رواية قتلني ورحل الفصل الرابع عشر 14 - بقلم ميفو سلطان

الجد كارما: تعالي يا قلب جدك عندي خبر ليكي بمليون جنيه. كارما: خير يا حبيبي. الجد كارما: اخيرا الطور نطق. كارما: طور مين؟ الجد كارما: ايان نطق واتفك عقده لسانه وطلبك للجواز. كارما: بجد يا جدو ازاي. الجد كارما: لا يا ستي غار لما لقي مراد اتقدم وطلع بيحبك من سنين وعايزك وطلب يتجوزك. كارما: بجد يا جدو ايان بيحبني والنبي قالك كده. الجد كارما: دا قال وقال... الواد واقع وعاشق ولهان وانا وافقت، ايه رايك بقه جبناه على بوظه.

كارما: طب ماجاش يقلي ليه يا جدو. الجد كارما: هيجي يا قلب جدك بس اديه فرصة، انت عارفه انه طور ومالوش في النحنحة وانت بتاعة نحنحة بس هو ماقدرش يسيبك تروحي منه. كارما: جدو انا فرحانة قوي. الجد كارما: عارف انك بتحبيه يا قلب جدك من زمان. كارما: وطلع بيحبني طب ليه سابني كل ده دانا بحبه قوي. الجد كارما: قولنا غشيم وغار عليكي نموته بقه، لا نفرح والا ايه.

كارما: لا افرح طبعا دانا ماصدقت يا جدي اخيرا حلمي اتنفذ وايان طلع بيحبني انا ومش مصدقة انه يتغير كده دا انا كنت يأست انه يحس يعني ايه اللي غيره. غيرته يا جدي عليا وخاف لا اروح منه مش كده بيحبني انا. مش حاجة تانية اوعي تكون بتضحك عليا. الجد كارما: الجد مش عايزه بلاش. كارما: بلاش ايه بطل والنبي.

كارما: اخيرا يا قلبي حسيت بيا اخيرا حبي دخل قلبك حسيته اخيرا هعيش معاك حلمي. طب ايه تعالي بقه وحبني زي ما بحبك. اعمل ايه اه اختار الفستان انا هعمل فستان ملوكي ما اميري يتعمله الحلو كله هعيشه السعادة كلها بحبه قوي يا رب قرب البعاد وابقي ليه واسعده. استيقظت ليال ولم تجد قاسم، لتقوم وتحتضن بيجامته. مر الوقت على ليال، كانت تجلس قلقة على حبيبها وزوجها فقد تأخر عليها، لتضطر أن تتصل به فلم يرد عليها.

ظل ينظر إلى رقتها ويشهق بالبكاء، لتبدأ هي في بعث رسائل له لشعورها بالقلق الشديد، أما هو ففعل خاصية عدم قراءة الرسائل حتى لا تعرف أنه يقرأ رسائلها، لتنزل رسائلها على قلبه تشقه وتمزعه أشلاء. ليال: قاسم حبيبي انت فين. ليال: قاسم أنا قلقانة عليك رد عليا. ليال: قاسم برن عليك يا قلبي أنا مش عارفة انت فين طمني. ليال: يا ربي انت فين يا حبيبي. ليال: قاسم أنا خايفة انت فين مش عارفة أقعد لوحدي مرعوبة ومش عارفة أنام.

ليمسك قلبه ويشهق بشده: كفاية كفاية أبوس إيدك إيه يا رب ده. قلبي هيموتني. منك لله يا فادية. ليال: قاسم يا قلبي طب أجيبك إزاي إحنا بالليل ومفيش شغل طب قولي إنك كويس بس وأنا هحاول عادي ما أخافش هعرف أقعد لوحدي عادي بس طمني. ليال: قاسم انت فيك حاجة انت مش ممكن ما تردش عليا. لم تعد قادرة على التنفس لتبعت له رسالة صوتية لعلها تصل إليه، وكانت تشهق من البكاء والرعب بعد أن مكثت لساعات تبعث له رسائل وتتصل بجنون وهو لا يرد.

