رواية قصيرة القامة طويلة اللسان الفصل السادس 6 - بقلم شيماء صبحي

في شقة الشباب كان خالد قاعد وبيقول بغضب: "أنا مش هسيبه غير لما آخد حقي! محمد: "إيه يا عم، متهدي. هو إيه اللي حصل لكل ده! خالد زفر بضيق: "أنا مبقتش طايقه ولا طايق حركاته دي. هو خلاص مبقاش هادي باشا اللي كان مشغلنا عنده خدامين؟ ده بقى زينا زيه، ليه بقى جو التناكة ده؟! سعيد:

"إيه الكلام ده يا خالد. هادي طول عمره صاحبنا، ولا عمره في مرة قال لواحد فينا إننا خدامين. وبعدين مش عشان هو مبقاش هادي باشا زي ما بتقول يبقى منستحملوش. ده ياما وقف جنبنا وكان بيصرف علينا، ولا نسيتوا؟ خالد بضيق: "بس برضه هو كده. علم عليا وأنا مش ههدي غير لما آخد حقي." محمد قرب من خالد وقال: "أنت كده ندل على فكرة. إحنا اللي بينا مش كام يوم دي عشرة. وبعدين أنت ياما عملت أكتر من كده وهو مكنش بيعمل معاك حاجة."

خالد بص لهم وسكت. وهما قالوا: "متخليش الأفكار اللي في دماغك دي تصور لك حاجة محصلتش يا خالد. هادي ده أخونا قبل ما يبقى صاحبنا. وعلى فكرة هو مش بيتنك علينا، هي دي شخصيته وطول عمره بيتعامل معانا كده وكان الموضوع عادي. اشمعنى بقى لما فلس بق مش حلو؟ خالد هدي وقال: "خلاص ماشي. لو شايفين إننا غلطانين! محمد وسعيد:

"أيوه غلطان ولازم تراضيه. إحنا منعرفش هو راح فين. وبعدين إحنا سيبنا الشغل ولسه الدنيا نور. وزمان قمر زعلانة منك عشان اللي حصل! خالد لما سمع اسم قمر بص له وقال: "وهي هتزعل ليه؟ هو أصلاً أنا معملتش حاجة، هو اللي بدأ! محمد: "لسه برضه مصمم على اللي في دماغك. كبر دماغك، أنت الكبير! خالد بص لهم وسكت. وهما دخلوا عشان يغيروا هدومهم اللي اتبهدلت وسابوا خالد قاعد مكانه بيفكر في كلامهم. وعند قمر. قمر واقفة جنب عبدالله وبتقول:

"هو إيه اللي حصل بالظبط وليه ضربوا بعض؟ عبدالله: "مش عارف الموضوع كبر على إيه، بس تقريباً خالد هو اللي غلطان. لأن هادي لما رجعتوا كان بيهزر مع الشباب، وتقريباً كده سمع خالد بيقول حاجة. أنا مش عارف برضه." قمر: "أما أنت واقف معاهم بتعمل إيه؟ وبعدين هو هادي راح فين هو كمان؟ هو ميعرفش حاجة هنا؟ عبدالله: "متقلقيش، هو هيلف له شوية ويرجع زي كل مرة." قمر هزت رأسها وطلعت وقالت له:

"اقفل الورشة وروح، وأنا هطلع عشان أرتاح. ولو حصل أي حاجة ابقى انده لي." ***

في نص الليل كان هادي قاعد في شارع ضلمة لحد ما فجأة سمع صوت همسات جاية من كل حتة حواليه. بدأ يدقق في أشكالهم فاتصدم إنهم ناس مش كويسة، ومنهم اللي بيشرب حاجات سامة، ومنهم اللي بيفعل المحرمات. وقف بصدمة وقرر إنه يمشي من المكان المقزز ده. وهو بيفكر يروح فين. هو في الحقيقة مش عايز يرجع المنطقة لأنه مش عايز يقابل خالد، لأنه مكنش متوقع منه إنه يكون شايل منه كده. ولكن بعد تفكير قرر يرجع تاني لأنه مش لاقي أي مكان تاني يروحه.

