رواية كيان الفهد الفصل الرابع عشر 14 - بقلم بسملة مصطفى

رفع أسر وشه من على الورق واتصدم لما شافها والعصبية ظهرت على وشه. أسر بعصبية: انتي البنت اللي مقدمة على شغل؟ رفيف بخوف: أيوا أنا. أسر بعصبية: انتي خرجتي من البيت ليه أصلاً؟ مش المفروض في عصابة بتلحقك ولو مراقبينك كانوا خدوا بالك وشافوكي وانتي خارجة كنتي ساعتها هتعملي إيه؟ رفيف: بس أنا محتاجة شغل عشان أقدر أرد لك المبلغ اللي اشتريت بيه هدوم. أسر: مش عايز زفت وأنا قلتلك قبل كده اعتبريها هدية من حد.

رفيف بعصبية: بس أنا قلتلك أنا مش بقبل هدايا من حد، حتى لو مين. هتقبلني في الشغل ولا أرجع البيت؟ أسر: اعتبري نفسك مرفوضة من فرصة الشغل. هندور على حد تاني أشطر. رفيف بثقة: بكرة تندم لأنك خسرت حد في شطارتي وتميزي. أسر: بجد؟ معلش يا شاطرة، يلا بعيد. رفيف: تمام قوي كده يا أستاذ أسر. مهو أكيد مش أنتو الشركة الوحيدة للمعمار هنا في ألمانيا. هدور على فرصة شغل تانية وهتكون أحسن من شركتكم دي.

وبصت له بثقة وخرجت وقفلت الباب وراها بعصبية. أسر فضل مصدوم من اللي هي عملته، ولكن قعد يضحك لأنها متعرفش أن معظم شركات المعمار هنا بتاعته هو وفهد، ولكن بأسماء مختلفة. رفيف روحت البيت متضايقة لأنها تعتبر كانت فرصة شغل ليها هتقدر تعيش منها. هيا مش معاها فلوس خالص وقاعدة في البيت وخلاص. رفيف قعدت على النت على أمل إنها تلاقي شغل. وجالها إشعار من الواتس فتحته واتصدمت بالرسالة. ***

كيان خبطت على فهد ودخلت بعد السماح بالدخول. كيان: جاهز يا فهد؟ هنبدأ. فهد قعد على الكرسي. وكيان بدأت تعلمه شوية حاجات يعملها. وفهد كان بيعمل اللي بتقول عليه. بعد ثلاث ساعات متواصلين. كيان: كده خلصنا التمارين. هتاخد العلاج دلوقتي. كيان جابت علاجه وجابت ميه وادتله علاجه. ونزلت للدادة تحت طلبت منها الأكل اللي هياكله فهد. لحد ما الدادة تخلص الأكل.

كانت كيان طلعت أخدت شاور وغيرت هدومها لتيشيرت لافندر وبنطلون أسود وخلصت ونزلت. تحت عند الدادة كانت خلصت الأكل. كيان أخدته وطلعت لفهد، خبطت ودخلت، حطت الأكل قدامه على السرير. فهد قعد ياكل وهيا مركزة في الفون لحد ما يخلص وتديه علاجه التاني. فهد: تعالي كلي معايا. كيان: لا شكراً، مش باكل دلوقتي. فهد: أومال بتاكلي إمتى؟ كيان: باكل كمان ساعتين كده. فهد: تمام. فهد خلص أكل، كيان ادته علاجه واخدت الأكل ونزلت.

كيان لقت أسر رجع، فبلغته إن هي هتخرج تتمشى شوية وإن هو يقعد مع فهد. كيان قبل ما تخرج: وصحيح يا أستاذ أسر، أنا أديتله علاجه. كيان خرجت راحت المول. اشترت شوية هدوم وحاجات ليها. وهيا راجعة قعدت على البحر شوية. فجأة لقت شخص قعد جمبها. كيان بصدمة: انت إزاي تقعد جمبي؟