ليال: قاسم انت فين يا قلب ليال أنا قاعدة لوحدي وهموت من الرعب عليك وعلي إني لوحدي مش أنت عارف يا عمري إن بخاف أبقى لوحدي كده أهون عليك أتصل مية مرة. ماتردش. حبيبي هو فيه حاجة حصلت أنا زعلتك في حاجة. مش أنا قلب قاسم سايب قلبك ليه يا عمري. كانت تجهش بالبكاء، لتتوقف الرسالة لتظهر أنه رآها لتبتسم وتعرف أخيرًا أنه موجود ورأى رسالتها، كان قلبها سيقف. لتبعت رسالة أخرى: حبيبي انت كويس الحمد لله يا رب طب إيه مابتجيش ليه.

فلم يرد. لتبعت بأخرى: انت مابتردش ليه انت شايف رسايلي ومش بترد ليه يا حبيبي. كانت تنتحب وهو على الجهة الأخرى قد خرجت روحه منه، لتشعر بالخوف الشديد والرعب. ليال: قاسم انت مش جاي. أوعد يا عمري مش أنا مراتك حبيبتك. دانا ليال الهبلة اللي بعشقك. إيه يا قلب ليال زعلان عملت إيه طيب قلي وأنا أصلحك. أوعد تكون زعلت من ماما. ماما ما تعمليش كده. مش كده يا عمري. قاسم أنا قلبي هيقف. كانت تشهق بعنف وهو في

الجهة الأخرى ينتحب بشدة: حرام بقه ما عدتش قادر حرام اللي بيجرالها ده. كانت الرسائل تتوالى لتصاب بالجنون فقد أدركت أنه يسمع رسائلها.

لتصرخ: انت مابتردش ليه انت بتعمل فيا كده ليه. لتصمت. طب مش هصرخ أنا آسفة والله إني زعقت انت مش بتحب الزعيق. مش انت بتقلي ديما إني شطورة وبسمع الكلام مانا ما عملتش حاجة تزعلك. قاسم انت سبتني. انت صدقت في ماما. لا انت مش ينفع تسيب ليال ليال تموت. قاسم مش بعد ما بقيت روحي واديتك حياتي تسيبني. أنا ما أعرفش حاجة في الدنيا إلا انت وحبك. قاسم أنا مش قادرة آخد نفسي. قاسم أنا خايفة أوي ومرعوبة حبيبي والله خايفة أوي.

لتصمت الرسائل لفترة، كان قد أُغشي عليها من الوجع لعدم قدرتها على التحمل. وكان هو قد شعر أنه جن ليقوم ويكسر في كل شيء: ليه ليه ليه يا فادية تعملي فينا كده منك لله ربنا ينتقم منك. هموت يا عالم البت هتموتني. طب هيا سكتت ليه.

جلس على الأرض ينتحب ويعيد رسائلها ويتمزق. لتفوق هي مرة أخرى وتنظر إلى تليفونها ببلاهة. وتبدأ مرة أخرى في تمزيق قلبه. كانت كالطفلة الصغيرة التي لا تستطيع أن تترك والدتها. لتعيد رسائلها ولكن بصوت مبحوح وشهيق مزق قلبه.

ليال: قاسم أنا هموت. أنا أُغمي عليا ومش قادرة. قاسم ماتسبنيش. طب بص والله هعملك كل اللي تطلبه. وهسمع كلامك وهلبس اللي تحبه ومش هتكسف انت بتزعل إن بتكسف لا والله هبطل أتكشف وشوف كمان هقولك كلام حب كتير والله هعرف أقول وهتعلم أقولك اللي بتحبه. طب هبطل هبل والله وهتعلن وهبقى ست ترضيك. طب زعلان تعالا وأنا هطبطب عليك وهاخدك في حضني شفت بقه أهو بقول أهو ومش بتكسف منك هلبسلك حاجات بنات تعالي والنبي ماتسيبش حبيبك دانا حبيبك تحت رجليك. طب تعالي أشوفك وأمشي. طب سمعني صوتك طيب بس أسمع صوتك قلبي هيقف. قاسم والله ماما شريفة وحياة ربنا ماتسبني. أنا ليال هتسيب ليال.