*** وفي شقة قمر كانت نايمة على سريرها وهي بتفكر في هادي وإنه لسه مرجعش لحد دلوقتي. فجأة سمعت صوت البوابة بتفتح. قامت بسرعة عشان تشوفه وسمعت خطوات طالعة على السلم. بصت من العين السحرية ولكنها اتفاجأت بوجود ناس كتير. اتصدمت لأنها أول مرة تشوف كمية الناس دي. جريت بسرعة على شباك أوضتها وبسرعة كانت خرجت من البيت. جريت بسرعة على بيت عبدالله وهي بتخبط وبتنادي عليه. وهو رد عليها بعد وقت. أول ما شافها اتصدم وسألها باستغراب:

"قمر، إنتِ بتعملي إيه هنا في وقت زي ده؟ قمر شدته من هدومه وقالت: "تعالى بسرعة، في ناس شكلها غريب طلعوا على شقة الشباب! عبدالله بصدمة: "بتقولي ناس شكلها غريب إزاي يعني؟ قمر: "أنا معرفش بس أنا شوفتهم من العين السحرية لما سمعت صوت خطوات. افتكرته هادي! عبدالله بتساؤل: "هو أنتِ من ساعتها منمتيش ومستنياه يرجع؟ قمر بصت له وقالت: "أكيد لا، بس هو ميعرفش حاجة هنا. وأكيد كنت صاحية لأني عارفة إنه أكيد هيجيب مصيبة وهو جاي!

عبدالله بص لها بشك. ولاكنها قاطعته: "يلا يا أخويا، إحنا لسه هنحكي! عبدالله: "طيب استني يا قمر أغير هدومي." قمر شدته من هدومه وقالت: "مفيش وقت، يلا لاحسن يكونوا حرامية وهيعملوا حاجة في الشباب! عبدالله هز رأسه وقفل الباب ونزلوا وهم بيجروا. وقبل ما يدخلوا البيت كان هادي وصل وبيسألهم بقلق: "بتجروا كده ليه؟ هو حد من الشباب جاله حاجة؟ قمر بخوف: "أتمنى بس أنا شفت ناس غريبة طالعين على فوق فروحت أنادي لعبدالله عشان يشوفهم."

عبدالله بص لهادي بخوف وقال: "هادي اطلع معانا نشوف مين دول." هادي هز رأسه وقال لقمر: "أنا هطلع أنا وعبدالله وإنتِ ادخلي شقتك عشان لو طلعوا فعلاً حرامية تكوني في أمان." قمر برفض: "لا، أنا هطلع معاكم. دول في أمانتي ولازم أطمن عليهم." هادي دخل ومردش عليها. وعبدالله دخل وراه ومسك في هدومه بخوف. وهيا قالت بسخرية: "يا حسرة على الرجالة." عبدالله بص لها بغيظ ولقى هادي واقف وبيقول:

"أنا سامع فعلاً صوت دوشة جاية من فوق. استنوا كدا، أنا هطلع أنا الأول! قمر بصت لعبدالله وهزت رأسها. وهادي طلع الأول وهو بيخبط على الباب. ودقائق وكان خالد اللي فتح الباب. هادي أول ما شافه قال بضيق: "وسع كدا." خالد بعد الباب وهادي دخل واتصدم من اللي شافه! قمر كانت واقفة جنب عبدالله وبتبص له وبتقول: "وأنا اللي قولت إني هتحامى فيك! عبدالله لف وشه وقال:

"أنا مش عارف بتجيبي الثقة دي منين كل مرة. على كده وأنتِ عارفة اللي فيها! قمر بغيظ: "المصيبة إني عارفة اللي فيها. يلا اطلع شوف إيه اللي بيحصل فوق، خلصني! عبدالله برفض: "لا، اطلعي أنتِ وأنا هطلع وراكي! قمر بصوت عالي: "بقولك اطلع، متخلنيش أتعصب عليك!!!! عبدالله جري على فوق أول ما سمع صوتها العالي. وهيا كانت متابعاه لحد ما لقيته واقف بيبص في الشقة وساكت. قمر بغيظ: "هو في إيه؟ هو ليه كل ما واحد يطلع يسكت ومينطقش!

