رواية كيان الفهد الفصل السابع عشر 17 - بقلم بسملة مصطفى

مسير الأيام تجمعهم ببعض، بس أسر اللي يعرف إن دي رفيف. رفيف صديقة طفولته اللي كان بيحبها وعنده أمل في ربنا إنه يقابلها. اللي كان على طول فاكرها وعمره ما نسيها. أسر: قولت إيه يا فهد؟ أجيب المأذون هنا ولا في شقتي وأجي آخدك؟ فهد: اللي أنت عايزه يا حبيب أخويا. أسر: طب تمام. أسر خرج ورن على رفيف وقالها إنه في الطريق وجاي البيت. رفيف لبست لأنها كانت قاعدة بهدوم بيت. أسر كان في الطريق ووصل وجاب معاه طلبات للبيت ليها.

لأنه عارف إنها أكيد خلصت وهي مكسوفة تقوله. أسر طلع وخبط عليها وفتحت له. أسر قعد وهي قعدت قصاده. أسر: أنا لقيت حل عشان أحميك منهم. رفيف: حل إيه ده؟ أسر: أتزوجك يا بنت الصاوي. رفيف بصدمة: تت.. تتجوزني إزاي؟ أسر: هو أنتِ يا رفيف متعرفنيش خالص؟ رفيف: أعرفك من شهر ونص كده. أسر: لأ، قصدك تعرفيني بقالك سنين كتير قوي. رفيف: إزاي يا أسر؟ أسر: أسر... ده مش بيفكرك بحاجة؟

رفيف عيونها دمعت وافتكرت صديق طفولتها اللي مشافتهوش بقالها 16 سنة. رفيف: أيوا، اسم أسر ده بيفكرني بحاجة. اسم أسر بيفكرني بصديق طفولتي اللي مشوفتهوش بقالي 16 سنة. كان ليا صديق طفولة وكنا عايشين مع بعض في القاهرة. بس بابا بعدني عنه من وأنا 16 سنة، لأننا انتقلنا للبيت الجديد. أسر: وأسر هو اللي اداك السلسلة دي؟ رفيف باستغراب: وانت إيش عرفك يا أسر؟ أسر: فتحي مخك شوية، أنا اسمي إيه؟ رفيف: اسمك أسر. وبعد

كده حاولت تستوعب وقالت له: رفيف: أوعى يكون اللي في بالي. أسر: أيوا اللي في بالك. أنا صديق طفولتك اللي مشوفتيهوش بقالك 16 سنة. أيوا أنا أسر يا رفيف. فاكرة لما كنت بناديك يا روفي، وإنتي كنتي بتحبي الاسم ده قوي. رفيف عيونها دمعت ومكنتش مستوعبة من الصدمة اللي هي فيها، إن ده صديق طفولتها اللي كان نفسها تشوفه ولو لمرة واحدة، كان نفسها تشوف شكله بقى عامل إزاي. أسر: إيه إيه يا رفيف في إيه؟

رفيف وقفت مرة واحدة واترمت في حضنه وقعدت تعيط. استوعبت اللي عملته وقامت وقالت: رفيف: أنا آسفة. بس أنا كان نفسي أشوفك لأنك وحشتني. لأنك كنت كل حاجة بالنسبة ليا من وأنا طفلة ولحد الآن. أسر: وأنتِ وحشتيني قوي. في أوضة هنا، أعتقد مدخلتيهاش. تعالي كده معايا. أسر أخدها وداها الأوضة وفتحها. دخلت رفيف واتفاجأت بكم الصور اللي فيها ليهم مع بعض. رفيف من وهي صغيرة لحد دلوقتي. رفيف بصدمة: إيه ده؟ إيه كم الصور ده؟

طب صوري وأنا صغيرة ماشي. أما وأنا كبيرة جبتها منين؟ انت كنت تعرفني؟

أسر: أنا كنت متابع أخبارك كلها، وفي بعض الأوقات كنت بروح للمكان اللي بتروحي وبراقبك وأصورك من غير ما تاخدي بالك. أنا واخد صور ليكي في كل حالاتك، وإنتي بتلعبي مع سلمى بنت اختك، وإنتي بتضحكي، وإنتي بتعيطي، وإنتي بتاكلي آيس كريم ووقع عليكي لما كنتي بتجري إنتي واختك ورا بعض في الحديقة. أنا واخد صور ليكي في كل حالاتك. ويوم ما كنتي إنتي بتجري، أنا كنت عارف مكانك وإنك مخطوفة وكنت بحاول أوصلك عشان أطلعك. وعرفت مكانك في اليوم اللي كنت جايلك فيه، لقيتك بتجري وجيتي ناحيتي. يومها أنا أعرف إن أبوك أحمد الصاوي تاجر مخدرات وأعضاء.

أحمد الصاوي، إحنا بنحاول نوقع اللي منه لأنه لازم يسلم نفسه، بس هو متنكر. أنا اتأكدت أكتر إنك رفيف من السلسلة دي، لأني كنت أنا اللي اديتها ليكي. ويوم ما جيتي هنا وقعدتي، وبعدها بكام يوم جيتي الشركة عشان الشغل. أنا زعقتلك واتعصبت عليكي عشان كان في شباب في الشركة، وأنا لو حد بص لك هموته. أنا من يوم ما مشيتي قعدت كذا سنة معرفش عنك حاجة، بس لما كبرت شوية وسافرت مع فهد. عرفت إنك هنا في ألمانيا.

أنا من يوم ما شوفتك وكنت براقبك، اتعلقت بيكي قوي يا رفيف. كنت مستني أي حاجة أحاول أفتح بيها موضوع الجواز، لأني عارف إنك رافضة فكرة الجواز بسبب باباك، لأنك مفكرة إن اللي هتتجوزيه هيعذبك زيه، بس أنا مش كده، أنا بحبك وعايز أتجوزك. أسر: تتجوزيني؟ رفيف: ....