لتصرخ: اااااااه هتسيبني. وظلت تصرخ كالمجنونة، وهو يشهق بصوت عالٍ. لتصمت مرة واحدة. وظل الرسالة معلقة وهو يسمع فقط أنات ضعيفة. لتقول ما جعله يتشنج ويمسك قلبه ويضغط عليه.

ليال: طيب يا قلب ليال. روح وامشي أنا خلاص مش هقولك حاجة. أنا خلاص يا قلب ليال. آسفة إني زعقت وضغطت عليك. مش مصدقة وهعيش مش مصدقة إنك بعدت. انت ماينفعش أصلًا تبعد يا حبيبي انت معايا وفي حضني انت دنيتي كلها. قاسم انت ماسبتنيش أنا عارفة انت بس بعدت شوية مش زعلانة. روح يا حبيبي بس عارفة إنك هتعرف إن أمي شريفة وهترجعلي. زعلك هيروح وهستناك عادي أزعل شوية وهستناك ما أنا بتاعتك وحبيبتك مش كده يا قلبي أزعل شوية وتعالي عشان

انت وحشتني أوي مش كنت بتقلي أنا بنتك الصغننة اهو أنا بقلك هستناك أهو. يلا يا حبيبي أهدي كده ونام كويس وأنا مش زعلانة أنا ما أقدرش أزعل منك حد يزعل من روحه. بص انت ابعد شوية وأول ما ماما تبقى كويسة تعالي أه مش مهم تبعد دلوقتي مش هزعل يا حبيبي مش بزعلك رغم إني بموت بس ابعد واهدي وتعالي لحبيبك دانا حبيبك. كل حاجة هتبقى كويسة وليال هتبقى لقاسم. هتبقى إيه ههه. إيه الهبل ده.

لتضحك: ما أنا بقيت خلاص. مش كده يا قلبي. أنا هبقى شاطرة وهنام عادي ماتقلقش أنا مش هخاف والله أوعى تقلق وهحضن بيجامتك وهنام. ماتقلقش المهم انت تبقى كويس مش مهم أنا. ولما تخلص زعلك ده هترجع بقه وأترمى في حضنك ماشي يا قلبي هتوحشني يا عمري وحقك عليا والله ماليا ذنب وماما كويسة بس معلش بحبك أوي. لا بحبك إيه بعشقك يا قلب ليال ماتتأخرش عليا والنبي يا عمري أنا هنام أهو والله وانت نام وارتاح واوعى تفكر في حاجة وحشة. ماشي يا عمري بحبك أد الدنيا وأكتر.

ليحس قاسم بالشلل التام وأن قلبه سيصاب بالذبحة من كلامها.

ليهتف: دا مستنياني. دا حتى مش زعلانة إني مابردش. دا صرخت فيا ورجعت اعتذرت. إيه اللي أنا فيه ده. أتحمل إزاي دا بتخاف وبتقولي مش خايفة وخايفة لا أقلق عليها. ااااه قلبي قلبي مش قادر. مستنياني أخلص زعلي وأرجع لها عشان تاخدني في حضنها. البت بتقولي مش هتكسف وهيا بتموت من الكسوف. بتقولي هتعلم وأقولك كلام حب مانا كنت بضايق من سكاتها عايزه تموت براءتها عشاني هيا إزاي كده. وهتلبسلي نهار أسود دانا ما أشوفش يوم فرح. أعمل إيه يا رب أعمل إيه.

