رواية كسرة روح جميلة الفصل الرابع 4 - بقلم مصطفى جابر

جميلة مينفعش اللي بتعمليه ده. انتي وافقتي من البداية أني اتجوز عليكي وأنك تكملي معايا متتطلقيش. جميلة ببرود: ورجعت في كلامي علشان انت أناني. متستهلش أي لحظة ضيعتها معاك، واكيد ربنا هيعوضني. سابته وخرجت وهو واقف مصدوم من كلامها. عماد بهدوء: حتى لو هي سابتك وهتطلق، أنا بردو مش موافق على زواجك من بنتي. اتفضل مع السلامة. حسام نزل بحزن: هو أنا لي زعلان؟ ماهو حقها. أنا بحب رحمة. لي حاسس أن روحي مكسورة؟

صوت من وراه: انت بقيت تمشي تكلم نفسك ولا إيه؟ بص لها بلهفة: جميلة انتي رجعتي عشاني. جميلة بهدوء: انت مبقتش تسوى حاجة بالنسبالي علشان أرجعلك. تعالي وصلني في سكتك علشان مش لاقية مواصلات، وبالمرة أقولك أني مش زعلانة وبدعيلك بالسعادة مع رحمة. بس أمانة عليك تخليها تخلف، متحرمهاش من اللي حرمتني منه. حسام حس الدنيا بتلف بيه. وقع مكانه. جميلة بخضة: الحقوني! حساااام قووم، جرا لك إيه؟ حد يلحقني حسام.

الناس اتلمت وخدته على أقرب مستشفى وهي معاه. بعد شوية في المستشفى. الدكتور بهدوء: هو جاله انهيار عصبي وصدمة مقدرش يستحملها وأغمي عليه. جميلة باستغراب: من إيه ده؟ الدكتور بضحك: أكيد مش أنا اللي عارف يعني. الإجابة عند حضرتك يا مدام. أهم حاجة يرتاح وميتعرضش لأي ضغوطات. جميلة بهدوء: تمام، شكراً لحضرتك يا دكتور. تعبتك معانا.

الدكتور بابتسامة: تعبك راحة يا مدام. أنا بس كنت محتاج رقمك عشان أبقى أطمنك عنه يعني، علشان لو مشيتي وسبتيه وعايزة تطمني عليه تقدري تكلميني. جميلة بجمود: لا شكراً. عن إذنك. جميلة خدت نفسها ودخلت لحسام وقعدت جنبه: معقول مقدرتش تتحمل رفض أبوها ليك ووقعت للدرجة دي؟ بتحبها. ياريتك حبتني ربع حبها. حسام فتح عينه بتعب: مش عاوزها. أنا عاوزاك انتي. متمشيش يا جميلة. أنا آسف، عشان خاطري ما تمشيش.

جميلة بهدوء: اهدي يا حسام. أنا لازم أبعد. كدا هكون مرتاحة وانت هتقدر تعيش مع عروستك اللي بتحبها. حسام بحزن: لا، أنا بحبك انتي مش هي. أنا افتكرت ذكرياتنا سوا زمان وحنيت، ومشفتش حاجة غير حنيتك عليا. أنا آسف. وحياة أغلى حاجة عندك ما تبعديش عني. جميلة بهدوء: مش عارفة يا حسام. مش هقدر أكمل وانت قهرتني وكسرت قلبي. حسام بلهفة: والله هعوضك. أنا مخونتكيش. أنا كنت هتجوز بس. جميلة بضحك: انت عبيط؟ إيه ما خونتكيش دي؟

الخيانة ليها أنواع. وانت خونت قلبي وكسرته. حسام بحزن: هعوضك وهسيبك ترتاحي والله. بس مترفعيش قضية الخلع دي. وأنا أوعدك إني هتغير. جميلة بهدوء: ماشي يا حسام. هديك فرصة أخيرة. ولو زعلتني هتطلقني بمزاجك أو غصب عنك. حسام بلهفة: موافق. نبدأ صفحة جديدة. واتنازلي عن القضية. جميلة بهدوء: ماشي. أما نشوف آخرتها. جميلة لنفسها: أنا عارفة إن ده غلط، بس مفيش إنسان مبغلطش. وأنا لسه بحبه. والمسامح كريم. مينفعش أخرب بيتي بإيدي.

