رواية كيندرا الفصل العاشر 10 - بقلم حليمة عدادي

جاد لا يزال يحتضنها وعقله سينفجر من التفكير. إيه علاقة عيلته بيها؟ اتصل بالدكتور وبحسام، وقعد يستناهم. كانت بتترعش وهو بيحاول إنه يهديها. جاد: اهدي ياحبيبتي، أنا هنا. محدش هيقرب منك. اهدي. جه يقوم لكن مسكت فيه بقوة. نزلت دمعة من عينيه وهو شايفها بالحالة دي. جاد: كل ما بشوفك كده قلبي بيوجعني. ياترى إيه علاقة عيلتي بالحادث؟ مريم: جاد بيه، وصل الدكتور وحسام بيه. جاد: خليهم يتفضلوا.

مسح دموعه وبصلها، لاقاها نامت. شالها وحطها على سريرها، وحط الغطا عليها، وقبّل رأسها، وطلع برا يستقبلهم. الدكتور: أهلاً جاد بيه. طلبتني بسرعة، خير. إيه اللي حصل؟ جاد: طلبتك علشان كيندرا. لما شافت صورة عيلتي اتصدمت. الدكتور: طب كويس جداً. دا هيفيدنا علشان نعرف سبب الحادث. دلوقتي لقينا طرف الخيط. جاد: إزاي هنعرف وإحنا مش فاهمين. هي ليه خافت للدرجة دي لما شافت صورة العيلة؟

الدكتور: دا معناه إن حد من العيلة له دخل بالحادث اللي حصلها. جاد: لا مش معقول. إن حد من عيلتي يكون السبب. ريم اتجوزت من عشر سنين، أمي مبتقدرش تأذي حد، أنا لا يمكن أذيها، وبابا مستحيل إنه يعمل كدا. الدكتور: الحادث اللي أثر عليها له علاقة بعيلتك ومرتبط بيهم. جاد: تمام. ودلوقتي يادكتور أنا هعمل إيه؟ هي مش كويسة من وقت ما شافت الصورة وهي بتترعش.

الدكتور: خد لها شوية مهدئات من الصيدلية. وفي أدوية تانية. تعالى العيادة عندي علشان تاخذهم. استأذن أنا. خرج الدكتور. حسام: في إيه ياجاد؟ يعني إيه عيلتك كانت سبب في حادث كيندرا؟ جاد: أنا هتجنن من كثر التفكير. إزاي عيلتي يكون ليها علاقة بالحادث؟ حسام: إزاي هتعرف مين اللي له علاقة بالحادث؟ خليها تشوف كل صورة من صور أفراد العيلة لوحدها. مريم نزلت تجري. مريم: جاد بيه، جاد بيه الحقني. كيندرا هانم بتبكي وبتترعش.

جاد جري قبل ما مريم تكمل كلامها. دخل لاقاها حاضنة نفسها وشهقاتها عالية. ضمها لحضنه. جاد: أنا هنا. اهدي ياحبيبتي. مفيش حاجة. حاول يهديها وهو حاضنها. جاد: حسام، افتح الدرج وهات كل ألبومات الصور. حسام جاب صور العيلة كلها. مسك جاد صورته وحطها قدامها. بصتلها بدون أي رد فعل. بعدها حط صورة والدته وكان نفس رد الفعل. بعدها صورة ريم مافيش أي حاجة برضو.

بعدها حط صورة والده، ولما شافتها وكأن أفعى قرصتها. مسكت فيه بقوة وخبّت رأسها جوا حضنه. حس جاد إنها بدأت تتشنج. جاد: حسام، روح بسرعة وهات لها حقنة مهدئة. جري حسام علشان يجيب الحقنة. حاول جاد يهديها لكن فشلت كل محاولاته. جاد: بابا عمل إيه خلاكِ بالحالة دي؟ وكمل بدموع: إزاي بابا بيأذي حتة من قلبي؟ لا لا بابا ماعملش حاجة. روحي بتتألم لما بشوفك بتتألم. بعد مدة وصل حسام علشان يديها الحقنة.

إمسكها كويس لأنها بتتحرك واداها الحقنة. بعد فترة حس إنها هديت. بصلها لاقاها غمضت عينيها. مسح دموعها وباس عينيها. جاد: هعمل المستحيل علشان تبقي بخير. وغطاها كويس وخرج. *** ريم: ماما، أنا مش قادرة أفكر كويس. قلبي بيقولي أسامحه وعقلي بيقولي إني لازم أعلمه الأدب. سناء: حسام ما خانكيش. هو بيحبك إنتي وبس. إنتي اللي غلطتي. ريم: أنا بقيت مهووسة بحبه. مقدرش أشوفه بيخرج بهدوم حلوة لأني لما بشوفه كدا بشك إنه يعرف ست تانية.