عبدالله مردش عليها. فهي طلعت بغضب عشان تشوف إيه اللي بيحصل. وأول ما دخلت الشقة لقت راجل وست وجمبهم بنت يعتبر مش لابسة أصلاً. وجمبها واحدة نفس شكلها بس على أكبر. قالت بصدمة: "هو إيه اللي بيحصل هنا!! هادي انتبه ليها ووقف. وهيا دخلت وهي بتبص للناس دي وبتقول: "إنتوا مين وإيه اللي دخلكم بيتي في وقت زي ده!!! الناس دي بصوا لها باستغراب وبصوا لهادي وقالوا: "مين البنت دي يا هادي؟ هادي بص لهم بغضب وقال:

"دي قمر صاحبة البيت واللي إحنا كلنا شغالين عندها! الست والراجل ابتسموا وقالوا: "آنسة قمر إزيك حضرتك." قمر رفعت حاجبها باستغراب وقالت: "أهلاً وسهلاً. بس برضه إنتوا مين؟ الست قالت: "أنا صافي هانم والدة هادي، وده باباه أحمد الجارحي! قمر بصت على البنت اللي يعتبر لابسة قميص نوم وقالت: "وإنتوا مين؟ البنت بصوت ناعم: "أنا ساندي ودي مامي شاهي هانم! قمر بصوت هامس:

"هانم أه، وأنا برضه بقول هو جايب التناكة دي منين. دي شكل العيلة كلها كده." قمر بتساؤل: "أيوه مين برضه؟ صافي والدة هادي: "دي شاهي أختي وساندي بنتها! قمر بصت لعبدالله بتفكير ورجعت بصت لهادي وقالت: "تعالوا ورايا." الشباب هزوا رأسهم وخرجوا وراها. قمر بضيق: "وأهلك جايين يعملوا إيه هنا يا هادي؟ هادي بضيق: "إنتِ عارفة إن عيلتنا أفلست صح." قمر: "بيقولوا." هادي: "هما دول عيلتي اللي أفلست! قمر: "أيوه برضه. إيه اللي جابهم هنا؟

هادي: "هما جايين عشان يقعدوا معانا! قمر بصدمة: "يقعدوا فين؟ دي الشقة قد كده! محمد: "مهما حريم برضه، ومينفعش إنهم يقعدوا مع رجالة." قمر بغضب: "لا طبعاً. وبعدين أنا مش هقبل بكده. اتفضل مشيهم، أنا مش هقبل إنهم يقعدوا هنا!! هادي وافق وسابهم وطلع لفوق وهو بيقول: "إنتوا مش قولتو إنكم رايحين هولندا عند خالتو؟!! خالة هادي:

"هما فعلاً يا ابني جم عندنا، بس للأسف أكل عيش هرب وسابني أنا وساندي من غير ولا مليم، واتضرينا كلنا نرجع مصر. وإنت عارف إننا مفيش أي مكان نقعد فيه. فاتواصلنا مع خالد وهو قالنا على العنوان ده وعرفنا إنكم عايشين في شقة." هادي اتعصب لما سمع اسم خالد فقال: "طيب الحل إيه بقى؟

إحنا أصلاً كلنا كده عايشين في الشقة دي وأصلاً مش مكفيانا. والبنت اللي تحت دي إحنا شغالين عندها في الورشة وكمان هي صاحبة البيت. ولما خلتنا نسكن هنا كان بشرط إننا نشتغل عندها، وهي مش موافقة إنكم تقعدوا هنا!! والدة هادي بحزن: "إنت بتطردنا يا هادي! هادي: "أنا مش بطردكم، بس أنا معنديش حل. إنتِ ليكي أصحابك يا صافي هانم، شوفي أي واحدة تقعدوا عندها." صافي بحزن: "إنت فكرك إنهم لسه بيكلموني؟ خلاص يا حبيبي، كلهم بعدوا عني!

هادي زفر بضيق وقال: "اتصرفوا. أنا معنديش أي حل تاني. وأنا مقدرش أطلب منها حاجة زي دي." *** عند قمر. الشباب فضلوا يتكلموا معاها وأقنعوها إنها تخليهم في البيت وإنها تاخد الحريم وهما هياخدوا والد هادي يعيش معاهم. قمر بضيق: "بس كده كتير عليا. أنا طول عمري عايشة في الشقة لوحدي ومش متخيلة إن في يوم حد هيعيش معايا!! سعيد: "عشان خاطرنا يا قمر. هما فعلاً مالهمش مكان يروحوا فيه. وبعدين هادي مقدمش أي حاجة يساعدهم بيها!

