رواية كيان الزين الفصل الثالث عشر 13 - بقلم جاسمين محمد

مي وهي قاعدة، الفون رن. مي: بعد إذنك يا عمو. طلعت فوق. مي: أيوه يا مريم. مريم: إيه الأخبار؟ مي: زين وكيان كل يوم بيتخانقوا. وعلى فكرة زين ممكن يسيب الشغل قريب. مريم: يسيب ولا ما يسيبش، المهم العملية بعد تلات أيام ولازم تنجح. عايزاكي عينك تفضل على كيان عشان لو حصل حاجة نخطفها ونهدد بيها زين. مي: اشطا. وحست بحد واقف بره. مي: مريم اقفلي أشوف مين بره. طلعت. مريم: في إيه؟ مي: ما فيش حاجة، شكلها كانت قطة.

مريم: قطة هتجيلكم منين في القصر؟ مي: حور جايبة قطة. المهم يلا سلام. مريم: طيب سلام. محمد: ها عرفت حاجة جديدة؟ زين: اللي شفتها دي مريم مش مي. مريم طلعت عايشة. محمد: كيف؟ وإيه عرفك؟ زين: تعال أحكيلك. محمد: يا ولاد بقا يعملوا ده كله في كيان. زين: آه. محمد: وأنت هتسكت؟ زين: مش هسكت، بس العملية بعد يومين فلازم أستنى وبعدين هنتقم منهم. محمد: زين. زين: إيه. محمد: خلي بالك من كيان، هو مش هيسيبوك كده لازم هيعملوا حاجة.

زين: عارف، وإن شاء الله كيان مش هيقدروا يجيوا جمبها. المهم بتجهز في العساكر؟ محمد: آه. زين: إياك يكون حاتم عارف حاجة. محمد: مش عارف ليه بتشك فيه. زين: والله مش عارف، بس مش برتاح له. محمد: طيب تمام، أسيبك تكمل الملف اللي في إيدك وأروح أكمل أنا. زين: تمام. كرم خلص محاضرة وواقف بيتكلم مع كام بنت، وحور واقفة بعيد وبتبص له ببصة. كرم: يومنا هيبقا حلو. البنت: في حاجة يا دكتور؟ كرم: ها، لأ ما فيش. كده خلصتوا؟ البنت: أيوه.

كرم: تمام، بعد إذنكم. وراح مكتبه، وحور راحت وراه ودخلت وقفلت الباب. كرم: في حاجة يا أستاذة؟ حور: كرم متعصبنيش، إيه اللي كنت شايفه بره ده؟ كرم: شفتي إيه؟ أنا كنت واقف وبشرح للبنات اللي مش فاهمينه. حور: لأ والله بتفهمهم، والبت قريبة منك أوي، ده كان فاضل تحط إيدك عليها وتحضنها. كرم: يالهوي أحضنها. حور بصوت عالي: كرم لم دورك. كرم: أهدي يا مجنونة، إحنا في المكتب وأنا بهزر والله.

حور: أيوه كده اتعدل، ويلا مش خلصت مش هتروح الشركة؟ كرم: شوية وهروح، بس خدي هنا، إنتي بتغيري ليه عليا؟ حور: ها، مش أنت ابن خالو، فبغير عليك عشان عارفة البنات اللي هنا وخايفة عليك. كرم: لا والله، بس. حور: أنا ماشية. وفتحت الباب. مرفت: في حاجة؟ حور: أنتي اللي في حاجة، لم جيتي هنا. مرفت دخلت من جنب حور المكتب: وانتي مالك، جيتي ليه يا دكتور كرم؟ كرم بخوف من حور: ها نعم.

مرفت: أنا جيت زي ما كنت متفق معاك إنك هتشرحلي الحتة اللي مش فاهمة. كرم وهو باصص على منظر حور وهي متعصبة: حتة، آه، طيب ممكن تخليها وقت تاني؟ مرفت: ماشي يا دكتور، أبقى ابعتلك على الواتس ونتفق على وقت. كرم بيكلم نفسه: طيب أقتلها دي ولا أعمل إيه فيها؟ يالهوي ياما. مرفت: دكتور. كرم: هااا، آه ماشي، أبقى نتفق. مرفت: تمام، باي. كرم: باي.

