رواية كيان الفصل الرابع عشر 14 - بقلم روري ابراهيم

سبوهم ومرة واحدة جه شخص واتصدم من منظرهم. حسن: انت يا زفت. زين بنوم: اممم. حسن: انت يا زفت قوم، أبو كيان جاي. زين بصدمة: إيه؟ حسن: خلص يلا، لسه سائل على أوضة كيان تحت، خلص قوم من هنا. زين: طب استنى أصحي البت دي. حسن: لأ سيبها نايمة. زين: مينفعش. حسن: لأ ينفع، خلص يلا أبوها جاي. زين بربكة: يلا يلا. زين وحسن خرجوا بسرعة ورزعوا الباب وراهم. كيان صحيت من رزع الباب، بصت حواليها ونامت تاني عادي جدا.

خمس دقايق والباب كان بيخبط، قعد يخبط كتير بس مفيش رد، ففتح الباب. بدر: يخربيتك، انتي نايمة زي المقتولين كده ليه. بدر: كيان، كيان، كيااااان. كيان بفزع وهي بتقوم من النوم: إيه؟ في إيه؟ حد مات؟ بدر بسخرية: لأ أنا يختي. كيان بعد ما استوعبت الوضع: إيه ده؟ بابا. بدر بسخرية: إيه يا كيان، انتي لسه نايمة؟ كيان بفرحة وهي بتحضن باباها: بابا وحشتني أوي. بدر: وانتِ كمان يا روح قلب بابا من جوا. كيان: على فكرة بقى أنا زعلانة منك.

بدر: وده من إيه بقى يا ست كيان؟ كيان: علشان مجتش زورتني بقالك كتير. بدر: هو أنا مقولتلكيش. كيان: لأ مقولتليش. بدر: مش أنا هقعد معاكي يومين. كيان بفرحة ورجعت حضنته جامد: أحلى حاجة سمعتها بجد، انت كنت واحشني جدا. بدر: ياه لو أمك سمعتك. كيان: وليه بس السيرة دي، ده أنا مبصدق أستفرد بيك يا حج. بدر: انتي عارفة لو كانت هنا كانت عملت منك شاورما. كيان: تصدق وتأمن بالله. بدر: لا إله إلا الله. كيان: نفسي في شاورما من إيدك.

بدر بضحك: قومي انتي بس يا كوكي وهعملك أحلى شاورما. كيان: حبيبي يا حاج. بدر: بقولك صحيح. كيان: إيه يا حجوج؟ بدر: أمك عايزة تكلمك فيديو علشان الأستاذة مساعت ما أمها مشيت مكلمتهاش. كيان بتذكر: أوبس، نسيت خالص. بدر: طب يلا يختي. بدر رن فيديو كول على أم كيان. بدر: ازيك يا حبيبتي. سماح: ازيك يا حبيبي. بدر: شوفي خلفتك الهبلة. سماح لما شافت كيان بعد

ما بدر وجه الكاميرا عليها: كيان، وحشتيني أوي، كده يا كيان ينفع كده متتصليش عليا ولا مرة. كيان: معلش يا ست الكل، أنا آسفة، حقك عليا. بدر: شوفتيها أهو يا ستي واطمنتي. سماح: ربنا يخليك لينا يا حبيبي وميحرمنش منك أبدا. كيان: فين روح يا ماما، وحشتني أوي. سماح بارتباك: روح، أه، روح يا حبيبتي في الدرس. كيان: طب لما تيجي يا ماما خليني أكلمها علشان وحشتني أوي. بدر بارتباك: طب يلا سلام بقى يا سماح، هنبقى نكلمك بعدين.

سماح: سلام. كيان: مالها ماما يا بابا؟ بدر بارتباك: لأ مفيش حاجة يا حبيبتي، بس هي تعبانة شوية. كيان: ماشي. بدر: هخرج شوية وهجيلك. كيان: متتأخرش. بدر: حاضر يا كوكي. بدر خرج برا واتصل على سماح. بدر...... ميار ديه من البارت اللي فات بس أنا نسيت أعرفها في البارت اللي فات فهعرفها في البارت ده.

ميار: دكتورة شاطرة جدا في شغلها، وكله بيحبها بسبب طيبة قلبها، ملامحها هادية ومميزة، عندها 25 سنة، ودي اللي الدكتور جاسر بيحبها بس هي منفضاله. بدر: ده بقى أبو كيان، شخص طيب وبيحب ولاده وعنده 50 سنة، يعتبر هو شبه كيان علشان كيان طالعاله.