قمر بصت لهم وقالت: "خلاص موافقة، بس لفترة مؤقتة لحد ما يلاقوا مكان." سعيد: "أكيد هما مش هيطولوا أصلاً لأن هما كدا كدا متربيين على القصر والفيلا، وأنا متأكد إنهم مش هيستحملوا يومين هنا! قمر اقتنعت وقالت: "خلاص موافقة، بس عندي شرط." سعيد: "إيه هو؟ قمر: "أنا هخليهم يقعدوا في أوضة أبويا وأمي الله يرحمهم، ومش عايزة أي اختلاط بيني وبينهم!! محمد: "متقلقيش، إحنا هنفهمهم وهننقلهم على شروطك!!

قمر هزت رأسها ودخلت شقتها. والشباب طلعوا لهادي وشرحوا له على كل حاجة. وقتها أهل هادي فرحوا. ولاكن أصحاب هادي قالوا على الشرط اللي قمر حطته وهما وافقوا!!! عبدالله دخل شقة قمر وهو بيسألها: "إنتِ مقتنعة باللي عملتيه! قمر: "عملت إيه يعني يا عبده؟ منت شايف دول برضه أولاد ويصعبوا عليا إنهم يباتوا في الشارع. إنت مش شايف عاملين إزاي." عبدالله: "بس هما هيعيشوا في المنطقة إزاي بملابسهم دي! قمر بتفكير:

"عندك حق، هما مينفعش يخرجوا باللبس العريان ده. بقولك إيه يا عبده." عبدالله: "قولي يا ست الكل! قمر: "مش أنت كنت جايب كام عباية للبت سامية الله يهنيها بعيالها! عبدالله بضيق: "أيوه." قمر: "هاتهم أهم، نستر بيهم الرقصات قصدي أهل الأستاذ هادي! عبدالله: "لا يا قمر معلش، بس أنا مش هفرط في الهدايا دي!! قمر: "مالك كده يا حنين؟ لتكون لسه بتفكر فيها؟ دي خلاص يا حبيبي اتجوزت وخلفت." عبدالله بحزن:

"عندك حق. أنا هروح أجيبهم، على الأقل ناخد ثواب! قمر هزت رأسها وهو مشي. وبعد دقايق كانوا أهل هادي دول نزلوا وكانت كل واحدة جايبة معاها شنط كتير! قمر باستغراب: "إيه كل ده!! ساندي: "دي هدومنا! قمر: "والهدوم دي زي اللي انتوا لابسينها كده إن شاء الله! هزوا رأسهم. وهيا قالت: "اسمعوا بقى، أنا وافقت أخليكم تقعدوا معايا في شقتي بشرط إن الهدوم اللي انتوا لابسينها دي متتلبسش غير وقت النوم بس!

إنما عايزين تخرجوا بيها هنا في المنطقة يبقى أنا مش مسؤولة عن اللي هيحصل لكم." خافوا من كلامها وقالوا: "وإنتِ عايزانا نلبس إيه! عبدالله وصل واتفاجأ إنهم نزلوا. فقال وهو بيبص على رجل ساندي اللي باينة: "أنا حبيت الهدوم يا قمر." قمر أخدت الهدوم من إيديه وقالت: "يلا روحوا بيتكم عشان عندكم شغل بكرة." عبدالله: "متخلينيش يمكن تحتاجي حاجة." قمر لاحظت عينه اللي بتبص على رجل ساندي. فقربت منه وشدته من هدومه وقالت:

"بقولك روح بيتكم عشان عندك شغل. ولو مش حابب تروح، مشي عادي، ممكن أخليك تروح زحف!! عبدالله بخوف: "لا وعلي إيه، أروح مشي طبعاً!! قمر قفلت باب الشقة وراه ولفّت ليهم وقالت: "من النهارده تنسوا كل اللي فات، لأن انتوا دلوقتي تحت إيد قمر عبدالتواب ولازم تمشوا على قوانيني!!! هزوا رأسهم بخوف منها. وهيا حدفت لكل واحدة عباية وقالت:

"هتلبسيها طول اليوم وتغسليها قبل ما تنامي عشان تلحق تنشف على الصبح عشان تلبسيها تاني. وكل يوم كده لحد ما أشوف لكوا شغلانة تكسبوا منها وتشتروا غيرها!! بصوا لها باستغراب. وهيا قالت بصوت عالي: "فاهمين! هزوا رأسهم. وهيا كملت: "السرير ده بتاع أبويا وأمي الله يرحمهم. إنتوا التلاتة هتناموا عليه. ولو صغير واحدة فيكم تتبرع وتنام على الأرض!! هزوا رأسهم ودخلوا الأوضة. وبعدها قالت بصوت واضح:

