رواية كيف احببتك الفصل العاشر 10 - بقلم اميمة تيتو

تولين: برفع حاجب نعم أنا ابقي خطيبتك أنت لا طبعاً. فادي: نعم أنت تطولي دا كل البنات بتحبني. تولين: مشكلتك إنك متاح للجميع، أنا يوم ما أفكر ارتبط هيكون ليا لوحدي. فادي بصلها وضحك. تولين: يلا نمشي. فادي قام من السرير وخرجوا. في الطريق وهما راجعين البيت. تولين: استنى هنا أنا جايه. ودخلت جابت العلاج وطلعت: خد العلاج بتاعك وبعد كدا متبقاش تاكل برا البيت. فادي: بكام؟ تولين: ليه؟ فادي: عشان تاخدي حقهم.

تولين: بغضب عيب عليك ومسمعش صوت، امشي. فادي: بابتسامة حاضر. تولين: ناخد تاكسي ولا تقدر تمشي؟ فادي: لا همشي أنا بيتي قريب. تولين: كويس، طيب أنا همشي بقى. فادي: لا تعالي معايا أعرفك على ماما. تولين: لا مش هينفع، ماما متعرفش إني خرجت من البيت مرة تانية. فادي: خلاص، احنا وصلنا، تعالي شوية وامشي على طول. تولين: اممم خلاص ماشي. في البيت فادي. الباب خبط. فادي: فتحت الباب. فادي: ادخلي يا تولين. تولين: إزيك يا طنط؟

مني: الحمد لله، اتفضلي يا حبيبتي. فادي: طيب يا ماما جيبي عصير. مني: بهمس مين دي؟ دي من صحابك البنات إيهم؟ فادي: بصوت عالي لا دي غيرهم، أنا عشان تكلمني ضربتيني لحد دلوقتي كفين غير البهدلة والشتيمة. تولين: لا يا طنط بيكدب. فادي: متخافيش ماما مش هتعملك حاجة، زي لازم تكوني مبسوطة دلوقتي إنها لاقت بنت أنا اللي عايز أكلمها وهي مش موافقة. مني: بضحك بصراحة أيوا، ثواني هجيب العصير وجاية. تولين: أنت بتقول لمامتك إيه؟

وبعدين هو بجد أنت عايزني أكلمك؟ فادي: لا والله، وأنت لحد دلوقتي ما خدتيش بالك. تولين: إشششش مامتك جات. مني: اتفضلي يا حبيبتي، اشربي العصير. وقعدت جنبها وفضلت تقشر تفاح وتاكل تولين. تولين: كفايا يا طنط والله شبعت، أكلي فادي عشان يخف بسرعة. مني: ليه هو ماله؟ فادي: فضل يحكي اللي حصل. مني: شكراً يا تولين يا حبيبتي، والله أنا حبيتك أوي. تولين: لا لا شكر على واجب، معلش بقى لازم أمشي دلوقتي عشان اتأخرت.

مني: لسه بدري خليكي شوية. تولين: معلش ماما، زمنها رجعت البيت، لازم أمشي. مني: خلاص، بس لازم أشوفك تاني. تولين: إن شاء الله يا طنط. فادي: طيب هشوفك بكرة بقى. تولين: مردتش عليه. مني: أنت معاه في الفصل؟ تولين: أيوا، بس إزاي أنت عندك 18 سنة شكلك أكبر من كدا. فادي: لا أنا عندي 21 سنة. تولين: إزاي وأنت في تالتة ثانوي؟ فادي: اممم فكك بقى. مني: عشان دخل المدرسة متأخر سنة، وعاد مرة في إعدادي ومرة في ثانوي.

تولين: بضحك أووه فاشل يعني. فادي: عسل ضحكتك عسل. تولين: خلي ابنك يسكت يا طنط. مني: اتلم يا فادي. تولين: طيب عايزة حاجة يا طنط؟ مني: مع السلامة يا روحي، ابقي تعالي تاني. تولين: حاضر. فادي: وأنا مش هتسأليني عايز إيه؟ تولين: هيا مش طنط قالتلك اتلم. عن إذنكم بقى ومشت. مني: إيه الموضوع؟