كان يصرخ: أقوم أروح لها هموت عليها أعمل إيه. دا غلبانة غلب الدنيا وماتعرفش حاجة. انت اللي عرفتها حبك انت اللي دوبتها فيك انت اللي خدتها عجينة طرية. سقيتها من عشقك لما طابت ومستنياك ولا تعرف غيرك. انت قتلتها طب إيه هيا هتكمل إزاي. دا البت مصدقة إني راجع حتى بعد ما شفت الرسايل. أعمل إيه في قلبي ده أروح بيه فين منك لله يا جدي منك لله يا فادية. فضحت البت اللي هموت عليها وهيا مالهاش ذنب. آه يا قلبك يا قاسم.

ظل صامتًا فترة وهو لا يعرف كيف يتنفس ويضع يده على صدره ويحس بلكلبه في صدره لتصدح رسالة أخيرة منها قضت عليه تمامًا.

ليال: حبيبي أنا بدأت أنام أهو وبسمع كلامك ومش هزعلك ولا أضايقك بكلامي خلاص وشوف قلوب كتير بقه عشان انت واحشني بس أنا هنام والله أوعى تقلق أنا شايلة نفسي وقلبي ليك أما تيجي هدهملك ابعد يا عمري أد ما تبعد وليال مستنياك. ابعد وروح وليال شايلة قلبها ليك. مستنياك ألبسلك الأبيض وأكون ليك مش قلتلي انت بتاعتي. هنام وأحلم بفستاني وأميري ماسكني. هنام وأحلم ببيتنا اللي بتمناه من الدنيا. ابعد أد ما تبعد هستناك لو بياخدوا روحي

لأنك روحي هستناك لو دنيتي اتقفلت عليا وما عادش حد يبقى ليا هستناك وعارفة إن ليال لازم تبقى في حضن قاسم. هنام أحلم باليوم اللي هنام في حضنك هنام أحلم بدنيتك هنام أحلم بشوفة عيونك. سلسلتك معايا وفي حضني حطاها على قلبي. قلب قاسم لامس قلب ليال. هعيش لحد ما ترجعلي أتملي منها ما انت قلتلي دي قلبك جنب قلبي. عايشة ومستنية يا عمر ليال أزعل أد ما أزعل أبعد أد ما تبعد آخرتها إيه آخرتها حضن ليال وبس. الناس بتتخلق لسبب وأنا

اتخلقت عشان أسعدك وبس مش مهم نسعد بس عشان أسعدك. خد قلبي وانت ماشي وسيبتلي قلبك عشان لما ترجع قلبك هيلامس قلبي ويحييني. من هنا لحد ما ترجعلي نفسي راحت ودنيتي راحت. بس مش زعلانة عشان انت حبيبي أتوجع ألف مرة ولا إنك تحس إني زعلانة منه. دانت اللي هموت عليه دانت اللي عيوني مستنياه. روح وابعد وابعد وهترجع تلاقيني مستنياك. مستنية فرحة قلبي مستنية عيون حبيبي مستنية الدنيا ترجعلي مستنية قلبي يدق. مستنية قاسم ودنيا قاسم. على

قد وجعي من بعدك على على قد ما هستحمل عشانك استحمل موتي ووجع قلبي استحمل خوفي من بعدك استحمل نفسي اللي بتتمزق بس ما أستحملش إنك تتوجع وتزعل. حبيتك قاسم وهفضل أحبك قاسم ولا أشوف غير قاسم في دنيتي. عهد عليا ما أكون غير ليك لو خدوا روحي هفضل بيك وهستناك. مستنياك يا قاسم بالسلامة يا عمري ونام كويس وماتفكرش فيا أنا والله كويسة ومستنياك يا قلب ليال. كان نفسي دلوقتي تبقى في حضني أبوس عيونك وأقولهم ما يتوجعوش بس خلاص انت

بتحبني و شايف كده وأنا هسمع الكلام وأقول حاضر وطيب حبيبتك مش هتنطق طالما هترجع لها. روح يا قلب ليال وداوي نفسك وارجعلي روح يا عمري اللي مستنياه هعيش مستنية بس أنام في حضنك وأبقى بيك. قاسم أنا مش عارفة أسكت أعمل إيه مرعوبة. بس أنا واثقة إنك مش هتسيبني.

