رواية قصتي انا الفصل العاشر 10 - بقلم هي جنتة

مني:عمر يلا بقي احنا اتأخرنا زمان منار قلقانه علينا. عمر:يلا انا خلصت اهو. اسبقيني على العربيه وانا هحصلك. ياااااااه يامنار مش عارف قلبي متعلق بيكي كدا ليه يااااااااااااااااااااااارب. عيني ياكريم. مني:عارف ياعمر كتير بحس ان منار دي اختي من لحمي ومن دمي. وبنظرة خبث مش كدا بردو ياعمر. عمر:عمااار انت فين. مني:عمر..ايه في ايه بتزعقي كدا ليه. مني:بزعق ليه عماله اتكلم وانت مش هنا خالص.

بقولك بحس ان منار اختنا ومن دمنا ولحمنا. مش انت بتحس بكدا بردو انها اختك. عمر:اختي. اختي منين. منار مش اختي ولا عمرها هتبقي اختي. مني:ليه بقي مش انت بتحبها زي ما انتي بتحبني كدا. عمر بص لمني بضيق وزهق وقال:مني بطلي رغي واسكتي خالص مش عايز اسمع حسك. بعد ما وصلوا للفندق. مني:عمر هطلع اطمن علي منار اصلها وحشتني اوي واجيبها علشان نطلع نتعشي مع بعض. مني طلعت خبطت على منار. طلعت واحده متعرفهاش. سألتها على منار.

قالتلها انها اجرت الغرفه النهارده ومكانش فيها حد. نزلت لعمر اللي مستني في الاستقبال. مني:عمر الحقني منار مش موجوده في غرفتها. وكمان الغرفه متأجرة لواحده تانيه. عمر بصدمة:امال راحت فين تعالي نسأل في الاستقبال. لوسمحتي ممكن اسأل على منار عبدالله. راحت فين. البنت:منار عبدالله سافرت مصر انبارح بالليل. طيارتها كانت الساعة7 م. عمر بعصبية:ازاي تسافر من غير متقولنا. ازاي. مني وهي بتبكي وحضنت عمر:يعني مش هشوفها تاني.

ومشت من غير ما تسلم عليا. انا مش مصدقه. عمر قلبي بيوجعني اوي. فتاة الاستقبال:استاذ عمر الانسه منار سابت رسالة لحضرتك اتفضل. عمر:ماشي هاتيها. ايه دا دي رسالتين. واحده مكتوب عليها الأستاذ عمر والتانية مني حبيبتي. مني خطفت الرسالة. عمر بيقرأ الرسالة: (السلام عليكم ورحمة الله وبركاته. استاذ عمر جزاك الله خير الجزاء على اللي عملته معايا. ولن أنسى معروفك أبداً. وأشهد الله أني أحترمك كثيراً. وحسيت اني في وسط أهلي.

ومحسيتش بغربة وأنا معاكم. ولك مني كل الشكر والتقدير لأنك عاملتني زي اختك. مني. ودا رقم تليفون اخويا محمد. لما تنزل رن عليه. هيكون مجهز لك كل المال اللي صرفته عليا. والسلام عليكم ورحمة الله وبركاته.) عمر قرأ الرسالة وقلبه بيتقطع وهو في قمة غضبه. طبق الورقة وكرمشها. مني ماسكة الرسالة وبتبكي: (السلام عليكم ورحمة الله وبركاته. حبيبة قلبي مني. أشهد الله أني أحبك في الله.

ولأول مرة يبقي ليا أخت أو صديقة أو واحدة أتكلم معاها وأشكيلها. حبيبتي ارجوكي اوعي تنسيني. وأول لما تنزلي مصر تعالي تزوريني. حبيبتي متزعليش مني علشان مسلمتش عليكي. أصلي مش بحب لحظات الوداع دي. ودا رقمي في مصر. ابقي استودعك الله ياقلبي.) عمر للبنت بعصبية:ازاي متقوليليش انها هتسافر. لازم أعملكو مشكلة النهارده. البنت:استاذ عمر هي اللي طلبت مني كدا. وكمان استاذ رامي هو اللي وصلها. قلت هو قال لحضرتك.

عمر بصدمة:رامي يعرف وكمان هو اللي وصلها. يبقي هيتجوزوا. أحسن خليها تغور في داهية. مني:عمر ايه الكلام اللي بتقوله دا. عمر انت مالك عصبي كدا ليه. اهدي طيب. عمر:سبيني انا طالع غرفتي ومحدش يكلمني ولا حد يخبط عليا. دخل الغرفة منهار. كسر كل اللي في الغرفة. وبكي بحرقة. بكى بكل جوارحه. حس بسكينة في قلبه. قلبه اللي عمره ما دق لأي بنت. وقال خلاص عمري ما أحب تاني أبداً. عمري ما سلم قلبي لواحدة تلعب بيه. خلاص أنا خدت قراري. مني

طلعت غرفتها وبتكلم نفسها:هو في ايه ياتري ياعمر مالك. حاسة بحاجة مش طبيعية. وهو ليه محموق على منار كدا. لا دا أنا هروح أشوفه. عمر طلع تليفونه ورن على سوزي:الو سوزي. جهزى نفسك فرحنا بعد اسبوع. لا مفيش حاجة. عندك اعتراض. مش عايزة نلغيه خالص. خلاص يبقي بعد اسبوع. رتبي نفسك على كدا. سلام. مني:عمر انت عملت ايه. ليه كدا تربط حياتك بحياة واحدة انت مش عايزها. ليه في ايه ياعمر احكيلي. طب بتبكي ليه تعالي.