بعد مرور أسبوع. حسام مبيردش على رحمة اللي هتتجنن. وعايش في هدوء مع جميلة. في يوم. حسام بغيظ: أنا مش فاهم يعني إيه بنت خالتك راحتلك انتي وأمك وقعدتوا معاكم هناك؟ أمك ليه مسيبتهوش وجيتي؟ جميلة باستغراب: مالك يا حسام؟ ده عيل صغير في ثانوية يا حبيبي. مش كدا. حسام بغضب: والله لو إيه. ما هو شنبه في وشه أهو. أوعي تتكرر تاني. جميلة بضحك: حاضر يا حبيبي. متزعلش نفسك. هقوم أعمل الغداء.

حسام بحنان: لا، أنا عاملك مفاجأة. أنا طبخت النهاردة وهأكلك أحلى أكل. ارتاحي انتي وهجيب لك الأكل لحد عندك وهأكلك بإيدي كمان. جميلة بضحك: ياسلام على الدلع يا خويا. الله يرحم. مكنتش بتقوم تسقي نفسك حتى. حسام بحنان: مش اتفقنا ننسى الماضي ونركز في الجاي يا جمليتي. الباب خبط. أحمد بابتسامة: خليكي انتي. هروح أنا أفتح. راح فتح الباب. أحمد بصدمة: انتي بتعملي إيه هنا؟ رحمة بغضب: أقدر أفهم البيه متجاهلني لي بقا إن شاء الله.

حسام بهدوء: أبوكي قال كلمته. وأنا نفذتها. عاوزة إيه تاني؟ رحمة بغضب: انت زي ما تكون مستني إنه يقولك كدا عشان تسيبني. هو ده الحب اللي أنا حبيتهولك يا حسام. حسام بهدوء: ده مكنش حب يا رحمة. الحب اللي بجد هو اللي مع جميلة. وبصراحة اكتشفت إني بحب مراتي وعاوزها ومش هقدر أستغنى عنها. رحمة بزعيق: وجاي تكتشف ده دلوقتي يا حسام بعد أما كنا خلاص هنتجوز؟ هي سحرتلك ولا إيه؟ حسام ببرود: آه سحرت لي بعنيها وحبها.

رحمة بغل: ده الحمد لله إنها سابتك وخلعتك. أبقى تف على وشي لو رجعتلك تاني. جميلة من ورا حسام: إيه اللي جاب الحرباية دي هنا يا حسام؟ رحمة بصدمة: ج جميلة؟ انتي بتعملي إيه هنا؟ مش انتي خلعتيه! رجعتيله تاني ليه؟ عاوزة إيه منه. جميلة بهدوء: وانتي مالك؟ أنا وجوزي بنحب بعض. وشيطان ودخل بينا. والصراحة كده عايزينك تبعدي عنا بقا. شوفي لك واحد شبهك. رحمة بغل: واحد شبهي يا خطافة الرجالة! بتاخديه مني.

جميلة بسخرية: خطافة رجالة إيه ده جوزي. هو انتي بتجيبي صفاتك القذرة دي فيا لي يا رحومة؟ يلا من غير مطرود برا عشان أنا وهو عاوزين نقعد على رواقة. رحمة بزعيق: مش همشييي. أنا بحبك يا حسام وانت بتحبني. هي أكيد عاملة ليك عمل عشان تاخدك مني. أنا رحمة. فاكرني. حسام بقرف: فاكرك. وفوقت من اللي كنت فيه يا رحمة. ويا ريت متجيش هنا تاني عشان مهزقكيش. رحمة بكره: بقا كدا تمام أوي. والله العظيم هتندموا وهتشوفوا أنا هعمل إيه.

