رواية كيان الزين الفصل الرابع 4 - بقلم كيان كاتبة

قفل مع سليم وطلع جري على العربية بتاعته. همس بدموع: استنى يا زين أنا هاجي معاك. لم يرد عليها زين ومشي بالعربية حتى وصل إلى شقة الزمالك. الحرس وهم يهرولون إليه: زين بيه. لم يرد عليهم زين وصعد إلى الشقة وكان الباب مفتوح. زين ببعض القلق وهو ينادي عليه بصوت عالي: سلييييم. توقف عندما سمع صوت ضعيف وهو يقول: زين. رآه على الأرض سايح في دمه. زين وهو يهرول إليه بسرعة: سليم متخافش أنا جيت مفيش حاجة هتحصل حاول تهدى.

شاله زي المجنون وخرج مسرعًا إلى الفيلا. في فيلا الدمنهوري. صفاء وهي تبكي: نفسي أعرف إيه اللي حصل. همس بقلق وخوف: اهدي يا ماما إن شاء الله خير. قاطع حديثهم دخول زين وهو يحمل سليم. صفاء بدموع وهي تهرول إليه: إيه اللي حصل سليم ماله؟ زين بزعيق وهو طالع على السلم: كياااااان. هرولت إليه كيان مسرعة: فيه إيه؟ شهقت كيان من منظر سليم وقالت: ماله ده لازم يروح المستشفى. زين بغضب وزعيق وهو طالع إلى غرفته: ليه مش أنتي دكتورة؟

كيان ببعض الغضب: عايزة شاش وقطن ومعقم و...... قاطعها زين بغضب: اللي انتي عايزاه هييجي، اعملي اللي عليكي أنتي. صفاء ببكاء وهي تجلس جنب سليم على السرير: هو إيه اللي حصل يا زين؟ همس وهي تحاول تهدّيها: اهدي يا ماما هيبقي كويس. بعد أن انتهت كيان من تضميد الجرح قالت: هو هيوجعه شوية في الأول. ترك زين الغرفة وخرج بغضب إلى غرفة الرياضة حتى يفرغ عصبيته. خرجت كيان مسرعة وراءه حتى توقفت عندما سمعت صوت تكسير زجاج.

دخلت إلى الغرفة اصطدمت من المنظر التي رأته غرفة مكسرة وزجاج على الأرض في كل مكان ونقاط من الدم وزين بداخلها يجلس على الأرض وسط هذه الفوضى والدماء والزجاج على الأرض. فزعت كيان وقالت: زين. ينظر لها زين وقال ببرود: إيه اللي جابك هنا؟ تقدمت منه كيان قالت ببرود عكس ما بداخلها: جيت عشان أسألك على أختي. زين بصدمة وهو ينظر لها: وأنتي شايفة إن ده وقته؟

كيان والدموع في عينها: آه عشان شوفتك وأنت خايف على أخوك فها تعرف إحساسي دلوقتي، أنت أخوك قدامك وخايف عليه ما بالك بقى أنا معرفش حاجة عن أختي. من بعد أن انتهت كلامها لم تستطع حبس دموعها سمحت لهم بالنزول. نظر لها زين ونظر إلى عينيها البنية ورق قلبه عليها ولم يستطع السيطرة على نفسه فمنظرها خطف قلبه انقض على شفتيها يقبلهم بقوة دامية. ابتعد عنها عندما لاحظ أنها تحتاج إلى الهواء.

نظرت له كيان وهي تبكي بشدة وخرجت مسرعة إلى الخارج. أما زين فكان في عالم آخر. فاق من شروده عندما سمع صوت شخص عالي وهو يقول: سلييييم.