(أخذته في حضنها وهو بيبكي زي الطفل الصغير) طيب ابكي لو كان دا هيريحك. عمر انت بتحبها دا كله. طب مقولتلهاش ليه. أنا كان نفسي أقولك عليها بس كنت خايفة لتكون معترضة على نقابها. عمر:كان أحلى حاجة فيها نقابها وتمسكها بيه وبدينها. في زمن كتر فيه الفتن. كنت بتمناها وكنت حاسس إنها بتحبني. دا كان إحساس جوايا وكنت فرحان بيه. ولما عرفت ان رامي هيتقدم لها وهي مش معترضة عرفت انها مش بتحبني. لو بتحبني كانت رفضت فوراً.

في منزل منار. منار:محمد أنا عايزة أشتغل مش عايزة أقعد في البيت. محمد:تشتغلي. هو انتي ناقصك حاجة ياحبيبتي. منار:لا أبداً بس عايزة أطلع مش عايزة أبقى محبوسة. تعبت من القعدة ومن التفكير. محمد:طب هتشتغلي إيه. منار:محمد انت ناسي اني خريجة صيدلة. آه صحيح مهو أنا أخدت الشهادة وقعدت في البيت وانت نسيت. محمد:ههههه صحيح والله ناسي. خلاص إيه رأيك تشتغلي مع الدكتور مدحت صاحبي في الصيدلية بتاعته. منار:وأنا موافقة.

محمد:خلاص هقوله النهارده. دا هيفرح خالص اني لقيتله حد يشتغل في الصيدلية ومش أي حد. دي الدكتورة منار بجلالة قدرها. منار:لا مش للدرجادي يامحمد. بدأت منار شغلها. كانت مبسوطة. يمكن الشغل ينسيها عمر وحبه. عمر ااااااااااه وحشتني قوي ياعمر. ياترى عامل إيه. ربنا يسعدك ويوفقك في حياتك. مني:عمر جهزت البدلة طب البسها قدامي علشان أشوفها عليك لو عايزة تظبيط ولا حاجة. عمر:مني مش لابس حاجة ومش عايز حاجة. سيبني في حالي واسكتي.

مني:عمر طب اتصل عليها ولا خليني أتصل عليها أتكلم معاها يمكن فاهمين غلط ونسمع منها. عمر:قلتلك ألف مرة مش هتكلميها. مني:خلاص الموضوع انتهى. ربنا يسعدها ويوفقها هي اللي اختارت. مني:الفرح بكرة ياعمر فكر الله يرضى عنك قبل ما تغلط الغلطة دي. غلطتك هتندم عليها العمر كله. دا جواز مش لعب ياحبيبي. عمر:خلاص الموضوع منهي لو سمحتي قفلي ع الموضوع. الباب خبط. مني:طب هفتح الباب وبعدين نكمل كلامنا. فتحت لقت رامي قدامها.

رامي:السلام عليكم ورحمة الله وبركاته. مني:وعليكم السلام اتفضل يارامي تعالي. عمر بعصبية:ايه اللي جابك هنا. امشي اطلع برا مش عايز أشوف وشك تاني. رامي:جاي أسلم عليك عشان مسافر النهارده. مني:اكيد مسافر مصر. رامي:مصر. لا مش مسافر مصر وهسافر مصر ليه أصلاً. مني:امال هتسافر فين. رامي:هرجع تاني أمريكا. خلاص خلصت شغلي هنا ومليش حد أقعد عشانه. حتى صاحبي الوحيد مش طايقني. مني:أمريكا ليه مش انت هتتجوز منار. رامي:منار هاااااااا.

منار رفضتني يامني. عمر بفرحة مدارية:رفضتك. رفضتك بجد طب ليه. رامي:انت مش عارف ليه. علشانك ياستاذ عمر. عمر وهو بيقف:علشاني يعني إيه علشاني. رامي:قدمت لها قلبي وحياتي. رفضتني وكسرتني. ولما عرفت انك هتتجوز قلبها انكسر. قررت ترجع مصر علشان تبعد عنك وتلملم قلبها وتداوي جروحها. ونبهت عليا مقولش ليك إنها بتحبك. عمر ضرب رامي بالبوكس في وشه. وقع منه رامي على الأرض وبقه جاب دم. عمر:انت حيوان وانت مقلتليش ليه إنها رفضتك وإنها.

رامي:أقولك إيه وانت خاطب. وكمان قلت قدامها وقدامنا كلنا إنك هتتجوز سوزي. أقول إيه بعد اللي قلته. عمر وهو بيتطط:مني مني منار بتحبني أنا. فرحان فرحان قوي. أنا هتصل على أخوها وهقوله على كل حاجة وهخطبها. أمسك تليفونه ضرب الأرقام اللي منار كتبتها في الرسالة. عند محمد كان قاعد بيقرأ قرآن بعد صلاة العصر. لقي تليفونه بيرن. رقم عمر. محمد:وعليكم السلام ورحمة الله وبركاته. عمر. محمد:ايو مين حضرتك. عمر. محمد:ايو أهلاً بحضرتك.

منار حكتلي عن حضرتك وحكتلي على كل حاجة وفلوسك موجودة. ايوا اتفضل ها. ها. ها. (وهو بيبتسم ابتسامة خبيثة) اه بس حضرتك جيت متأخر شوية. أصل قراية فتحتها على الدكتور اللي شغالة معاه في الصيدلية بعد يومين. إن شاء الله. والله لو كنت في مصر كنت عزمتك. واكيد حضرتك معزوم على الفرح. كفاية اللي حضرتك عملته معاها في الغربة. ماشي ياستاذ مع السلامه. ياترى إيه اللي هيحصل.