حسام قفل في وشها الباب وهيا لسه بتزعق. جميلة بصت لحسام بحزن وراحت قعدت. حسام راح وراها بهدوء: ممكن أعرف زعلتي لي يا حبيبتي. جميلة بهدوء: انت هتحن تاني ليها زي ما حنيت أول مرة؟ وزي ما كنت بتعمل هتفضل تكرر الغلط تاني. حسام بندم: والله أبداً. أنا اتعلمت وعرفت قيمتك. بلاش تخليها توقع بينا. أنا بعمل كل اللي أقدر عليه عشان تفضلي معايا ومتبعديش. وبعدين ده أنا طردتها قدامك أهو ومسحتلك بكرامتها الأرض.

جميلة بابتسامة: ماشي. ها عامل لينا أكل إيه بقا يا حبيبي. حسام بابتسامة: كل الأكل اللي بتحبيه. تعالي يلا. عند رحمة. نزلت لاقت جمال مستنيها في العربية. رحمة وشها أحمر من الغضب. جمال باستغراب: إيه يا رورو؟ نازلة قالبه وشك كده ليه؟ رحمة بزعيق: متتكلمش معايا نص كلمة عشان أنا مش طايقة نفسي. جمال بهدوء: مالك طيب؟ هو قالك حاجة زعلتك؟ ولا تكونش مراته طردتك.

رحمة بغضب: هو اللي طردني بنفسه وقفل في وشي. قال إيه رجعوا لبعض. وانه خلاص مش طايق يشوف وشي. أموت وأعرف عملتله إيه بنت الكلب دي. جمال بصدمة: يعني إيه خلاص كدا؟ المزة طارت؟ قصدي المصلحة طارت. رحمة بغل: لا مطارتش. أنا هفضحه وهخليه يجيلي راكع. والبت دي والله لشوهها. جمال ببرود: انتي آخرك بوق وخلاص يا رحمة. انتي لا قدها ولا تقدري على حاجة.

رحمة بغضب أعمى: طب والله لتشوف بعينك. أما شوهتها وخلّيته يكره يبص في وشها ويرميها زي ما رماني. مبقاش رحمة. جمال بسخرية: ياختي بطة! تشوهيها وهي هتسكت لك يعني؟ يلا انزلي من العربية عشان أشوف المصالح اللي ورايا. رحمة بغيظ: مصالح إيه؟ اتزفت وصلني البيت. جمال ببرود: والناس لو شافوكي معايا هيقولوا بتعملي إيه مع طليقها. رحمة بغضب: يولعوا بجاز. اتزفت وصلنيييي. جمال بهدوء: طيب. انتي حرة يا رورو. بليل. جميلة كانت عند أمها.

جميلة بحنان: عاملة إيه يا ست الكل دلوقتي. أمها بابتسامة: بخير يا حبيبتي. عاملة إيه مع جوزك اليومين دول؟ مش ناويين تجيبوا لنا حتة عيل بقا. جميلة بابتسامة: قولي يارب. وهنملى لك البيت ده عيال كتير. تفضلي كل شوية تجري وراهم. أمها بابتسامة: ده يوم المنى يا ضنايا. روحي يلا بيتك. ولا حسام هييجي ياخدك. جميلة بهدوء: هو جاي. هيخلص شغل كده وييجي. إيه زهقتي مني يا ست الكل. أمها بابتسامة: لا طبعاً. ده انتي اللي ليا.

