رواية كيف احببتك الفصل الحادي عشر 11 - بقلم اميمة تيتو

فادي: تولين ممكن اسالك سؤال؟ تولين: اسأل. فادي: انتي عندك اخوات ولاد؟ تولين: أيوا. فادي: اسمهم إيه؟ تولين: عمرو وأحمد. فادي: بس؟ تولين: أيوا، اشمعنى؟ فادي: طيب تعرفي حد اسمه مصطفى؟ تولين: بغضب، وقفت بسرعة. فادي: مالك؟ أنا عملت حاجة؟ تولين: قلتلك وقف بسرعة. فادي واقف على جنب ونزل، وتولين نزلت. أنا عملت إيه طيب؟ تولين: ملكش دعوة بيا، ممكن؟ ومش عايزة أشوفك تاني. ومشت. فادي مسك إيديها.

تولين لفت وشها وضربته كف جامد أوي لدرجة بوقه اتجرح. فادي حط إيديه على خده وعلى بوقه وفضل يمسح الدم اللي نزف من بوقه. تولين: بدموع، أنا آسفة، والله ما قصدتش. فادي: امشي. تولين: معلش، متزعلش مني. فادي: امشي يا تولين. ومشى وسابها. تولين رجعت البيت متعصبة من نفسها أوي ودخلت أوضتها. أنا مجنونة؟ أنا ليه عملت كدا؟ أيوا أنا اتضايقت منه عشان كلمني عن مصطفى، بس مينفعش أعمل كده. ياربي. وفضلت تفكر فيه. *** عند فادي.

دخل البيت وطلع الأوضة بتاعته على طول. ودخل الأوضة وبص في المرايا وافتكر كل اللي حصل وكان متضايق منها أوي، بس كان فيه حاجة شاغلة باله، مين مصطفى ده اللي بسببُه ضربته بغضب كدا. ودخل غسل وشه. وطلع. مني: مالك؟ فادي: مش عارف. فاكرة تولين اللي جت هنا معايا قبل كده؟ مني: أيوا، مالها؟ فادي: حكلها اللي حصل. مني: طيب وإنت متعصب ليه كدا؟ وإزاي متعصبتش عليها وقتها؟ فادي: مش عارف، بس أنا مش بحب أزعلها أو حد يدايقها. مني: ليه بقى؟

فادي: دي مش زي أي بنت عرفتها. بس مين مصطفى ده؟ مني: إنت بتحبها؟ فادي: مش عارف. بس هي قالتلي إنها مستحيل تحبني عشان أنا متاح للكل، وهي عايزة الشخص اللي هترتبط بيه يكون ليها لوحدها. مني: معاها حق. طيب اعترفتلها بحبك؟ فادي: مش عارف بحبها ولا لأ، بس أنا قولتلها إني معجب بيها. مني: وإيه رد فعلها؟ فادي: قالتلي: "أنا لو في يوم حبيتك، ودا مستحيل، لازم تبعد عن كل البنات وتكون شاطر وتخلص دراستك." مني: بضحك، معاها حق والله.

فادي: أنا غلطان إني بحكي. مني: لا، مقصدتش حاجة والله. طيب هحضرلك الغدا. وسابها على الله. فادي: ونعم بالله. مش عايز أكل، أنا هنام شوية. تاني يوم. تولين: أنا معرفتش أنام طول الليل لأني حاسة بذنب تجاه فادي. أنا مجنونة؟ هو دايماً بيساعدني. كل دا بسببك يا مصطفى، أنا بكرهك. وطلعت وراحت المدرسة. في المدرسة. نور: إزيك يا تولين؟ تولين: الحمدلله. نور: بتدوري على مين؟ تولين شافت فادي جاي وساندي معاه. أنا هراجعلك تاني.

نور: استني، في إيه؟ تولين: فادي ممكن ثواني؟ فادي: مش فاضي دلوقتي، تعالي يا ساندي. تولين: عايزة أكلمك دقيقتين بس. فادي: قولت مش فاضي. نور: في إيه؟ تولين: لا مفيش، يلا ندخل الفصل، الحصة هتبدأ. في الفصل. تولين قعدت مكانها. واستنت فادي ييجي. فادي دخل بس قعد جنب بنت تانية. المستر دخل: إزيكم؟ إيه الأخبار؟ الطلاب: الحمدلله. المستر: مجموعة هتطلع دلوقتي عشان نبدأ المشروع، ومجموعة الحصة الجاية وهكذا. تولين بصت لفادي.

فادي تجاهل تولين. المستر: الأسماء دي هتدخل المعمل النهارده. وفضل ينادي على الأسماء، وكان بينهم اسم تولين. المستر: يلا، الأسماء اللي ناديت عليها تيجي. تولين: قامت وراحت للمستر. المستر: مين معاكي؟ تولين: مفيش حد. مروان: أنا ممكن أكون معاها يا مستر. المستر: تعالي. فادي: لا، أنا مع تولين يا مستر، كنت قاعد معاها امبارح. تولين ابتسمت، وفادي راح وقف معاها وطلعوا للمعامل. فوق في المعمل.

المستر: طيب، كل اتنين في نفس الفريق يبدأوا المشروع، وكل واحد يخلي باله. تولين وفادي واقفين مع بعض وبيحضروا للمشروع. تولين: إنت زعلان مني؟ فادي مردش عليها. تولين: أنا بكلمك. فادي: مش عايز أكلمك. تولين سكتت وعينيها دمعت. وفضلوا يحضروا. تولين راحت تجيب أحد المحاليل الكيميائية. وهي ماشية وقع منها على الأرض، وجاه منه على رجليها. تولين بصراخ: آآه، رجلي. فادي: جري عليها. مالك يا تولين؟ المستر: إيه اللي حصل؟ تولين: وقع عليا.

المستر: انزلي بسرعة. تولين: بعياط، المشروع. المستر: يوم تاني عادي، بس دلوقتي انزلي بسرعة وأنا هاجي وراك على طول. تولين: بصوت عالي وعياط، رجلي وجعاني. فادي: اهدي، معلش، هتبقي كويسة. تولين: بعياط، مش قادرة يا فادي. فادي شالها ونزل، وخدها الحمام، وفتح المية على رجليها. وعينيه دمعت. تولين: وهي متعلقة في رقبته وبتعيط، آآه، مش قادرة يا فادي.

فادي: بدموع، عشان خاطري، خلاص، متعيطيش، مش عارف أعملك إيه، طيب تعالي هنروح المستشفى. واخدها وطلع. المستر: رايح فين بالبنت؟ فادي: المستشفى. المستر: طيب إزاي؟ فادي: بغضب، هاخدها، إنت مش شايف بتتوجع إزاي؟ واخدها وطلع من المدرسة. ساندي: فادي، فادي، إنت رايح فين؟ فادي مبصلهاش حتى، وفضل يجري بتولين وهو شايلها. ووقف تاكسي وركب بيها. تولين: بعياط، فادي عشان خاطري اعمل حاجة، مش قادرة. فادي: بدموع، حاضر، والله خلاص هنوصل.

وبعد عشر دقايق. نزل وشالها ودخل بيها، والدكتور بدأ يكشف عليها، وطول الوقت كان ماسك إيديها. وعينيه فيها دموع. الدكتور: من إيه الحرق ده؟ فادي: محلول كيميائي. الدكتور: كويس إنك جيتي بيها بسرعة. هو الحرق بسيط الحمد لله، فترة ويختفي خالص. بس دلوقتي هتاخد حقنة مسكن، وهكتبلك علاج وكريمات ومراهم، وهتبقي كويسة.