رواية كيان الفهد الفصل الخامس عشر 15 - بقلم بسملة مصطفى

كيان كانت قاعدة وفجأة جه شخص قعد جنبها. كيان بصدمة: انت إزاي تقعد جنبي؟ ومين سمح لك؟ الشخص: طب اهدي، مش قصدي. جاي أتكلم معاك بس. كيان: أنا مش حذرتك متحاولش تحتك بيا تاني، وإلا هيبقى ليا تصرف تاني. زين: عارف إنك لسه بتحبيني وبتفكري فيا، عشان كده أنا بقولك تعالي نرجع. وأوعدك هنرجع أحسن من الأول وعمري ما هجرحك.

كيان: تعرف، على قد ما حبيتك، على قد ما كرهتك. حبيتك قوي بس اتحول الحب لكره كبير قوي من ناحيتي. مبقتش طايقة أبص في وشك حتى. كيان: أنا زهقت من إنك تفضل تراقبني وتتعرض ليا كتير. صدقني، آخر ما هزهق هتلاقيني عملت محضر فيك، وأنت عارف إني أقدر أعملها. كيان مسكت شنطتها واتجهت للقصر. كيان وصلت القصر وطلعت أوضتها. أخدت شاور وغيرت هدومها.

وصلت جابت المصحف اللي كان جاي هدية ليها من والدها بعد ما أتمت حفظ القرآن. جاب لها مصحف مزخرف وشكله جميل قوي. كيان جابته وفضلت تقرأ فيه كتير لحد ما لقت عينها اتقفلت وعايزة تنام. كيان خلصت الصفحة اللي كانت بتقرا فيها، وقفتل المصحف وغطت نفسها ونامت. عند رفيف. رفيف اتبعتت ليها رسالة. انصدمت من محتواها.

محتوى الرسالة: عايزة أقولك إنك لو عملتي أي حاجة، مش هتفلتّي مني وهفضل وراك. متفكريش إني مش عارف مكانك. أنا مستني الفرصة بس، وصدقيني هتندمي قوي على اللي عملتيه. رفيف بخوف: انت مين؟ الشخص: هتعرفي في الوقت المناسب. وبعدين مالك خايفة كده ليه؟ وبتصبي عرق ليه؟ ده إحنا لسه في الأول يا قطة. سلام يا حلوة. رفيف فضلت خايفة من ساعة ما اتبعتت الرسالة.

رفيف فكرت هتعمل إيه. قالت لازم تقول لإسر، كان معاها رقمه عشان هو كان اداه ليها عشان لو احتاجت حاجة. بعتت له على الواتساب. في الشات ما بينهم: رفيف: إسر. إسر: نعم يا أستاذة. فيه حاجة نسيتيها ومقولتيهاش في الشركة وعايزة تقوليها لنا؟ رفيف: لا، عايزة أقولك على حاجة تانية. إسر: في إيه؟ رفيف: أنا اتبعتت ليا رسالة تهديد. إسر باستغراب: رسالة إيه؟ رفيف أخدت سكرين للشات وبعتته لإسر.

إسر عرف إن الماسدج ده من حد تبع الخاطفين اللي كانوا خاطفينها. إسر: تمام. متخافيش يا رفيف. أنا هحاول أحميكي. هحاول أشوف حل. رفيف: تمام يا إسر. شكراً ليك. قفلت معاه وفضلت قاعدة تفكر وخايفة قوي من الرسالة اللي اتبعتت لها. عند فهد. كان قاعد بيفكر في بنت. فهد: اخرجي بقى من دماغي. اخرجي. أنا زهقت من كتر التفكير فيكي. فهد حاول ينام عشان ميفكرش فيها. بعد فترة نام، بس جاتله في المنام. بس هو صحي مش متذكر أي حاجة من الحلم.

في الصباح. حصل شيء صدم الكل. يا ترى إيه الشيء ده؟