سناء: الهوس دا هو سبب المشاكل بينكم. جوزك رجل أعمال ومدير شركات. أخوك لازم يكون مظهره حلو. ريم: ماما، حسام لو عرف واحدة غيري هقتله وأقتل نفسي. ماما، أنا محتاجه أرتاح هنا النهاردة وبكرة هرجع بيتي مع نور عيني. سناء: خففي الغيرة دي شوية. لأن الغيرة الكثيرة هي سبب المشاكل. ريم: نعم ماما. أنا بغير عليه حتى منك إنتي. مش عايزة أي ست بحياته غيري. ***

حسام: دلوقتي عرفت إن والدك له علاقة بالموضوع. لكن لازم تعرف إيه هو الحادث دا. جاد: إزاي هعرف؟ بابا هو الوحيد اللي كان عارف وأهو مات. فإزاي هعرف؟ حسام: ماما سناء يمكن تكون تعرف حاجة وهي اللي هتجاوب على كل أسئلتك. جاد: كلامك مضبوط. هكلم ماما علشان تيجي هي وريم. طلع تلفونه ورن على أمه واستنى الرد. سناء: أهلاً ياحبيبي. إزيك؟ ومراتك صحتها عاملة إيه؟ جاد: الحمد لله ياأمي. لكن كيندرا مش كويسة. تعالي إنتي وريم. ماتتأخروش.

سناء: حاضر يابني هنيجي. لكن مش هنقعد. إنت عارف شكل علاقتي مع سماح عاملة إزاي. جاد: ماما تعالي علشان خاطري. أنا ماما أنا محتاجلك. سناء: خلاص ياحبيبي هنيجي. جاد: هستناكي ياأمي. مع السلامه. قفل الخط معاها وحط رأسه بين إيديه. جاد: أنا تعبت. هعمل إيه ياحسام. حسام: إنت قلت إنك بتحبها وهتتحمل معاها وعلشانها كل حاجة. جاد: مش تعبان منها. هي اللي تاعبني هو التفكير الكثير. ألف فكرة في رأسي بتألم لما بشوفها بالحالة دي.

حسام: لازم تكون قوي علشانها. *** سناء: ريم، جهزي نفسك. هنروح بيت أخوك. ريم: ماما. خذي الولاد معاك. عايزة أفضل هنا علشان أتكلم مع حسام. سناء: طيب يابنتي. لكن بلاش تعملي مشكلة. اتكلمي معاه بهدوء ورجعي لبيتك. ولادك محتاجينك وكمان حسام محتاج لك. ريم: ماما. أنا أكثر واحدة محتاجة لحسام. هو نبض قلبي. هحضر له الأكل اللي بيحبه ونقعد نتكلم مع بعض. وبعدين هروح معاه. *** وصلت سناء لبيت ابنها. شافت جاد قاعد حزين وحسام قاعد معاه.

سناء: خير يابني؟ إيه اللي حصل خلاك بالحالة دي؟ جاد: هقولك ياأمي. علشان كدا أنا طلبتك. جاد حكى لأمه كل حاجة. سناء: إنت قصدك إن أبوك كان له علاقة بالحادث اللي حصل لكيندرا؟ جاد: أيوه ياأمي. إنتي ماشوفتيش حالتها عاملة إزاي. ماما إنتي عارفة حاجة؟ سناء: أنا عارفة أبوك كويس. هو ملوش علاقة بأي حاجة. إنت عارف إن أبوك قلبه طيب و ميقدرش يأذي حد. جاد: أنا كل ما أشوفها بالحالة دي بتجنن ياأمي. وبعدها سألها: هي ريم فين؟

سناء: اه نسيت. حسام يابني. ريم عايزة تتكلم معاك. هي مستنياك في البيت. حسام: بجد ياأمي؟ وهو بيقوم جري على بره: حاضر ياأمي. مع السلامه. *** وصل حسام للبيت وكان بيدور عليها بشوق لأنه اشتاق لها كثير. حسام: ريم. ريم. إنتي فين ياحبيبتي؟

دور عليها في البيت كله وملاقهاش. افتكر حديقة البيت فراح هناك. وأول ما دخل شاف الأكل على الأرض والطربيزة مقلوبة والورد متكسر كأن في حد كان بيتسحب فوقيه. بص للأرض شاف دم واتصدم لما شاف سلسلة ريم فوق الدم دا.