لتصمت: تسيبني. تسيب ليال. لا. لا. هو يعني ايه اصلا مش فاهمه لا قلبي مش عارف يقول كده. ايوه انت ماشي سيب شويه بس صغننه وحياتي وهستحمل وهبقي مؤدبه وهبعتلك كل يوم اني مؤدبه وبسمع الكلام. انت بتحبني اسمع الكلام وكمان وانت بعيد هنفذ كل اوامرك مش هلبس اي حاجه ومش هكلم حد. عشان.. عشان لما ترجع تنبسط بيا.. مش هتنبسط َو النبي انا والله بنت كويسه وهبسطك وهعمل اي حاجه اي حاجه تعجبك اه هعمل. خلاص روح.

ماتتاخرش.. او اتاخر براحتك مش هقلك حاجه بس ترجع انا مستنيه اهوه ومودبه ومش هضايقك عشان انت حبيبي واللي بيحب مابيضايقش حبيبه. يلا يا قلبي..ارجعلي بسرعه بقه. تصبح علي الف خير..ونام احلم بيا وانا اصلا بحلم بيك صاحيه نايمه..مستنياك يا قلب ليال. سلام يا روحي. لتصمت اخير. ليظل ينظر الي الرساله ببلاهه وتتوقف الدنيا من حوله. هو يشهق بالبكاء. لا مفيش كده. هيا مش ممكن تكون بريئه اوي كده. ايه ده. انت ازاي كده.

ظل صامتا وشعور بالدوران يخلع قلبه حتي سند راسه علي المكتب وممدد علي الارض وبدا يهذي. هرجعلك يا عمري يمين بالله لارجعلك بس لما اكبر واقف قدام الجاحد اللي اخد قلبي. هرجعلك واخدك في حضني انشالله غصب مش هسيبك. اكبر يا قاسم ودوس عالكل اكبر وابقي بدر حديدي تاني بس ساعه لما تبقي بدر وتتمكن وتلدع لدعتك ارجع قاسم وهات حبيبك اللي مستنيك. زمني هيقف علي رسالتك دي يا عمري ويمين بالله لارجعك حتي لو كنتي في بطن الحوت.

نامي يا عمري موجوعه نامي مدبوحه بس هيجي اليوم اللي تنامي في حضني سعيده. هيجي اليوم اللي هاخد قلبك واداويه. هسيبك اه وافجعك بس ورحمه ابويا في تربته لارجعك. وهتبقي بتاعتي لحد ما اموت ومايهمنيش مخلوق ساعتها وهتشوف يا بدر يا حديدي قاسم هيبقي ايه. عايزني اتجوز السحليه دي دا بعينك هسافر واكبر واقفلك وانزع قلبك زي مانزعت قلبي وهرجعك يا عمري هرجعك بكيفك غصب عنك مايهمنيش بس هرجعك. مش قاسم اللي يسيب روحه لحد تاني.

عارف اني دلوقتي ضعيف وانت مدبوحه. بس انا هبقي قاسم الحديدي اللي ماحدش يقدر يقربله وعيني هتبقي عليكي وهعرف عنك كل حاجه مانت النور االي بسعي ليه عشان اللي جاي سواد هعيش فيه ضلمه غبره وحزن اسود لحد ماوصل لجبروت جدي واهده وساعتها هتنوري حياتي يا قلبي. حقك عليا يا عمري اني زباله وواطي كلب مايستحقكيش بس غصب عني. هصونلك شرفك وهعليكي وهيجي يوم تبقي بتاعتي وعلي اسمي من تاني. استحملي يا قلبي واكبري.