"اللي يخصكوا هنا الأوضة دي والحمام. أما أي حاجة في الشقة محدش يقرب منها!!! هزوا رأسهم ودخلوا. وهيا دخلت أوضتها ونامت على السرير وهي بتقول: "أنا إيه اللي عملته في نفسي ده!!!!؟ *** تاني يوم الصبح صحيت قمر وهي حاسة بوجع في ضهرها. دخلت الحمام ولكنها اتصدمت بوجود حاجات كتير شكلها غريب. قالت بتساؤل: "هو إيه ده كله؟ خرجت وهي بتدور عليهم في أوضتهم ولكن ملقتش ولا واحدة فيهم موجودة. استغربت وقالت: "راحوا فين دول؟

لفت نظرها العبيات اللي أدتهالهم امبارح مرمية على الأرض. قالت بصدمة: "نهار أبوكم أسود، إنتوا خرجتوا بلبس الرقصات ده!!! غسلت وشها ودخلت عشان تلبس. وبعدها قررت تنزل الورشة. ولكنها سمعت أصوات ضحك عالية جاية من فوق. قالت: "كده أحلوت!!! طلعت وخبطت على باب الشقة بغضب! فتحت لها مامت هادي وكانت لابسة لبس مبين رجليها ومش مغطي إلا حاجات بسيطة! قمر قالت: "إنتوا بتعملوا إيه هنا وإيه اللي بتهببوه ده؟ صافي باستغراب:

"قاعدين مع أحمد جوزي! قمر بضيق: "الشباب فين وإزاي سابوكم كده؟ صافي: "الشباب نزلوا للورشة، أو مش عارف اسمها إيه دي!! قمر رفعت حاجبها ودخلت للشقة وهي بتقول: "إنتِ وهيا انزلوا في أوضتكم البسوا اللبس اللي ادتهولكم واسمعوا بقى، لو مش عاجبكوا كلامي اتفضلوا اطلعوا من بيتي! بصوا لبعض بصدمة. ووقفت ساندي وقالت: "بس لبسك ده وحش أوي، مش حلو." قمر: "ده رأيك." ساندي هزت رأسها. فقمر قالت:

"أنا مطلبتوش، ده كان شرطي. واللي مش هينفذو يتفضل من غير مطرود! وقفوا وقالوا: "خلاص موافقين!! قمر نزلت وقالت: "تلبسوا العبيات وتحصلوني تحت. وإنت يا بشمهندس! أحمد شاور على نفسه وقال: "تقصدني أنا! قمر هزت رأسها بضيق: "منزلتش مع الشباب ليه! أحمد باستغراب: "وأنا هنزل أعمل إيه معاهم! قمر: "تنزل تشتغل. ويلا من غير كلام كتير، كل واحد يشتغل بحق لقمته." أحمد هز رأسه. وقمر بعدها سابتهم ونزلت. وصلت عند الورشة وهي

بتبص على الشباب وبتقول: "أنا لو رجع بيا الزمن لحظة، كنت ضربت راسي بأوسخ جزمة إني وافقت أدخلكوا بيتي! ساندي كانت نزلت من البيت وجمبها صافي وشاهي أمها. وكانوا لابسين العبيان. قربوا من الورشة وساندي شافت هادي شغال. قربت منه وحضنته وقالت: "هادي وحشتني! هادي بادلها الحضن وقال: "وإنتِ كمان، بس إيه اللي إنتِ لبساه ده." ساندي بصت لقمر وقالت: "دي البنت دي غريبة، إنت شايف ملبسانا إيه."

هادي بص لقمر ولاحظ إنها متضايقة من وجود عيلته. فرجع قال: "هي مش غريبة يا ساندي، هي بس محترمة!! ساندي بصت له باستغراب. وهوا قال: "روحي عند ماما وخالتو دلوقتي عشان عندي شغل." ساندي هزت رأسها باستغراب من تغيره ومشيت. أما هوا بعد شوية عن الورشة وطلع تليفونه واتصل بشخص وقال: "أنا هعملك اللي إنت عايزه، بس بمقابل ترجعلي القصر بتاعنا!!!!!