فادي: بصي بقى البنت دي حبتها مغرورة على شايفه نفسها، وكمان ساعات بشوفها كيوت خالص وطفلة، وأول مرة شفتها بتعيط استغربت بصراحة، دي مرة مسكت هايدي من رقبتها وكانت هتموتها عشان دايقتها بالكلام، وضربتني أنا مرتين، أي حد يدايقها تضربه على طول. مني: لا بجد البنت دي جدعة وعجبتني، كفايا إنها ضربتك مش زي البنات التانية. فادي: اه خليها بقى موضوع. مني: بضحك بس عسولة أوي. في بيت تولين. مروة: كنتي فين يا تولين؟

تولين: روحت الكافيه وحكيت اللي حصل. واتعرفت على مامته. مروة: طيب بقى كويس. تولين: أيوا. مروة: أكلتي؟ تولين: أيوا وهدخل أنام عشان أصحى أروح المدرسة. ودخلت أخدت دوش وغيرت هدومها ونامت. في بيت فادي. دخل الأوضة بتاعته. وفضل قاعد على الموبايل، وجاله في باله إنه يدور على الأكونت بتاع تولين. وعمل بحث وفعلاً لقاه، وكانت حاطة صورة ليها وهي واقفة قدام مراية ولابسة بلوزة قط وبرمودا جينز.

ودخل يشوف المنشورات وشاف صورة ليها وهي بتبص للبحر وصورة كانت لابسة تنورة وبلوزة حاملة وجاكت. وفضل يقلب في صورها ومعجب بيها وشاف التعليقات ومعظمها. واحد اسمه مصطفى معلق ليها. مين دا مصطفى؟ ممكن يكون أخوها. وبعدين جاب المنديل اللي كانت رابطة بيه إيديه وفضل يبص له ومبتسم، وأخده شم ريحته عشان فيه ريحة البرفيوم بتاعها. وأخده شاله بين هدومه. وراح على السرير وسرح وافتكر كل اللي حصل النهارده معاه وإزاي ساعدته يروح المستشفى.

إيه دا؟ أنا أول مرة أفكر في بنت بالشكل ده، مالك يا فادي دي مجرد بنت يعني. لا بس موزة عسولة وكل حاجة حلوة والله. وضحك وأخد المخدة في حضنه ونام. تاني يوم. في المدرسة. تولين دخلت المدرسة وكان فيه حاجة مختلفة فيها. كل البنات كانت بصلها. نور: فيكي إيه مختلف النهاردة؟ تولين: إيه مفيش. نور: حساكي احلوتي فجأة. تولين: لا نمت كويس امبارح ومعيطتش زي كل يوم. نور: في حب جديد ولا إيه؟ تولين: ابتسمت، أنتِ مجنونة، دا مستحيل.

وفي الوقت ده دخل فادي وهو راكب الموتوسيكل ووراه ساندي. نور: مالك اتعصبتي ليه وملامح وشك اتغيرت. تولين: لا، أنا هتمشى شوية لوحدي. فادي: يلا انزلي. ساندي وهي بتنزل مسكت في فادي. تولين واقفة تشوف اللي بيحصل بغضب. فادي شاف تولين راح عندها. تولين شافته جاي مشت بعيد. فادي: استني. تولين: وقفت. فادي: صباح الخير. تولين: طيب. فادي: نعم، طيب مش هتسأليني كويس ولا لا؟

تولين: لا خلاص، أنت بقيت كويس، أنت وساندي جايين مبسوطين أوي مع بعض. ومشت وسابته. فادي: مسك إيديها، استني بس، إيه أنتِ غيرانة؟ تولين: برفع حاجب أنا أغير ليه؟ يعني هي تيجي جنبي إيه؟ فادي: بابتسامة بصراحة ولا حاجة، يعجبني الواثق في نفسه. تولين: بحده أنت مش ملاحظ إنك ذي دول؟ فادي: بصراحة بقى ومن غير حورات، أنا معجب بيكي.

تولين: رفعت صوابعها في وشه، أنت لو فاكر إني زي بنت من البنات دول تبقى مش بتفهم، ولو عايزني أعمل معاك زيهم تبقى بتحلم. فادي: بجد يعني أنتِ عايزة تقوليلي إنك مش معجبة بيا؟ تولين: طبعاً لا. فادي: طيب هنشوف، هما يومين وتيجي تكلميني يا تولين، ومش هتقولي معجبة بيك، هتقولي بحبك. تولين: بضحك اه اه، أنت لسه نايم وبتحلم شكلك كده.