بس يا رب ارجع الاقيكي البريئه االي بتخلعلي قلبي. يا رب انا قلبي بينزف دم وقهر وكل ذنبي اني حبيت ملاك هينزف ويتقصله اجناحه بسببي بس لا مش انا مش انا اللي اتذل كده وحبيبي يروح مني هرجعك يا قلب قاسم. وهتبقي في حضني وهتجوزك ويمين بالله ماحد هيحوشني. وابقي ساعتها يا بدر يا حديدي وريني نفسك. دخل الجد ليجد قاسم يبكي. ليشعر بالغضب فهو لم يكف عن البكاء ليرفع السماعه ويامر الحرس ليذهبو الي بيت ليال. ليدخل عليه ويهتف.

هتفضل تنح كده لامتي يابن نعيم. ليصرخ. ماتسيبني في حالي بقه. ليهتف. ولا اتعدل بدل ماعدلك. هتسافر وتتجوز وتخرس ماتنطقش. ليصرخ. جواز مش هتجوز واقتلني بقه. ليهتف. بجد طب يابن نعيم. ليرفع السماعه ويهتف. ايوه يا ماجد انت قدام بيت البت ليال. ليسمع قاسم ليهب. انت مودي الو*سخ ده هناك ليه. ليهتف. هتاخد في ايديك ايه يا ماجد وتبهدلها ماتخليهاش تنفع. ليسمع ماجد.

ساعه زمن يا باشا وتبقي في بيت سونيا الرقاصه والبلاغ جاهز ومتحضر والبت هتخرج بملايه اخش انفذ. ليحس قاسم بذبحه في صدره. ليصرخ بس بس بس منكو لله بس مش هنطق مش هنطق والله ماهنطق سيبوها سيبوها. ليهتف الجد. هتسمع الكلام من سكات من غير نح. لينظر اليه بقهر ولم ينطق وتسيل دموعه. ليهتف الجد خلاص يا ماجد خليك قريب علي ندهه. اعقل وقوم حضر نفسك للسفر. وتركه محطما يَجلس علي الارض ودموعه لا تتوقف علي فقدان حبيبته. وقتله لها.

لم تنم ليال ليلتها من رعبها كانت مرعوبه ان تفقد حبيبها وتتنفس بصعوبه وكل حين واخر يغشي عليها لينهكها التعب تماما لتستيقظ قرب العصر شاحبه ميته علي طرقات الباب لتقوم بصعوبه لتتفتح الباب لتجد امها امامها لتصرخ وتاخذها في احضانها وادخلتها وظلت تقبلها وتقبل يدها وتحدثها. وحشتيني وحشتيني. رجعتلي يا قلبي انا عارفه ان كل ده كدب والله حبيبتي يا امي.

كانت امها مكسوره ولكنها تماسكت من اجل تلك البريئه فابنتها طفله جميله تكبر ولا تزال طفله مراعيه حنونه. ليدخل ورائها محامي بدر الحديدي. لتقول له السيده اتفضل يا جمال بيه. كتر خيرك انت عملت معايا جميل ماحدش يعمله وخرجتني وخليت بدر بيه يتنازل والله انا مظلومه. ليهتف الرجل. انا عارف والا ما كنتش ساعدتك. كانت ليال تندس في حض والدتها. ليهتف الرجل ويقول. بس انا بقه في المقابل عايز خدمه يا فاديه. لتقول. عيوني.

ليبدا في الكلام ليدخل علي قلب ليال يشقه ويهتكه ويمزعه تماما لتتحول ليال من طفله بريئه لا تعرف شيئا في الدنيا سوي حبيبها ولم تتعلم الا منه لشخص فقد حياته وهرم وشاخ قلبه. لتتحول الي كائن مسخ لا يشعر بشئ ويكره كل شئ عندما هتف الرجل بفاجعه لم تكن تعرفها. ليهتف الرجل.