ضحكوا بحنان. شوية وحسام جه سلم على أم جميلة وركبوا ومشوا. وكان في عربية نقل وراهم. حسام بحنان: إيه يا جوجو؟ شايفك مبسوطة أوي. جميلة بهدوء: عادي يعني. أصلك بقيت بتهتم بيا زيادة. تفتكر أنا لو جرا لي حاجة هتفضل تحبني. حسام بخضة: انتي مجنونة! متقوليش كده تاني عشان والله هزعل منك. جميلة ببراءة: خلاص متزعليش يا حبيبي. حسام بابتسامة: إيه ده؟ بتاع الآيس كريم أهو اللي بتحبيه. هنزل أجيب لينا اتنين. إيه رأيك؟

جميلة بابتسامة: ماشي. وهات لي آيس كوفي. حسام بهدوء: بس كده. عنيا. ركن العربية ونزل راح المحل. وهو ماشي سمع صوت خبطة قوية. بص وراه لاقى عربية نقل خبطت العربية بتاعته وقلبتها. حسام بصدمة وصريخ: جميللللةةةةةةةةةة. العربية طلعت تجري. وحسام هيقرب من العربية انفجرت. حسام وقف بدموع وصريخ: لا. لا. جميلة. جميلة. كان هينط في النار وراها. الناس مسكته بالعافية وهو عمال يصرخ باسمها لحد أما أغمى عليه. بعد شوية. في المستشفى.

صحى بزعر: جميلة روحتي فين. الدكتور بحزن: اهدأ يا فندم عشان صحتك. حسام قام بضعف: مراتي فين؟ هي كويسة صح؟ راحت فين. الممرضة بحزن: للأسف محدش لحقها. ادعي لها بالرحمة. حسام مسكها من رقبتها: مين دي اللي أدعي لها؟ مراتي كويسة. هي محصلش لها حاجة. أنا متأكد. الدكتور مسكه وبعده عنها: انت اتجننت؟ بتخنقها كده ليه. حسام بدموع: فين جميلة؟ ودوها فين؟ هي بتكدب وبتقولي إنها ماتت.

الدكتور: اهدأ واستغفر ربنا. ده نصيبها يا فندم. البوليس هناك دلوقتي وبيحقق في القضية عشان يجيب اللي عمل كده. حسام بدموع: يعني راحت مني؟ أول لما أفوق لها تروح من إيدي. هي زعلانة صح؟ طب أنا عاوز أشوف جثمانها. أرجوك. الدكتور بهدوء: مظنش حضرتك هتقدر تستحمل منظرها. لأنه بجد صعب أوي. ولو مصمم امسك أعصابك وتعالى شوفها. هي في المشرحة. حسام قعد بدموع: أقول لأمها إيه؟ أقول ليها إيهيي؟ طب أعمل إيه يارب؟ ااه مش قادر. صبرني يارب.

عند أم جميلة. صحيت بخضة: بنتي جميلة. بسم الله الرحمن الرحيم. يارب أسترها عليها يارب. أنا لازم أرن أطمن عليها. بترن تليفونها مقفول. أم جميلة بقلق: هي قافلاه لي؟ ألف مرة أقولها تسيبه مفتوح. وهي اللي في دماغها في دماغها بردو. مش عارفة مبتتعلمش لي دي. اتصلت بـ حسام مش بيرد. أم جميلة بهدوء: أكيد نايمين. الصبح هروح أطمن عليهم. آه يارب. عشمي فيك كبير أوي. أسترها على البت اللي حيلتي. بعد شوية. في المستشفى.

دخلت لاقت حسام نايم. ابتسمت بخبث. رحمة بخبث: أخيرا مراتك غارت في داهية. كان نفسي أموتها على إيدي وتحس بقيمتي. قربت منه وقعدت جنبه: عارف يا حبيبي؟ أنا كان نفسي أخلص منها من زمان. بس معرفتش خالص. أو مكنش عندي الجرأة أعمل كده. بس انت اللي قوتني ووفرت عليا كل المجهود. حسام فتح عينه: انتي بتعملي إيه هنا؟ مش قولت مش عاوز أشوف وشك تاني. رحمة بدلع: انت لسه هتكمل تمثيل؟

مهي خلاص ماتت. والسواق بتاع النقل اللي انت أمرته إنه يخلص عليها عمل مهمته على أكمل وجه. حسام بخبث: بس إيه رأيك إنفع ممثل شاطر مش كدا.