حور بعد ما مرفت مشت: عشان كده بتقولي إنك هتمشي شوية، وكده ولعة، وكمان معاها رقمك وهتكلم واتس، لأ فلة. كرم: حور أهدي وافهمك. حور سابته ومشت. بعد ما مشت كرم: حسبي الله فيكي يا مرفت. مي: كيان. كيان: نعم. مي: ممكن نتكلم؟ كيان بستغراب: تمام، تعالي نقعد في الجنينة ونتكلم. مي: تمام، يلا. كيان: ها اتكلمي. مي: تاخدي كام وترجعي مكان ما جيتي؟ كيان: أنتي عارفة أنتي بتكلمي مين؟

مي: هههههههه، عارفة، بكلم واحدة عمو أحمد شرها بالفلوس وعلمها كل حاجة تخص كيان وجابها البيت على إنها كيان. كيان: لا والله، أنتي بتتكلمي على مين بقا؟ مي: كيان بطلي استهبال، أنا عرفت كل حاجة وعرفت إنك مش كيان، وعرفت أهلك اللي هم إبراهيم ومنال، فكرهم ولا قعدتك هنا نسيتك؟ كيان بتوتر: أنا معرفهمش، أنا أهلي ميتين وأنا كيان الحقيقة، بعد إذنك عشان مش فاضية للكلام الفاضية بتاعك. مي مسكت

كيان من إيدها وهي ماشية: كيان لو متعاونتيش معايا مش عارفة ممكن أعمل إيه، فلخصي واتكلمي عدل. عايزة كام وتنفذي اللي هقولك عليه، ولا هقول لزين الحقيقة وشوفي بقا ممكن يعمل فيكي إيه. كيان: هتدفعي كام؟ مي: أيوه كده، خليكي عسل. إيه رأيك في خمسة مليون؟ كيان: قليل، عايزة عشرة مليون. مي: كتير، بس ماشي. كيان: اتفقنا. عايزة مني إيه؟ مي: عايزكي تخلي زين يسيب الشغل الفترة دي، أو خليه ياخدك وتسافروا تتفسحوا. كيان: اشمعنى الفترة دي؟

مي: أنتي تسمعي وتنفذي وبس. كيان: تمام، هحاول أخليه يسافر الفترة دي. مي: اشطا، وبعد ما هو يسافر هتوصلك الفلوس. كيان: اشطا. أروح أجهز الأكل عشان زمانهم جاين. مي: تمام. بليل بعد ما الكل أكل. زين: أنا أروح أخلص شوية شغل. داده انتصار ممكن تعمليلي قهوة وتجيبيها المكتب. انتصار: حاضر يابني. انتصار عملت القهوة وراحت لزين. زين: ها، إيه فيه لما كنتي عايزاني.

انتصار: سمعت مي وهي بتتكلم في الفون إنهم لازم تنجح العملية، لو حصل حاجة هيخطفوا كيان ويخلوها عندهم ويهددوك بيها لحد ما يخلصوا العملية. زين: تمام يا انتصار، روحي قبل محد ما يجي. انتصار: تمام يابني. زين بعد ما انتصار مشت: والله لو جو جمب كيان مش هرحم حد فيهم. بعد شوية. كيان خلصت وطلعت أخدت دش عشان هتنام، طلعت برضو من الحمام لقت زين قاعد على الكرسي وحاطط إيده على راسه. كيان: يابني حرام عليك، والله بتخوفني بعمايلك دي.

زين: كيان: زين في إيه. زين: مصدع جامد. كيان: يعني مش هينفع نتكلم. زين: اتكلمي في إيه. كيان: اللي تحت دي مش مي. زين: أنتي بتقولي إيه. كيان: اللي معانا دلوقتي مرفت. زين: وإيه عرفك.

كيان: طلبت مني نطلع أنا وهي الجنينة ونقعد نتكلم، ولم قعدنا قالتلي أنا عارفة إنك مش كيان الحقيقية عشان كيان ماتت، وعارفة إن عمي أحمد هو اللي متفق معاكي، فتختاري تسمعي كلامي وأديكي فلوس وهتفضلي عايشة في العز ده، ولا أقول لزين وشوفي بقا ممكن يعمل فيكي إيه. قولت لها تمام، قولي عايزة إيه، وطلبها إني أسافر أنا وأنت، أو أنت تسافر، أو تسيب الشغل الفترة دي وبعدين ترجع براحتك. زين: يا ولاد. وربنا نهايتهم هتكون على إيدي.

كيان: المهم هنعمل إيه. زين: الصبح نبقى نفكر، يلا ننام دلوقتي عشان مصدع وتعبان. كيان: أشي، يلا.