرفوض يبني. تميم بحزن مشي. عدي بضحك: رفضك يا بطة. تميم بغيظ: دانت لما بترشق عينك فيها بتخفيها. أنا ماشي يلا. وخرج بره. وعدي طلع وراه: استنى يلا انت سلمت على شادي؟ تميم: آه. وراح الباركينج ملقاش عربيته. تميم: آه مهو ده اللي كان ناقص. عدي: إيه في إيه؟ تميم: العربية مش موجودة. عدي: ممكن أختك خدتها. تميم: مبتعرفش تسوق... طب استنى كده. وطلع موبايله اتصل على جوري. *** عند جوري وسيدرا.

سيدرا وهي سايقة: عارفة انتي الوحيدة اللي بتعرفي تطلعيني من المود. جوري: إيه العتيبي ده؟ أنا لسه عارفاكي من أسبوعين. سيدرا بحزن: عارفة معرفتك في الأسبوعين دول أحسن من معرفة ناس لسنين وشهور. جوري: ط... ترن ترن ترن. طلعت موبايلها وحطت إيدها على بقها. سيدرا: إيه في إيه؟ جوري: تميم. سيدرا: طب ردي. جوري فتحت الخط. تميم: آلو. جوري: إيه يا تميم؟ تميم: فين العربية؟ جوري بكذب: عربية إيه؟ تميم: جوري متصيعيش العربية فين؟ سيدرا:

احمم ازيك يا تميم؟ تميم: الحمد لله. جوري: العربية فين؟ سيدرا: بص يا أستاذ تميم إحنا عشر دقايق بالظبط وهنكون عندك. تميم: تمام. جوري قفلت بسرعة. جوري: هووووف الحمد لله. بت إحنا قدامنا قد إيه؟ سيدرا: خلاص أهو قربنا. أخوكي أهو. جوري: شكله ميبشرش بالخير بتاتا. جوري بتدقيق: الحقوا مين اللي معاه عدي؟ سيدرا بتوتر: طب إيه بصي بصي أنا كأني صحبتك مش عايزاه يعرف إني ساكنة معاكوا تمام. جوري: تمام. *** عند هنا وهي جوة.

قاعدة مع هناء. هناء بتوتر وهمس: بت يا هنا. هنا بزهق: أمه. هناء: هو أنا شكلي حلو؟ هنا: يابنتي قسماً بالله قمر قمر. أنا قرفت كل خمس دقايق هنا أنا شكلي حلو هنا أنا شكلي حلو. إيه؟ اهدي كدة. هناء: طب اسكتي. طبجة شاب عليهم عشان يسلم على شادي. هنا شافته وقالت بهمس: حاسة إني عارفة الواد السمج ده. اممم سراج. هناء: سراج مين؟ هنا: ...