يابني أنا لو يوم يعني حبيتك، لو يعني ودا مستحيل يحصل، أول حاجة هتعملها هتبعد عن البنات دول، وثانياً لازم تبقى شاطر وتخلص دراسة. فادي: يعني دي شروطك؟ تولين: أنا قولت لو. فادي: اممم طيب لين. تولين: اسمي تو لين. فادي: طيب قولي كده تاني تو. تولين أخدت بالها إن "تو" فيها ضمة شفايف، فهمت يقصد إيه. فادي: قولي تاني تو لين. تولين: لا ومشت. وهي ماشية أول ما لفت وشها ابتسمت. فادي: والله لتيجي.

وعمل حركته كالعادة وحط إيديه على رأسه ورجعها لورا. نور: تولين يلا الحصة هتبدأ. في الفصل. تولين قعدت وفادي قاعد جنبها. والمستر بيشرح، وبعدين طلب من كل اتنين يعملوا مشروع سوا. مروان: طيب أنا وتولين سوا. تولين: لا يا مستر أنا ونور. المستر: لا، كل اتنين جنب بعض يعملوا المشروع سوا. فادي بص لتولين وابتسم وتولين بصتله.

المستر: المشروع عبارة عن كل اتنين هيدخلوا المعمل ويجربوا سوا التفاعلات الكيماوية ويسجلوا إيه اللي هيحصل بالتفصيل، بس تاخدوا بالكم وتتأكدوا إنكم بتنفذوا صح. فادي: حاضر يا مستر. بعد انتهاء اليوم الدراسي. خرجوا من الفصل. تولين راجعة بيتها. ومش لاقية مواصلات. فادي: تعالي أوصلك. تولين: لا، أنا هستنى تاكسي. فادي: مفيش تاكسي، تعالي الكل مشي ومفيش حد غيرنا هنا. تولين: لا. فادي: طيب براحتك.

ومشى بس واقف على آخر الشارع بعيد عشان يشوفها ويطمن إنها ركبت الأول. تولين: إيه ده بقى؟ ليه مفيش مواصلات النهارده؟ كدا اتأخرت أوي. وبعد شوية شابين عدوا من قدامها. وفضلوا يضايقوها بالكلام. واحد منهم: أنتِ واقفة هنا لوحدك ليه؟ تعالي أوصلك. والتاني: هي الساعة كام؟ مش لسه بدري على الليل عشان القمر يطلع. فادي أخد باله وجرى راح عندها ونزل من الموتوسيكل وضرب الشباب. وطبعاً هو بيروح الجيم وجسمه فورمة يعني ضربهم بقسوة وهربوا.

فادي: بغضب مش قولتلك تعالي معايا، عجبك كده يعني؟ لو كنت سمعت كلامي ومشيت. تولين: بصوت واطي طيب متعليش صوتك عليا، خلاص مكنتش أعرف إنهم هييجوا. فادي: بصوت عالي طيب لو كان حصلك حاجة. تولين: بدموع خلاص. في الوقت ده افتكرت مصطفى عشان كان بيخاف عليها كده. فادي: بصوت حنين أنتِ بتعيطي؟ والله ما قصدت بس أنا خايف عليكي، طيب أنا آسف. تولين: اممم طيب خلاص. فادي: طيب يلا اركبي. تولين: فين؟ فادي: ورايا. تولين: لأ.

فادي: بصوت عالي وبحدة اركبي. تولين: حاضر خلاص. وركبت وراه. في الطريق وهو بيسوق أسرع شوية. تولين: براحة شوية هنوقع. فادي: امسكي فيا. تولين: لأ. فادي: براحتك. ومشى بسرعة أكتر. تولين: بصوت عالي يا مامااا. وحضنته. فادي: بضحك يا خوافة. تولين: وقف، عايزة أنزل. فادي: خلاص، بس عارفة أنا أول مرة أقول لحد أنا آسف وكانت ليكي. تولين وهي حاضناه ابتسمت. فادي: عجبك الحضن أوي كده؟

طيب أنزل وأحضنك أنا عشان تبقي واقفة قدامي بدل مانتي حاضنة ضهري. تولين بعدت عنه. فادي: كده هتوقعي، امسكي فيا بسرعة. تولين: لأ. فادي: أنتِ حرة. تولين: طيب خلاص، امشي براحة واتلم وماتتكلمش. ورجعت مسكت فيه.