رواية كسرة وضمة وسكون بقلم رحاب ابراهيم | كاملة

دخلت شهد وهي تزفر بضيق وغيظ إلى تلك الشقة الصغيرة بالطابق الثاني من مبنى آيل للسقوط بمنطقة تابعة للعشوائيات. دفعت الكتب الدراسية من يدها بعصبية وجلست على الأريكة القديمة البالية. رمقتها شقيقتها التوأم رقة وسألته بقلق: _ مال وشك مقلوب كده؟ نظرت لها شهد وأجابت بغيظ شديد: _ جالي عريس. اغتاظت منها رقة وقالت: _ حرام عليكي خضتيني! أنا بحسب في مصيبة من مصايبك حصلت! ضيقت شهد عينيها بعصبية وصاحت: _ ولما كل شوية يتقدملي واحد أنيل من اللي قبله ده مش يخض؟! أنتي عارفة مين اللي اتقدملي؟ الأستاذ المحترم الديلر بتاع المنطقة الزفت اللي احنا ساكنين فيها دي. قولتلك يا رقة مليون مرة تعالي نمشي من هنا وننفد بجلدنا من العصابة اللي أحنا عايشين في وسطهم دول. ابتلعت رقة ريقها بمرارة وقالت: _ وهنروح فين بس! الشقة دي كل اللي حليتنا، لا عارفين نبيعها ولا حد راضي ياخدها إيجار حتى، ومالناش أي دخل نصرف بيه على نفسنا لو مشينا....